自由報料今日: 0|主題: 296346

收藏本版

發帖

返回列表

跳至頁

查看: 1011 | 回覆: 0

搬屋黑公司 ---匯龍富昌 [複製鏈接]

busybody

複式洋房

積分: 228

1^#

發表於 08-7-28 16:21 |只看該作者 |倒序瀏覽 |打印

我上個禮拜搬屋, 搵左間叫"匯龍富昌"既搬運公司. website: www.fu-cheong.com 呢間係我朋友用過, 所以我至夠膽搵佢, 點知都係搞到一穫泡同一肚氣.

首先我用電話同佢confirm左搬屋時間係早上8.30, 點知佢攞d紙盒黎時詐詐帝帝寫細細隻字"1.30pm", 又冇話叫個客確認. 搬紙箱黎之前又冇話要收訂金$300, 雖然話做生意要收訂金情有可原, 但又點知我隨時有300響身邊呢, 冇既話係唔係要拎番d紙箱走呢? 等我數小時後發現佢張收據d細字寫錯時間, 打電話到佢office度, 竟然冇人接聽, 有個message話手提電話6xxx xxxx暫時無人接聽. 即係將個office電話飛左去手提, 但手提亦係冇人會聽, 咁飛黎做乜. 等到我第二日早上終於搵到負責人陳小姐, 佢話我係同佢約左下午, 我根本就冇任何意識下午1.30呢個時間, 邊有可能係我約佢, 講講下話有人已經約左佢地上午7.30搬屋, 原來呢個至係重點, 將我個時間俾左第二個, 仲要屈個客畫同佢約左下午. 因為我當時已經落左塌, 俾左300大元, 唯有屈服響下午搬屋.

到左果日, 佢地1.45pm到我屋企, 一行3人, 其中一個年紀冇60都應該50到好燜. 當日烈日當空, 我仲替佢擔心. 不過佢應該好有經驗, 懂得"鍚"身, 換句話講, 只有2個比較主力搬野. 搬到尾聲, 個老人家問我搵番個bb床個轆未, 因為佢地搬搬下個轆跌左唔知響邊, 我答佢話唔知wo, 未掛, 點知其中一個大漢突然跳出, 好似我冤枉左佢咁大聲話: "小姐, 幫你搵番啦." 本來整唔見人野, 幫人搵番係天公地義, 但係而家好似角色調轉, 佢係受害者. 我都同老公講佢地搵唔番既話, 我地都要配番個, 因為bb床要推出推入, 冇左個轆好麻煩. 之後又話我地唔事先拆開個架, 阻慢進度, 我就好難再忍, 我同佢講: "如果拆左係幫到你地, 你地可以出聲, 個架好易拆, 唔使5分鐘. 你地甚至可以自己拆左, 到新屋時幫我裝番. 好似bb出床, 你地又唔拆, 我地d外行任點知點做至最方便你地做野?"-----依句講晒, 其實係想懶, 但又發覺個架可能太大, 兼夾又想發洩. 諗唔到有咩野反駁, 於是話:" 小姐, 我地公司收平你架啦, 你唔少野", 我話我如實報導我有幾多野, 價錢係你地公司報, 收得平唔平係見仁見智. 其實都收$1800, 對一個小家庭, 一d都唔平

後來搬晒d野去我間新屋, 我地俾埋d尾數, 外加$100當係停車場費用 (總數係大概$50), 果2個courier 竟然好似爛仔咁, 唔肯走, 要我地俾多$100, 我話"冇啊, 係咁多, 你要tips又俾唔到服務個客, 我覺得你係值咁多", 點知佢地既係"咕利", 又係"爛仔", 賴死唔走, 我老公怕煩, 俾多一張$100, TOTAL $200, 即係總共俾左$2000, 佢地即刻鬆人, bye都冇句. 我覺得好谷氣, 要錢又要有性格, 俾氣個客受, 同黑社會有咩分別. 我d家俬俾佢搬到花晒. 我響最初電話預約時同果個陳小姐CONFRIM過, 佢話講左幾多就幾多, 唔使俾額外茶錢, 我至決定搵佢地. 不過, 諗落個陳小姐自己做野都好有問題, 佢既承諾點信得過. 連我朋友都話佢上次真係冇人問佢攞TIPS.唔知點解變成咁.

為免有其他受害者, 我特別寫晒出黎. 大家以此為鑑