自由講場 今日: 306 | 主題: 1353401

積分: 11324

好媽媽勳章醒目開學勳章畀面勳章環保接龍勳章大廚勳章

1^#

發表於 08-8-27 07:13 |只看該作者 |倒序瀏覽 |打印

我今年31歲，有個14歲囡囡（今年升中三），1歲囝囝，我係自顧人仕。

我個女開始反叛，平時叫佢幫手做家務好多時都黑面同好求其地完成，對我態度又無大無細，可能我只大佢16年，佢好似唔覺得我係佢啊媽！

發脾氣時連啊媽都唔叫，走入我房叫：「喂！我唔係同你講咗我要出街既咩？」

我同佢爸爸分開咗好多年，我現任丈夫好唔滿意佢咁對我，有時嬲到要趕佢走，我都好無奈！但我係媽媽，我點都唔會放棄個女！

所以有時都差點為咗個女嘈離婚！好彩我老公好錫我，我話離婚，佢都唔會真係同我離婚，仲同我媽講好愛我好錫我，只係接受唔到個女可以咁對我，我又唔敎好佢，佢唔係要我打女，只係想我可以罰佢企，唔俾佢瞓或者唔俾嘢佢食！

但係我真係唔忍心，只係做到唔俾佢用電腦，同埋收起佢部notebook！

自問我真係唔識點可以敎好佢！

我媽同細佬都苦口婆心勸佢要改，我哋唔係怕佢對我咁，係怕佢將來面對社會，同人際關係會搞得唔好，如果老細要你做嘢，你總唔能夠用對我既一套去對老細同埋同事掛！

尋日又俾我發現佢用咗我前夫俾佢既書簿費，佢八月頭搬返我屋企，係無通知我前夫同佢太太情況下自己執三大袋紅白藍搬返我度，我都唔知架！

呢件事我第一時間捉佢同佢嫲嫲飲茶要佢解釋點解自己搬走同埋道歉，要佢明白做錯嘢唔可以逃避，要面對，要解決，最後我罰咗佢三星期無電腦用，同埋出街要三天前書面向我申請，要列明時間、地點、同行人物，我無簽名一律不放行，另外要佢每日做家務同埋買餸幫手煮飯等…

咁佢都有做足，但係…

第一日佢搬返嚟就俾我發現到佢銀包有千三蚊佢話係買書用剩，因為有啲書未有，咁我信佢，因為好多時都會唔齊啲書要月尾先有，咁我就收起佢！

咁尋日又俾我發現佢有五百幾蚊喺銀包，佢話俾我聽係佢自己儲落既，講到我唔信佢咁！

我就同佢講嫲嫲俾咗$1000佢買開學用品，我同佢一齊去買埋剩返啲書同埋文具校服啦！

佢先同我講，其實佢用咗啲書錢，用剩千三蚊，全數係二千七百幾，個五百蚊係佢儲返嚟填返筆數既，我話咁咪先洗未來錢囉！做人唔可以咁，如果唔係我一早收起嗰千三蚊，咁咪俾佢洗到無剩，咁佢點開學呀？

我尋晚一路同佢包書，一路問佢如果我無同佢收起啲錢，佢又無搬返嚟我度，佢點同佢老豆解釋啲書去咗邊？唔通諗計呃老豆攞錢再買書？同埋問佢啲錢花咗去邊？

佢唔係答我唔記得，就係唔知！

最尾仲話我好講返以前啲嘢做乜，咁我問佢，係咪佢做錯咗我要當唔知同埋唔好理佢呀？！

我同佢講我已經唔係打唔係鬧，只係用問既方式嚟等佢知佢錯喺邊！只係同佢傾返件事啫！

最後，我罰佢依家直至九月尾都無得用電腦，同埋要佢做多啲家務，如有再犯就買咗佢電話，唔俾佢用電話，希望佢知錯能改！

你哋可唔可以俾意見我，點可以敎好呢個女，佢讀書算ＯＫ，只係態度上出咗問題同埋成日講大話，你哋都有敎小朋友經驗，可唔可以俾啲支持同埋意見我，我真係有縱個女嗎？我真係唔想打佢，唔想罰佢企同埋唔俾佢瞓唔俾佢食嘢等…

