基督家庭 今日: 0 | 主題: 9939

積分: 11510

1^#

發表於 04-5-25 02:58 |只看該作者

我媽信主後變咗~!

其實我媽咪都係去咗加拿大怕悶先至跟我細佬番教會(係佢同我講...),不過我依家感受到神响佢身上既作為.以前我媽咪係一個極要面子同埋好小器既人,總之唔可以話佢做錯啦...同埋好難同到佢好好傾偈,佢講嘢都會有骨,好難頂...早前我咪頂唔順佢嚟既,原本我都無記响心度( :-P 我好快唔記得咗),點知母親節嗰晚接到佢電話,同佢傾咗陣偈,我都係照樣客客氣氣咁同佢傾偈(心理上怕講嘢得罪佢),點知傾傾吓,佢講開佢都覺得大佬(我亞哥)同細佬都好鍚佢...跟住講到我,佢就好平和咁話:"我都知你都好鍚媽咪既....你係咪覺得媽咪成日咦咦哦哦太長氣呀...??(我無聲出...

)...其實你大佬同我成日講,話我太長氣,話我成日哦住你...(我唔知點解想喊...又唔知講乜,又唔想講心嗰句嚟HURT佢,咪話:唔係既...你都知我性格係幾咁硬頸架啦...唔鐘意俾人話...)...(跟住佢講嗰番說話我仲想喊...)其實媽咪都知架,所以我依家都改緊...但係始終我都係你媽咪嚟,有時真係忍唔住,習慣咗哦你地..."跟住我唔想佢委屈,我努力去氹番佢,雖則佢語帶平和,唔覺佢有唔開心,但我心諗,以佢以往既性格,去到呢度甚至未講完之前既嘢實會喊,跟住會怨我唔愛佢唔鍚佢...

至從同佢傾咗呢個電話,我個心就感受到佢信咗主真係改變咗好多,至少無好似以前咁亂咁發脾氣,唔批評得,唔得罪得,唔勸得,乜都唔得咁.好似真係由一位野蠻公主變成一個和藹可親既人...我由細到大,真係無諗過媽咪會信主,以前佢甚至反對我番教會,覺得我愛教會多過愛佢,覺得我咁信一個神係好白痴(我細個唔識變通,堅持番教會,連佢約我陪佢去街我都唔去)...以前佢話要信佛,我好唔開心,因為我好想佢信主,依家我信得唔好,反而神就俾個機會佢去信,仲要係信得好開心,又令佢改變,我覺得好驚訝~!雖則我唔知佢實質改變咗幾多,但係佢呢一次竟然'認錯'(SORRY,唔識用咩較好既形容詞...),仲要係好好同我講出佢心諗乜,我覺得已經係一大進步!

點都好,希望神可以繼續看顧佢改變佢,亦都希望神亦可以改變我.

私人傳訊

JMM

大宅

積分: 2991

2^#

發表於 04-5-25 15:26 |只看該作者

Re: 我媽信主後變咗~!

神真的会在人心动工....我爸妈也在年初信主, 现在他们两个都每个礼拜反崇拜, 老人团契, 好开心.....以前真没想过他们会信主......总之神自有他的安排......神奇到我也想象不出来

私人傳訊

積分: 11510

3^#

發表於 04-5-25 22:33 |只看該作者

Re: 我媽信主後變咗~!

希望我爸爸都會信啦!

私人傳訊

faifai125

別墅

積分: 630

4^#

發表於 04-5-25 22:53 |只看該作者

Re: 我媽信主後變咗~!

聽到你阿媽嘅改變真的很開心, 感謝主! 願你爸爸早日認識耶穌, 感受他的愛。

私人傳訊

積分: 11510

5^#

發表於 04-5-25 22:59 |只看該作者

Re: 我媽信主後變咗~!

希望啦,因為要我爸爸信主係好高難度,因為由細到大,我爸爸都唔鐘意同我地傾心事,梗加唔會同我認認真真講嘢(佢好鐘意一開聲就講話HURT人),我同佢講嘢佢會扮聽唔到,所以真係缺乏溝通...我知我大佬都好努力咁叫佢信主,試過幾次請爸爸去教會聚會,但臨尾我爸爸一定會縮沙...~~~!!!希望有次佢願意出席啦!!!

私人傳訊

faifai125

別墅

積分: 630

6^#

發表於 04-5-25 23:09 |只看該作者

Re: 我媽信主後變咗~!

禱告啦, 人認為不能的, 神都能。

私人傳訊

大頭蝦

積分: 7342

7^#

發表於 04-6-1 23:52 |只看該作者

Re: 我媽信主後變咗~!

bandband / faifai125 / JMM >> 講得好岩, 我覺得人的力量實在係好有限, 但係神就樣樣都能 ! 神永遠都係咁信實, 佢可以將不可能變成可能 ! 神真的會在不知不覺中作工, 永遠都會為我地作最好的安排 ! 感謝主 !

