Baby Kingdom - 親子王國 香港 討論區 › 首頁 › 論盡家傭› 想請問你地會唔會忍?

論盡家傭

收藏本版
發帖
返回列表
跳至頁

首頁
1

尾頁
   0
cowkingb


大宅

積分: 3183


1#
發表於 08-7-21 13:21 |只看該作者
我個新工人, 來左有幾個星期, 我請佢係想佢幫我睇住個 16 個月大既 bb. 佢無0係 hk 湊過 bb, 不過自己有3個小朋友. 我請佢, 係因為覺得佢鐘意小朋友, 我個仔一見佢就會笑, 想同佢玩. 我一心諗住個 b 都大啦, 無 nb 時咁多嘢擔心, 應該教下佢就 ok 啦. 無諗過佢連煲粥都唔識...安全意識更加唔使講... 佢試過有幾次抱我個仔去窗台玩, 比我地0係部 cam 見倒. 嚇到我成個彈起!

呢個工人, 我相信, 佢真係錫我個仔既, 不過佢好 moody, 成日都好似唔開心咁, 又無記性. 我地叫佢做嘢, 佢成日都係話, 好好好... 好左就算, 好多時都無照做, 我跟本都唔知佢係明定係唔明我地既指令?

佢既中文好差, 比返印尼攪証前重差, 我好多時都唔係太明佢講 mud. 佢係好勤力呀, 一有時間就會攞本書出來學中文, 不過都幾個星期啦, 無 mud 起色...!

佢又無記性, 所以我都擔心佢開火煲水/粥, 會唔會識關爐? 佢唔識點餵 bb, 好多時都會比好大啖我個仔食. 我叫住佢唔好, 我老公 show 埋比佢睇應該點做, 佢都係唔識... 我好擔心佢會有日啃親我個仔...

我無人可以幫我湊住個仔, 我地兩公婆都要返工, 一方面0係公司又擔心個仔, click 入去睇個 cam, 又驚會攪倒自己好 nervous, 真係好慘...

如果你地係我, 個工人 mud 都唔識, 又無記性, 但係對個 bb ok, 你地會點做呀? 有無 mere 方法可以令個工人快 d上手? 我就來又要同老公同 bb 出去玩幾日, 間屋得佢一個, 真係驚佢會燒左我間屋...! 唉...



私人傳訊

fskaren2002


男爵府

積分: 7839

醒目開學勳章 環保接龍勳章


2#
發表於 08-7-21 14:24 |只看該作者
事實都驚唔到咁多! 不如問下自己可唔可以做全職mama留在家睇住個bb; 又戓者可唔可以放係育嬰院。
私人傳訊

cowkingb


大宅

積分: 3183


3#
發表於 08-7-21 15:27 |只看該作者
原文章由 fskaren2002 於 08-7-21 14:24 發表
事實都驚唔到咁多! 不如問下自己可唔可以做全職mama留在家睇住個bb; 又戓者可唔可以放係育嬰院。


我其實都係最近先返返工做嘢, 之前個 bb係我自己湊既．．．

我出返來做嘢, 係因為唔想個老公壓力咁大, 我地有老有嫩要照顧, 真係幾時幾刻要 $$ 用都唔知?! 再加上我想比個 bb 有好 d 既將來, 所以我出返來做嘢...

問心講, 我好想自己湊大個仔, 睇住佢成長, 日日帶佢返學放學, 我諗經過今次外傭 tax 既問題, 大家更加會有共鳴, 因為發覺有好多 mami 都好似我咁諗, 但係都無辦法要好似我咁做... 因為我地既至愛唔單止係我地既 bb, 重有我地既另一半, 老公...

個家大家都有份...
私人傳訊

咩咩豬


大宅

積分: 2800


4#
發表於 08-7-21 15:59 |只看該作者
工人初初來你要當她是白紙一張慢慢教,即使她有小朋友唔等於識湊,因她們的方法是天生天養,還有印尼真是乜都無,佢地又點會有安全意識,其實教工人等於教BB.

心情就不用理她,因她們一時就好開心,一時執金都唔笑.

學中文,我第一個足足學到完約都學唔識,第二個就快到不得了,現在個姐姐足足學左一年都唔知佢想講乜.

