論盡家傭 今日: 0 | 主題: 134085

積分: 238

1^#

發表於 08-7-20 16:54 |只看該作者 |倒序瀏覽 |打印

原本的工人，一直我都覺得佢太唔似一個工人，無大無細，見到我唔會打招呼，仲成日黑面，唔出聲，發脾氣…當時的我和先生真係很嬲，早想即時炒咗佢（但，佢對我個女好好，人品亦可，唔會學壞果種，做家務都可以，所以一直都無行動）…
不過…係佢將完約的時候，我哋自己都因為佢黑面ｏ既問題同agent溝通，應唔應該換（當然，因為我哋個心對佢有ｄ不滿有所考慮啦）咁agent話一個工人應該最基本要似一個工人，做嘢好係應分，大把顧主，因為唔想煩，所以續工人，但一續約ｄ顧主大部份都忍唔到佢之後果兩年，所以聽完agent講，最後我哋都換咗…
而我個工人亦都好快揾到新顧主。
臨到個工人要走前，我越嚟越覺得後悔，我每晚都喊，點解自己要為咗一啖氣換走佢呢？我越諗越喊，家陣打緊都喊…我覺得自己好差，好衰，佢對我個女好，我仲想點呢？講真，佢無大無細，都係我哋影響佢，因為我同先生之前都返工，所以想佢將自己當為一家人，想佢可以對我個女好ｄ，而佢嚟果時，自己精神唔好，根本無教佢或者係要求過佢要點做，但係佢都可以做到嘢。我係佢臨走前，買咗同埋送咗好多嘢比佢，因為我個心好唔舒，我唔舍得佢，仲不斷會諗返自己由第一日接佢返嚟，然後ｏ既發生ｏ既一事一物，仲不斷諗，可唔可以同佢新顧主調換呢？
哩ｄ都係係19/07前諗ｏ既事同埋心情。
係哩ｄ之後，因為新工人嚟到我屋企，我親眼睇到自己個囡囡唔食嘢，去揾之前個工人（舊工人姐姐仲係我屋企，只係出咗街買嘢），雖然囡囡都可以同新姐姐玩，仲會笑，但係琴晚囡囡晚覺喊，同平時ｏ既唔同，我個心好痛，因為我哋有同囡囡講，舊姐姐要走啦，囡囡好叻，叻過媽咪，佢得兩歲，佢見媽咪喊，佢要攞紙巾比我，比新姐姐抱（唔扭計）但係就唔食，要等舊姐姐比佢先食，我比佢都唔想食﹗
我無辦法啦，我今日決定咗，去求佢新太太換工人，新太太就嚟會生ｂｂ，我知咁樣我實在好過份，但係，我寧願我自己去幫佢做佢工人做到新工人姐姐到，都唔想個囡咁辛苦，我覺得自己好差，好衰，點解一早唔為個女諗多少少，一個由佢一個大就照顧佢ｏ既姐姐，只係哩ｄ行為，點解做亞媽唔忍下，要個囡去受苦，新工人姐姐雖然做嘢都可以，好勤力，好肯學，但係真係想同你講對唔住，因為”你”唔可以了解我個囡需要，所以我就算要比錢好多錢唔用你而再花錢換回舊工人我都願意，原因，我唔想再見到囡囡咁細個就要堅強過媽媽而留在睡覺中喊，sorry呀大家，新太太對不起，我真的十萬個對不起，我希望我可以成功，比返舊姐姐我，姐姐之後要返印尼，８月初先返嚟，我希望仲可以比時間你再申請，你之前申請ｏ既費用，我願意付，明白對你不起，不是錢的問題，是你要生ｂｂ了，但眼見女兒的眼淚，我真的想過要死﹗我無法面對了﹗我真的堅持不下去﹗我也知，若然這次可以請回舊工人姐姐，我花的費用一定會很大，但為了囡囡，什麼錢都可以，是我不對，是我不好，囡囡…媽媽的錯…sorry﹗
媽媽今晚就算什樣失禮的事也願去做，你的爸爸不明白，一句”慢慢適應””喊．沒用”來回應，我要用方法請回舊姐姐﹗
女兒，媽媽．對你不起﹗﹗﹗

0 0 0

私人傳訊

FA8866

公爵府

積分: 28578

好媽媽勳章醒目開學勳章

2^#

發表於 08-7-20 17:05 |只看該作者

睇到您呢段說話個心好up.

我想祝您可以如願,但另一方面對新僱主又好唔公平.

您即管試下啦,就算唔得,都唔好再搵個舊工人啦,以免您工人會將您同新僱主比較,令新僱主難做.
同埋都唔好將舊工人同您依家呢個工人比較,令新工人難堪呢.

私人傳訊

Hazel媽媽

積分: 238

3^#

發表於 08-7-20 17:17 |只看該作者

原文章由 FA8866 於 08-7-20 17:05 發表
睇到您呢段說話個心好up.
我想祝您可以如願,但另一方面對新僱主又好唔公平.

您即管試下啦,就算唔得,都唔好再搵個舊工人啦,以免您工人會將您同新僱主比較,令新僱主難做.
同埋都唔好將舊工人同您依家呢個工人 ...

明白，今次我做得很自私，過份，無理…
但…我…知…我真的做錯了…
我很想去補救…
對不起，真的很對不起﹗
明白，我也是顧主，若然我當天發生這個情況，也會很嬲，真的明白，
但不經不覺，這兩年，真的建立了一份感情，真的不舍得，有分離時，才發現，我知，我太遲…

私人傳訊

miutang

積分: 1964

4^#

發表於 08-7-20 17:32 |只看該作者

比時間你個女適應新姐姐吧! 我明白你很肉痛女兒的不捨得, 但這也是一個機會讓她明白有些人是不會跟她一世的, 她喊是因為現在的姐姐還住在你的家, 所以這樣超不開心, 但過一段時間, 小朋友就會忘記的, 不要担心.

另用管理角度, 你這樣"蟻"舊工人返來, 她會更加放肆, 日子有排你捱...況且新僱主肯放手的機會是不大的,把精力放在新工人同女兒相處吧.

還有, 你這樣做對新工人都不公平. 三思呀樓主. 你老公的說話是沒有錯的, 只是你暫時聽不入耳吧.

私人傳訊

bigbigfamily

積分: 5656

5^#

發表於 08-7-20 17:48 |只看該作者

樓主, 我可以話妳知, 我之前既工人都好似妳工人噤, 佢好錫我個仔, 但佢既attitude好差, 黑面, 頂咀, 因要返工, 無乜時間同佢周旋, 我同老公心態係, 最緊要係錫個仔者. 最終, 我renew左佢3份約, 系第5年裏, 發覺佢系家中偷錢, 系屋苑內放數. 我個仔由出世果日起由工人照顧, 由早到晚對住個工人重多過對我. 樓主, 小朋友好善忘, 重有, 當我當日抄工人時, 我解釋比個仔聽, 姐姐做左d好唔岩既野, mami唔可以再比姐姐住系我地屋企, mami唔想baby跟姐姐學壞. 小朋友好容易教, 但試問如果妳繼續用果個有問題既工人, 可能有日妳既囡囡都會學會對妳黑面同唔尊重. 我好幸運, 個仔幾日後都式應左,最終明白唔係mami唔岩, 所以樓主, 請不要自責, 同唔好太依賴一個外人, 妳同囡囡+老公最終至係一家人.

[ 本文章最後由 bigbigfamily 於 08-7-20 19:17 編輯 ]

I love my hubby and my boy. XOXOXO

私人傳訊

等待BB的小貓

積分: 1628

6^#

發表於 08-7-20 18:06 |只看該作者

其實, 我覺得你唔洗自責, 小朋友係要適應期, 唔食野唔會維持好耐時間, 小朋友好善忙, 好快好快就會唔記得, 你係呢段新姐姐交替時你放下大假同小朋友及新姐姐多d一齊玩, 佢好快會接受新姐姐架.

千錯萬錯都係姐姐錯, 我唔認為佢湊bb好, 你地就要忍受佢既無禮態度, 你兩公婆返工, 小朋友最多接觸既就係姐姐, 佢既一舉一動就是佢模仿既對象, 所以佢既品格好緊要, 討論區不少媽媽講過, 不知幾多工人無禮對待僱主, 小朋友會有樣學樣, 同埋無禮對待媽媽, 或工人會在小朋友面前數媽媽的不是, 就恃著自己湊得好少主, 以為冇佢唔得.

其實, 人一生會面對酸甜苦辣, 這少少既事你都想死一樣, 日後如小朋友入唔到心儀小學, 考試不理想, 失戀.....那怎樣呢? 做了媽媽一定要堅強, 不懂也要學懂, 既然決定了, 就應該繼續落去, 向好方面唸, 積極面對.

再者, 你舊姐姐態度差極, 你(矮)佢返黎, 你唸佢會唔會更加目中無人? 到時你地仲無(訂)企.

私人傳訊

咕怪媽媽

積分: 7836

7^#

發表於 08-7-20 18:13 |只看該作者

樓主, 我覺得您真係完全冇必要咁做.
就算唔係態度問題, 您位姐姐可以幫您做一世咩?

