大仔大女媽媽會 今日: 0 | 主題: 177860

積分: 613

1^#

發表於 08-8-4 17:28 |只看該作者 |倒序瀏覽 |打印

有無媽咪個bb係比奶奶湊? 我個bb上兩星期開始比奶奶湊, 我發覺好多湊b既方法好唔同, 其實佢未湊既時候(即我坐月時)已經有意見, 又話自己湊大3個, 點會唔識湊丫!

問心佢真係好鍚個孫, 但我要返工, 自己湊唔到就要比奶奶湊, 我開始覺得bb唔太跟我喇, 我有d唔開心, 其實我同奶奶家相隔10分路程(步行), 好唔好每晚自己湊返,第二朝先比奶奶湊?

可唔可以比d意見我? 我怕比奶奶湊得愈耐分歧就會愈大, 而家都仲可以客客氣氣, 第時我唔敢擔保!

0 0 0

私人傳訊

cmyw

複式洋房

積分: 396

2^#

發表於 08-8-4 17:39 |只看該作者

咁近我一定夜晚自己湊, 我都好想, 但唔得, 因為我阿媽住馬鞍山, 我住旺角.

私人傳訊

queeniechan2004

積分: 2044

3^#

發表於 08-8-4 17:43 |只看該作者

夜晚自己湊番啦, 咁近有乜所謂, 真係太攰要打的都唔洗跳標, 但問題係你點樣開口同你奶奶講囉.....

私人傳訊

ALICE615

子爵府

積分: 11145

2018復活節勳章好媽媽勳章醒目開學勳章畀面勳章陪月勳章

4^#

發表於 08-8-4 18:37 |只看該作者

我都覺得晚上自己湊返啦!咁又可以多d親子時間嗎?

私人傳訊

kybmama

複式洋房

積分: 161

5^#

發表於 08-8-4 18:44 |只看該作者

體力許可的話我都支持你晚上自己湊返，不過，你自己有心理準備會辛苦，同埋要同你老公有共識，因為阿b如果晚上嘈，你老公都會無得瞓。

原文章由小田於 08-8-4 17:28 發表
有無媽咪個bb係比奶奶湊? 我個bb上兩星期開始比奶奶湊, 我發覺好多湊b既方法好唔同, 其實佢未湊既時候(即我坐月時)已經有意見, 又話自己湊大3個, 點會唔識湊丫!

問心佢真係好鍚個孫, 但我要返工, 自己湊唔到就要比 ...

私人傳訊

winnie雲妮

子爵府

積分: 12222

好媽媽勳章畀面勳章

6^#

發表於 08-8-5 12:40 |只看該作者

我寧願自己辛苦d湊番, 免得同奶奶有咩分歧而面左左啦....

私人傳訊

積分: 613

7^#

發表於 08-8-5 13:22 |只看該作者

我就無驚去到一個鬧交既地步就麻煩喇, 住咁近好多機會見架嘛, 同埋我都好想多d見到bb, 陪佢成長, 呢d野有錢都買唔到!但我又去唔到唔做野全程湊佢, 因為要供樓!

最慘係我老公覺得比佢呀媽湊完全無問題, 又話我訓得唔好湊b既質素都唔會好, 咁自己湊為咩喎!有時我覺得佢唔明, 生bb果個係我, 好多野感受都會深d! 而家bb係奶奶度, 有時我打個電話返去問bb點(只係放工時間打返去,因為我要話佢知我幾點會返到佢屋企食飯), 佢都好似好悔氣咁, 話得喇, bb好好唔使擔心, 好快就收我線, 我都明湊bb有時真係好"呢hair", 咁我都算, 鬼叫bb而家係佢湊咩!但有時我感覺到好多野既話事權已經唔係我手, 第時bb大d又會接受奶奶果套, 咁bb就唔會聽媽媽既說話!

但我會試下同我老公講, 見日頭奶奶全力湊b會好辛苦, 夜晚比佢訓好d第二日湊b都輕鬆d, 同埋奶奶好易腰痛, 我只係唔想佢太辛苦, 你地覺得咁樣講ok唔ok?我都會講如果自己晚晚湊會好辛苦, 不過都係一段好短既時間, 到佢介佐夜奶就好d!

