心聲留言 今日: 0 | 主題: 17553

積分: 3367

醒目開學勳章

1^#

發表於 04-7-3 05:39 |只看該作者

對朋友已經心悔

話說我有個朋友W and Y and C 三個都識左好耐(W係小學已經識)(而C係我未出世我阿媽已經識佢阿媽,名副其實係由細玩到大,只不過C已經移民左去美國多年,但每年暑假都會返黎HK一聚)

W係我以前未结婚個陣已經一早同我講定如果我將來结婚的時候要搵佢做伴娘,佢講過無數n咁多次,但我一直都冇應承佢.

當我係上年要結婚個陣,我話搵佢做姊妹,而我就話搵Y做伴娘,佢聽到之後已經好唔憤氣,仲話係咩!你搵佢做伴娘呀!你唔係搵阿C咩!(好有暗示唔搵佢做)但如果我搵C的話佢會憤氣d,因為佢會覺得點解我寧願搵Y都唔搵佢,我唔搵W佢做伴娘,因為我覺得佢份人好假,佢會係你面前同你好friend,係你背後就伸你一腳.而我唔搵阿C係因為佢要返去個邊既學校處理一d野,我仲同阿C講如果你返黎HK我就比佢做伴娘.W and Y都知道.所以搵阿Y做啦!
之後我同Y講搵佢做伴娘,叫佢快d去試衫,但佢遲一遲都未去,我諗佢係想o係我擺酒前一兩日先去試,但我已經好繁忙,所以叫佢自己去試,
但事隔幾日後,我既最好朋友阿C竟然同我講話佢會返黎HK做我伴娘,我當時真係好開心.之後我咪好唔好意思咁同Y講阿C返黎HK做我伴娘,真係唔好意思你唔可以做我伴娘!咁我問Y你得唔得閒黎飲,佢仲話好呀!佢收左工之後黎!Y話地方離佢間公司唔係好遠,收左工都黎得切.

好啦!到我出門之前個晚,我見阿W都未打比我問我幾點要去到我屋企,咁我咪打比佢啦!佢竟然同我講話要頂人更,要OT.
哇...有冇攪錯呀!你黎唔到又唔早D通知我,我臨時臨急點搵人呀!我真係好嬲...
如果W真係要OT黎唔到點解佢唔打比我同我講,要等到我打比佢先至講.
我覺得佢係擺到明有心唔黎,因為佢無得做伴娘,仲有我諗佢一知道我要結婚,佢已經同晒全世界既人講我會搵佢做伴娘,點知我又唔搵佢做.
鬼叫佢超無聊個陣佢先至搵我落吓街吹水,又唔見佢去玩個陣叫埋我去,呢d叫做朋友咩!我識佢都咁耐,連同佢去行吓街,唱吓k都冇,有既,n年前小學個陣囉!
我唔搵佢做伴娘大家心照啦!但係話晒大家都識左咁耐,朋友一埸,唔黎都算啦!連一份小小既禮物都冇!我個陣講笑咁講,你有冇禮物送比我先!W竟然同我講,你唔係咁都同我計呀!哇.....我心諗你乜野事呀!我又唔係要求你送d什麼名貴野比我!就算你係有心既送一個相架比我我都已經好開心啦!點知!佢連一d心意都冇!唉........我真係好唔開心,好嬲.我係我屋企人面前講起佢,連我屋企人都極知討厭佢!

仲有個朋友Y,佢之前話會黎飲我個餐,誰知個結果都係一樣冇黎到,原因都係一樣冇伴娘做,呢個我本來都算,但你真係唔黎都講一聲比我聽,唔好意思我唔黎啦!/我黎唔到!唔通一聲都咁難講!
至始之後我已經再冇搵佢地,而佢地之前都有搵過吓我既,不過依傢大家都再無聯絡,我已經唔再當佢地係我朋友.

依傢係我心裡只有2個人真係可以話係我既最好朋友,就係移民左去美國既兩姊妹.
最衰佢地唔係HK,但我真係好開心我個朋友C係美國百忙都抽一空黎做我伴娘,如果我唔搵佢做我伴娘阿C都會黎飲我個餐.
阿C知道我生左之後佢好似仲開人過我,仲好心急咁去買禮物寄比我囡囡.
唉.........呢一次我結婚我真係睇得好清楚邊d先至叫做朋友.
所以我真係好羨慕一d有三五知己既人,大家要好好珍惜你地既好朋友.
我依傢可以講話係差唔多冇朋友啦!