你哋會點敎？你哋有呢啲問題嗎？青春期真係咁難敎？

求求你哋，幫幫我啦！

我唔想頭家散，唔想無咗個好老公，唔想個仔一歲就要單親，唔想個女變本加勵！

0 0 0

私人傳訊

積分: 11324

好媽媽勳章醒目開學勳章畀面勳章環保接龍勳章大廚勳章

2^#

發表於 08-8-27 07:20 |只看該作者

其實我有同佢講，相由心生，係佢唔甘心情願幫我做家務，所以佢先會由心而發，黑口黑面，如果佢係心甘情願既就唔會黑面，好似俾錢佢使同買嘢俾佢就笑得好燦爛而唔係黑面啦！

私人傳訊

積分: 11324

好媽媽勳章醒目開學勳章畀面勳章環保接龍勳章大廚勳章

3^#

發表於 08-8-27 07:25 |只看該作者

我同佢講，我俾10蚊佢最少要留起$2，拜公公佢都要出返份錢買衣紙，係孝心！

佢都喊咗出嚟，話好掛住公公！

我同佢講，佢長輩多，唔係要佢買好貴既嘢，寫張咭又好，買支花都好，都係份心意，有儲錢就可以買嘢孝敬我哋，我哋唔係貪心佢啲嘢，係收到會好開心，知佢個心有我哋！

私人傳訊

BBR

積分: 2760

4^#

發表於 08-8-27 09:06 |只看該作者

第1樣就係你現任老公千萬唔可以出聲教,因為佢始終唔係佢爸爸,如果佢出聲你個女一定唔鍾意同埋令你兩個關係變差,佢可以用傾同勸的方式,但唔可以鬧(無辨法,因為佢已經咁大個係唔可以再用鬧). 至於你就最好少鬧,佢地大左已經有自己想法,你月鬧佢同你距離只會月遠,你只可以用朋友方式同佢相處,有時佢做錯事你就要佢乘擔後果比你用罸同鬧會好好多,之後你再同佢分析,講真佢唔做家務你米由佢,但佢自己D野你就唔好幫佢汁,3唔好同佢洗,房唔好同佢清潔,要佢知道一個家大家要分工合作,你好好同佢傾下同佢講,可能同佢講極都無用,但一定好過鬧,佢只會又搬返佢爸爸到住同唔鍾意你,好似做家務,你米唔好用罸的形式要佢做,你同佢傾下希望佢可以幫下你,問佢可唔可以,要比佢知道你要罸佢你都好心痛,多D同佢傾心事,同佢兩個行下街,有時你可以將你同你現任老公的關係同佢傾下,好多野你罸佢,佢可能會乖一陣,但係唔係真心改過?甘心比你罸?你可以同佢約法3章,希望佢可以做到D咩咁你就會點. 佢成日用唔好聲氣對你,其實下次佢再咁你可以試下即刻唔佢面前喊(雖然幼稚D,但都幾work,我個friend試過)比佢知道佢用咁態度對你你好唔開心,唔係嬲,因為你好錫佢但佢居然咁對你,事後你一家要同佢傾返點解佢要用咁態度,問佢可唔可以下次佢又想用咁態度時可唔可以考慮下你感受,因為你好錫佢所以你至會唔開心佢咁.
佢已經係單親,有時做D野可能係想你地多注意佢多關心佢,你試下了解佢內心世界,多問下佢有咩唔開心有咩唔滿意,你又有咩唔開心同唔滿意,多D傾心事,多支持同鼓勵佢,要比佢知罸佢都係迫不得已,比佢知佢做錯事但佢開始大個女要試下乘擔後果,你唔可以一世同佢善後,你始終有日會離開佢,佢都會有日唔再需要媽媽,但你要佢知道這個家永遠都歡迎佢,因為佢係你個女.
我都係單親長大,我同你個女一樣反判,我爸爸只會鬧,試過有一次打左我一巴,之後我地關係差左好多,因為個一巴. 我覺得佢一D都唔關心我同妹妹,娶左個女人返黎重衰,咩都要我地做,所以我好早離開左個家,我成日都好想可以有媽咪傾下計同我去下街關心下我,我相信你個女都想,只罸同鬧無用,你試下了解佢內心世界,又試下比佢了解下你,唔好覺得佢細咩都唔識,你唔比佢了解你佢又點會比你了解佢,你個女重識喊代表重有得教,但睇你用咩方法教,你想佢尊重你首先你要尊重佢先,有時D野你又問下佢意見,比佢發表下,有D野你行出第一步佢自然會跟,出年暑假你又試下比佢做暑期工,有D幫助,比佢睇下出面世界