再過一排同老公講, 想請個賓賓照顧bb, 又可以做埋屋企家務, 我諗講一次係唔夠, 希望我感染到我老公啦, 因為佢極到唔鍾意有個外人係屋企!

私人傳訊

Greece

複式洋房

積分: 213

8^#

發表於 08-8-5 14:00 |只看該作者

原文章由小田於 08-8-5 13:22 發表
我就無驚去到一個鬧交既地步就麻煩喇, 住咁近好多機會見架嘛, 同埋我都好想多d見到bb, 陪佢成長, 呢d野有錢都買唔到!但我又去唔到唔做野全程湊佢, 因為要供樓!

最慘係我老公覺得比佢呀媽湊完全無問題, 又話我訓得唔 ...

你可以試o下咁同老公講:
我去上浸會醫院的產前講座時, 其中一個資深的助產使話, BB出世頭o個兩年, 對親子關係非常重要, 就算屋企有工人, 都盡量自己湊, 等工人做家務! 工人係domestic helper, 唔係BB o既爸爸媽媽! 我覺得佢講得好"arm", 所以而家就算我屋企有工人, 我地都同bb一齊訓, 諗住我番工時先俾bb同工人訓, 等bb戒左夜奶都想同番bb訓!
所以, 我真係強烈支持你夜晚自己湊, 係辛苦, 但一定值得!

私人傳訊

Wongpuinok

積分: 1586

9^#

發表於 08-8-5 15:08 |只看該作者

我個二仔都係比老爺奶奶湊加埋一個印傭, 都諗住俾埋細仔佢哋凑. 的而且確, 大家嘅湊b方法唔同, 而我坐月時佢亦會叫我埋身餵奶好過揸出黎 .. 初頭BB都比較"癡"奶奶, 但隔日看他及放假凑兩三日, 佢都跟我喇, 唔使擔心 !
如果您每晚自己湊返,會無左好多同老公嘅相處時間及自己嘅休息時間.

My big daughter (Tavy) : 2003-09-24 (3.14 kg)
My second son (Nok Nok) : 2007-07-25 (3.56 kg)
My third son (Yu Yu) : 2008-08-21 (3.46 kg)

私人傳訊

cheungone

積分: 4057

好媽媽勳章

10^#

發表於 08-8-5 15:46 |只看該作者

回覆 #9 小田的文章

建議你放工后直頭返奶奶度食飯,食緊果陣問下bb每一日嘅情況,食完湊埋bb返屋企. 第二朝返工前比返奶奶湊. 自己可以減省煮飯時間,又有住家飯食.

湊b方法一定要傾, 方法唔一致會令bb無所適從... 我同奶奶既湊b方法都唔同, 所以我每次去健康院都同佢一齊去, 等佢都update下, 雖然我地係新派,不過無可否認有d古方真係好work.....

私人傳訊

積分: 531

11^#

發表於 08-8-5 16:53 |只看該作者

我同你情況有點似，不過是奶奶到我家湊。我昨天第一日返工，我老公叫我奶奶在我家暫住到BB戒夜奶為止，但係我好唔想，因為我怕朝早得佢同BB，佢如果冇精神，BB會有危險，我話我寧願我在公司眼瞓，好過佢湊BB時眼瞓，但係唔知點解，D男人成日想比BB佢阿媽湊，我實在好唔想　．．．

幾個月後，BB「Ma」一聲，究竟係叫「媽」定「女麻」呢？我一想到，就好唔開心．．．

昨晚返到屋企，十多個小時沒見個囡，抱住佢，雖然佢已睡了，但我抱了個多鐘頭都唔願放她回床仔，實在好唔捨得．．．一日見得個小小時間，做阿媽但又沒有時間教她，和她玩，點解做阿媽會做得咁慘？男人是無法理解這心情。BB大得好快，日子過了，就追不回來。所以要盡量爭取和她一起的時間，佢將來問起佢小時候的事，唔通答佢「你個時係麻麻湊，我唔係好清楚」咩！

