夫婦情感 今日: 3 | 主題: 42705

積分: 3183

1^#

發表於 08-8-25 17:17 |只看該作者 |倒序瀏覽 |打印

未有阿 b 之前, 我同老公都好 close 好恩愛, 不時會出去玩, 旅行, ....

陀住阿 b既時候, 我擔心老公淨係錫個仔, 都有同老公講叫佢記住唔好, 如果唔係我會唔開心. 點知..

阿 b 出左世後, 我個心就淨係掛住個 b. 可能係因為工人既問題, 大家有好多意見既分歧, 多左好多 arguements, 感情差左好多. d 工人唔得, 換左好幾個, 而家呢個, 暫時都 ok, 至少我地睇倒佢應該係錫阿 b, 可惜佢係完全唔識湊 b既, 所以要學.

咁學都要時間, 到而家個工人來左差唔多兩個月, 基本嘢 ok, 但係佢煲粥都重係未得, 成日唔係唔記得呢樣就唔記得個樣, 都好勞氣...又怕佢自己0係屋企煲嘢會唔記得息火.

咁既心情, 點同老公出去 2 人世界? 我老公就不斷 complain 話我而家淨係理晒個仔. 我自己都知, 但係我唔知點做. 有人話不如放鬆 d, 同老公出去食餐飯, 睇場戲...我都想, 但係個心始終掛住...

再咁落去, 我好擔心會同老公出現問題...點好呢?

0 0 0

私人傳訊

coolman008

子爵府

積分: 11581

2^#

發表於 08-8-25 17:26 |只看該作者

家人是否可抽空幫忙照顧幾個小時, 等你們兩夫妻可安心外出數小時? 記住你先生才是你一生之partner, 不要忽視他的感受.

私人傳訊

j_wong

複式洋房

積分: 203

3^#

發表於 08-8-25 17:55 |只看該作者

同意coolman008 講個句︰不要忽視他的感受。不管你的另一半能否成為你的終生partner，作為老婆，我哋應該好好分配時間同關心比老公，千祈唔好忽視他們的存在。(因為我之前都衰左)

私人傳訊

我愛Corina

瑪瑙宮

積分: 137241

2025勳章 2025勳章蛇年勳章 2024年龍年勳章好媽媽勳章醒目開學勳章環保接龍勳章

4^#

發表於 08-8-26 06:38 |只看該作者

我地都好想好似以前咁,去睇戲,食飯去旅行....
不過好難成日去,一黎湊住亞女好麻煩,去睇戲?n way!!
不過我地會帶埋亞女去食飯,係麻煩d,但一家人好開心,唔洗心掛掛....
至於去旅行,湊埋亞女係好辛苦,但見到亞女對d新奇野會表現到好有興趣,咁我地都好開心,辛苦d都唔會賣甩亞女...

私人傳訊

積分: 3183

5^#

發表於 08-8-26 10:14 |只看該作者

原文章由 j_wong 於 08-8-25 17:55 發表
同意coolman008 講個句︰不要忽視他的感受。不管你的另一半能否成為你的終生partner，作為老婆，我哋應該好好分配時間同關心比老公，千祈唔好忽視他們的存在。(因為我之前都衰左) ...

謝謝. 我知道老公才是我一生既 partner, 所以每次 argue 完, 知自己講左 d 好 hurt 佢既說話都好後悔.

我老公話佢從無嬲過我, 因為佢知我諗緊 mud, 亦知我有病... 我其實一直都有情緒病, 已經好多年. 有阿 b 之前都好驚會返發, 好在陀阿 b 頭幾個月好開心, 一心諗住無事, 點知由第7 個月開始就有濕疹, 好西利, 我當時哭到死去活來, 我老公見我咁辛苦, 叫我不如早 d 開刀比 bb 出世. 我聽倒重唔開心, 因為我有親人既 bb 係唔足月出世, 而家個 bb 身體好差... 最後我決定早 d 放假留0係屋企休息先好 d...

兩邊父母都住得好遠, 同埋身體唔好, 所以都唔想佢地咁遠咁走入來我屋企, 就係為左我地兩個想有下 2 人世界.

係呢, 希望你唔好介意我咁問, 你話你之前都衰左, 最後你點同你老公修補呀? 可以分享下嗎?