如果你地睇晒呢篇長篇大論既~肺話(肺腑之言)我好開心,真係多謝你地睇完!!!!!

私人傳訊

積分: 5984

2^#

發表於 04-7-3 06:42 |只看該作者

Re: 對朋友已經心悔

sin_1437:
妳唔好唔開心啦!我都係有一個A好朋友無再聯絡啦，話說有一次同A,B,C約左旺角中心地方等，之後我同B,C見A仲未到，我地就上左三樓磅糖食，其間A就打電話俾B話到左門口等，之後我地磅完糖落反地下個層就唔見左A啦，後來我同B打反電話俾佢，佢就好嬲話要佢等我地咁耐喎（大約都係5分鍾）跟住佢好嬲的態度再約我地去MTR，D出口等（當時我地都有係電話到同佢講左Sorry)之後C有

私人傳訊

mymelody2003

積分: 8646

3^#

發表於 04-7-3 10:19 |只看該作者

Re: 對朋友已經心悔

sin_1437 :

我又係在結婚時才知道邊d先係真正朋友, 本身自己朋友不多, 所以我都好真惜身邊既朋友, 但係當我好誠邀佢地做d事時, 才知道有些往日的好朋友原來只係假的, 真正的好朋友係會無條件去幫你, 所以在結婚後的朋友係少左, 但知道哪個係真心對自己的; 所以我覺得你不必太介懷, 最少你可以知道佢地係點oY!!

私人傳訊

DorothyBBB

別墅

積分: 633

4^#

發表於 04-7-3 11:28 |只看該作者

Re: 對朋友已經心悔

站起y的立場,我亦覺得你有d自私,每個人都想別人重視,當知道自己的朋友將自己變成配角,定很難受,請站起中立的位置看看是誰的責任,不要將所有的唔如意推到別人的身上,因她們不是你的父母,不會只對你付出不望回報的.

Our Baby is 2 years old

私人傳訊

puibb

積分: 5178

5^#

發表於 04-7-4 02:31 |只看該作者

Re: 對朋友已經心悔

sin_1437
算啦，知己唔冼多，一個已經夠，你有二個已經令人羨慕。
事已過，誰對誰錯都唔緊要啦。
不過有緣才成友，日後在街上遇見，你都要多謝她，向她微笑，不論她以前對你真又好，假又好，她都在你一生中給你歡喜過啊，她都令你鎮作過啊，令你知道你身邊的親人有多好呀！
事實上，我都有過識了很久，在我小六時已識，她一直末有拖拍，同我感情好好，成日要我陪她去街，但有拖拍後，我當然鄧她高興啦，但她日日凝住男友，有成半年無見，想搵佢飲下野都話要陪男友，同男朋有事抄架先搵我。其實都對的，朋友是應該永遠在背後support她，不應計報酬。但她近日e-mail我問我借錢（不是第一次，之前都有借無還），今次話想買新相機，重要係網上比錢，要credit card 密碼個隻，我當然say no啦！話近來我自己都好手緊。我知她囡囡在某私小讀小一，我問她學校的程度是怎樣，多不多點書測驗，有無雜費要比，她說尚好、小小。還問她知不知囡囡面試考什麼，要筆試、還是只需面試，還是家長都要考？她竟然說什麼都不需考，是政府派入！激死！明明是私小，竟說政府派入！
跟住我唯有扮唔知啦，講聲唔該，之後又話佢電話無轉，得閒搵佢，想約佢就睇下佢有冇時間先喎。唉，人地都唔想同我做朋友，我又無一個朋友啦！不過我我童年有這個好朋友陪住，現在又有一個溫馨的family support ，已滿足，生活都一樣咁開心嫁。
寫醒出來，我們便要放開這些事啦！繼續我們開心，有意義的生活，開心d，人先靚d and healthy d !
puibb