我見到我奶奶、我老公同個囡一齊時，總覺得自己被孤立，自己個功用就只係生囡和搵錢。（我老爺仲成日話要追個男孫，我真係想打佢一鑊甘。）

私人傳訊

積分: 613

12^#

發表於 08-8-5 17:06 |只看該作者

原文章由 cheungone 於 08-8-5 15:46 發表
建議你放工后直頭返奶奶度食飯,食緊果陣問下bb每一日嘅情況,食完湊埋bb返屋企. 第二朝返工前比返奶奶湊. 自己可以減省煮飯時間,又有住家飯食.

湊b方法一定要傾, 方法唔一致會令bb無所適從... 我同奶奶既湊b方 ...

其實我而家已經星期一至五都上去奶奶度食飯, 如果唔係為佐見個女我都唔想上去, 奶奶湊我個女攪到無乜時間做佢自己屋企d野, 咁我就請個家務助理比佢買送煮飯清潔, 講真, 我加多少少錢足夠我請個賓賓喇, 不過老公唔鍾意, 唉!

私人傳訊

積分: 613

13^#

發表於 08-8-5 17:08 |只看該作者

原文章由銀杏於 08-8-5 16:53 發表
我同你情況有點似，不過是奶奶到我家湊。我昨天第一日返工，我老公叫我奶奶在我家暫住到BB戒夜奶為止，但係我好唔想，因為我怕朝早得佢同BB，佢如果冇精神，BB會有危險，我話我寧願我在公司眼瞓，好過佢湊BB時眼瞓，但係唔知點解，D男人 ...

我完全明白你既諗法, 因為我而家都係咁, 諗諗下都幾唔開心!你覺唔覺得如果bb比我自呀媽湊, 問題就唔會出現?

私人傳訊

積分: 613

14^#

發表於 08-8-5 17:17 |只看該作者

原文章由銀杏於 08-8-5 16:53 發表
我同你情況有點似，不過是奶奶到我家湊。我昨天第一日返工，我老公叫我奶奶在我家暫住到BB戒夜奶為止，但係我好唔想，因為我怕朝早得佢同BB，佢如果冇精神，BB會有危險，我話我寧願我在公司眼瞓，好過佢湊BB時眼瞓，但係唔知點解，D男人 ...

你奶奶去你家都好, 個主動權仲係你手! 我話就話星期五自己湊返屋企, 但星期六/日咪又同奶奶一齊, 我老公成日一訓醒就搵佢呀媽, 如果bb見到一個佢日日見得最長時間果個, 佢一定跟奶奶多過我咯!我而家閒日上去, 有時想抱下bb都唔得呀, 因為仲有爺爺, 伯伯姑且要抱佢, 我都係望下bb咋, 我走時真係想喊出來, 點解bb係我生, 想抱下佢都咁難!

私人傳訊

積分: 531

15^#

發表於 08-8-5 17:21 |只看該作者

我覺得如果係比自己阿媽湊，問題會冇咁複雜（不過唔會完全冇），因為同自己阿媽的溝通會好好多，而且大家的共識會多好多（你自小已經接受了她一套），而且，你就算同阿媽嗌交，佢唔會擺o係心，一陣就唔記得，佢鍚你同鍚你個BB一樣咁多，但係同奶奶嗌交，佢就可能記一世，仲會影響你同老公o既關係，佢一定係鍚個孫多個鍚你好多。我覺得自古以來，同奶奶o既conflicts係冇得避，因為你由同你老公拍拖結婚已經係同佢爭「仔」，而家就係同佢爭「孫」。

我仲有一個好傻o既想法：「婆」字和「媽」字，發音唔會混淆，但係個「女麻」字就唔同，北方人叫祖母做「奶奶」，點解廣東人唔係咁叫！

私人傳訊

積分: 531

16^#

發表於 08-8-5 17:31 |只看該作者

我地真係同病相憐．．．

我奶奶去我家，個問題就係我連個家都冇埋，我老公當正佢o係佢以前屋企，樣樣野（就算同BB冇關）都搵佢阿媽搞。我才是這間屋的女主人！而家無端端屋企多左野小左野我都唔知，有咩人黎我冇權管，我變左客人咁．．．