私人傳訊

fskaren2002


男爵府

積分: 7839

醒目開學勳章 環保接龍勳章


5#
發表於 08-7-21 16:15 |只看該作者
如果出去工作係無得選擇嘅話,我寧願諗少d負面野! 有時諗得工人做得唔好唔稱職, 真係會越想越驚架! 不過自己要平衡下,諗多d正面嘢。再者香港人要搵食大多數都找外傭照顧bb,我自己都不例外,都係得工人+bb單對單; 唯有希望工人姐姐愛錫小朋友多d囉,至於工人大意,唔醒目,記性差; 呢d嘢好難一下之可以令工人變得smart喎; 我地做亞媽嘅唯有多點check下個工人囉!
其實時間會過得好快,轉眼間小朋友又噃開,到時你又會focus其他嘢喇! take it　ｅａｓｙ　ｌａ
私人傳訊

anpan


大宅

積分: 1525


6#
發表於 08-7-21 16:45 |只看該作者
我都好認同fskaren2002的講法, 想得太多負面野, 真係對自己都唔好架
私人傳訊

cowkingb


大宅

積分: 3183


7#
發表於 08-7-21 16:52 |只看該作者
原文章由 fskaren2002 於 08-7-21 16:15 發表
如果出去工作係無得選擇嘅話,我寧願諗少d負面野! 有時諗得工人做得唔好唔稱職, 真係會越想越驚架! 不過自己要平衡下,諗多d正面嘢。再者香港人要搵食大多數都找外傭照顧bb,我自己都不例外,都係得工人+bb單對單; 唯有 ...


我哥哥都係咁同我地講, 而家我個姪女都小學5年級 lu.

不過我個工人係一個青山瓜, 佢一見倒 agency d 人 (同鄉), 就 mud 都聽唔入耳, even 我地叫佢好再周圍去傾計, 去玩, 攪好 d 文件先, 佢都聽唔倒, 繼續佢有佢去嘻嘻哈哈.

我個 b 下年 8 月就返 pn, 間學校就係0係 agency 附近, 我會自己湊返學, 但係放學就真係要靠個工人, 我真係擔心佢帶住我個 b 去 agency 玩, 到時唔見左我個 b 就慘... 就算唔係咁嚴重, 我個 b 0係咁比其他 d 唔識既人摸, 我都唔想 lor...

我都知我可能諗得太多... 希望可以盡量放鬆自己啦...
私人傳訊

anpan


大宅

積分: 1525


8#
發表於 08-7-21 16:54 |只看該作者
你呢個係新工人, 右未係HK做過, 不防對佢嚴D啦, 你食住佢, 好過比佢食住你wo, 何況你有裝cam
私人傳訊

cowkingb


大宅

積分: 3183


9#
發表於 08-7-21 17:15 |只看該作者
原文章由 anpan 於 08-7-21 16:54 發表
你呢個係新工人, 右未係HK做過, 不防對佢嚴D啦, 你食住佢, 好過比佢食住你wo, 何況你有裝cam


佢其實0係 hk 做過嘢, 打過兩份工, 不過兩份工都係唔完約就比人叫佢走.

第一份做左差唔多兩年, 第二份做左唔夠三個月. 個 agent 同我地講, 話佢第一份工係 underpay 既, 重要係佢無假放, 所以佢唔知點搵人幫. 直至佢個 employer 0係佢臨完約前, 就話 fire佢, 重買晒機票, 送埋佢入去先走, 不過佢走返出來, 去狙搵我既 agent 幫手.

第二個 employer 我有同佢傾過, 基本上係有賺無彈, 佢唔要佢係因為佢兩個仔(差唔多 20 歲啦) 要一個識英文既工人, 佢地 complain 佢阿媽話同個工人 communicate 唔倒.

基本上係個 employer 同我地講, 話個工人好鐘意細路, 叫個 agent 幫佢搵主有小朋友湊既好人家. 所以個 agent 介紹比我地.

講真, 到今日為止, 我對佢既為人係無質疑既, 至少, 話佢佢係無搏嘴, 我地0係 cam見倒既，　佢都無蝦我個仔/唔理我個仔...我之前0個 d 係全天侯話知我個仔, 我個仔有我個仔自己玩, 佢有佢坐0係到 dream. 其實佢之前都試過, 不過我地叫 agent 同佢傾完, 佢好左...

