懷孕前後 今日: 0 | 主題: 330343

積分: 1997

1^#

發表於 15-12-20 07:36 |只看該作者 |倒序瀏覽 |打印

我現在有左6個半月。本身未大肚前都有好多個字宮肌瘤，大約有5個大(3-5cm)及無數細。醫生話位罝暫不影響bb，係開始果陣擔中胎盤生在瘤上面，好在沒發生。

到有左4-5個月左右，本身的大肌瘤變大至7-10cm，拉扁左。在肚皮上能摸到有凸起的瘤，似半個乒乓波，及有痛，但能忍受，醫生話不用理。

上兩星期開始我肚有某個位大痛。痛到行唔到。我住在距離地鐵站10分鐘的屋苑，但用了45分鐘至\"爬\"到番屋企。在床上一路痛，個肚又實哂，大約2-3個鐘鬆番。跟住去睇醫生，醫生又話係無事啦，叫我忍下。

上星期三在公司lunch後，痛到行唔到。忍到放工，落公司樓下call左的士番屋企(因我住極遠)。點知坐左的士15分鐘左右己頂唔順，叫司機轉送瑪麗急症。本身登記左瑪麗，但果刻忘記左可直上K座產科，所以照入左急症。

我落的士時隻左腳己郁唔到，完全提唔起，因最痛的瘤在左下腹。分流站的護士好好，馬上俾輪椅我，仲幫手台我隻左腳上腳踏。跟住我係優先，等左約30分鐘有急症醫生睇我，照到bb有心跳，馬上安心左。醫生見我咁痛，仲俾張床我等入院。

跟住在等入院期間，因手機無哂電，無法同c6溝通。我知佢己在急症室外，但佢一路未入來搵我。我明白急症室姑娘 /阿姐都好忙，但上病房等了約1.5小時後，我求了2次姑娘/阿姐幫我打電話都話唔會幫(都明白唔想阻佢地工作，所以無再提出)。因我唔郁得困在床上，又無乜力講野，等了2小時，終於有其它病人家屬企近左我。問左兩個，終於有一個借電話俾我打！原來c6一早己在急症室外等，因佢排過埋去問登記處都無人答到佢我嚮邊，所以呆坐咁等！

入左產科病房後，有位護士長問我病歷之類，然後就等做檢查，因是女病房，老公要在遠處等。當時有位阿姐俾套病人服我叫我入廁所換，我好辛苦除左自己d衫但痛到著唔到條褲，唯有半身lee在廁格咁樣呼喚護士幫一幫我拉一拉高左邊褲腳。

好快就有醫生睇我，但果刻叫我訓上產檢張床同擺隻腳上去簡直係酷刑！病房阿姐在醫生問我野時不停指示我，要我好急咁除褲上床。我一黎好痛郁唔到動作不能快，每步都要透，二黎我果刻同時聽唔到兩個人講野，老公又不在旁，又驚自己係早產，好迷網。點知阿姐係咁推我隻腳，叫我快d坐上去，又話\"都未見過人無啦啦會咁痛，仲話直唔到\"。我痛到大叫左出黎....

好好采，睇左宮頸沒開，超聲波無事，胎動正常，度埋機沒有regular contraction。結果是只能食止痛藥，沒野可錢做。但肯定bb安全。人都定番好多！

由我入急症(星期三6pm)有出院(星期四7pm)都預見很好的姑娘及醫生，只係咁岩遇著心急病房阿姐(但其實阿姐都好幫手，係我太痛配合唔到)。

出院後，到今日(星期日)仲痛緊，行約10分鐘左由就會由小痛變大痛。己經定時每6小時食止痛藥了.....我想像唔到聽日點番工！但呢d長期痛症的野，又唔可以無休止請病假。點樣挨多3個月啊！

小插曲1: 好神奇！我在病房遇到一個五六年前的舊同事入住同一病房等生bb。我入病房時己凌晨及關左燈，佢咁都認出我！佢仲江湖救急借左個電話差電器俾我。第二朝想搵佢還差電器時，原來佢己經半夜生左健康肥b仔，真係登佢開心

小插曲2: 我在急症室門口時因太痛機乎落唔到的士。開始的士門後我嚮度爭\"jat\"緊時有個年輕女子想上車。佢望到我咁，嚇到大叫\"佢生得啦！\"，我答左佢一句\"唔係呀，我肚痛咋\"，跟住最後一道力提起隻腳落車。果刻車好想笑，但痛到笑唔出，希望無嚇親的士司機同果隻靚女

最尾想睇下有冇jm係有我類似經歷！往後痛的日子要點挨呢？點番工呢？請分享...