[ 本文章最後由 BBR 於 08-8-27 09:12 編輯 ]

私人傳訊

charmaine_1

公爵府

積分: 25702

醒目開學勳章畀面勳章

5^#

發表於 08-8-27 09:34 |只看該作者

打,罰,鬧,冇用架！用你愛佢既心,好好溝通下

順順利利大吉大利

私人傳訊

積分: 11324

好媽媽勳章醒目開學勳章畀面勳章環保接龍勳章大廚勳章

6^#

發表於 08-8-27 09:53 |只看該作者

其實我有同佢傾計，包括佢拍拖、有乜人追等…

我仲成日鼓勵佢帶朋友返屋企玩，因為我寧願佢喺屋企玩，我會知佢朋友係乜人同埋唔驚佢去到好夜都唔返屋企！

我有同佢行街、睇戲、唱ｋ去哈佬喂等…

我老公喊住同佢講，鬧佢係為佢好，唔係唔鍾意佢，我哋唔管得佢好多年，過幾年十八歲，佢唔會再需要我哋管，到時佢都會離開我哋啦，就係想喺佢仲需要我哋時可以敎好佢！

我老公話唔係要佢對我老公好，只係想佢錫媽媽，佢大咗唔養我哋佢都唔會埋怨，要佢做家務只係想佢知道媽媽有幾辛苦，媽媽大住肚都係咁做，想佢明白要分擔！

我都有同佢講，如果我哋兩夫妻係坐喺度唔做指佢一個一做咁係我哋唔啱，但係我哋唔係，我哋都做完一日嘢，放工返嚟都做到瞓為止，唔係坐定定睇電視嚟點佢做家務，唔明佢點解仲咁不甘心！

佢話佢無，係我哋個個成日話佢黑面同埋做唔好啲嘢！

我就同佢講，因為佢唔想做，唔自願去做，所以咪由心而發嚟黑面囉，佢自己係唔知既，但係我哋係有眼睇既！佢想睇我可以映低佢個樣俾返佢睇！佢次次都話你咪映囉，我係無黑面呀，我唔出聲個樣你哋就話我黑面啫！

我老公就係唔抵得佢咁蝦我，同埋話佢同得我結婚，我個女就係佢個女，佢對個女係有責任既，要佢唔管佢就為有趕佢走，佢唔想見到個老婆傷心，但我同佢講我生得個女出佢一世都係我個女，養兒一百歲，長憂九十九！