私人傳訊

積分: 3183

6^#

發表於 08-8-26 10:22 |只看該作者

原文章由 我愛Corina 於 08-8-26 06:38 發表
我地都好想好似以前咁,去睇戲,食飯去旅行....
不過好難成日去,一黎湊住亞女好麻煩,去睇戲?n way!!
不過我地會帶埋亞女去食飯,係麻煩d,但一家人好開心,唔洗心掛掛....
至於去旅行,湊埋亞女係好辛苦,但見到亞女對d新奇 ...

係呀, 而家個 b 自己識行, 唔會鐘意坐定定同我地食飯, 所以同佢出去食飯, 就算去一間靚靚既餐廳, 都好似食快餐咁, 所以我老公成日都唔想次次帶阿 b 出去.

我之前係自己湊既, 只係最近先搵工人全程湊, 所以開初我返工都好唔捨得, 如果阿 b 喊住咁睇住我地出門口, 我都會眼紅... 而家返左工幾個月, 好左好多...

我而家同老公既 2 人世界, 都係一齊返工放工, weekend 阿 b 瞓覺, 我地就2公婆去食 lunch... 跟住就無 lu...

我都希望遲 d 個工人再上手 d, 可以放手比佢日頭都煲粥比 bb 食, 我地可以間中夜晚兩公婆出去食個 dinner. 我老公 mention 過好多次, 只係我覺得, 阿 b 一至五日頭都見我地唔倒, 要夜晚先見倒 dady mame, 而家夜晚重要自己去左街, 驚佢唔開心... 同埋唔想佢全日食奶...

私人傳訊

水媽媽

男爵府

積分: 6331

7^#

發表於 08-8-26 16:40 |只看該作者

睇來而家complain個個變咗係樓主老公噃，我都認同其他mami的意見，試吓將bb交俾屋企人照顧，抽番d時間出來同老公去玩吓，好似我個仔咁，係佢1歲前，我地行開行埋，隨時都可以將佢放係保母度揍同過夜，到咗佢開始識講野，就成日搵我地同識投訴我地走咗去嘞，咁自從佢投訴過之後，以後我地想去邊到玩，都唔可以唔帶埋佢，所以如果屋企人幫到手的話，呢段時間你地仲可以free 架。

私人傳訊

LAMSON媽

LAMSON 的家
LAMSON媽之網頁
LAMSON一家三口的網址

積分: 1468

8^#

發表於 08-8-26 17:14 |只看該作者

原文章由 水媽媽 於 08-8-26 16:40 發表
睇來而家complain個個變咗係樓主老公噃，我都認同其他mami的意見，試吓將bb交俾屋企人照顧，抽番d時間出來同老公去玩吓，好似我個仔咁，係佢1歲前，我地行開行埋，隨時都可以將佢放係保母度揍同過夜，到咗佢開始識講野，就成日搵我地同 ...

我之前都好似你咁,成日都唔放心個仔比人地湊,連我自己亞媽都會唔放心,我之前都係有情緒病,就係焦慮症,之後我就一直都見社工,依家開始好返了,你要明白,仔女係緊要,但係老公都好緊要,有時你真係要放鬆一下,因為你成日都咁緊張,你身邊既人都會好辛苦,你仔仔都係,係社工同我講,如果你長期都咁緊張,個仔仔係感受到,到時佢大個都會好似你咁,你都唔想嫁,係咪,老公一定要陪嫁,雖然你地係生左小朋友,但都需要有二人世界既時候,如果長期都無既話,咁會好影響你地既感情嫁!!!

私人傳訊

積分: 3183

9^#

發表於 08-8-26 17:32 |只看該作者

原文章由 LAMSON媽 於 08-8-26 17:14 發表

我之前都好似你咁,成日都唔放心個仔比人地湊,連我自己亞媽都會唔放心,我之前都係有情緒病,就係焦慮症,之後我就一直都見社工,依家開始好返了,你要明白,仔女係緊要,但係老公都好緊要,有時你真係要放鬆一下,因為你成日 ...

LAMSON 媽, 開心你已經好返. 我都想自己有咁既一日, 不過我就好怕將自己有病既事同人講. 帶 BB 去 regular check 既時候, 個姑娘頭一兩次都有問我有無情緒既問題, 我因為驚, 所以話無. 但係上一次我打算講既時候, 個姑娘又無問, 我亦無主動講.

