「只想談一場永不會散的戀愛#hkgirl #love #pretty #poorgirl #photooftheday #todays #TFLers #tbt #relationship #hkig」成抽hashtag，真係好似驚大家搵唔到佢咁。
想談一場永不會散的戀愛嘅女仔，叫Meko Chiu，港女，自爆係洗米華(周焯華)嘅新歡，噚日仲坐咗私人飛機，聲稱陪洗米華去韓國。
呢位Meko喺fb同ig自揭係洗米華新歡。睇番嗰張私人飛機相，Meko不避嫌寫到明'private jet wif my luv 洗米華'，圖中見到洗米華背住鏡頭，正同女助手傾緊工事。
Meko聲稱係陪洗米華去韓國，本報收到消息，指洗米華的確係噚日出發，帶客人到赴首爾參觀佢喺當地嘅新賭廳，玩番兩手。
Meko當然唔止貼一張「my luv洗米華」咁少，佢仲貼咗張洗米華喺office傾公事嘅相，相中清晰可見係洗米華。不過張相已刪。而嗰張「my luv洗米華」仲喺ig度，但改咗做"private jet lol"，好似delete愛人咁delete咗洗米華個名。
洗米嫂Heidi接受《蘋果》電話訪問時，聽得丈夫攜新歡到韓國一事，佢沉默數秒，然後話:「我依家身在外地，唔回應。」隨即cut線。至於Mandy Lieu經理人Marie就表示：「唔清楚咩事，唔回應喇。」會跟Mandy了解下嗎？Marie話：「佢哋嘅私人事，唔involve，等佢哋自己解決。」
講番呢個Meko，佢嘅ig貼滿個人靚相，仲包括各種名牌，包括坐林寶堅尼、晒卡地亞名表，喺澳門坐勞斯萊斯，財來有方，其中一張仲寫道:「沈默是因為有愛 信任就像一張紙，皺了，即使撫平，也恢復不了原樣。」
Meko個fb呢，就貼滿愛情金句，例如「誰又願意相信一生一世這膚淺對白 最傻的女人就是明知是謊言你還會願意相信」、「你的痴情感動不了一個不愛你的人。沒有結局的愛，不要去勉強。」、「男人，如果你真的不愛她，請你趁早放開她！」、「可否給我一點愛 」又視黃曉明為偶像(透過世紀婚禮向全世界說愛Baby)等等等等。
比較離奇係其中一個po，Meko share咗，係講以前啲男人以包二三四奶為榮，依家唔同晒，以養到老婆肥肥白白開開心心為人生成就。But，Meko應該知道，佢個「my luv洗米華」，係人夫嚟0架呵？ 
原裝版本寫明係"my luv洗米華" 呢張相已刪 似唔似人妻Kay？ 好曬 真係好曬
發表於 
返回列表