0 0 0

私人傳訊

積分: 1997

2^#

發表於 15-12-20 07:40 |只看該作者

引用：我現在有左6個半月。本身未大肚前都有好多

原帖由 pkjanel 於 15-12-20 發表
我現在有左6個半月。本身未大肚前都有好多個字宮肌瘤，大約有5個大(3-5cm)及無數細。醫生話位罝暫不影響bb ...

打錯好多字...係「果位靚女」

私人傳訊

joeypung

積分: 138

3^#

發表於 15-12-20 08:35 |只看該作者

回覆：子宮肌瘤痛到入急症經歷

我係畸胎瘤，但吾痛，7cm.依家8wk,要等12wk做手術....

私人傳訊

Anne_Hall

積分: 1764

4^#

發表於 15-12-20 09:45 |只看該作者

不如睇私家，睇下醫生開唔開到一星期病假休息一下好d,我都有粒肌瘤，而家就快6個月，有時都會無啦啦痛，都有點驚

私人傳訊

skac

子爵府

積分: 11389

5^#

發表於 15-12-20 10:16 |只看該作者

回覆：子宮肌瘤痛到入急症經歷

take care!祝福

私人傳訊

Fa.C

積分: 136

6^#

發表於 15-12-20 10:17 |只看該作者

回覆：pkjanel 的帖子

我都係6.5個月因為子宮肌瘤痛入左院。我朋友話食多啲有營養既食物，bb 同肌瘤都有營養就會唔痛。
而醫生都只係話肌瘤有機會自己唔痛既。
一齊加油！

私人傳訊

積分: 1997

7^#

發表於 15-12-20 11:02 |只看該作者

引用：不如睇私家，睇下醫生開唔開到一星期病假休

原帖由 Anne_Hall 於 15-12-20 發表
不如睇私家，睇下醫生開唔開到一星期病假休息一下好d,我都有粒肌瘤，而家就快6個月，有時都會無啦啦痛，都 ...

我老闆都好彈性，同team同事都好體諒，但煩得同事太多都唔好

私人傳訊

積分: 1997

8^#

發表於 15-12-20 11:03 |只看該作者

引用：我都係6.5個月因為子宮肌瘤痛入左院。我朋

原帖由 Fa.C 於 15-12-20 發表
我都係6.5個月因為子宮肌瘤痛入左院。我朋友話食多啲有營養既食物，bb 同肌瘤都有營養就會唔痛。
而醫生都 ...

咁你痛到幾多個月呀？果陣你休息左幾耐？有冇keep住食止痛藥？

私人傳訊

Fa.C

積分: 136

9^#

發表於 15-12-20 11:05 |只看該作者

回覆：pkjanel 的帖子

我都係岩岩入院。我都想知

私人傳訊

lansduck

積分: 2907

10^#

發表於 15-12-20 11:12 |只看該作者

回覆：子宮肌瘤痛到入急症經歷

我都試過肌瘤痛到入院，當時13week
肌瘤10*15cm，可能飲左薑茶（因為嘔）
而家28week 細左少少9*13m
個種真是痛到想跳落街，不過醫院幫唔到手，我住左一晚堅持回家，食住panadol,雖則無乜用，但自己屋企點都舒服d
之後一路唔敢食行氣活血野，so far無痛過

私人傳訊

twinkle_0504

積分: 3093

BB防敏心得分享勳章

11^#

發表於 15-12-20 11:19 |只看該作者

我都有粒畸胎瘤 8cm ,之前都有肚痛入院
照到bb冇事先安心，有瘤陀b 都分唔到係咩痛...
所以有痛就入院安全d
同埋你痛到咁,不如同公司講下,停薪留職,係家休息多d

私人傳訊

Fa.C

積分: 136

12^#

發表於 15-12-24 14:12 |只看該作者

回覆：pkjanel 的帖子

我訓左醫院三日，回家休息左兩三日度已經唔再痛喇。休息真係好重要！祝你早日康復。

私人傳訊

michkuma

積分: 479

13^#

發表於 15-12-30 22:44 |只看該作者

回覆：子宮肌瘤痛到入急症經歷

我都有肌瘤，成10cm, 好彩無咩點痛。（淨係pet pet 痛，唔知關唔關事）

如果你咁痛，真係請假休息多d, 同埋帶定Panadol 有需要時食

加油呀！頂多幾個月就見到bb 啦

私人傳訊

HONGTSZYAU