我相信我都係焦慮症, 唔係擔心呢樣, 就係擔心0個樣. 我老公都有同我講, 話我淨係會信自己同老公去湊阿 b, 其他人就算係自己阿媽, 都係有 d 唔放心. 我知我係. 有時都想放鬆 d, 比工人試下, 但係一放鬆, 個仔就比工人整病左, 咁我又會緊張返.

我當然唔想個仔好似我咁, 所以我會聽你地講, 試下真係放手, 多 d 聽老公既意見, 少 d 自己比意見...

我而家最想係快 d 買樓, 咁阿 b 可以有自己一間房, 我地就可以多 d 時間0係房傾計. 而家阿仔瞓左, 我地大聲 d 都唔敢, 怕整醒佢.

好多謝大家比我既意見, 我呢兩日睇多左呢個 folder, 知道原來都有好多 mami 有佢地既問題, 自己都睇開左 d...

私人傳訊

jacquesau

珍珠宮

積分: 35573

10^#

發表於 08-8-26 17:35 |只看該作者

如有產後抑鬱或焦慮症, 真係要多加留意, 一定要搵社工或專業人事傾
因為影響真係好大架！
希望你同老公快啲sweet sweet返啦！

好好過每一天......

私人傳訊

mcmugada

複式洋房

積分: 328

11^#

發表於 08-8-26 21:00 |只看該作者

其實我都好茅盾，因為都係唔放心比個工人湊，又擔心將來阿B黐工人唔黐我，又覺得好似其他人都達唔到自己的要求或期望，但係又知道要放手，都在學習當中(每一樣事情，因要從新適應)

，所以有時都好無奈或者唔識講，有時又覺得個工人都唔係好掂，做不到自己的期望，定係我要求太高或者自己都唔知應該如何期望，仲有老公又好忙，佢叫我講多D比佢知，辛苦要出聲，不過見到佢好似仲辛苦過我，有時會諗二人世界不覆在，兩人去旅行，遙遙無期，唉！比D意見啦!

私人傳訊

積分: 3183

12^#

發表於 08-8-27 10:58 |只看該作者

原文章由 jacquesau 於 08-8-26 17:35 發表
如有產後抑鬱或焦慮症, 真係要多加留意, 一定要搵社工或專業人事傾
因為影響真係好大架！
希望你同老公快啲sweet sweet返啦！

我都明白, 所以我老公不斷鼓勵我同姑娘講, 搵人幫手. 佢重 suggest 我同佢一齊返教會, 帶埋阿 b 去, 希望對一家人都好.

私人傳訊

積分: 3183

13^#

發表於 08-8-27 11:10 |只看該作者

原文章由 mcmugada 於 08-8-26 21:00 發表
其實我都好茅盾，因為都係唔放心比個工人湊，又擔心將來阿B黐工人唔黐我，又覺得好似其他人都達唔到自己的要求或期望，但係又知道要放手，都在學習當中(每一樣事情，因要從新適應) ，所以有時都好無奈或者唔識講，有時又覺得 ...

我老公曾經同我講, 話所有既工人都係一樣, 都有佢地既問題, 亦唔會達到我地既要求, 因為佢地係來 hk 做嘢, 當一份工咁打... 所以唔好 expect 佢對我地既 bb 好似我地咁, 做足 101 分...

2 人世界, 我都好想, 有左阿仔之後, 老公會成日提之前未有阿仔之前, 我地會點, 我地如果而家重係得兩個人, 應該都係去左旅行, 出左去食嘢.... 好多好多. 有時我會唔開心, 問我老公係唔係後悔生左阿仔, 佢話如果有左阿仔會無左個老婆, 就係 lor... 我聽左都好唔開心.

anyway, 我自知如果我再係咁落去, 我同老公唔會有將來, 所以我希望我可以成日提醒自己, 要多 d care 個老公, 唔係淨係得個仔.

我本身屋企有裝 cam, 避免唔開心, 我返左工之後, 都好少睇 cam, 因為每次睇都見倒個工人做 d 我地叫佢唔好做既嘢. 我老公話等佢去多 d 睇, 同埋我地有 record, 所以應該唔使太擔心...