我唔會唔要兒女，如果真係迫我揀，我寧願唔要婚姻都唔會唔要子女！

所以我老公都好慘！

我知佢好錫我，但係養不敎，父之過，我係佢媽媽，佢唔乖，都係我既責任，唔可以怪哂佢，所以我成日同老公為咗個女嘈！

好彩係我媽媽會幫我勸我老公，所以我哋都唔會真係要分開，真係要好感謝我媽媽同埋細佬！

有外家真係好！

我唔俾錢個女無用架，只要佢一開聲，爺爺、嫲嫲、爸爸、佢太太、啊叔、姑姐、婆婆、兩個舅父、未來舅母等…

一大班親戚買埋同埋俾錢佢花！

佢點會驚我唔俾錢佢呀！

過年佢去一去我現任老爺、奶奶屋企都有成千蚊利是啦！

佢真係算係幾幸福啦，大把人錫佢，除咗我同佢老豆分開呢件事影嚮佢最深遠之外！

私人傳訊

積分: 11324

好媽媽勳章醒目開學勳章畀面勳章環保接龍勳章大廚勳章

7^#

發表於 08-8-27 09:58 |只看該作者

我都話，就算佢拍拖我都無阻止佢，只係同佢講道理，希望佢唔好十個月後抱個ｂｂ俾我揍啫！

我對佢真係好寬厚架啦！

佢要去同朋友玩我有幾何唔俾佢去呀，只想佢有分吋，唔好去得夜同影嚮讀書啫！

佢又唔係差，只係得數學差幾分合格，其他科目都七、八十分，算唔錯啦，我從來唔係要求佢科科一百，只求佢盡力，佢只係數學唔好，咪花多啲時間喺呢一科囉！

如果佢都寧願花啲時間去玩埋佢，我真係唔想再理佢！

私人傳訊

mrsho

積分: 1609

8^#

發表於 08-8-27 10:03 |只看該作者

Firstly, never use 罰, it only made her thinks she just likes a prison.

Secondly, try to communicate with her by sending SMS or sending e-mail, like the way that she is using with her friends.

Thirdly, don't always talk the things that happened before. Tell her you are willing to walk with her to the future. You are always standing besides her.

私人傳訊

BBR

積分: 2760

9^#

發表於 08-8-27 11:16 |只看該作者

咁你老公當然係睇唔過眼至會想幫你,但你要明白佢始終唔係佢爸爸,你話佢由2,3歲就係你地湊就話姐,佢而家咁大個,條氣一家唔順比外人話,你老公當佢自己女,但你個女係唔係心甘情原當佢係爸爸,一定唔係lor,佢自己親生爸爸重响到,佢咁大個女你要佢聽個外人話一定唔得lor,就係唔想影響大家感情你老公更加唔應該出聲,我係過來人我好清楚,講真佢咁大個用過量的罸同鬧真係無用,你只可以從旁幫佢同勸佢,聽唔聽就好睇佢識唔識諗,佢這個年紀用罸同鬧無咩用,佢只會離你月遠,無辨法,父母永遠都係妥協同被動的一方,等佢撞下板就知屋企好,你唯有用愛心佢感化佢如果你仍未打算放棄佢

,至於你先生你都要同佢傾睇下佢可唔可以唔出聲,因為你都唔想個女影響到你地感情,你可以問下你個女係米想你下半生一個人過無人照顧,你問下個女佢係米一世都會陪你唔結婚唔去街唔拍拖,如果唔係就乖D唔好令你同老公因為佢而要離婚.
其實用愛心同勸的方法唔會立即見效,係雖要時間,可能會好漫長,佢始終係一個小朋友,重未識體諒人地,但又有幾多小朋友真係會識諗,你我都做過細路,唯有用佢地角度去睇野,細個時無教好,宜家至想教,好難架,你好似佢年齡時都唔鍾意比人話,何況佢响單親長大,忍下啦,比D耐心,每一樣野都問下佢點解要咁做,知下個原因

原文章由 honeybear0207 於 08-8-27 09:53 發表
其實我有同佢傾計，包括佢拍拖、有乜人追等…

我仲成日鼓勵佢帶朋友返屋企玩，因為我寧願佢喺屋企玩，我會知佢朋友係乜人同埋唔驚佢去到好夜都唔返屋企！

我有同佢行街、睇戲、唱ｋ去哈佬喂等…

我老公喊住同佢講，鬧佢係為佢 ...

[ 本文章最後由 BBR 於 08-8-27 14:13 編輯 ]

私人傳訊

高達媽