吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

Baby Kingdom - 親子王國香港討論區 › 首頁 › 心聲留言› 點樣可以解決呢﹖﹖

心聲留言今日: 0|主題: 17501

發帖

跳至頁

查看: 1113 | 回覆: 4

點樣可以解決呢﹖﹖ [複製鏈接]

1

積分: 7827

1^#

發表於 04-7-1 15:06 |只看該作者

點樣可以解決呢﹖﹖

我未結婚之前﹐我老爺奶奶己經住在我老公間屋﹐我地係住在荷蘭﹐而我奶奶是有類風濕性關節炎﹐當時行動都好唔方便﹐有時上樓梯都上唔到﹐但現在好了很多﹐在荷蘭如果係甘的話﹐可以伸請錢去改建自己間屋﹐而當時老爺奶奶係租屋﹐屋主話唔得﹐而我老公又剛剛買到屋(佢其他兄弟係無買到屋)﹐甘咪搬左同我老公住﹐一直以來都係我老公照顧佢地﹐所有野都係我老公比﹐我老爺只出係買餸錢﹐老爺駕車所有牌費etc﹐都係我老公比。唔記得一提﹐我叔仔同我二伯個仔都係一齊住﹐但都係唔使比錢我老公。
一向都無問題﹐但自從我個仔出生以後﹐我同我老爺就有好多問題﹐而有時我老公都為左一0的衛生同我老爺吵﹐而且生活費愈來愈多(水電煤氣)﹐有時咪話佢為什麼成日都煮甘多野。。等等。我就因為個仔食野問題成日同佢嘈。 :-( 我奶奶就識扮野﹐佢唔會同我老公投訴﹐只會同我的姑奶姑仔其他亞嫂講﹐我聽唔到咪當唔知羅 :-P
星期一無端端有個社會工作者到我家﹐話我老爺奶奶伸請搬屋﹐甘我話我唔方便講﹐而我老爺奶奶唔識講荷文﹐我奶奶重係一句都唔識﹐甘我話要問下我老公。星期二我打電話約了星期三叫佢再來﹐甘我老公放工就同我老爺講明天社會工作者會再來。星期三我老公要同BB去睇醫生﹐一早就要去。點知都未到十一點﹐我姑仔就打手電比我老公話點解老爺奶奶要搬﹐什麼什麼 :-x 我老公就話因為BB的問題。。。
甘之後回家﹐我就去餵仔﹐我老公自己講﹐一向我都以為佢地會搬去中國老人院﹐而且因為我奶奶的關係﹐佢地會有優先。但點知我老爺就話搬去我大哥個埠﹐甘我奶奶會好慘﹐因為佢行動唔方便又一句都唔識講。
我問我老公佢自己想點﹐佢話佢都唔想老爺奶奶搬﹐但要搬佢都唔會出聲。。但睇得出佢努力甘想老爺改變主義﹐我都路知點好﹐一方面又覺得奶奶好慘﹐但又覺得我重慘﹐成日都要對住對寶
:-( :-( :-(

Nijnje

私人傳訊

積分: 206246

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

2^#

發表於 04-7-1 15:39 |只看該作者

Re: 點樣可以解決呢﹖﹖

yukkie,

好耐無見！^^

如果係我，我諗我會由得佢哋搬出去住先，遲D再幫佢哋轉中國老人院。

私人傳訊

積分: 7827

3^#

發表於 04-7-1 17:17 |只看該作者

Re: 點樣可以解決呢﹖﹖

Stkyo,
你都就去英國羅﹐來荷蘭就來探我啦

唔得架﹐現在問題係我老公唔捨得佢亞媽﹐我奶奶如果去左鬼佬安老院真係幾慘﹐因為我老爺會唔理我奶奶﹐自己出街﹐你想下我奶奶又一句都唔識講﹐由早到晚都見唔到人﹐而且入了去就唔係話轉就轉呢。。。 :-(

Nijnje

私人傳訊

積分: 206246

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

4^#

發表於 04-7-1 19:19 |只看該作者

Re: 點樣可以解決呢﹖﹖

我都明白既，咁淨係叫你老爺入去住先，你以奶奶唔識講荷蘭話為理由，遲D先入去住，咁得唔得架？因為我唔清楚你哋個邊既程序係點，如果而家去申請中國老人院，要等幾耐架？你老爺係咪特登申請鬼佬老人院架？佢咁衰既，會唔理你奶奶自己出街。

再過多十日我就會去英國，我都想去荷蘭玩順便探望你，不過我唔識路 ^^

私人傳訊

積分: 7827

5^#

發表於 04-7-1 20:47 |只看該作者

Re: 點樣可以解決呢﹖﹖

我想我老爺可能係專登架﹐甘咪又有多個借口羅

我奶奶差唔多係自己養大仔女﹐我老爺都有錢過﹐但係賭錢同玩女人﹐現家咪無錢羅。但我奶奶就話係佢亞哥用左我老爺錢但又無還﹐我又唔係好信﹐因為荷蘭中國人少﹐有什麼事點會無人知呀﹖﹖

我老公的兄弟只知點解我地唔同佢地住﹐又有無人想過點解我地要同佢住﹐係人結左婚都想有2人世界啦﹖﹖
我奶奶都有所有奶奶的病﹐就係鐘意EEOO﹐我都頂佢唔順﹐又鐘意講事非 :-x 通常都左我背後講﹐我聽唔到咪算數

所以我希望一次﹐唔使甘煩 :-P
我住得好近比利時﹐七月開始比利時大減價﹐真係好低買﹐我之前買對DKNY波鞋只係50歐元﹐現在歐元高左﹐所以如果對港紙就高好多

比利時的野食又平又好味﹐所以以前我都成日去比利時﹐現在湊住件細就無去羅

Nijnje

私人傳訊

1

跳至頁

上一主題 • 下一主題

© 2025 Baby-Kingdom.com Limited.

網站：聯絡管理員廣告查詢私隱政策使用條款免責聲明使用意見