在職全職

收藏本版
發帖
返回列表
跳至頁

首頁
1

尾頁
   0
jlam


伯爵府

積分: 18248

好媽媽勳章


1#
發表於 04-7-2 11:23 |只看該作者

請問有冇生三個小朋友既在職媽媽?

我生左兩個, 一個四歲, 一個一歲, 我係一個普通OL, 收入尚可, 老公係公務員, 有穩定但唔高既收入, 家住居屋, 冇請工人, 日間由奶奶照顧兩個大王, 其餘家務, 讀書, 課外活動等等都係自己一腳踢, 我同老公都十分喜歡小朋友, 一直都覺得最少生三至四個先夠, 但自從細B出左世, 大B上左K1之後, 我覺得原來時間真係好唔夠用, 而且日常生活變得好吃力, 同得大B做功課, 又同唔到細B玩, 同得細B玩, 又唔夠時間同大B傾計, 重要做永遠都做唔完既家務, 日日只係訓得4,5個鐘, 唯一好明顯既得益, 除左兩個BB帶比我既快樂之外, 就係仲瘦過未生BB時既身材! 所以生唔生第3個BB既問題變得好猶疑!
而家細B已經一歲啦, 生唔生新3B既問題又湧出來, 但係短期內, 我絕對一定唔可以唔返工賺錢架!! 我想問下大家, 您又會唔會生3B呢? 有冇媽媽可以share一下經驗?? many thanks.
私人傳訊

SandyKL


琥珀宮

積分: 165719


2#
發表於 04-7-4 00:05 |只看該作者

Re: 請問有冇生三個小朋友既在職媽媽?

jlam,

我同妳情況都幾似，我都要番工，有3名小朋友，分別係8歲幾、5歲幾及22個月，但我地唔洗供樓，只係租屋住，我請咗個賓姐，佢主力做家務及湊老大&老二出出入入，佢已經做咗7年半，我可以攪得掂3個百厭星，另一個最主要原因係我阿媽及我阿婆嚟幫我手睇住d小朋友。

我阿婆自從我個女出世後，直頭住咗係我屋企幫我湊女，所以我都幾輕鬆，但係將來理3個百厭星都全部讀書，又唔知有冇咁輕鬆，我大仔讀小二，9月升小三，二仔讀K.3，9月入埋阿哥間學校讀小一，細妹9月讀nursery。
私人傳訊

jlam


伯爵府

積分: 18248

好媽媽勳章


3#
發表於 04-7-4 12:08 |只看該作者

Re: 請問有冇生三個小朋友既在職媽媽?

Dear SandyKL,

唔該哂, 真係好羨慕你呀, 我諗如果我真係要生第3個, 我就要好好諗下請個工人先得, 我仲想問, 你生3個係咪同一個僱主呢? 老闆有冇唔鍾意?
私人傳訊

Msma


大宅

積分: 3049


4#
發表於 04-7-5 22:56 |只看該作者

Re: 請問有冇生三個小朋友既在職媽媽?

我有四個女, 13, 10, 7同 1, 授埋我呀? 我都返工架!

Msma
私人傳訊

SandyKL


琥珀宮

積分: 165719


5#
發表於 04-7-6 00:41 |只看該作者

Re: 請問有冇生三個小朋友既在職媽媽?

jlam,

唔係同一個僱主，我係公務員，生咗一個小朋友之後，啱啱轉職就發現有咗，係依家理個部門度，我生咗2個小朋友，因為係唔同區份，所以頂頭上司唔同人，所以佢地都冇點留難我。

之前果個部門，因為有同事係5年裏面生3個，所以被人調走，我好驚，所以我申請轉去d好辛苦但係基本上番朝九晚五嘅部門工作。

出面d老闆都係睇人，有d對下屬陀bb係完全支持，有d真係衰到搵機會炒大肚婆，有d政府部門都係一樣架，唔專重大肚婆。

Msma,

妳都好犀利啫，有四個小朋友都仲可以做在職媽咪，咁妳d小朋友邊個湊?妳會唔會再追?係依家出生率咁低嘅時勢，家計會真係要褒獎妳lu。
私人傳訊

plee


大宅

積分: 1308


6#
發表於 04-7-6 23:56 |只看該作者

Re: 請問有冇生三個小朋友既在職媽媽?

我3個寶貝:6yrs, 3yrs, and 2yrs
我同老公返shift, 仲有一個Bun Bun, 但工人就做家務多, 小孩多數自己揍,我們的更期可cover大部份時間;而且兩個大的返全日,如果碰上兩公婆返工又3個mondey同時在家, 我奶奶就過來幫手, 有時我媽也來幫手同他們去興趣班
其實身材也不需太擔心, 我比以前仲fit
私人傳訊

Msma


大宅

積分: 3049


7#
發表於 04-7-7 11:40 |只看該作者

Re: 請問有冇生三個小朋友既在職媽媽?

我D女未係賓湊嘮... 呀老賓好耐架喇.. 大女都係佢湊大架!

我唔追啦! 人老啦!
Msma
私人傳訊

jlam


伯爵府

積分: 18248

好媽媽勳章


8#
發表於 04-7-7 13:58 |只看該作者

Re: 請問有冇生三個小朋友既在職媽媽?

Dear plee,

如果我真係決定生多個, 三個bb既年紀就同係三個寶貝既年紀分別一樣, 我想問, 係佢地咁細細個既時候係咪好難照顧? 一個工人係咪可以handle到? 我同老公都唔係返shift, 所以share時間呢一點我地好concern, 同埋夠唔夠時間照顧佢地既功課呢?
私人傳訊

plee


大宅

積分: 1308


9#
發表於 04-7-7 21:34 |只看該作者

Re: 請問有冇生三個小朋友既在職媽媽?

Dear Jlam,

我3女出生時, 2nd son 才1.5yrs, 要睇得好實, 他試過餵她(1mons)吃提子和幫她把被蓋在頭上, 吃$5銀硬幣(3mons), 現在才好一點
如果你們真係要3rd BB, 可以考慮把大的送入全日的幼兒園, 其實全日班可訓練小孩的自理能力, 他們也讀得開心(如果學校好的話), 有的更有廷展服務, 有需要時可到晚上8時才走;再請工人care 細B及做家務, 如有老人家幫手睇下就更好, 但不要旨意工人一人睇3個
我經常訓練他們自己及被此照顧,如大的可以自己及幫弟弟(有時)洗澡, 他們也很樂意做點小家務
我大仔較自立, 只要給他一個功課範圍, 他可以自行完成,然後給他一點小賞勵如講故事或一點零食, 9月他讀小一, 我打算給他報課餘托管, 因有時晚上我們二人不在家, 奶奶不識字, 沒人教他

如有問題, welcome隨時pm我, 大家分享一下
私人傳訊

SandyKL


琥珀宮

積分: 165719


10#
發表於 04-7-7 22:08 |只看該作者

Re: 請問有冇生三個小朋友既在職媽媽?

Msma,

妳個賓好掂!一湊四，好多都走鬼咗lu，好野!

Plee,

妳要番shift添?真係佩服妳攪得掂，我當初轉部門，就係驚有朝一日調去番shift，咁星期日我d百厭星就冇人睇，吓吓要我阿媽嚟睇住佢地又唔想，冇得一家去街街，閒日放假佢地又要番學，依家我同我老公都番九五，所以可以睇住班百厭星。
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy