婆媳關係

跳至

首頁
12

尾頁
   0


大宅

積分: 1605


1#
發表於 15-11-25 13:25 |只看該作者
結婚3年幾,佢地只黎過我地屋企1次,平時都係我地返去食飯,一個月2-3次左右。
下個月BB出世,老爺奶奶諗住得閒就自己去我屋企睇BB,順便睇下個工人做成點。雖然我初初請工人時,都有提過話可以初初佢地可以幫手睇住個工人。但日子愈近,佢地講到黎緊差唔多日日黎度,諗到呢度就超反感.....

點解佢地自己個仔都係一個月見2-3次,但黎緊個孫要成日見?
點解結婚幾年都唔多探我地,但BB出世後諗住自己上黎就上黎?

另外我最擔心既,係佢地唔鍾意我3隻貓,未有BB前已經問我可唔可以掉左佢送比人唔養.... 3隻貓都係我D 仔女黎架.....

其實佢地一向對我唔差,大家客客氣氣果款,我唔知係自己大肚多野諗左,定係老爺奶奶真係有權成日要求上我屋企睇BB....


男爵府

積分: 5424

2018復活節勳章 Poo得好勳章 認識瑞士牛牛第二回 認識瑞士牛牛第一回 畀面勳章


2#
發表於 15-11-25 13:48 |只看該作者
6299想見孫係正常㗎
我99巳經係湊嗰個日日見,但我每次返婆婆喥都話:「不如唔好帶bb去啦」



大宅

積分: 1605


3#
發表於 15-11-25 13:49 |只看該作者
我都唔明,佢對自己個仔都唔駛成日見。
點解見佢個仔個仔要成日見.....


珍珠宮

積分: 31283

BK Milk勳章


4#
發表於 15-11-25 13:55 |只看該作者

引用:我都唔明,佢對自己個仔都唔駛成日見。點解

原帖由 MsPicasso 於 15-11-25 發表
我都唔明,佢對自己個仔都唔駛成日見。
點解見佢個仔個仔要成日見.....
bb可愛嘛,自己個仔咁大咯,冇得比

點評

la_source    發表於 15-11-27 11:00


子爵府

積分: 14851


5#
發表於 15-11-25 14:17 |只看該作者
MsPicasso 發表於 15-11-25 13:49
我都唔明,佢對自己個仔都唔駛成日見。
點解見佢個仔個仔要成日見.....
因為自己個仔巳經大個有自己思想~~~講乜都唔會聽~~~講多兩句隨時厭佢地煩~~~
但個孫仲細冇乜反抗能力~~~想點舞都得~~~求其俾粒糖~~俾罐汽水~~俾d零用錢就搞掂~~~


公爵府

積分: 26519


6#
發表於 15-11-25 14:19 |只看該作者
呢種情況很滋擾的....連工人都不會做得耐.因工人返工之前.明明你們告訴她要照顧一家三口.包括一名BB...但6299日日上門就變成工人要照顧一家五口.仲要成日俾老人家指東指西.仲成日俾人監視....本來照顧一名初生BB已經夠晒忙了.宜家仲要來多兩個人俾工人照顧 ? 很多時6299仲要食埋晚餐先肯走間中99仲會帶埋衫褲來俾工人洗燙.仲未計6299帶埋親友上門來的無奈所以話工人也不會有心機長做......而你C6耳朵是最受苦.因6299不是投訴工人就是投訴心抱....


民房

積分: 0


7#
發表於 15-11-25 14:33 |只看該作者

回覆:MsPicasso 的帖子

坐月時日日黎就真係會煩啲但第時你返工,得工人就真係有佢地係度會好啲。嗰個始終係外人,有親人係度會放心啲。坐月時叫你老公同佢阿爸阿媽溝通好,唔洗日日黎或長時間留係度。


大宅

積分: 1605


8#
發表於 15-11-25 14:33 |只看該作者
我最怕就係咁,難得請個工人都幾好,又聽話又肯做,做得有心機。
講起工人,奶奶係咁叫我教個工人中文,我咪話唔會囉,第日工人對BB都係講英文,係落街買餸先教佢一兩句等佢買野易D~ 我老公話佢有咩要工人做,同我地講等我地叫。之後佢話要我教個工人中文,等佢可以同工人傾偈,我老公好搞笑咁叫佢媽自己去學英文傾偈。


公爵府

積分: 26519


9#
發表於 15-11-25 14:45 |只看該作者
MsPicasso 發表於 15-11-25 14:33
之後佢話要我教個工人中文,等佢可以同工人傾偈.
如果佢地可以傾偈.....就慘啦?.....99日日同工人講你的是非.仲向工人打探你的私隱.以後你幾時放屁99都知道.