做人至緊要開開心心 :-D

私人傳訊

積分: 2373

6^#

發表於 04-7-4 04:59 |只看該作者

Re: 對朋友已經心悔

Dear all,

講開朋友，我都是一個失敗者。
結婚果陣同班中學同學好好姊妹，當時話明邊個結婚大家都要開開心心做姊妹令到場婚禮有美好的回憶。

我是大肚而結婚的，當初都無想擺酒後來屋企人突然間話要擺，當時有BB身體又唔好成日作小產，又要試婚紗又要臨急搵酒樓，當時身旁有一個剛識

私人傳訊

小路

琥珀宮

積分: 161936

好媽媽勳章醒目開學勳章畀面勳章環保接龍勳章大廚勳章

7^#

發表於 04-7-4 09:57 |只看該作者

Re: 對朋友已經心悔

Longman,
你呢個肥婆朋友真係超級小氣喎，睇唔睇住D手飾咁小事，有咩好呷醋？都short short地既!!!呢D人唔做朋友都罷啦。
小路

私人傳訊

puibb

積分: 5178

8^#

發表於 04-7-4 22:29 |只看該作者

Re: 對朋友已經心悔

Longman

你講得無錯，‘肥婆巳經同晒所有人講如果有我出現的聚會佢就會消失’這些是‘心地差’兼‘超級小氣’的人才會做得出。朋友樣差唔緊要，份工下等都唔緊要，牌氣差我都會体諒，但‘心地差’的朋友我一定唔會要！

另外‘原來你唔出聲人地唔會覺得你大量’，對！有些人是欺善怕惡，所以我會出聲嫁，有時講理倫都無用，大聲罵一罵佢，佢以後都怕返你轉頭。

puibb

做人至緊要開開心心 :-D

私人傳訊

積分: 2373

9^#

發表於 04-7-5 00:26 |只看該作者

Re: 對朋友已經心悔

其實我都忍了Lee-個肥婆好來，自己成日唔出聲聽了她的閒言閒語就算，但我唔出聲是因為我有家教唔同Lee-D超級下等人嘈，但可惜其他朋友不會覺得我高尚只認為我是默認自己的錯處。亦可能人始終都好鍾意聽閒話，而我雖然好憎個肥婆但從來都無係其他人面前講佢半句，但Lee-個肥婆成日同其他朋友講我閒話又話有佢無我搞到我D朋友都好少搵我費事個肥婆嬲喎。

谷埋谷埋係心度自己仲辛苦，早知一早就不顧儀態做個潑婦同佢嘈，超碼自己都叫做發洩過總好過e+咁無晒朋友。

如果比我再見到佢真係好想用我畢生所學的粗口狠狠咁罵佢一場。

私人傳訊

puibb

積分: 5178

10^#

發表於 04-7-5 01:31 |只看該作者

Re: 對朋友已經心悔

希望你不介意我這樣說吧，你說‘肥婆成日同其他朋友講我閒話又話有佢無我搞到我D朋友都好少搵我費事個肥婆嬲喎’，咁喜不是你這班朋友已‘菇立’你出來？這些朋友開頭都可能相信你，但如果比你這個舊友‘肥婆’越講越勁，越離浦，分分鐘遲d佢地唔信都變信喎！
不如全部人約出黎食飯，講清講楚，信你支持你的留下同你吃飯，不支持你便叫她走，還掂你而家都當無左這班朋友啦，給自己一個機會說清楚，好過死得不明不白，同埋增加返你自己個自信心嘛，比人知道你唔係好假。但思文人，唔好講粗口，用粗口喜不是比她更抵等。

做人至緊要開開心心 :-D

私人傳訊

積分: 3367

醒目開學勳章

11^#

發表於 04-7-5 04:47 |只看該作者

Re: 對朋友已經心悔

阿y:
哇你個朋友都好衰o者,佢擺明同你玩野啦!
佢唔like咪講一句話返屋企囉!
駛唔駛點你地行晒所有出口咁濟呀!