我個舊工人湊左大囡4年, 直情係一手湊大佢. 舊工人走的時候, 我囡日喊夜喊, 不吃不睡, 訓著會發惡夢尖叫. 我當時的心情, 同您宜家一樣. 不過新姐姐肯比心機對佢, 有人陪佢玩, tum 佢就佢, 佢咪好快就又好鍾意新姐姐囉.
依家舊姐姐間唔中都有返黎探我囡, 我囡都冇事, 冇再話唔捨得舊姐姐了. (題外話, 舊姐姐走了至今七個月, 我都換左幾個工人了)
所以, 忍耐一下, 黑暗好快就過的.
不要因為咁而要對工人渣頸就命, 否則好快您同佢的角色就要對調了.

私人傳訊

pmhappy

積分: 9619

好媽媽勳章畀面勳章

8^#

發表於 08-7-20 18:19 |只看該作者

Hazel媽媽, 明白你好心痛個囡唔開心, 但係你咁樣其實係咪有 d 傻呢? 話哂佢由細照顧你個囡, 你個囡跟佢都係理所當然.

你係全職媽咪定係要返工? 我都係要返工, 我個囡都係而家個印印帶大, 佢都好錫我個囡, 由我坐完月返工開始, 少左時間對個囡, 我發覺次次餵親阿囡食奶佢都係食好少, 夜晚訓覺一定要姐姐唔要我.

我初時都好唔開心, 但係我明白到只係小朋友既習慣問題, 當時雖然阿囡得幾個月大, 但係我冇因為驚佢唔肯食奶而俾返工人餵, 就係因為佢唔肯食我先要餵佢, 夜晚佢係咁喊要工人, 我叫工人出房, 我一直陪個囡直到佢訓著為止, 最初佢唔係因為我陪佢而訓著, 係冇咗姐姐, 喊到倦所以先訓著, 你一定會覺得我好忍心, 我只係唔想個囡太依賴姐姐.

而家個囡20個月大, 只要我或老公0係屋企, 佢一定唔會要個工人, 就算我做緊自己野, 工人陪緊佢玩, 佢都要拉我去同佢玩, 但係佢從來未試過同我玩緊時候, 要工人姐姐過黎一齊玩.

我唔知道你係點樣同個囡相處, 又或者只係你一直太依賴個工人, 恕我直言, 而家似乎係你唔可以冇左個工人, 唔係你個囡唔可以冇左個工人.

俾你可以要返個舊工人咁又點? 遲早一日佢都係要離開你屋企, 你唔係諗住養佢一世嘛?

萬一你真係攞唔返個舊工人, 都希望你唔好太依賴新工人, 唔係兩年後, 又會案件重現.

p.s. 如果個工人成日對你冇禮貌, 黑面, 個囡學到都唔係好事, 0-3歲係學野高峰期呀, 為左唔想個囡喊而留個工人, 我擔心最後你會得不償失, 希望你諗清楚.

原文章由 Hazel媽媽 於 08-7-20 16:54 發表
原本的工人，一直我都覺得佢太唔似一個工人，無大無細，見到我唔會打招呼，仲成日黑面，唔出聲，發脾氣…當時的我和先生真係很嬲，早想即時炒咗佢（但，佢對我個女好好，人品亦可，唔會學壞果種，做家務都可以，所以一直都無行動）…
不過…係佢 ...

私人傳訊

amysnlee

伯爵府

積分: 15270

好媽媽勳章畀面勳章環保接龍勳章親子達人勳章陪月勳章

9^#

發表於 08-7-20 18:20 |只看該作者

工人點好極都會有一日要走,同埋你叫佢番黎既話,恐怕會變本家勵喎,唔放你在眼內,小朋友好快會唔記得架,唔好咁啦

私人傳訊

已刪除用戶

已刪除用户

積分: 225652

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

10^#

發表於 08-7-20 18:59 |只看該作者

提示: 作者被禁止或刪除內容自動屏蔽

私人傳訊

丫頭

子爵府

積分: 14775

11^#

發表於 08-7-20 19:00 |只看該作者

我之前炒個d工人全部都係對我對b唔好(係當一份job而從無擺個過心出黎)直至找到對上個位........佢本身心地唔錯佢係之前咁多個叫最令我地放心唔會對我對小朋友做任何小動作既工人，但除了這個就冇乜可以考慮同佢續約。

當時我同老公都掙扎左好耐終於為了小朋友跟慣佢&佢令我地放心唔會傷害對b而提出同佢續約，點知個工人話唔續要返鄉下咁我地為有重新請另一個。

新請呢個做左10個月了，好聽話，清潔好乾淨我對小朋友好鐘意佢。所以我覺得樓主唔洗咁內疚同傷心，塞翁失馬焉知非福，舊既唔去新既唔會黎妳呢個新既可能好過舊個10倍呢! 比
d時間個新工人同女女啦，好快會比此適應。

私人傳訊

雲

積分: 7420

12^#

發表於 08-7-20 19:10 |只看該作者

所以樓主, 請不要自責, 同唔好太依賴一個外人, 妳同囡囡+老公最終至係一家人.