<div><a target=_blank href=http://www.pregnology.com/pregnancy/02/14/2012><img border=0 width=450 height=185 src='http://www.pregnology.com/preggoticker2/FF00CC/330000/My%20pregnancy/02/14/2012.png' alt='Pregnancy%20ticker'></a><br><a style=font-

私人傳訊

積分: 11510

8^#

發表於 04-6-2 22:18 |只看該作者

Re: 我媽信主後變咗~!

大頭蝦,

希望神都可以改變到我啦~~~!!

私人傳訊

大頭蝦

積分: 7342

9^#

發表於 04-6-3 16:05 |只看該作者

Re: 我媽信主後變咗~!

bandband >> 你有 D 咩想神令到你改變架 ? 你講出來聽聽, 我可以幫你祈禱 ! 另外, 你去看看我果個 TOPIC "我有一個天大的喜訊要同各位分享" 度看看啦, 祈禱真係好有用架 ! 你看神點樣令到我老公作出咁大的轉變就知啦 !!

私人傳訊

Zoey

積分: 6686

10^#

發表於 04-6-8 12:11 |只看該作者

Re: 我媽信主後變咗~!

bandband,

我爸媽也是信主, 已受浸禮, 我爸以前都好兇嫁 :-P , 隨住年紀, 再加上跟我哥哥番教會這些年頭, 感覺整個人都不同了, 亦很投入教會既工作/聚會/營等等, 做好多探訪, 我自己反而是初信主, 但會以我爸媽為榜樣, 所以我覺得妳都要努力呀, 多番教會, 多看聖經, 妳會有所得著的

『我們既有這許多的見證人，如同雲彩圍著我們，就當放下各樣的重擔，脫去容易纏累我們的罪，存心忍耐，奔那擺在我們前頭的路程，仰望為我們信心創始成終的耶穌。』
(希伯來書 12 章 1-3 節)

私人傳訊

積分: 7172

11^#

發表於 04-6-12 11:12 |只看該作者

Re: 我媽信主後變咗~!

我諗.....我係相信呢個世界有神(天主/天父)的存在.
但我仍不太堅定.
我亦相信神已不斷為像我這些的羔羊, 作出指引及見證.
但我信心仍不夠, 希望神能寬恕我, 並為我作出更明確及更清晰的指引, 來肯定我的信心. 謝謝!!!

私人傳訊

MrsCheng

複式洋房

積分: 221

12^#

發表於 04-6-28 22:32 |只看該作者

Re: 我媽信主後變咗~!

Congratulations!!! My mum also converted to Lord this year. She is very keen in leading people closer to God. Praise the Lord!!

bandband 寫道:
希望我爸爸都會信啦!

Me too. God bless

假如沒有黑夜，我們便看不到天上閃亮的星辰。

私人傳訊

積分: 11510

13^#

發表於 04-7-1 00:23 |只看該作者

Re: 我媽信主後變咗~!

其實我想改既嘢咪就係'我唔聽神話'呢個缺點囉!可能我份人生成係咁,乜都要自己嚟,咩都靠自己既意思去做,固執牛精都死...分分鐘仲惡過又大男人(^^:定大女人)過我老公同大佬~~~!!!可能我好細個就信咗主(七歲定八歲自己信,正式決志都係十一歲...十五歲受浸..),所以唔係太覺信咗主之後,神改變咗我啲乜嘢...之後我大個啲出嚟番工又遇埋啲好唔開心既事,搞到屬靈低潮(嗰陣簡直跌落谷底)...之後我都未企番起身,我又玩未婚懷孕,搞到俾教會牧師同教友分批幾次咁捉住嚟審,又搞到少少產前抑屈(我無睇醫生CHECK過,不過陀住亞仔嗰陣又真係完全感受唔到做人媽咪既任何喜悅,亦無感覺...總之成日都唔開心,成日都諗番佢地點審我...),搞到自己對住自己既信仰都有啲模糊,我到依家都仍然放唔低佢地(班教友)嗰陣點對我...雖則我都覺得佢地無惡意,但佢地令我唔開心咁去生個仔出嚟,唔知點解,到依家仲好MIND...明知我係要番教會,但一想番教會就會好自然諗起呢啲往事,跟住又係好在意好唔開心甚至諗埋一邊好憎佢地...跟住我就更加唔想亦好抗拒再番教會...覺得佢地會影响到我對基督徒或者對信仰既睇法,又覺得佢地個個都係怪人同佢地傾唔埋又會令我屬靈低潮...總之有好多個唔好既感覺令我好唔想番教會,所以,我一直好希望神會將呢啲咁既諗法同不安/唔開心既情緒帶走啦...我大概想神咁改變我囉...