私人傳訊

積分: 5984

12^#

發表於 04-7-5 06:02 |只看該作者

Re: 對朋友已經心悔

sin_1437:
係呀!我都覺依個A朋友好衰，大家都成年人係條街咁都好玩捉謎蟲，（當時係夏天，天氣仲好熱），其實現在我都好想主動打反電話搵到佢同佢做反好朋友，不過佢個手機已經停左再搵唔反佢啦，佢又無打反電話俾我地，其實我真係好想多一個朋友，好過多一個敵人（本身朋友又無乜）

點呀！果個咁衰的朋友現在大家仲有無聯絡呀！點解妳咁夜仲未訓呀！我暫時未有小朋友，現在我都係無返工架，所以先致無時間觀念，半夜先上網

私人傳訊

積分: 2373

13^#

發表於 04-7-5 14:48 |只看該作者

Re: 對朋友已經心悔

puibb:

你真係勁，講中晒巳發生了的事情。

我想叫班朋友出來講清楚巳經太遲了，初時唔想其他朋友難做有活動自己都無參加，我都講過果肥婆讀書時巳經好小器，同學們由小到大都就慣佢驚佢嬲，佢一嬲就四處講人壞話又約埋其他朋友出來聚會一齊杯葛佢嬲果個人，初時有些朋友都有搵我，但個肥婆一知道就連搵我果個朋友都杯葛埋，我D朋友可能怕得罪Lee-D小人好多都企晒係佢過邊了，亦可能我這個舊友‘肥婆’越講越勁，越離浦，相信朋友巳經信晒個肥婆了。

慢慢就如你所講我巳被孤立，再無朋友找我。

我咁激氣就係因為如早知無了這班朋友倒不如當初狠狠咁now佢一場好發洩我心頭之恨。好奇怪從來都無嬲一個人咁耐除了這個肥婆，可能覺得好可惜同佢識

私人傳訊

KarenC

珍珠宮

積分: 38563

環保接龍勳章

14^#

發表於 04-7-5 15:30 |只看該作者

Re: 對朋友已經心悔

puibb 寫道:
sin_1437
事實上，我都有過識了很久，在我小六時已識，她一直末有拖拍，同我感情好好，成日要我陪她去街，但有拖拍後，我當然鄧她高興啦，但她日日凝住男友，有成半年無見，想搵佢飲下野都話要陪男友，同男朋有事抄架先搵我。

我都有呢類朋友，我同佢讀預科時識，大家好好朋友，佢一路都無拍拖，直至舊年開始拍，咁就無再搵我，我約佢又話無時間，傾唔夠兩句就收線~ 直至最近要搵工先響icq度搵我，問我見工ge事~ 幾唔想幫佢，不過最後都幫左~ 不過個心都幾難受，有事先同我傾icq! 我成半年無見過佢喇~~~~~

人生本是苦

私人傳訊

yukkie

積分: 7827

15^#

發表於 04-7-5 17:09 |只看該作者

Re: 對朋友已經心悔

睇克各位留言﹐發覺我真係好好彩﹐我有幾個中學同學﹐到現在都有聯絡﹐我讀完中五就搬到荷蘭﹐每次我回港一定找佢地﹐雖然每次再見時間都好少﹐最多都係幾個鐘﹐但感情都唔錯﹐而其中一個久唔久都會到荷蘭探我

我生完之後有什麼需要佢都會幫我寄到這

Nijnje

私人傳訊

積分: 2373

16^#

發表於 04-7-5 18:12 |只看該作者

Re: 對朋友已經心悔

Yukkie:

你真係好好彩，長久的友誼是好難找得到，理應珍惜。
希望將來我亦能像你般找到真正的友誼。

請問有無人覺得人越大朋友就越少呢？還是我個人問題？？？

望分享！

私人傳訊

yukkie

積分: 7827

17^#

發表於 04-7-5 18:24 |只看該作者

Re: 對朋友已經心悔

其實每個人結婚後有自己家庭﹐相見時間真係好少﹐但朋友真係要講心o羅﹐唔係成日見就好朋友﹐係唔係﹖﹖

好多時真係在有難時先可睇清楚誰是真心誰是假意

可能你朋友無時間呢﹖但甘唔係代表佢無你心架

有時唔好想自己付出幾多會開心o的

Nijnje

私人傳訊

積分: 3367

醒目開學勳章

18^#

發表於 04-7-6 13:58 |只看該作者

Re: 對朋友已經心悔

yukkie:
你好似我個朋友咁佢每年都會返黎HK,雖然我地都係好小時間聚會,但係我地都係好好感情,
不過佢今年開始要o係暑假期間搵野做,所以今年唔返黎hk啦!我幾掛住佢tim,但都冇所謂啦!我地成日都有傾吓icq :-P
不過我最想就係比佢見吓我個囡豬囉!!

私人傳訊