大仔大女媽媽會 今日: 0 | 主題: 177860

積分: 1360

1^#

發表於 08-6-16 13:44 |只看該作者 |倒序瀏覽 |打印

我個小朋友約4.5Y～讀K2，現在才發現佢、加上佢自己說，佢不仲意讀、講英文，佢怕了英文～～點算好

．我可以點做，才會令佢冇返信心．

mouth:

0 0 0

私人傳訊

birdbird

水晶宮

積分: 61571

2^#

發表於 08-6-16 22:04 |只看該作者

原文章由 delia 於 08-6-16 13:44 發表
我個小朋友約4.5Y～讀K2，現在才發現佢、加上佢自己說，佢不仲意讀、講英文，佢怕了英文～～點算好．我可以點做，才會令佢冇返信心． mouth: ...

delia,
你個大仔係03年10月b?
仲記唔記得我?

你話大仔唔鐘意讀, 講英文, 怕 o左英文,
咁你可唔可以講多少少關於你大仔的學校英語環境,
屋企的英語環境, 課外活動, &
佢在什麼情形之下話你知佢唔鐘意英文?
你講多少少, 我地可以交流下經驗.

私人傳訊

積分: 1360

3^#

發表於 08-6-17 01:10 |只看該作者

birdbird

Hi~~

我當然記得大家啦，不過自從有了細仔後，多了好多工夫要做，少了上來同大家交流......交流:loveliness: ．

我大仔間學校有外籍英語老師的，唔知是不是大仔要面，老師問佢嘢佢唔識，所以，佢選擇逃避，開頭我都唔知的，只知佢要面，最近我想話找間暑期幼兒課程，內有多行活動（包括英文）佢知道又有外籍英語老師，立即說不去，一問只下他才說唔鐘意英文．我同老公都

，屋企沒有請工人，自己人照顧，我同老公都夜返，可能少同佢講英文，加上老師沒有同我們反應佢在學校有這個問題．

點算好呢！！

私人傳訊

birdbird

水晶宮

積分: 61571

4^#

發表於 08-6-17 11:21 |只看該作者

delia,

我仔的同學, 有一個case.
就係小朋友係講到英文, 不過唔知點解唔鐘意在學校同老師講.
老師都可以講到小朋友有能力, 不過小朋友在學多唔多講.

你可以先打電話去學校,
同囝囝的班主任 & 英文老師了解下囝囝在學校的情況.
再同老師商量一下有咩方法可以幫到囝囝.

還有, 你識得其他同班的家長的話, 可以嘗試同佢地打聽一下,
同班同學學的進度, 反應, 等等.
因為可能個別老師比較嚴, 你仔唔受果套的話,
會唔鐘意果一科....... 另一個老師, 又可能會好夾你仔,
你仔會講多好多野.

在屋企, bedtime stories, 你可以每晚同囝囝睇一本中文,
一本英文 (比佢揀呢兩本書).... 令到佢唔好抗拒英文先.
佢怕講英文唔緊要, 但起碼令到都肯睇肯聽!

至於課外活動, 你可以搵一 d比較多活動空間,
小朋友唔需要成日坐定定,
而且個老師又有辦法引導小朋友的英文班比囝囝上,
囝囝鐘意上呢d班, 佢的英文聽力應該會提昇.
我會用 '去玩', instead of 話去 '上英文班'
帶個仔去上英文班......
還有, 如果我覺得個活動班係好的話,
我係唔會問佢上 or 唔上..... 我係唔會比佢揀.

至於講方面, 始終我地在屋企同小朋友講廣東話,
睇中文電視, 小朋友自然會講中文多過講英文
我地唯有多d鼓勵佢講英文,
佢在學校 & 課外英文班肯同老師用英文講少少野,
我覺得已經好好.

[ 本文章最後由 birdbird 於 08-6-17 11:27 編輯 ]

私人傳訊

積分: 1360

5^#

發表於 08-6-18 23:58 |只看該作者

Bridbrid

我都有同我老公講~不如問吓老師，大仔在學校的情況，但佢話現在都六月中了，現在才問太遲了，不如想吓有什麼辦法幫到佢才好啦!!

至於課外活動，我試過幾次，平均有三分一佢都會看心情~唔肯上，一系捉實唔比我哋走，一系自己玩唔理老師(一半時間)，只有一次例外~玩體操。

我想問吓妳們除了暑假外，平時有否比小朋友返興趣班，他們肯返嗎? 唔問佢~那幾時才通知佢去上堂，無問題嗎?是不是我比得太多自由到佢呢?

私人傳訊

積分: 9256

6^#

發表於 08-6-19 08:51 |只看該作者

delia,

唔介意我又搭下咀嗎?

婷婷都係唔講英文架, 尤其上學期響學校上英文堂, 好似啞既咁, 一時打喊路, 一時食頭髮, 一時玩手指, 一時眼定定望實個英文老師, 我響學校裝過佢好多次, 佢都係咁, 對英文老師既提問完全無反應的! even響外面畀佢上d英文pg, 佢都係咁, 情況同你大仔一樣, 一時會喊晒口話: 我好緊張, 我唔想入去! even入到去, 咪唔出聲, 無反應囉! 後尾我索性quit左個英文pg, 改為畀佢上公文英! 一方面上公文英, 另一方面就搵1:2既中國藉英文老師畀佢, 情況大有改善的!

我地後尾睇番, 阿女未必係唔鍾意上英文堂&講英文的, 佢可能只係唔鍾意or怕同d金頭髮藍眼睛既人講野, 加上佢之前識既詞語好有限, 根本就溝通唔到, 而家上過公文英, 識既詞語都豐富左好多, 句式點樣運用, 亦有一個概念, 所以當佢上1:2既英文堂時, 佢都會放膽講少少 (由當初一個字都唔講, 到而家都肯回應), 響學校上英文堂嗰陣, 外藉老師問問題, 佢都開始識舉手答下喇, 不過答親都係蚊孜咁細聲啫! 算係好過唔答啦!

我同小鳥既睇法一樣, 我都覺得你應該打電話or親身返學校了解下阿仔上英文堂既情況, 唔好話而家六月已經好遲, 你唔好忘記, 仲有個k3, k3會唔會都係同一個英文老師教番呢? 如果問題一日唔解決, 一日都會擔心c你呀! 而最怕既係, 佢上到小學&中學都依然怕左英文, 咁就真係大鑊喇, 所以一定要趁佢仲細, 可以幫到佢解決既話, 就盡量幫喇! 而解決問題之前, 必先要了解阿仔既情況呀!

原文章由 delia 於 08-6-18 23:58 發表
Bridbrid

我都有同我老公講~不如問吓老師，大仔在學校的情況，但佢話現在都六月中了，現在才問太遲了，不如想吓有什麼辦法幫到佢才好啦!!

至於課外活動，我試過幾次，平均有三分一佢都會看心情~唔肯上，一系捉實唔比我哋 ...

私人傳訊

birdbird

水晶宮

積分: 61571

7^#

發表於 08-6-19 19:24 |只看該作者

delia,
阿10講得o岩呀, 而家你地唔同老師傾大仔的問題,
搵出原因, 好難幫到佢.
或者你同老師傾完, 知道個仔的情況並不如想像中嚴重,
總之你唔問過老師, 你唔會有多d資料去了解個問題.
快d搵老師傾傾.

另外, 我比阿仔參加課外活動,
我多數都唔問個仔.
我覺得佢d說話睇心情,
問佢去唔去某個課外活動,
佢會話唔去唔鐘意, 但係上完堂
佢又會好開心, 話下次再去玩.
所以我多數都唔問.

我通常在新的興趣班前1-2日,
先至話比阿仔知有個咩咩班,
我會帶佢去玩.
我仔 '順得人', 我帶佢去邊, 佢照跟.
到入班課室前, 我會話比佢知陣間會接番佢.
呢d興趣班, 我好少話上幾堂就唔上,
由於係咁, 個仔習慣o左每個星期某一日某個時間,
佢要有特別事做, 所以佢就算去上堂之前有少少反抗,
最後都會就範 (可能我夠惡).

[ 本文章最後由 birdbird 於 08-6-19 19:32 編輯 ]

私人傳訊

積分: 9256

8^#

發表於 08-6-19 23:18 |只看該作者

你隻雀仔, 真係好唔民主, 哈哈, 不過大少順得人, 無所謂!

delia,

婷婷由細到大我都有畀興趣班佢, 直至今時今日, 佢有九樣野在手, 逢星期一至六都有, 星期二&三&五仲要走兩場添, 不過學小鳥話齋, 可能已經成為習慣, 佢已經無乜抗拒了! 無論係學術性既, 活動性既, 佢都好樂意去學去玩, 可能因為我曾經制左佢一個星期唔學野就連平台公園都唔准去, 所以只此以後, 佢好乖好聽話咁完成佢每日要學要做既野!

原文章由 birdbird 於 08-6-19 19:24 發表
delia,
阿10講得o岩呀, 而家你地唔同老師傾大仔的問題,
搵出原因, 好難幫到佢.
或者你同老師傾完, 知道個仔的情況並不如想像中嚴重,
總之你唔問過老師, 你唔會有多d資料去了解個問題.
快d搵老師傾傾.

另外, 我比阿 ...

私人傳訊

積分: 1360

9^#

發表於 08-6-20 01:01 |只看該作者

多謝兩位意見!!

阿10
我想問吓什麼是公文英，是指公式教學嗎？1:2既英文堂又是什麼？是否指一個老師對兩個小朋友？
我就係怕佢個基礎打得唔好，我聽妳這樣說，然仔都有可能係怕左d金頭髮藍眼睛的老師。

Birdbird
我老公要我先在手冊上問吓先，然後才找機會問老師，現在等老師回覆。
細個時一起返pg都知佢'順得人'啦，係然仔越大越唔聽話，我都試過好多次~佢唔做或做唔到某樣嘢時，唔會比佢玩玩具、打機，或看電視，但佢都選擇唔做、仲發皮四，講極都唔聽激死我。

私人傳訊

積分: 9256

10^#

發表於 08-6-20 08:53 |只看該作者

delia,

公文英, 即係公文式kumon既課程, 而公文式既課程, 係分開中文, 英文 (又分兩個課程, 分別係ERP[適合以英語作為母語既小朋友] & EFL [適合英語作為外語既小朋友]), 公文數! 而婷婷, 三科都有讀, 先讀公文數, 三個月後公文英, 半年後加埋公文中! 每日都要做練習的, 視乎小朋友既情況, 每日做5 or 10頁工作紙 (每科)!

公文英文, 我揀左EFL, 因為我地本身PROVIDE唔到英語環境畀佢, 即係我地平時無同佢用英語溝通, 而佢所學既英文, 都係學校課程教幾多, 佢就知幾多! 我唔知阿女係怕羞定係好似然仔咁要面, 總之每當一大班人一齊上英文堂嗰陣, 佢都選擇唔出聲! 見到佢既情況, 尤其返英文PG, 你知啦, 畀晒錢架嘛, 仲要1對10嗰類型PG, 得嗰一小時, 每個小朋友講既機會根本就唔多, 佢仲要唔鬼講, 我直頭覺得係嘥錢, 於是就放棄PG, 改讀公文英文!

公文英文有個好處, 就係佢地可以從最簡單既開始, 例如認讀單字DOG, CAT, TREE之類, 由單字開始, 再學短句, 例如A BIG DOG, A FAT CAT; 然後再學簡單句子This is a big dog. This book is thick. This magazine is thin.等等....然後會開始學phonics...再之後係學對話句式, 例如人地點問你, 你應該點答&可以點答...再後期D, 會有閱讀理解添...一步一步, 由淺入深, 因應小朋友本身既進度唻學習, 唔需要好似返學咁, 等所有人都有相同既能力至升LEVEL, 純睇每個小朋友自己本身既能力!

而由於最基本既野, 都係佢地熟識既野, 所以初頭佢地理論上應該唔會太抗拒, 唯一擔心既係, 然仔做到後期, 即係開始要寫字, 正式做練習嗰陣, 佢會唔會抗拒要做多頁功課啫! 但因為由基本開始, 理論上佢可以由此pickup番自信心! 仲有一樣好緊要, 就係嗰D老師OR助教, 都係講廣東話的, 在佢地唻講, 係熟識既語言, 而老師叫佢地讀番D功課畀佢地聽嗰陣, 都只係需要讀畀一個老師聽, 讀錯左OR唔識讀, 都只係得一個老師知道, 唔會有小朋友笑佢的, 而公文老師亦好識得鼓勵佢地, 今次唔識讀唔緊要, 返屋企聽多幾次CD, 下次返唻識晒就獎你貼紙等等...

不過公文最大既唔好處, 係無得互動, 即係比較死板地聽CD & 讀功課做功課, 所以為左阿女可以學以致用, 我地就另外再搵一對二既英文老師畀佢! 佢同佢朋友仔一齊上堂, 而又由於我地發覺佢比較抗拒金頭髮藍眼睛既外藉人士, 所以就索性搵一個黃皮膚黑頭髮既畀佢, 等佢唔好先入為主就抗拒, 接受左之後, 慢慢佢就肯講了! 而家每個星期六, 佢都自動自覺起身去老師屋企玩了!

其實坦白講, 我都分唔清究竟係公文既威力, 定係私人老師既威力, 抑或係佢本身長大左, 進步左, 總之而家阿女除左可以認讀串默佢學過既英文生字句式之外, 佢亦肯聽肯講 (當然唔係講得好似大少同包包咁流利啦!), 最起碼, 佢樂意回應, 唔係一舊飯咁坐響度發誓!

睇DISNEY CHANNEL嗰D卡通片仲搞笑, 以往佢因為聽唔掂, 佢會選擇只聽廣東話, 而家...佢首選聽英文 (可能因為好多字佢都聽到&知道係咩字&知道點解, 所以佢越睇越HAPPY); 次選普通話 (若然嗰套卡通係重播既, 佢就會揀聽普通話, 因為佢知道普通話同廣東話有分別, 有時佢係專登聽下嗰D詞語點講, 畀佢發覺左有唔同, 佢就會問問問), 最後至聽番廣東話...

ANYWAY, 你點解唔直接打電話問老師呀? 然仔學校既老師好忙的嗎? 唔可以響放學後打畀老師直接傾既咩? 可能我比較心急, 我從來唔會將我既憂慮寫響手冊, 然後等老師慢慢覆的, 每當我發現阿女有乜野唔妥, 有乜野問題, 我就會響佢地放學之後, 直接打畀老師問個明白, EVEN老師有時都未必留意到我所發現既問題, 但我都會請老師就我所發現既情況, 多加留意阿女響學校有無相同情況, 然後再打電話講番畀我知的! 總之我係誓要搵到問題所在, 然後幫佢克服&解決的!

原文章由 delia 於 08-6-20 01:01 發表
多謝兩位意見!!

阿10
我想問吓什麼是公文英，是指公式教學嗎？1:2既英文堂又是什麼？是否指一個老師對兩個小朋友？
我就係怕佢個基礎打得唔好，我聽妳這樣說，然仔都有可能係怕左d金頭髮藍眼睛的老師。

Birdbird
我老公要我先 ...

私人傳訊

積分: 1360

11^#

發表於 08-6-21 01:15 |只看該作者

阿10

多謝妳意見呀！我上網查過我屋園原來有一間，等我明天去問吓先．

私人傳訊

積分: 9256

12^#

發表於 08-6-21 08:01 |只看該作者

delia,
唔駛客氣!

其實我都知可以互動係最好, 但當好似婷婷同然仔呢類唔知怕羞定要面既小朋友, 唔願意用外語去做簡單對答既時候, 我唯有從另一個途徑畀佢打好英語基礎! 而公文係可以從最簡單既開始, 正因為佢地覺得淺, 所以可以慢慢pickup到自信心, 希望對然仔都有幫助啦!

原文章由 delia 於 08-6-21 01:15 發表
阿10

多謝妳意見呀！我上網查過我屋園原來有一間，等我明天去問吓先．

私人傳訊

積分: 1360

13^#

發表於 08-6-26 01:06 |只看該作者

我已去過Kumon，個老師話要個家長上左堂先，聽左佢講解個課程，然後才決定報唔報喎．

阿10
我想問吓，妳個女上堂時是否無位坐嫁，我個日去到間Kumon，覺得間Kumon好似教務處，唔比我入去的，要企出出面問嘢，我立眼見到個小朋友企在教師將枱右面，老師就坐在教師枱裡，就這樣～問小朋友問題及改正功課，這樣不是更加有壓力嗎？

私人傳訊

積分: 9256

14^#

發表於 08-6-26 02:30 |只看該作者

學公文, 個流程係咁既...

決定報公文之前, 家長一定要去聽接近兩小時既家長說明會, 當中會解釋公文既理念, 上課流程等等...總之你一定要了解清楚, 你至好幫阿仔報名, 否則大家都會痛苦的! (畢竟公文係要日日做工作紙的啊)

聽完家長說明會, 而你又決定報名, 佢地會幫阿仔做個評估, 睇下佢應該&適合由邊個level讀起, 評估完, 老師會同番你講 & 如果你都接受由嗰個LEVEL做起, 咁就可以揀時間START.

入到課室, 當然係有位坐啦, 老師會坐埋一邊, 小朋友有需要至會走埋去教OR引導佢地, 由於公文係一套自學自習既課程, 所以導師唔會下下響佢地側邊叫佢地做乜做物的, 只係小朋友真係遇到唔明白既地方, 導師至會加以指導!

由於除左在家中要做工作紙之外, 課堂上亦都要做一份畀老師睇的, 而做呢份工作紙果陣, 就當然係會畀枱櫈佢地坐喇, 咪你叫佢地點做?! 公文英文要先聽CD, 後做工作紙的, 做完工作紙之後, 就要離開坐位交功課, 呢個時候, 導師會睇番佢地課堂既功課有無做錯, 如果做錯, 會叫佢地返埋位改正, 改好再交番畀佢地; 另外, 以英文為例, 佢地會叫小朋友行出去老師旁邊, 讀番一次畀佢地聽嗰D生字OR句子 (行出去讀, 係為免朗讀期間, 影響其他小朋友做習作吧), 漸漸, 會要求佢地除左識讀, 仲要識解, 識串, 識運用等等... 呢個過程, 完全係循序漸進的!

如果你話有壓力...嗯...我諗最大既壓力, 唔係響課堂上面讀番D字畀老師聽, 而係每日都要做指定份量既工作紙, 以婷婷為例, 佢讀晒中英數三科, 每科10頁工作紙, 底面夾埋即係每科20版, 三科即係60版...每日都要響指定時間內完成, 兼且唔可以唔做, 事關唔做既話, 堆埋第二日一次過做, 仲辛苦!

我唔知你阿仔受唔受公文呢套呀, 不過公文英, 因為無外藉老師, 全部都係中國人, 婷婷就好放心咁學的, 因為EVEN唔識讀, 佢都可以直接同老師講佢唔記得點讀, 仲有就係, 因為問佢地野果陣, 只係一個老師對住佢一個唻問, EVEN答錯左, 亦唔會有其他同學仔笑佢, 所以佢可以好放心咁學習!

係喎, 話時話, 你問左老師未呀? 阿仔響學校既情況如何呀?

原文章由 delia 於 08-6-26 01:06 發表
我已去過Kumon，個老師話要個家長上左堂先，聽左佢講解個課程，然後才決定報唔報喎．

阿10
我想問吓，妳個女上堂時是否無位坐嫁，我個日去到間Kumon，覺得間Kumon好似教務處，唔比我入去的，要企出出面問嘢，我立眼見到個小朋友 ...

私人傳訊

積分: 1360

15^#

發表於 08-8-30 23:35 |只看該作者

十月媽咪

這樣遲回覆，sorry！因我病了成個月，加上放工又要照顧兩個，好累～～

我問過個老師（主任教的，因中期有個老師走左由主任補上），佢話然仔在學校沒有異樣，做任何事都肯用心，由其勞作材剪做時做得比其他小朋友細心，不過主任都發然仔每做一件事都會，先望一輪才開始做，我都唔明點解？思考形？又唔似，我覺得似自我為中心形，想點就點．

我同老公都聽了個說明會，都覺得幾好，由期係中文同數學，不過都係先報左英文先．

私人傳訊