大仔大女媽媽會今日: 0|主題: 177860

收藏本版

發帖

返回列表

跳至頁

查看: 659 | 回覆: 0

[2007年] 尋日去咗動慢 [複製鏈接]

honeybear0207

子爵府

積分: 11324

好媽媽勳章醒目開學勳章畀面勳章環保接龍勳章大廚勳章

1^#

發表於 08-8-4 06:28 |只看該作者 |倒序瀏覽 |打印

好耐無放假，帶咗ＢＢ同埋隻公，去灣仔同啊Ｂ契爸爸一齊去動慢，好多人，但好彩契爸爸醒買定飛，唔使排，入到場又有親子（帶住十一歲以下小朋友）唔使排就入到去！

入到去超多人，我搵個位坐地下，都幾樣衰，餵飽我個囝囝大人就抱住佢同我細佬（一早入咗場）一齊行，我老公同契爸爸自己行，我細佬真係超鍚我，因為我病，佢全程幫我抱ＢＢ，我只係負責唔俾人撞到囝囝個頭就得，個Ｂ全程瞓，一啲都唔想睇，行到PETPET個位，我見到個袋好靚，我細佬就買咗俾我，$290，好大個架，成個旅行袋咁，超鍾意，真係多謝細佬大人！

其實我真係一個幾幸福既人，雖然同個女老豆分開，但依家有個超錫我既老公，有個14歲既女，1歲Ｂ仔，仲有好錫我既細佬，同埋好多好朋友，契爸爸又對我好好，仲有個去咗美國十幾年都仲好關心我好錫我既男同學，我話想要IPHONE 3G，佢就話買俾我，雖然未收到，因為今個月先有貨，但我都超開心！

人生真係有好多不如意事，但開心嘢都唔少！

所以睇嘢真係唔好只睇眼前，今日唔開心，但第日可能有好多開心嘢等緊發生，唔開心就忘記佢，開心就要好好記低，細細回味！