懷孕前後 今日: 0 | 主題: 330331

積分: 1710

1^#

發表於 15-12-12 02:56 |只看該作者 |倒序瀏覽 |打印

其實我由細到大都中意仔，可能因為自己細個系喊包，所以覺得女仔好煩，而且，以前媽咪幫親人湊的都係BB仔，所以特別中意仔。最後，都有少少傳統思想覺得應該生個仔。

但就係呢幾年，我個想法改變了。第一，我老公一直都喜歡女（我好容易比佢影響）第二，我身邊大部分的朋友都係生女，見多了都覺得女好sweet。第三，我這幾年聽過見過的男仔都係比較活躍（有d直頭講粗口，打架），第四，身邊大部分男性朋友一系獨立但同家人比較少溝通，一系痴阿媽到飯來張口。

所以，到最近發現有了，唔多唔少都會幻想系女。。。之後又會想像怎樣佈置BB房，第時可以兩母女講心事,玩煮飯仔，買好多裙仔比佢。。每晚同老公都傾得好開心。

但前兩日照到系仔，我一直以為雖然我喜歡女，但其實仔女都無所謂。可是過了2天，心情好像沒之前那麼興奮。我知道能夠有自己的BB已經系福氣，我唔係唔感恩，唔知足。可能之前幾個月不覺意地把BB出世後的畫面都想成系女，所以現在一時見消化唔到。我知道仔仔出世我一定好愛佢，只係我想盡快恢復期待的心情。我覺得現在的失落感對佢好唔公平呀～

生仔的姐妹可以分享下嗎？

可能我轉了牛角尖，我一直覺得女我可以show好多愛，成日抱著她疼。但一想到仔，我就怕我不可以把愛表露得太明顯，因為覺得男仔要獨立d man d.

而我老公，雖然我感受不到他不開心，但覺得他沒有之前那麼
興奮。都係個句，我知道BB出世，我地會好開心同好錫佢。但我想听多d同男仔相處的sweet野。

0 0 0

私人傳訊

rayrayus

翡翠宮

積分: 83951

2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

2^#

發表於 15-12-12 03:35 |只看該作者

我3個仔，除左馬桶成日要抹尿漬，其實都真係可以幾low maintenance，男仔唔多care 著咩衫，冇咁姿整。樓主唔好諗咁多啦，生仔生女一樣開心，你只係可能同expectation 唔同有落差啫，慢慢會adjust~

私人傳訊

winifredwin

珍珠宮

積分: 40237

3^#

發表於 15-12-12 03:50 |只看該作者

回覆：想請教生仔的姐妹～

生仔方便好多

起碼唔駛幫佢買bra和m巾慳唔少架

(我有兩個仔)

點評

ccw2014

發表於 15-12-15 11:39

jayk_1030

發表於 15-12-13 12:33

私人傳訊

SK19

積分: 5301

4^#

發表於 15-12-12 04:35 |只看該作者

回覆：想請教生仔的姐妹～

生仔也好sweet 會氹你開心！

私人傳訊

積分: 1710

5^#

發表於 15-12-12 06:37 |只看該作者

多謝你地。我其實好內疚自己竟然會唔開心。可能之前想太多。。。明明知道仔女都好，仔女都有可能，但同老公兩條友就成日好自然當女0甘講。。。搞到依家好似無左個女。。。呢兩日專登去玩具店同童裝店改看仔仔野，但遠遠望到d粉紅色野又覺得好失落。真係太低B啦～

我見到老公雖然無唔開心，但feel 到佢無之前0甘興奮。。。搞到我都down0左。。我估我太敏感。。最無聊系我其實都ok仔，最好哥哥妹妹0甘。但有了哥哥，又胡思亂想～

我一定要盡快adjust 返，明明大肚系開心野0來0家嘛～

私人傳訊

Margaretiu

積分: 2304

6^#

發表於 15-12-12 06:48 |只看該作者

回覆：想請教生仔的姐妹～

同樓主既諗法好似，黎緊21號照結構，到時就會知仔定女，而家心情都好矛盾

私人傳訊

encl.design

積分: 7312

7^#

發表於 15-12-12 07:02 |只看該作者

回覆：想請教生仔的姐妹～

我未生第1胎時，係好想要女，到照到係仔時，我係診所喊左出黎
生左，我又覺得仔都唔錯，唔洗咁“姿整”，我仔都好sweet成日攬住我呀，我覺得仔都幾好

而家第2胎，未照前真心覺得仔女都ok，最緊要健康

私人傳訊

積分: 1710

8^#

發表於 15-12-12 07:13 |只看該作者

回覆 Margaretiu 的帖子

我覺得系我之前沒有調節好心態。如果一開始多d當系仔，我估我已經唔會0甘失落。所以如果你鍾意女，記得催眠下自己可能係仔啊。我决定下胎一開始就當系仔。

私人傳訊

積分: 1710

9^#

發表於 15-12-12 07:19 |只看該作者

回覆 encl.design 的帖子

我其實知道的前幾個小時都仲問自己，其實想要女定仔。。。始終想要女系近幾年的想法。可能我潛意識系鍾意仔。我沒有想過知道系仔，我反應會0甘差的。我0個晚都有喊。（我都嚇親自己，因為我又唔覺得自己真係0甘唔中意仔）可能係因為前幾個月所以的畫面都變了不可能。

另外一個原因係我同老公呢期晚晚看一個外國youtuber的片，裡面系佢同老公同3個女的相處。我地當“愛回家”0甘看，搞到代入嗮，覺得女得意d.