總之，冇左個囡，冇埋個老公（變翻人地個仔），又冇埋個家！冇左咩都唔緊要，但係我一定要翻個囡！

原文章由小田於 08-8-5 17:17 發表

你奶奶去你家都好, 個主動權仲係你手! 我話就話星期五自己湊返屋企, 但星期六/日咪又同奶奶一齊, 我老公成日一訓醒就搵佢呀媽, 如果bb見到一個佢日日見得最長時間果個, 佢一定跟奶奶多過我咯!我而家閒日上去, 有時 ...

私人傳訊

積分: 613

17^#

發表於 08-8-5 17:58 |只看該作者

原文章由銀杏於 08-8-5 17:31 發表
我地真係同病相憐．．．

我奶奶去我家，個問題就係我連個家都冇埋，我老公當正佢o係佢以前屋企，樣樣野（就算同BB冇關）都搵佢阿媽搞。我才是這間屋的女主人！而家無端端屋企多左野小左野我都唔知，有咩人黎我冇權管，我變左客人咁．．．

總之， ...

你有無同你老公傾過呢個問題? 段估你老公無我老公咁離譜, 我未生到我生佐之後, 次次同老公講奶奶的事情, 佢都會話鍚你同bb先咁架姐, 佢呀媽對我地咁好點解仲有咁多不滿, 我聽就之後不知幾委屈呀!

私人傳訊

積分: 531

18^#

發表於 08-8-6 00:40 |只看該作者

我有同老公傾過不只一次，得到o既答覆仲差過你....

但正面些想，既然已經決定了繼續工作，BB就必然要比其他人湊，由BB方面去想，比奶奶湊，總好過比工人湊，個工人更加唔識湊，又唔知個工人會對個BB做D乜，次次睇到D變態傭工D新聞，都好心寒。BB比一個鍚佢o既人湊係好重要。

如果不怕辛苦，即使BB未戒夜奶，夜晚自己湊翻，但係唔知對BB會唔會唔好，因為每朝和每晚都要由一間屋去另一間屋。

（我都試過發我奶奶脾氣，因為我抱住個囡時佢喊，我奶奶就抱走我個囡，然後係咁對佢講：媽媽唔同你傾計呀？！媽媽唔同你玩呀？！又試過我個囡喊要食奶，剛好我在吃午餐，佢就對我個囡講：媽媽自己食唔比你食呀？！佢簡直係離間我兩母女，我發完佢脾氣，就自己係廁所喊左成個鐘。）

原文章由小田於 08-8-5 17:58 發表

你有無同你老公傾過呢個問題? 段估你老公無我老公咁離譜, 我未生到我生佐之後, 次次同老公講奶奶的事情, 佢都會話鍚你同bb先咁架姐, 佢呀媽對我地咁好點解仲有咁多不滿, 我聽就之後不知幾委屈呀! ...

私人傳訊

yauyau612

積分: 3305

19^#

發表於 08-8-8 00:26 |只看該作者

回覆 #1 銀杏的文章

你的感受我好有同感,因為我同老爺奶奶一齊住,我好感謝奶奶幫我手湊,不過我奶奶都係成日一日從我手中搶走bb,我本身係餵人奶,之前係埋身餵,我奶奶會全程在旁監視,令我覺得好尷尬...又話我餵唔飽bb,bb一喊(明明剛剛餵完),又同bb講:媽媽無奶你食,好可憐,食唔飽etc...
之後我泵出嚟餵,情況好少少,不過明明bb食完奶無幾耐,都會失憶症,bb一喊就叫我餵,我有時都覺得幾煩...唔係因為個女要食奶而覺得煩,而係因為bb一喊,奶奶就抱起bb同佢講:好可憐呀,無人理/無奶食...

私人傳訊

小虫媽媽