想生BB 今日: 6|主題: 109550

收藏本版

發帖

返回列表

跳至頁

查看: 535 | 回覆: 5

陰影 [複製鏈接]

sheepyland

大宅

積分: 1675

1^#

發表於 15-11-16 11:44 |只看該作者 |倒序瀏覽 |打印

雖然我已經有個仔仔3歲幾，但當年2011年有BB前，除左發現有甲亢外，經期勁唔準，成9個月先一次，最後都攪左成年，食通經藥＋排卵藥先成功。

到2013年仔仔差不多1歲半，打算生多個，hea仲咁試，試下試下，終於2014年8月成功啦，本來非常開心，因為真係恨左好耐，但最後8wk小產左，仲記得當時每日以淚洗臉嘅日子，而且加上身邊嘅朋友陸續報喜，受嘅打擊好大，收埋自己好一段日子，係呢個時候，甲亢再度返發。

過左半年到，終於叫可以放開，再努力，但試極都唔成功，打算睇醫生開排卵藥，點知發現卵巢有粒嘢，醫生話不能開排卵藥，要2個月後覆診。等呀等~2個月過去，返去再照粒已經無左，但醫生依然唔肯開藥，話希望我照輸卵管同驗精，要逐步嚟，係呢刻我覺得呢個醫生好曬我時候，點解唔可以同步進行呢？

算了…前後攪左2年幾都仲未生到，不如唔好生算啦…就係呢個時候，綠d終於有幻覺線啦~然後用棒棒都有淺線，當時真係好開心，但…最後只出現有一日就無左…對…化學了。

呢次我好叻，完全無喊過，而且心態上已經唔同了，放低了，可能真人放鬆曬，化學後嘅今個月竟然bingo了，但係心𥚃可能有陰影，成日仍住有d不祥預感，加上昨晚半夜勁M痛，仲痛醒左，雖然無見啡見血，但總是覺得唔會咁順利。