叫我唔擔心, 我會試, 但係完全放心, 好難... 好似有日我忍唔住, 掛住阿仔, 睇 cam 就見倒個工人用個風扇吹正阿仔個頭. 佢出意係好既, 因為阿仔大汗, 佢諗住吹到正一正, 阿仔會無咁熱, 但係大家都知咁係唔得...唉, 講返轉頭, 唔放心又可以點? 唔通分分秒秒都睇住部 cam? 掩耳盜鈴係唔啱... 而家唯有希望放工返屋企見倒阿仔無事無幹就算...

私人傳訊

積分: 76971

14^#

發表於 08-8-27 11:12 |只看該作者

你老公肯開聲講都好過佢放響心到

其實同老公出去食一餐飯睇一場戲又阻到你幾多時間呀

工人5掂又真係幾煩既, 但屋企有無老人家可以幫手日頭過黎管教下呀

再5係自己放下大假去TRAIN下佢囉, 切記勿鬧呀否則只會越攪越弊, 佢地越鬧越滕架

原文章由 cowkingb 於 08-8-25 17:17 發表
未有阿 b 之前, 我同老公都好 close 好恩愛, 不時會出去玩, 旅行, ....

陀住阿 b既時候, 我擔心老公淨係錫個仔, 都有同老公講叫佢記住唔好, 如果唔係我會唔開心. 點知..

阿 b 出左世後, 我個心就淨係掛住個 b. ...

私人傳訊

積分: 3183

15^#

發表於 08-8-27 11:24 |只看該作者

原文章由 ringoivy 於 08-8-27 11:12 發表
你老公肯開聲講都好過佢放響心到其實同老公出去食一餐飯睇一場戲又阻到你幾多時間呀工人5掂又真係幾煩既, 但屋企有無老人家可以幫手日頭過黎管教下呀再5係自己放下大假去TRAIN ...

無呀, 兩邊家長都住得好遠, 一東一西, 身體亦唔許可.

我都覺得而家呢個工人愈話佢佢就愈滕, 唔出聲又唔得. 我老公比較溫和 d, 所以通常都係我同老公講, 老公再話佢.

每一個工人我老公都會放假去教佢, 但係打工仔可以有幾多日大假呢? 我得 10 日, 我老公有 18日就好 d. 個工人如果用心學, 基本嘢應該 ok, 但係我而家呢個工人就唔得, 因為佢來既初頭 10 數日, 個心掛住屋企... 我明, 但係時間唔容許我地比太多佢...

佢做左都差唔多兩個月, 而家叫上手 d, 希望下個星期可以放手比佢日頭都煲粥仔比阿仔食就好啦.

私人傳訊

積分: 76971

16^#

發表於 08-8-27 11:28 |只看該作者

咁你覺得佢家陣仲有無思鄉病先, 如果仲有就真係5得架佢會好失魂的

你星期六日盡量抽多d時間去教佢, 5係睇你做, 係要佢落手落腳做你去指點佢個隻

咁bb瞓左你咪同老公出去行兩三個鐘梳乎下囉

原文章由 cowkingb 於 08-8-27 11:24 發表

無呀, 兩邊家長都住得好遠, 一東一西, 身體亦唔許可.

我都覺得而家呢個工人愈話佢佢就愈滕, 唔出聲又唔得. 我老公比較溫和 d, 所以通常都係我同老公講, 老公再話佢.

每一個工人我老公都會放假去教佢, 但係打 ...

私人傳訊

積分: 3183

17^#

發表於 08-8-27 11:38 |只看該作者

原文章由 ringoivy 於 08-8-27 11:28 發表
咁你覺得佢家陣仲有無思鄉病先, 如果仲有就真係5得架佢會好失魂的你星期六日盡量抽多d時間去教佢, 5係睇你做, 係要佢落手落腳做你去指點佢個隻咁bb瞓左你咪同老公出去行兩三個鐘梳乎下囉 ...

其實好多嘢已經放手比佢做, 但係佢好多時都好失魂, 唔係唔記得呢樣, 就唔記得0個樣. 佢話佢無再掛住屋企 d 小朋友 lor. 我唔係咁殘忍要佢忘記晒, 咁做嘢就要專心 d, 做好晒嘢點諗佢自己鐘意.

阿仔而家周圍爬同走, d 危險動作好驚嚇, 個工人份人又滕雞, 小小事都大叫, 有時都會嚇親我地.

