Capuccino 寫道:
貓BB:
我覺得每個人都會覺得自己係好人.
好似我咁, 我係口直心快, 容易得罪人, 所以人緣麻麻, 朋友不多, 只有兩三個真正傾得埋o既朋友, 佢地都知我係善良o既好人, 佢地話善良係我o既優點, 同時又係我o既缺點, 佢地話覺得我唔會諗去害人, 雖然係好, 但係唔係個個都識得欣賞, 唔鍾意我o既人往往會覺得我好洽, 利用我口直心快o既性格, 貝後話我其實唔係口直心快, 而係句句有骨, 話我心地差, 搞到無端端有人嬲左我都唔知咩事!
上下思量,無論講咩都要諗過, 唔理自己心裡諗乜, 只講別人岩聽o既人, o係我眼中, 係壞人, 但佢地反而好多好多朋友, 冇錯, 同佢地一齊當然舒服過同我一齊啦, 但係人與人之間o既相處, 唔係要真誠咩? 有時我自己都覺得口直心快令自己在公司裡處於孤立, 果d面面拘圓o既人就越來越得chick!
我覺得自己係好人又點? 人地唔覺得嘛!
反而果d我唔認同o既人, 大把人覺得佢地好喎, 因為佢地永遠只會聽倒佢地想聽又岩聽o既說話囉!
發表於 
返回列表
