烹飪搵食今日: 1|主題: 139221

收藏本版

發帖

返回列表

跳至頁

查看: 5376 | 回覆: 4

尚朋堂電磁爐上門維修最少要等兩至三星期 [複製鏈接]

mamawaga

複式洋房

積分: 145

1^#

發表於 08-5-15 12:10 |只看該作者 |倒序瀏覽 |打印

上星期一打電話叫尚朋堂上門維修電磁爐，跟住無晒消息，再打維修部電話時時無人接，終於有人接時就答我話本星期頭應該上得，等到今日星期四都無消息，我再打電話追，接電話位小姐話答唔到幾時有人上門維修，只知整之前一日先至會有電話俾我，以下係對話內容：

我：煮食爐日日要用，有咩理由要咁多日先有人上門維修？
小姐：我地唔知架，ｃｈｅｃｋ唔到邊日有人嚟．
我：你地公司有無指引要幾多日內幫客維修？
小姐：無．
我：你地前一兩年都唔係咁架喎，以前兩三日內會有人上門整機，依家閒閒地要兩三個星期．
小姐：唔哼唔哼．
我：唔哼唔哼就係你地ｏ既答案呀！咁依家咁耐都無人上門整機，係咪即係話你地通街壞機整唔切呢？
小姐：（無言以對）
我：你地個維修電話又唔係時時有人接．
小姐：我地條熱線打得入架播．
我：我上星期打咗好多次先有人接喎！
小姐：你邊區架，我幫你睇下可唔可以快啲安排喇．嗯，大概要下星期初．
我：吓！上星期我打嚟又話呢個星期初，依家又話下星期初？
小姐：係要咁耐架喎，呢排啲單最少都要等兩三個禮拜．

各位網友，如果你地係一個月先至須要開爐煮食一次的話，尚朋堂電磁爐十分岩你用！！！