吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 真係好唔開心呀

心聲留言今日: 1|主題: 17501

收藏本版

發帖

返回列表

跳至頁

查看: 1368 | 回覆: 6

真係好唔開心呀 [複製鏈接]

同同

男爵府

積分: 6151

1^#

發表於 04-7-3 15:23 |只看該作者

真係好唔開心呀

話說琴日同媽媽同老公去吉之島買bb野喎，因為用j卡最高可有7折(7月1-4日)，咁而家我都有左6個月，再加上吉之島今次做特價買定d野好應該ja，跟住奶奶打話黎問我地係邊喎，咁我老公咪同佢講話我地買緊bb野呀，跟住奶奶係電話到話我地喎(話到好大聲，電話唔係我聽都聽到佢話乜)，奶奶係到話使唔使咁早買呀，跟住又話我買d野"唔等使"，呢句說話聽完我幾唔開心呀，我幾時有買過d"唔等使"既野喎，琴日都係買左個消毒奶瓶器同人手泵奶器，乜好"唔等使"咩？呢d野遲早都要買，而家有折唔買唔通留返到時好急既時候買貴野？
跟住奶奶又問我老公仲買左d咩，我老公又講野一節節喎，同奶奶話有"咩帶"law，呢句說話就比奶奶又插一把，奶奶又好緊張話：「"咩帶"唔係你買ga」，方死我亞媽厄佢個仔錢咁，我地都知"咩帶"係由我亞媽買，只係我老公未講完係我亞媽買就比佢插la~其實我媽媽琴日仲買左好多bb衫仔比我bb la，呢d野我亞媽都唔計la(d人話老公亞媽要買衫，自己亞媽要買"咩帶")，唉~我亞媽唔計呢d野都買左差唔多$500衫仔比bb，奶奶使唔使咁惡。跟住我老公解釋完我媽媽買"咩帶"後，奶奶又唔知做咩係到同我老公講話叫我得閒同佢行街等佢買衫仔比bb= =(又係佢話唔使咁早買野，而家知到我亞媽買野比bb佢就驚死冇曬分咁又話去買)~
之後仲好笑，奶奶叫我行多d話生會易生d(我都知，所以我有行ga)，最慘係佢叫我10點-12點落街行= =，係咪傻ga果陣咁曬叫我落街行，之後我同佢講話果個時間曬呀，我會留返係4-6點先行，跟住佢就話我成日訓，佢自己夠下午2.3點訓到5.6點la，只不過大家時間唔同ga，我唔會2.3點訓覺。轉頭佢又話曬呀唔好落街行，跟住又叫我落街行...ja係點？？成日叫我唔好訓.....我都冇成日訓/ . \
講佢都唔明~唉
以前會覺得亞媽煩，原來奶奶比媽媽仲煩，琴日我問老公覺得我亞媽點，老公答我：「幾好呀，佢唔煩，最重要係佢會覺得我地真係大人唔會下下問」唉~奶奶就永遠都覺得我地乜都識係白痴....我真係覺得媽媽好好呀~

私人傳訊

ellenclive

別墅

積分: 584

2^#

發表於 04-7-3 16:21 |只看該作者

Re: 真係好唔開心呀

你買定ｄ夾衣, 今日都去了買ｄ睡衣比我個仔好平$41 (長衫長褲), 如果到生時先買無on sale, 我都是好多時減價買定先, 一定用得到. bb衫一定要多d, 一日換衫換到暈, 嘔奶又換, 沖涼又換, 抱仔同夾衣而家平買多d, 有時洗完無甘快乾.

有時季尾去掃定比個仔出年著.

行多d易生, 我又唔是好認同, 之前住天光道住5樓, 全程行樓梯, 公司又是要樓梯上上落落, 行得好多一d都唔易生, 開十度生了成兩粒鐘.

奶奶大多是麻煩, 你唔要理她, 自己留返氣, 我大肚時比奶奶激到氣促, 差d呼吸唔到, 今時今日她買我怕, 因為有粒孫.

私人傳訊

nyyc

複式洋房

積分: 129

3^#

發表於 04-7-3 17:48 |只看該作者

Re: 真係好唔開心呀

hi 同同

我諗你奶奶係抱孫前抑鬱 (hehe), 佢想多D參與迎接bb任務,覺得自己重要及有價值地位，所以密想一齊買嘢比bb,見你唔叫佢,密講埋D無聊嘢囉!

至於行多D路好生D,我亞嫂E生都有咁話過 (適量運動掛！)。
你可以叫你的奶奶活陪你行一轉, dun 佢知辛苦！hehe ...

私人傳訊

emmypun

珍珠宮

積分: 37585

畀面勳章大廚勳章

4^#

發表於 04-7-3 18:57 |只看該作者

Re: 真係好唔開心呀

同同

自己媽媽當然永遠係最好啦, 因為自己都做左人亞媽丫ma. 不過你都唔駛為佢講gei野勞氣, 冇謂動胎丫ma. 只要你係覺得果樣野係有用同價錢係負擔能力以內gei, 鍾意咪買lor, 駛鬼理佢up乜, d錢又唔係佢出, none of her business!!

我諗依家咁熱你唔好出街行喇, 要行係屋企行來行去都得姐, 同埋你依家先6個月, 我記得果時好似差唔多八個月度我醫生先開始叫我得閒就行下(唔知有冇記錯), 你都唔駛太心急. 仲有, 大肚婆訓多d有乜唔arm? 我果時不知幾想訓呀, 不過要番工ja.

唔好理佢咁多喇. 祝你生番個肥肥白白, 健康活潑的Baby!!

女人是很脆弱, 但媽媽卻很堅強:)

私人傳訊

同同

男爵府

積分: 6151

5^#

發表於 04-7-4 14:42 |只看該作者

Re: 真係好唔開心呀

nyyc 寫道:
hi 同同

我諗你奶奶係抱孫前抑鬱 (hehe), 佢想多D參與迎接bb任務,覺得自己重要及有價值地位，所以密想一齊買嘢比bb,見你唔叫佢,密講埋D無聊嘢囉!

至於行多D路好生D,我亞嫂E生都有咁話過 (適量運動掛！)。
你可以叫你的奶奶活陪你行一轉, dun 佢知辛苦！hehe ...

由我屋企行去奶奶到要半個鐘，我奶奶成日叫我行去佢到，佢自己都試過行，又話遠又話累，但唔使佢行時就話近(仲要話好近，係既..望仲近la)，呢d咩心態= =

私人傳訊

CECILIA_WONG8

別墅

積分: 640

月餅勳章

6^#

發表於 04-7-4 15:21 |只看該作者

Re: 真係好唔開心呀

ellenclive:

你開十度要兩粒鐘o米快.
我開十度由早上九點左右至下午三點左右. 我係行得少.
我有o個朋友, 佢由穿水至生, 都係好快, 佢係晚晚同佢老公落街, 行兩個鐘先返屋企.

同同:

自己開心d啦, 咪當佢唱歌, 你可以食完飯先行, 當散步.
如果落雨, 去唔到散步, 咪係屋企行行企企, 企都有d幫助, 係醫生話.

私人傳訊

nyyc

複式洋房

積分: 129

7^#

發表於 04-7-4 15:32 |只看該作者

Re: 真係好唔開心呀

[/quote]

由我屋企行去奶奶到要半個鐘，我奶奶成日叫我行去佢到，佢自己都試過行，又話遠又話累，但唔使佢行時就話近(仲要話好近，係既..望仲近la)，呢d咩心態= =[/quote]

哈哈，唔駛佢做梗易架！你咪陽奉陽違，搭車當行左，然後叫(dar!)佢,話有佢陪你行番屋企開心d,個孫都安全d！哈哈！