所以有時真係好難十全十美, 之前有 d 識湊, 不過唔理我個仔, 而家呢個, 理我個仔, 會同佢玩, 不過唔識湊...! 唉...
私人傳訊

elaine808e


別墅

積分: 902

精緻種植勳章


10#
發表於 08-7-21 17:25 |只看該作者
原文章由 cowkingb 於 08-7-21 13:21 發表
我個新工人, 來左有幾個星期, 我請佢係想佢幫我睇住個 16 個月大既 bb. 佢無0係 hk 湊過 bb, 不過自己有3個小朋友. 我請佢, 係因為覺得佢鐘意小朋友, 我個仔一見佢就會笑, 想同佢玩. 我一心諗住個 b 都大啦, 無 n ...


我家姐姐最初來都係樣樣野都要我擔心.
我地都係得bb同印尼姐姐係屋企
不過你可以比多少少時間等佢適應 (因佢最重要係佢鍚bb)
等佢習慣你地日常起居，起碼要３~４個月

１）煲粥都唔識　- 問題不大，可以慢慢教 (最好煮幾次比佢睇，等佢知道你要求）
２）窗台玩　- 劃一個大大既圖案警告牌，方便佢見到同記得注意
大啖餵亞B --- 去買一些細ｄ既匙比佢餵亞ｂ

我經驗係如果暫時唔係好大件事既就唔好下下話佢，因為佢地真係唔可以一下子放唔哂入腦(佢地好多時唔識聽都扮明白架），講得多佢仲亂
私人傳訊

esmehouse


寶石宮

積分: 405196

馬年勳章 2026勳章 2025中秋節勳章 父親節2025勳章 母親節2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章 HiPP勳章(2) HiPP勳章(1) 2018父親節勳章 2018復活節勳章 15週年勳章 親子王國15週年勳章 親子王國15週年勳章 畀面勳章 醒目開學勳章 hashtag影視迷勳章 貓狗褓姆 認識瑞士牛牛第一回 美好大世界2017勳章 開心吸收勳章


11#
發表於 08-7-21 17:28 |只看該作者
我個工人同你個個差不多，做左 2 個幾月都係唔店，所以我同老公一等到新工人到就炒佢，佢地 d 安全意識真係好唔店，諗起都好驚，又時時左耳入右耳出，問佢明唔明實答你“明”，轉頭又做錯晒，比左個 schedule 佢佢有睇但唔照做，咁睇黎做乜呢，所有嘢食晒、用晒至出聲，有時真係買唔切架麻，另外想攞 c 我或老公咩，我個仔瞓下午覺佢又瞓埋一份﹝比我係個 cam 度睇到﹞，已經餸又唔洗佢買、車又唔洗佢抹、課外活動我都盡量安排星期六 / 日自己帶，佢都可以咁懶 & 唔比心機做
我鐘意你同我講 I Love U, I Love U Too！
You are the sunshine of my life. That's why I'll always stay around. You are the apple of my eye. Forever you'll stay in my heart.
私人傳訊

cowkingb


大宅

積分: 3183


12#
發表於 08-7-21 17:33 |只看該作者
原文章由 elaine808e 於 08-7-21 17:25 發表


我家姐姐最初來都係樣樣野都要我擔心.
我地都係得bb同印尼姐姐係屋企
不過你可以比多少少時間等佢適應 (因佢最重要係佢鍚bb)
等佢習慣你地日常起居，起碼要３~４個月

１）煲粥都唔識　- 問題不大，可以慢慢教 (最好煮幾次比 ...


多謝你呀, elaine808e.

我都唔想下下話佢, 因為我諗, 自己都唔想日日比老細話. 所以好多時出聲既都係我老公, 佢 eq 比我高好多.

我老公用左一個月時間教佢煲粥, 佢其實都唔係完全 pick up 唔倒, 不過唔係唔記得 prepare 呢樣, 就唔記得 prepare 0個樣...

至於窗台, 我地話完佢兩次, 佢0係我地睇 cam 既時間, 都無啦, 不過有其他可能會令阿 b 受傷既嘢, 好似係有時捉阿 b唔住, 比左佢入 kitchen, 門關唔好, 阿 b 而家識自己關門, 亦曾經比櫃門夾爆只手指甲仔...

阿 b 只匙好細只架, 佢係一次 pud 好多, 成只匙滿到好西利, 好高...

我會再比時間佢, 希望佢可以快 d 上手就好啦, 我唔想再換人...
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy