大仔大女媽媽會

收藏本版
發帖
返回列表
跳至頁

首頁
1

尾頁
   0
PekoBB


別墅

積分: 930


1#
發表於 08-8-12 14:31 |只看該作者
我們一家, 向英勇的消防員致敬, 你們將配備的氧氣罩脫下來, 奉獻了自己的生命來救人, 你們兩顆烈火雄心, 真是很偉大!

Niki 心聲,

上來舒發一o下先!
每次看到這些新聞, 都一定流淚不安, 亦會唔開心一排的, 真是不想看見這些事情發生, 可能自己丈夫是此職業, 真是有一定的壓力, 無事情發生個人就不會想起種種, 但一有事件發生後, 總會感覺不安! 星期日的早上, 我問Daddy 如果你當時在場, 你會不會將自己個氧氣比人用 (因為我真是很想知道佢會點處理), 他說現在很難答你, 我現在可以應承你不會, 但在當時的情況下, 亦可能會咁做, 當我聽到呢個答案時, 我知道他只是怕我擔心, 我知他的性格, 一定會去不理自己死活都會去救人, 我知我其實問來都有點多餘, 不過又好想問喎! 我最後只係同佢說, 如要去很危險的環境, 總之你要了解清楚自己個能力是否有把握出返來, 你要記住我兩母女係屋企等你, 你要記住呢點呀! 係星期日的下午, 我和他一同去小朋友家玩, 看現他很少出聲, 返到家才知原來他因為有同事死亡而心情不好, 我都無想過他的感受, 昨天, 他又望住我和個女而流淚, 我才知他一定是很不安了, 希望他亦快點回復心情啦! 對於我來說, 嫁佢就預o左要擔心啦, 不過自從有了BB後, 個感覺很大, 更加擔心了, 因為我們決一不可麻, 無事就不會想, 有事發生了種會有一排不安, 希望快點忘記, 每次有這些事件發生, 都會更加提醒自己珍惜現在每日的快樂生活!

[ 本文章最後由 PekoBB 於 08-8-12 14:33 編輯 ]
私人傳訊

tianlu


大宅

積分: 3664


2#
發表於 08-8-12 14:50 |只看該作者
祝福你们也保佑你们！！！
私人傳訊

carfoon


大宅

積分: 2613


3#
發表於 08-8-12 14:52 |只看該作者
向英勇的消防員致敬!!

Niki,
我見到呢單新聞,都有即時諗起妳同yoyoko, 因為妳地老公都係從事呢項偉大嘅工作!! (我老公雖然都係公務員, 但佢嘅工作相比起消防員就真係無得比)

我真係好佩服消防員果份勇敢救人嘅精神! 當每個人都向住出口逃生嘅時候,只有佢地係向相反方向前進, 去災場救人! 真係好偉大好偉大!

不過妳同老公都唔好太唔開心啦...老土d講句:生死由命,好多嘢都係整定嘅! 好似我上星期撞車單嘢,都差d無命返黎... 有好多嘢都唔到自己決定, 人有時真係好渺小架... 所以呢,我成日都係果句:珍惜眼前人!

果日我老公同我講, 話見到妳老公好似唔開心咁... 原來就係因為咁... 希望佢都快d平復心情啦! 振作呀! 勇敢嘅消防員叔叔!
大家為你地鼓掌!!




原文章由 PekoBB 於 08-8-12 14:31 發表
我們一家, 向英勇的消防員致敬, 你們將配備的氧氣罩脫下來, 奉獻了自己的生命來救人, 你們兩顆烈火雄心, 真是很偉大!

Niki 心聲,

上來舒發一o下先!
每次看到這些新聞, 都一定流淚不安, 亦會唔開心一排的, 真是不 ...
私人傳訊

JojoB


男爵府

積分: 6170


4#
發表於 08-8-12 15:57 |只看該作者
唔好講話你睇到新聞流眼淚
我聽到依個消息 我都忍唔住
果一刻我心都驚一驚 諗起我所識既消防員朋友

好似新聞訪問一個退左休既消防員
佢話自己做消防員係有一個使命感
或者咁講 係與身軀來的
唔係個個會咁勇敢去承擔依個責任

希望每一個人都可以平平安安 開開心心咁生活

私人傳訊

covermark


大宅

積分: 2910


5#
發表於 08-8-12 19:16 |只看該作者
niki,

我睇新聞果陣都係即刻諗起你同你c6。

消防員既職業人人都覺得好正，返1日放2日，返工都係BBQ同打排球多，又有宿舍又有福利，其實…呢份工要承受既心理壓力幾大…無論消防員本人同家屬…救火救人…分分鐘會連自已既生命都要犧牲，試想下如果全世界既人都因為驚而唔敢去做，咁有起火災既話我地點算…所以，我真係好尊敬所有既消防員，亦好欣賞佢地既家人，因為佢地既無私，我地市民先可以晌危難中受到救助同保護。

在朋友立場去講，生死有命，富貴由天，有時候世事既野都唔輪到我地諗得太多，莫講係做乜野職業，有時d人行行下街都會無啦啦遇到你意想不到既意外，唔煙唔酒既人都一樣會生cancer，又煙又酒既人活到好長命亦有…有d 小朋友仲一出世就有病…

所以，都係唔好諗太多，順其自然，亦要相信你c6既尊業判斷同能力。
私人傳訊

lisabank


大宅

積分: 1391


6#
發表於 08-8-12 23:50 |只看該作者
Niki,

星期日果日我地一家返到屋企之後, 我老公開tv睇亞視新聞, 我沖完涼出黎佢呆左咁同我講呢單新聞, 我即時反應係: "吓??" 咁跟住我就話諗起你同yoyoko, 我話做消防員太太其實好大壓力, 我老公問我亞豪同亞德會唔會抽調去呢度幫手, 佢話有d擔心, 我話應該唔會卦!

我自己睇呢單新聞嘅時候, 坦白講都有d眼濕濕, 事關我好眼淺, 噚日見到你地一家, 我覺得好開心, 因為見到你地齊齊整整一齊, 我有一刻衝動想問你有冇因為呢單新聞而擔心亞豪同埋唔開心, 因為我記得以前有一次你因為有個消防員殉職而開左一個post話自己好擔心, 不過我最後都冇問你, 因為我唔想提起呢件事 況且你地一家三口正在樂聚天倫行緊街, 我唔想係呢個時候去提起呢件唔開心嘅事去打擾你地. 所以決定唔提唔問.

你仲記唔記得去旅行前你問我, 點解我老公好似成日都要去e院探病果件事呀! 早2個week, 果個親戚終於走左啦, 走得好痛苦, 但係生前係一個好好先生, 估唔到咁短命, 在生時完全冇享過榮華富貴, 仲要走得咁辛苦.

生命無常, 我地個個都唔知自己或者身邊人會有幾長命, 唯有老土d講句, 珍惜眼前人同埋眼見一切, 好好去享受人生吧!

無論點都好, 你有咩唔開心都好, 記得同我地講, 但願所有人都一切安好吧!

P.S.: 請代我和我老公同亞豪講聲, 叫佢唔好唔開心, 希望佢振作! 佢仲有老婆女兒支持的! 另外都想同yoyoko講聲, 希望佢都唔會因為呢件事而擔心, 順祝亞德, yoyoko和唐唐一家都順利安好!
私人傳訊

patpat234


水晶宮

積分: 64089

好媽媽勳章


7#
發表於 08-8-13 01:04 |只看該作者
NIKI,

當日我去左BB展,咁o岩行到累出左去食飯期間聽到呢段新聞,聽到有2個消防員出事果刻真係好驚,好擔心,不過之後話一個4x歲,一個2x歲之後就定左d.

本來想打個電話比你同yoyoko,但又怕唔知同你地講咩,點同你地講.所以最後都冇打到比你.

見你地2家人都一切安好就好喇.

偉大o既消防員,我地一家四口向你致敬!!!
「知足者，常樂也；不知足者，富亦憂。」
私人傳訊

祈兒


大宅

積分: 2385

畀面勳章


8#
發表於 08-8-13 01:34 |只看該作者
niki同yoyoko

為到妳倆有一個咁勇敢以消防作為職業既老公為榮

願妳地都常常有平安同喜樂

聖經上說：　
[所以不要為明天憂慮，因為明天自有明天的憂慮，一天的難處一天當就夠了。]

[ 本文章最後由 祈兒 於 08-8-13 01:46 編輯 ]
私人傳訊

virgobb


大宅

積分: 2240


9#
發表於 08-8-13 18:47 |只看該作者
我真係唔想任何一個消防員因為救人而犧牲自己生命呀。
我希望每一個消防員除了救人時，要記住保護自己既生命係同樣重要（如果唔講更加重要），因為咁樣先可以再幫到其他人。
引用奧運舉重金牌選手的話，有生命，將來甚麼也有可能！
我地好需要英勇既消防團隊，一個都不能少！加油！！

我係清林.歡迎來看看清林誌
私人傳訊

hinhei


男爵府

積分: 9835


10#
發表於 08-8-13 22:23 |只看該作者
我都睇到聲都變埋咁解釋比D仔知!!
私人傳訊

柔柔mami


大宅

積分: 2254


11#
發表於 08-8-14 01:16 |只看該作者
niki,

你唔好太擔心啦! 你唔開心你老公都會唔開心! 我都相信生死有命, 開開心心過每一天最重要, 另一方面你應該為喬q有個偉大既daddy你有個偉大既老公而驕傲, , 你老公都唔想你太擔心而唔開心, 相信你老公既判斷力同能力, 佢咁錫你地一定會記住你地係背後支持佢, 每次都會排除萬難平平安安返屋企架!
私人傳訊

bol


別墅

積分: 732


12#
發表於 08-8-14 01:38 |只看該作者
niki
當日我見到個報導, 第一時間同C6講. niki同yoyoko家下一定好擔心or 流淚.
雖然我c6唔係消房員, 不過佢亦要經常坐長途車上大陸.
有時見到d交通意外都好擔心..

正如其他mami講. 生死有命..我地要享受大家一齊每一天..
有得一齊去玩玩盡去.. 唔好想咁多.. 一定要大家一齊盡量參與同亞仔/女一起成長的每一天..

你同yoyoko個老公已經做得好好.. 加油..
<a href="http://lilypie.com"><img src="http://b2.lilypie.com/D8xwp8.png" alt="Lilypie 2nd Birthday Ticker" border="0"  /></a>
私人傳訊

BigPig阿花


伯爵府

積分: 18061

好媽媽勳章 醒目開學勳章 畀面勳章 環保接龍勳章


13#
發表於 08-8-14 10:53 |只看該作者
ｎｉｋｉ同ｙｏｙｏｋｏ＆你地的老公都加油呀！

好明白你地的擔憂的，因為本身自己的好朋友的老公都係做消防，平時可能真係可以好ｈｅａ，不過一出勤都係有壓力的，同朋友傾得多，所以都知你地身為太太們的感受，果日一聽到新聞，自不然都想起你們，都有諗，自己的朋友有冇份去左增援。希望你地自己同老公都早日擺脫今次的陰影呢！
我 要 舉 起 救 恩 的 杯 、 稱 揚 耶 和 華 的 名 。詩 116:13兒 女 是 耶 和 華 所 賜 的 產 業 ． 所 懷 的 胎 、 是 他 所 給 的 賞 賜 。詩 127:3
私人傳訊

stbb06


大宅

積分: 1241


14#
發表於 08-8-15 00:17 |只看該作者
niki

真係唔知講咩好.....我都明白擔心身邊另一半會有危險O既心情係真係好累,不過隨天而行啦,太過份擔心亦會令到你C6多一份擔憂,總之大家有左共識就得喇,亦向所有消防員致敬!加油呀!

vana b kids wear<---click
私人傳訊

yamiyami


男爵府

積分: 8649


15#
發表於 08-8-15 14:23 |只看該作者
我老公都係做消防, 當時佢唔使番工, 不過佢間局既c 隊就有份做先頭報隊, 我無咁傻問佢會唔會除個mask 比其他人吸, 我只係好自私咁叫佢 “咩時候都要顧左自已先, 你仲有老婆仔女”…我自已睇新聞都睇到眼濕濕, 唔擔心就呃你架啦

今日老公放左工我9:30am打比佢無人聽, 我都驚到同自已講 “唔係呀麻” 原來係去車遲左收工, 佢係局沖埋涼先走….做消防員太太點會無壓力?

不過發生左呢單野, 我都有少少改變左自已, 以前我好demanding, 為左子女問題成日呼喝老公, 兩日唔埋就嘈一嘈, 不過而家我知道要珍惜眼前人, 將自已既脾氣收歛, 反而大家相處好左, 開心左, 原來一直問題只係係自已度….

我在此…

向兩位殉職既消防員致敬…..你地真係好英勇…

私人傳訊

PekoBB


別墅

積分: 930


16#
發表於 08-8-15 23:53 |只看該作者
好多謝各位的支持及關心, 事件過了幾日, 如之前所謂, 已經無再想了, 有BK 這個網站, 真的可以舒發一o下心聲, 因為我一定唔會同家人說, 費事屋企人又會擔心, 今次呢件事, 返而係第一次向我老公學火災時的求生技巧, 識了佢咁多年都無問過呢d 問題, 可能有o左個女, 個人都會著緊返d 知識, haha! 本來我一家都好想去向兩位死者在共祭時作最後敬禮, 但帶住小孩又真的不太方便, 所以決定會捐款給兩位死者的家人, 都盡自己少少心意啦, 希望兩位死者的家屬都能盡快放下傷痛啦!
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy