婆媳關係 今日: 0 | 主題: 27759

積分: 30295

1^#

發表於 08-9-2 01:11 |只看該作者 |倒序瀏覽 |打印

以前就成日嫌我冇野做, 覺得我懶又冇用, 同佢講我有返工, 不過因為經常要通宵太辛苦, 佢個仔先叫我唔好返, 但佢都唔多信, 直到有一次, 我地同6299去行街, 咁岩有個自由行黎問路, 我好快用流利既普通話答左個自由行, 62先開始覺得我有D用!

但我同62其實真係冇乜交流同話題, 佢對我唔算好亦唔算差, 而我對佢一直都OK既, 至少佢成日搵我幫手整鋪頭D野, 我一定好快幫佢趕出黎, 通宵都幫佢整!(3D立體圖啊~ 整一晚就整到, 算係咁啦!)

但尋日同佢傾左2句, 個心有D銀住銀住咁.....

我:62呀, 你最近剪左頭髮呀, 幾好睇喎!
62:係呀, 係果間上海鋪度剪之麻
我:我今晚都打算趁開學前幫XX(我老公)剪下頭髮呀~ (見有D DEAD AIR, 搵D野講下, 點知....)
62:你就唔應該幫佢剪啦, 出去剪好貴咩, 剪得咁肉酸! XX要出去見人架麻!! (下省幾十字)
我: 我都有叫佢出去剪架, 不過佢唔肯之麻! (發現62根本冇聽我講野, 唯有越講越細聲....)

唉.... 我真係覺得, 咁多個新抱, 62最唔鐘意就係我...... 大概係心裡面覺得, 我又肥又醜樣, 配唔起佢最叻既仔掛!

結果我尋晚忍唔住係街度喊左出黎.....

0 0 0

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

豬仔包包

複式洋房

積分: 491

2^#

發表於 08-9-2 01:23 |只看該作者

樓主妳唔好咁唔開心啦!!
我都好明妳而家既心情!
我唔識講說話氹6299,
而家仲用佢地反哂面添!!
有時d野冇得勉強,人夾人緣丫嘛!!
其實分開住可能對大家都有好處!!

私人傳訊

愛麗斯傳說

積分: 4164

畀面勳章

3^#

發表於 08-9-2 02:03 |只看該作者

有時老人家講野未必會顧及人地感受.....你老爺都唔算好差....相比你奶奶.....

我老爺都試過令我唔開心....話說當時我未同我老公結婚....但係拍左幾年拖.....有次我打電話去老公屋企.....聽到係世伯把聲....我緊係叫人啦....我叫「世伯呀....我係alice呀....」....點知我老爺答我:「你係邊個呀?」我唔知佢係聽唔清楚...定係唔記得有我存在.....果一刻我即刻收線呀....因為我唔知可以講咩好.....

又有一次.....果時都係未同老公結婚.....老公去左澳洲讀書.....姑奶又生bb(姑奶都係澳洲住)...老爺奶奶就過去探佢地....住一段長時間....因為怕信箱太多信無人收....驚被人地知間屋無人....所以比左鎖匙比我......叫我隔幾日上去收下信....開下窗....咁我都無所謂....反正公司同佢屋企唔遠......點知佢地返黎之後....我第二日就上去探佢地....我老爺第一時間即刻問我拎返鎖匙.....感覺上..好似驚死我唔比返佢咁....即係唔當我係自己人啦.....如果唔當.....就唔好比鎖匙我上去啦....

而家我無再怪老爺啦....因為我知佢係唔識轉彎的人.....又唔識同人溝通....所以佢無朋友架....同埋我都無同我老公講呢d野....因為唔係大件事...所以我都無提起...

你都唔洗唔開心啦.....可能你覺得你老爺唔鍾意你o者....事實係點你唔知架....而且日子耐左.....邊個係好....邊個係唔好....有事實比佢睇...

私人傳訊

sbandliz

積分: 2106

好媽媽勳章

4^#

發表於 08-9-2 06:41 |只看該作者

原文章由 小寶貝兒 於 08-9-2 01:11 發表
以前就成日嫌我冇野做, 覺得我懶又冇用, 同佢講我有返工, 不過因為經常要通宵太辛苦, 佢個仔先叫我唔好返, 但佢都唔多信, 直到有一次, 我地同6299去行街, 咁岩有個自由行黎問路, 我好快用流利既普通話答左個自由行, ...

No need to get upset.
As long as your c6 like your haircutting skills - that is all that counts.

What other people said is just background noise.

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

5^#

發表於 08-9-2 09:53 |只看該作者

真係唔洗唔開心喎, 你係嫁俾C6, 唔係嫁俾你62呀. 你C6愛你對你好就得啦. 我成日覺得做人新抱, 遇著好嘅6299當然係福氣, 但遇著唔夾嘅, 咪少D來往, 大家客客氣氣蒙混過去咪算囉. 最緊要係夫妻恩愛, 子女健康咁我就好滿足喇.

私人傳訊

A.C.C.

積分: 3786

6^#

發表於 08-9-2 11:16 |只看該作者

唔好擔心咁多啦, 你老公屋企人點睇你, 你係無法去改變, 盡咗自己本份就問心無愧

私人傳訊

積分: 30295

7^#

發表於 08-9-2 14:29 |只看該作者

多謝大家安慰我呀~~ 感動ing~

的確, 我62比起我99, 已經算係咁, 所以我一直都好尊重佢架! 好多時佢有野要打字呀, 出圖呀之類, 一個電話我就即到架!

不過, 硬係覺得佢對我冇對其他新抱咁好!
例如對住其他新抱就笑口常開, 又多野講同傾計, 但對住我通常都黑口黑面, 我唔開聲問佢野, 佢係唔會主動講野架!

唉~ 算啦~ 唔係成日見, 都係一星期見一次姐.....

有時我會諗, 會唔會因為我個肚唔爭氣, 生唔到bb, 所以佢地先對我冇好面色睇呢?

私人傳訊

karemom

複式洋房

積分: 451

8^#

發表於 08-9-2 22:59 |只看該作者

樓主, 你老公咁錫你, 你們倆口子咁幸福甜蜜, 又何必理會62呢! 不如將心思放在愛你的人身上吧!

原文章由 小寶貝兒 於 08-9-2 14:29 發表
多謝大家安慰我呀~~ 感動ing~

的確, 我62比起我99, 已經算係咁, 所以我一直都好尊重佢架! 好多時佢有野要打字呀, 出圖呀之類, 一個電話我就即到架!

不過, 硬係覺得佢對我冇對其他新抱咁好!
例如對住其他新 ...

私人傳訊

JessMama

積分: 4643

9^#

發表於 08-9-3 00:01 |只看該作者

No expectation, no disappointment!

私人傳訊

akj

男爵府

積分: 6628

10^#

發表於 08-9-3 01:26 |只看該作者

甘本唔駛理佢!做事對得人對得自己,問心無愧,彩佢地都儍!
唔駛為佢地(6299)唔開心

私人傳訊

sa_gill

男爵府

積分: 8757

11^#

發表於 08-9-3 09:56 |只看該作者

傻豬~駛乜為呢d無謂人嬲阿~~ ...
我係你偷笑先la~
你同佢個仔對一世~ 又唔係同62...
佢唔鐘意你仲係好事,你可以少d出現...亦可以少d來往...
kaka~~ 費事佢鐘意你..3頭唔埋2日踩上你屋k探下你...飲下茶食下飯甘就無左一千幾百,,,
ham返好多....
好似我甘....一年都見唔到9962 4次.....除了新年出現外..其他時間我一於玩失蹤...費鬼事煩住我...
c6甘多家姐阿哥...我豈不是好唔得閒?.....
呢點...最起碼...我駛少好多...儲埋俾d子女仲好過貼佢地買難受....
緊記.....你同佢個仔做人世,唔係c6屋k人..

私人傳訊

Lumpy

積分: 2542

12^#

發表於 08-9-3 10:05 |只看該作者

小寶貝兒，
老人家是很難討好的，他們得一想二．
你６２咁鍾意其他新抱，但有事就會自然搵你幫忙，我奶奶都係咁．有好野就搵細新抱，因為佢生左個仔．平時唔會理我架，但佢要睇醫生，ｏｒ有咩攪唔點就會ｃａｌｌ我．
唉，我都已經開始慣了．

睇開ｄ囉．
老公錫你就得啦．

私人傳訊

siucandy

積分: 2134

好媽媽勳章

13^#

發表於 08-9-3 11:10 |只看該作者

我都覺得老公對你好就得,其他人咪由得佢囉...人就緊係偏心架啦,又唔係成日見,咪當應酬佢地咪算囉,無謂記係個心度.....開心d啦.....

私人傳訊

積分: 30295

14^#

發表於 08-9-3 15:31 |只看該作者

多謝大家呀~~

其實果晚喊完已經好好多架啦~~
不過仲係有d唔開心囉~ 可能係唔甘心啦~ 對6299最好果個係我(指咁多新抱裡面, 甚至d仔都冇我對佢地咁好!), 但佢地對得最差果個都係我! 一有野整, 有野要幫手, 一定搵我, 99發脾氣, 又係搵我出氣!!

家陣我得罪左6299你地咩..... 咩狗屎垃圾都搵我!

不過掉返轉頭諗, 佢地咁樣對我, 佢個仔有眼見既, 我果晚係係忍左好耐, 終於頂唔順拉老公出去條街度喊(因為果晚要同成家人食飯, 在等位時忍唔住拉老公出去條街度, 冇熟人時先敢喊), 我感覺到老公好心痛呀! 但我真係忍唔到返屋企先囉!

其實樓上有位姊妹講得好岩, 佢地唔成日黎搵我, 唔洗我洗錢, 慳慳埋埋, 一個月又可以儲多d, 咁就可以快d搬走啦!
(我最大既願望, 除左同老公白頭到老之外, 就係搬遠d, 唔洗成日比佢地當工人洗!)

私人傳訊

邱吉爾

等待驗證會員

積分: 506

15^#

發表於 08-9-3 17:22 |只看該作者

原文章由 小寶貝兒 於 08-9-3 15:31 發表
多謝大家呀~~

其實果晚喊完已經好好多架啦~~
不過仲係有d唔開心囉~ 可能係唔甘心啦~ 對6299最好果個係我(指咁多新抱裡面, 甚至d仔都冇我對佢地咁好!), 但佢地對得最差果個都係我! 一有野整, 有野要幫手, 一定搵我, ...

小寶貝兒

好彩你62都唔中意你咋, 佢中意你ge話, 你處境仲慘呀, 你諗吓, 你99而家己經咁"long 禮 " 如果佢知道你62同你c6都鍚你 ??? 嘩, 你咪使旨意有好日子過呀, 好彩好彩, 佢而家己經覺得你搶走佢個仔, 你比佢覺得連個老公都幫埋你 ??????? 你大件事啦, 而家好, 你老公見你咁委屈, 佢愛多你兩錢重啦, 老公愛你, 好過62愛你啦, 好彩

私人傳訊