好同意呀!

我地做僱主既都要學習!
樓主,你既心情唔好就上黎呻下啦,唔好俾囡囡感覺到媽媽因為新舊姐姐而咁唔開心,雖然佢得2歲人仔,但佢係明白你既感受架!
無論事情發展成點,你都要堅強呀!

[ 本文章最後由雲於 08-7-20 19:14 編輯 ]

私人傳訊

1010媽媽

積分: 308

13^#

發表於 08-7-20 19:29 |只看該作者

Dear Hazel 媽媽

好明白妳的心情........以家妳可能有d說話會聽唔入耳;但我覺得妳之前的決定係"啱"。
如果,舊姐姐返到嚟幫妳做,佢一定會比之前態度更差,.....;妳小朋友一日一日大個,佢會有樣學樣,到時想教番好,就好難......,舊姐姐地位比妳更高,妳同小朋友的感情,就好可能被呢位舊姐姐取替...ｏ

放心,小朋友的適應力很高的,只要妳,多d時間陪佢,佢喊嘅時侯攬實佢,同佢多d身體接觸,慢慢解釋新姐姐會好錫佢,佢會接受和適應到的。

妳自己唔好太自責,試吓深呼吸,會幫妳穩定情緒。

私人傳訊

AndyRain

積分: 8001

醒目開學勳章

14^#

發表於 08-7-20 20:36 |只看該作者

好明白你既心情, 但係你咁樣做對你個女黎講係一d好處都無的. 人要諗長遠d, 你咁搞法, 你個女既逆境處理能力會係零的, 你會搞到佢第時有咩事又話要生要話要死的那一種溫室孩子.

你都好清楚明白在社會上佢一定要有自己既本能去適適應種種問題/難關的, 長路漫漫..........有排佢去學!! 你都一樣, 你亦需要學習怎樣避免過份溺愛你的孩子, 這樣他們才能長出翅膀, 高飛遠去!! 否則, 他們只會一敗塗地, 一生都只能活在你的蔭下!!!

工人總會有離開你們的一天, 正如人生老病死一樣, 都是一種很自然既定律, 俾個機會佢去學習, 俾個機會佢去戰勝挑戰吧!! 你的孩子學行時也經常跌啦, 唔跌點會識行路呢!!!

私人傳訊

vancouver

積分: 1171

15^#

發表於 08-7-20 22:31 |只看該作者

你求個舊姐姐返黎，(1) 佢唔會打你一世工，(2) 佢更加無面俾你，你女兒若果知道/見到佢咁無禮貌，你估佢會點？近屎者臭囉。到你個女有樣學樣，你就無得返轉頭，到時先炒？你個女會覺得你好衰，姐姐永遠是好的。

私人傳訊

Siuchoi

珍珠宮

積分: 32052

16^#

發表於 08-7-20 22:42 |只看該作者

嗱....個人感受....唔好鬧我呀~~

係~ 呀女唔開心, 做呀媽一定心痛~ 但身為父母, 做事必須要理智, 成熟, 就算你唔炒工人,工人都會遲早走or揾理由走, 呢個世界, 唔會冇左邊個會死, 人係要適應的, 咁先可以生存!

我第一個工人都係湊大我細女, 仲好鬼錫佢, 結果係比我炒, 係炒工人前, 係唔需要同細路講咁多, 仲要走當日洗開D細路, 咁對佢地影響冇咁大~ 已經係3年前既事, 我細女衣家同第3個工人姐姐不知幾friend~

私人傳訊

bbfish1992

子爵府

積分: 14777

17^#

發表於 08-7-20 22:55 |只看該作者

「但為了囡囡，什麼錢都可以
媽媽今晚就算什樣失禮的事也願去做」

Hold-on，you would lost lost lost lost
1st lost:你飛唔出舊工人手指、可能佢更加「發脾氣」、可能...
2nd lost：你囡囡學唔到點去面對改變；你無機會去睇到其實你囡囡比你堅强。
3rd lost：being a mother；工人只是協助你揍女和做家務！
4th lost:unfair to maid's new employer！

think positive & you have already receive good support from your husband

私人傳訊

flyingmom

積分: 2652

18^#

發表於 08-7-20 23:01 |只看該作者

樓主妳咁做似乎對新工人同另外个employer都十分唔公平!工人轉接期一定要俾適應時間,或者新既遲啲都好掂呢?做僱主千祈唔可以太倚賴工人,何況妳舊工人有attitude problem呢樣係我黎講is
totally not acceptable ga.不如用心去train个new helper.

私人傳訊

fskaren2002

積分: 7839

醒目開學勳章環保接龍勳章

19^#

發表於 08-7-20 23:06 |只看該作者

工人始終會走,不如早d接受現實! 時間真的可以淡忘一切的; 好好加油吧!

私人傳訊

tsunmom