想生BB 今日: 8|主題: 109456

收藏本版

發帖

返回列表

跳至頁

查看: 1874 | 回覆: 24

我既小分享（文長） [複製鏈接]

kktsang80

別墅

積分: 668

1^#

發表於 15-10-21 00:10 |只看該作者 |倒序瀏覽 |打印

（一）

終於的起心肝分享我既bingo過程（仔仔剛剛三個月大）。
之前係呢度多得好多好心人無私既分享令我學到好多，所以我諗當有一日我得左一定要同大家分享。
其實我都等左兩年幾先中；記得03年頭同老公都覺得結左婚兩年幾係時候生BB,當時我乜都唔識，以為生仔就好似tbb既劇咁只要唔避就會中，點知試左大半年都唔得，先上網search下有關資料，從此就成為bk常客。
由個陣先知原來一個月得幾日會中，嚴格來講應該得24小時會中，個陣即刻買紅d綠d,又download計排卵既apps認真做功課。
好彩地，3個cycle就中左，個一刻真係好開心，因為剛剛過左結婚週年就中左，係最好既週年禮物。
記得發現有左個陣應該5wk度，去左私家醫生度照，不過乜都照唔到，醫生話大早照唔到係正常，叫我過多兩個禮拜先再照。
就咁過多左一個禮拜，有一日我要番大陸做野，臨走去toilet發覺有少少血，好驚，即時同個女同事講，佢好好人，叫我唔好驚，叫我即刻打去私家醫生度同佢講我既情況，叫佢等埋我先收工（因為番到香港6點幾）。
一到香港，即刻坐的士去醫生度，老公已經係個度等我。醫生照左好耐，只係搵到一點好細既黑點係子宮入面，但因為太細，唔肯定係咪胚囊。醫生話要小心未來一兩日我會唔會突然好肚痛，因為佢話唔可以排除宮外孕，又抽血驗懷孕指數，第二日會有結果，如果指數高又照唔到胚囊就好大機會宮外孕，要準備入院再照清楚同埋要做手術。

（續）

0 0 0

私人傳訊

kktsang80

別墅

積分: 668

2^#

發表於 15-10-21 00:11 |只看該作者

回覆：kktsang80 的帖子

（二）

行出診所，我個人已經震哂，我真係好驚，好怕無左BB，驚到喊都喊唔出。
番到屋企，即刻上床訓係度唔敢郁，不斷同個天講希望無事。
第二日都無番工，係屋企bed rest。成日都keep住有血流，就好似m黎第一日咁；個陣上網睇左好多case，有d人就算咁流血B B都無事；我不停同BB講要努力痴住媽咪呀。
到半夜，醒左成身汗，加上尋日番左大陸覺得好污漕，所以起身沖涼。
沖完著衫個陣突然下面不停流血，即頭見到有一舊血塊流左出黎，我驚到大叫，老公衝左入黎安慰我，個陣我只係識不停咁喊；我心裡面都知發生咩事。
第二日，一早打去診所講尋晚發生既事，同埋問驗血結果，姑娘話懷孕指數好底，加上我流左咁多血兼有血塊，應該係自然流產左，叫我等到無乜血流就番去再照過，如果身體自然排得清可以唔使做手術。
等左6日已經無乜血流，去醫生度照，好彩d組織都排得7788唔使做手術。
個陣除左子宮係空，我個心都係空。
（續）

私人傳訊

kktsang80

別墅

積分: 668

3^#

發表於 15-10-21 00:12 |只看該作者

回覆：kktsang80 的帖子

（三）

小產後，我有做3個星期小月，仲有睇中醫調理身體，加埋針灸，希望身體快d好番再有過。
時，亦更積極學習點計排卵，聽見同事話睇灣他一個中醫中左就仆到去睇，果個中醫好積極，要求日日度體溫，敢會指定邊一日做功課；我更特登安排排卵期去旅行，希望輕鬆d易中d。
可惜咁樣令我好大壓力，大到有兩個月經期遲左好多，遲到令我以為中，但又驗唔到有，令確力更大，因為怕咁樣會啊會連卵都你得排。連係街見到大肚婆都會檸轉面唔望，個心好難受，時不時就攬住老公喊。
咁既日子過左4-5個月，自己覺得咁樣真係唔係辦法，無理由成世人咁架。
於是決定停哂所有中醫、針灸、紅d，好好地休息下。甚至計劃去番轉日本（之前想生一直唔敢去）
3個月後老公出差兩個星期，一個人係屋企諗起之前買左DB哈哈笑，於是拎出黎玩下，由閃閃哈哈笑轉實哈哈笑只需要一日，但個陣老公仲有兩日先番，注定呢個cycle唔岩timing 。
過左3個幾星期，仲有2日due day, 心血來潮驗下（當時屋企只有支買左好耐既DB)。
結果真係嚇左一跳，已經2-3wk。真係完全無諗過會中，我同老公都好驚訝又開心。
雖然中左，但因為上次既事，我初初成個孕期其實都係擔心多過開心，直至夠5個月過埋結構個關先真正開心，而家下仔仔三個月喇：）
而且我今次驗到中既日子同第一次只係差3日，我就當第一次仔仔未玩夠去左環遊世界先，最終番黎乖乖痴實我。
希望我既經歷可以比到d信心大家，耐心等待同輕鬆面對的確有幫助。
加油