我現在無一開始0甘sad。。。不過一想到老公其實心裡應該滿失望，我就有少少down.

私人傳訊

encl.design

積分: 7312

10^#

發表於 15-12-12 07:24 |只看該作者

回覆：annecy 的帖子

再生左出黎你就唔會再咁諗架啦，因為佢係你地既bb，無論仔女都係咁可愛咁得人鍾意架

除左將來驚佢搵唔到食/冇地方住，仔要擔心既野真係少好多，買衫都慳好多啦

我呢胎係女，屋企人同老公知道都好開心，但我自己反而有d失落，因為驚個仔冇人同佢玩會悶(女仔通常都靜d)
我5個月了，仲未有心機去買女仔衫....

私人傳訊

積分: 1710

11^#

發表於 15-12-12 07:42 |只看該作者

回覆 encl.design 的帖子

我都估如果第二胎我可能變了鍾意仔，因為第一個仔出世之後一定會覺得佢好可愛，之後自然都係想生仔。

不過可能我未感受到。齋靠幻想。。。有點難：
例如
1）我想幫BB扮靚靚，但又覺得男仔衣服無0甘得意，而且扮太靚，怕佢變姿整。
2）我好期待同小朋友整野食，但又覺得男仔太鍾意煮可能會好“女仔”（我知其實吾一定，但我未想像到個畫面）起碼我覺得如果買煮飯仔比佢玩會好怪。
3）我好想成日攬住佢同佢講心事，話佢聽我好愛佢。但又怕搞到佢變得唔獨立。（我真係識大部分朋友都係裙腳仔，三十幾歲都要阿媽照顧）
4）因為我係女，所以好自然覺得女仔玩具好玩d.
5）一直都聽人講話男仔，你錫要放繫心裡，吾可以過分表現比佢看。我覺得好難啊～
6）我好怕有婆媳問題。

私人傳訊

encl.design

積分: 7312

12^#

發表於 15-12-12 07:56 |只看該作者

回覆：annecy 的帖子

你想太多啦，生女既你個女將來都可能會有婆媳問題架

男仔都可以扮靚架，只係冇咁多配件同選擇，你會發現慳好多

其他男仔識整野食好多女仔buy架，你睇謝檸檬XD

我都成日攬住阿仔講我愛佢，我又唔覺得佢裙腳呀，我知佢大多少少唔會再俾我攬架啦，所以而家要攬多dddd

其他你唔好將自己個套放係仔身上面，唔好理人地點教，因為個個小朋友性格都唔同，你只要記住佢係你bb，就冇咁多野煩架啦

私人傳訊

bosch

瑪瑙宮

積分: 128510

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

13^#

發表於 15-12-12 08:09 |只看該作者

你真係諗得太多。俾d 時間俾自己平復心情。

我兩仔一女，大仔文靜，二仔係世界仔，個女有少少刁蠻。佢地三個有時都好sweet，好似d 花蝴蝶咁周圍彈彈下咁走，會問好多無知問題等，間中都幾窩心。

我湊慣仔變左要湊女，“湊仔工作量“突然升級，心理壓力亦升級。

私人傳訊

積分: 1710

14^#

發表於 15-12-12 08:46 |只看該作者

回覆：encl.design 的帖子

我都覺得自己成日想太多。。。

不過我老公都話唔擔心 BB 第時太裙腳，因為老公都唔系。

我d朋友都話如果男仔識煮野係優點。可能我本身 enjoy煮比人多d.不過一想到第時兩仔爺幫我清嗮檯面的菜我一定好開心。(因為老公好“察”得)女仔反而可能怕肥唔幫襯。。。

私人傳訊

積分: 1710

15^#

發表於 15-12-12 08:52 |只看該作者

回覆：bosch 的帖子

o華，o甘兩個哥哥係咪好錫妹妹0架？我老豆見我中意女，叫我一直生到有女。。但我估三個或以上我未必搞得掂。但好難講，可能BB 出世之後我會改變主意。。。

我其實細個幫媽咪手湊過好多男BB,個個都好得意。所以細個中意仔。但近幾年見女比較多，反而好多親戚的仔都好恐怖，一系打架，一系講粗口，一系成日癲o左o甘叫。搞到我怕怕～

私人傳訊

shinghk