大宅

積分: 1605


10#
發表於 15-11-25 14:57 |只看該作者
我冇諗到咁,只係唔想我教工人做一套,奶奶叫佢做第二套,個工人都唔知聽邊個講。加上無啦啦傾咩偈呢?!


別墅

積分: 574


11#
發表於 15-11-25 15:41 |只看該作者

引用:我都唔明,佢對自己個仔都唔駛成日見。點解

原帖由 MsPicasso 於 15-11-25 發表
我都唔明,佢對自己個仔都唔駛成日見。
點解見佢個仔個仔要成日見.....
我都係咁話,佢個仔講野都唔聽唔理話想湊bb有bb就一心一意留係屋企唔出去玩?


大宅

積分: 2165


12#
發表於 15-11-25 16:21 |只看該作者

引用:我都唔明,佢對自己個仔都唔駛成日見。點解

原帖由 MsPicasso 於 15-11-25 發表
我都唔明,佢對自己個仔都唔駛成日見。
點解見佢個仔個仔要成日見.....
報仇嘛! 鬼叫你搶咗佢個仔咩


珍珠宮

積分: 44159


13#
發表於 15-11-25 17:35 |只看該作者

回覆:生左BB後,老爺奶奶係咪一定要成日見粒孫

事實係咁
仲要縱加教壞
因此我討厭佢地2個
佢地心目中最重要係d孫
錫既情度勁過我呢個阿媽


翡翠宮

積分: 94880


14#
發表於 15-11-25 18:15 |只看該作者
好似好多老人家都好鐘意粒孫,隻要你係度,佢哋唔敢對你D貓做咩嘅


別墅

積分: 719


15#
發表於 15-11-25 18:32 |只看該作者

回覆:生左BB後,老爺奶奶係咪一定要成日見粒孫

我個時生完bb第一日返屋企, 6299當晚仲要話去我屋企煮飯食。 我已經好累由入院到出院個4日我都無瞓過, 我都算你想睇bb, 但之後99晚晚唔通知就9點半走黎我屋企睇bb仲要無11點都唔走, 我已經叫c6同99講我地半夜要起兩三次身餵奶已經無得瞓叫佢平日唔好上黎, 99聽左當聽唔到照黎, 勁討厭。 有一日我特登9點半熄晒燈入晒房, 99黎到見到熄晒燈仲問c6做咩咁早瞓呀,c6話晚晚半夜都要起幾次身緊係要早瞓啦, 99好無奈咁走左之後就只係星期六日先黎。 但有時平日夜晚都會無通知就帶人上黎睇bb, 都唔明點解啲99咁唔講理咁自把自為唔理下人先去做架。


大宅

積分: 4108


16#
發表於 15-11-25 18:54 |只看該作者

回覆:生左BB後,老爺奶奶係咪一定要成日見粒孫?!

首先,bb都未出世就已經擔心埋呢d未發生既事,你係咪有d過慮?至於你問點解要成日見個孫,我覺得係人之常情。你想像一下將來你的兒女生孩子,你會唔會想見多些?bb始終係得意d,而且需要很多的照顧,父母都幫手也無可厚非,唔好諗得咁負面。




禁止訪問

積分: 776


17#
發表於 15-11-25 19:57 |只看該作者

回覆:生左BB後,老爺奶奶係咪一定要成日見粒孫?!

提示: 作者被禁止或刪除 內容自動屏蔽


大宅

積分: 1605


18#
發表於 15-11-25 21:38 |只看該作者

回覆:cat_house 的帖子

其實係老爺奶奶已經講定自己得閒要上黎睇B我先開始擔心....
我的確想像唔到將來我既小朋友生B,我會唔會特別想見。但我唔明一向佢都冇成日想見自己個仔,點解已經成日想見個仔既仔?
而且我真係唔鍾意佢地有種自己想隨時上黎就上黎,自出自入既態度,我會有自己屋企被入侵既感覺囉!




大宅

積分: 3172


19#
發表於 15-11-25 21:42 |只看該作者
我6299都係一年上一次我屋企,唔知第時bb出世會唔會好似你咁呢⋯⋯⋯⋯


大宅

積分: 4475


20#
發表於 15-11-25 22:04 |只看該作者
其實你而家已經咁反感,不如叫佢地唔好黎!因為第日佢地點做,你都會晤順眼!

首頁
12

尾頁

跳至
Presslogic Logo
Baby Kingdom Logo