2016年媽媽會 今日: 0 | 主題: 2047

積分: 63

1^#

發表於 15-9-29 14:14 |只看該作者 |倒序瀏覽 |打印

公立生定私家生好呢…………好多朋友都話順產好……順產又係咪唔洗去私家咁嘥錢呢……好煩啊！！！！

0 0 0

私人傳訊

evanick

積分: 743

2^#

發表於 15-9-29 17:15 |只看該作者

我第一胎時都好似你咁，而且好怕開刀。
簡公立同私家最主要係你想舒服定要錢。
有人覺得私家生平平哋都五六萬，去轉歐洲好過啦。
有人覺得政府生太辛苦，因為一生完，個bb就係比返你，唔使指意諗要休息同有人陪。私家十二小時都可以有人喺身邊陪你，你攰有人幫你湊b,錢用左可以搵返，一生人得一兩次唔好難委自己。
不過當然，如果bb係早產，或有問題，當然去政府係最好，因為bb有時唔係住一兩日，咁私家條數就好㩒計，所以要睇你bb既情況。
另外，政府有咩唔好？其實第一胎既媽媽多數都會先簡自己生既，因為真係自己生，bb係會健康啲，比開刀，bb有晒心理準備同自己努力過，就會健康啲，冇咁易成日瞓，仲有其他好處，包括媽咪自己可以康復快啲，早啲保身。
但係如果政府自己生，有時佢哋真係尤得你痛幾日，最後先幫你緊急開刀，我朋友就有類似情況，其實你睇返以前啲媽媽組都係咁，政府有時都好求其，原來個bb已一早高位滲水又唔知，攪到兩日後,有個大粒醫生黎先話危險開刀。痛又痛左兩日，最後重要擔心bb有事。

而我當時就簡左私家生，醫生一見我，幫我催生，穿水發現好多便便，觀察一會，發現不太理想，在最差前就決定開刀，前後只係半個鐘定九個字，痛都係痛一陣，因穿水後子宮都開始收縮。簡直快靚正。
我成日諗好彩我喺私家，如果在政府，兩日之後先話開刀，可能bb就出現問題喇。所以有啲錢如果係應付到就買個安心啦

私人傳訊

積分: 63

3^#

發表於 15-9-29 19:47 |只看該作者

evanick 發表於 15-9-29 17:15
我第一胎時都好似你咁，而且好怕開刀。
簡公立同私家最主要係你想舒服定要錢。
有人覺得私家生平平哋都五六 ...

多謝你咁長盡既意見啊！我真係有朋友都係咁啊……係政府醫院痛咗幾日,食又食唔到，訓又訓唔到，佢老公跪係地下求醫生幫佢開刀，佢地都唔肯，之後要搶人，話要即刻出院，佢地先揾個大粒啲既黎睇，之後先話幫佢開刀……唉～我都好想嘥啲錢俾bb用，但真係好驚……

私人傳訊

evanick

積分: 743

4^#

發表於 15-9-30 11:34 |只看該作者

回覆 rachelchaulam 的帖子

咁都有好多媽媽喺政府生既。希望你搵到最適合你既方法，生bb始終係開心事。唔好太多擔心。
我今胎都有煩過邊度生，因為我開過刀，所以政府多數都比我開刀。
但係一諗到，開完刀咁辛苦仲要自己湊bb，又冇人陪我，我係嗰啲一個人會depressed嗰種人，一定要有人陪。又諗我上次開刀有老公陪住傾計生先冇咁驚，政府就要清醒住咁獨自面對。
最後都係諗住簡私家生喇。

私人傳訊

積分: 63

5^#

發表於 15-9-30 14:43 |只看該作者

evanick 發表於 15-9-30 11:34
回覆 rachelchaulam 的帖子

咁都有好多媽媽喺政府生既。希望你搵到最適合你既方法，生bb始終係開心事。唔 ...

咁想請問下，開刀之後係咪痛好耐架？咁你今胎會順產定開刀啊？

私人傳訊

smilette

積分: 674

6^#

發表於 15-10-2 12:49 |只看該作者

我唔係介意俾錢，但係我就係鍾意政府醫院24小時bb在媽媽旁，我本人覺得bb一出世幾日可以成日在媽媽旁，隨時餵奶，好重要。
其實我好想做無痛，都想book私家因為一定有得做，但係我真係好唔想bb放育嬰房，重要係一出世就放！所以可能最後都係佢政府，博一博有無痛俾我做啦～

私人傳訊

積分: 63

7^#

發表於 15-10-2 13:08 |只看該作者

smilette 發表於 15-10-2 12:49
我唔係介意俾錢，但係我就係鍾意政府醫院24小時bb在媽媽旁，我本人覺得bb一出世幾日可以成日在媽媽旁，隨時 ...

咁又係…………bb係身邊係好啲！

私人傳訊

evanick