佢咁滕, 我重驚, 個大既唔冷靜點睇住個細?

我地而家 weekend都唔會兩日都出晒街，都會留 d 時間睇下佢做嘢做成點. 係呀, 阿 b 瞓左, 我地兩個就會食個 lunch 同行下街, 不過都係 limit to 屋企樓下. 我老公話, 佢知我掛住個仔, 咁阿仔一醒左, 我地就唔使又要搭車先返到屋企, 可以即刻返去睇佢...

私人傳訊

積分: 76971

18^#

發表於 08-8-27 11:47 |只看該作者

第一胎係會緊張d架啦, 我都經歷過呢個階段亞女2歲前我都不停咁換工人, 令到小朋友好無安全感

其實你大可set個時間表比佢跟住做, 5使佢去記, 佢按步就班去做就得, 你同佢講小朋友跌跌碰碰緊有, 佢自己整到既都係有限度既痛5好大叫 (當然盡有可能既就係小朋友5係瞓緊覺就要佢陪伴左右啦

), 佢可能係怕你地責怪佢而慌張大叫都未定

原文章由 cowkingb 於 08-8-27 11:38 發表

其實好多嘢已經放手比佢做, 但係佢好多時都好失魂, 唔係唔記得呢樣, 就唔記得0個樣. 佢話佢無再掛住屋企 d 小朋友 lor. 我唔係咁殘忍要佢忘記晒, 咁做嘢就要專心 d, 做好晒嘢點諗佢自己鐘意.

阿仔而家周圍爬 ...

私人傳訊

積分: 3183

19^#

發表於 08-8-27 12:09 |只看該作者

原文章由 ringoivy 於 08-8-27 11:47 發表
第一胎係會緊張d架啦, 我都經歷過呢個階段亞女2歲前我都不停咁換工人, 令到小朋友好無安全感其實你大可set個時間表比佢跟住做, 5使佢去記, 佢按步就班去做就得, 你同佢講小朋友跌跌碰碰緊有, 佢自己整到既 ...

其實每日佢要做 d mud, 都無話點 set 比佢. 佢既工作如下, 比 d 意見我好嗎?

~8 am
阿仔起身, 佢餵奶, 換片.
阿仔睇 atv 既 bb 節目去到 10 am. 呢段時間, 佢會去食早餐, 執我地房, 如果有其他突發嘢, 好似洗左衫, 佢就去'朗'衫.

10 am
關電視, 佢陪住阿仔玩, 間中比阿仔飲水, 換片...

差唔多中午, 阿仔再食奶同瞓中午覺. 阿仔瞓左, 佢就去食飯, 抹多一次地同玩具, 然後我地比佢坐0係阿b張 bed 附近抖, 唔使佢做其他家務, 佢又可以睇倒阿 b 有無 "fu" 帔.

兩三個鐘之後, 阿 b 醒左, 佢再餵奶, 然後重覆動作... 陪阿 b 玩, 直至我地返屋企. 佢就開始攪煲粥比 bb同夜晚餐飯.

食完飯, 佢就洗碗洗奶瓶, 攪掂晒 d 嘢就去瞓.

每日如是.

其實以上既佢都叫做記得做, 只係預備既時候, 總係唔記得呢樣, 唔記得0個樣. 好似幫阿仔換片, 佢就成日唔係唔記得關冷氣先換, 就係唔記得換完片之後開返冷氣. 阿仔就係因為佢之前成日唔記得開返冷氣, 所以有 d 作傷風.

佢成日話 d 冷氣凍, 所以有次換完片之後, 佢索性唔開冷氣成個鐘, 唔開 window 同門... 簡單 d, 阿仔0係一個密室成個鐘, 無空氣... 就係咁, 阿 b 病左一個星期. 0個曰好熱, 阿 b 好似 '谷' sauna 咁, 最後 '谷'傷風. 我一返屋企覺得好熱, 一望阿 b, 見佢成頭汗就知有唔妥...

老人家話, '谷'傷風重煩過冷傷風, 個次, 我個仔唔中暑算好彩... 不過就成身出晒紅疹, 發燒, nose 水同咳, 重嘔左幾次 (咳到嘔), 我真係情願自己病...

[ 本文章最後由 cowkingb 於 08-8-27 12:12 編輯 ]

私人傳訊