吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我係咪好自私?!

夫婦情感今日: 1|主題: 42776

收藏本版

發帖

返回列表

跳至頁

查看: 1102 | 回覆: 17

我係咪好自私?! [複製鏈接]

clc_ivy

大宅

積分: 3347

1^#

發表於 08-9-3 22:50 |只看該作者 |倒序瀏覽 |打印

我成日都唔鍾意c6出街,佢次次同我講要出街,我都會同佢嘈,之後佢就會好嬲咁出去,返到屋企只係"係咁而"呵番就算,我都唔知點解會咁,可能係因為佢唔多同我哋(小朋友)出街嘅關係,次次都話"唔想""唔好"同"好累",但係同朋友出街就唔攰,去釣魚就唔攰,我已經同佢講咗好多次,佢會話"我知嘞""我知嘞"!我哋有一齊出街,但係大多會同埋佢d朋友,雖然佢d朋友我都熟,不過成日都係咁,我真係好唔開心,,我係全職mama個個朋友都要返工,平日我通常都喺屋企,如果要計一年365日,我有300日都喺屋企,我覺得好dry呀!!

0 0 0

我係驅魔人媽媽

私人傳訊

cathy29

伯爵府

積分: 19743

2^#

發表於 08-9-3 23:28 |只看該作者

回覆 #1 clc_ivy 的文章

我生完大仔個陣都係咁, 自己湊, 個c6個陣放工都會出去飲野食飯, 夜一夜先返, 自己就一條冷睇仔, 所以個陣一聽到話去邊去邊我就即刻火都黎

, 心諗:又唔見我同d fd出去, 佢一條冷睇仔???; 不過我冇同佢噪, 由佢去, 次次返到屋企我就唔同佢講野, 個下佢就知....到左我話要出去做野, 慢慢就變左唔係佢出去, 係我出去

私人傳訊

KoyeBaby

子爵府

積分: 12904

醒目開學勳章畀面勳章

3^#

發表於 08-9-3 23:49 |只看該作者

其實佢咁大個人要出去你根本阻唔到佢,你同佢嘈完佢咪一樣照出,咁何必勞氣呢~我自己都係全職mama,都要日日喺屋企湊女同吽菇,但係我同c6約法三章定一個禮拜最少一日做family day,嗰日就只可以陪我同個女,就算嗰日真係唔得閒都要後補,你或者參考下,可以keep住個親子關係,你亦都唔駛咁悶呀嘛!

私人傳訊

cy101

象牙宮

積分: 210117

2025勳章蛇年勳章 2024年龍年勳章牛年勳章 2018復活節勳章育兒性格勳章好媽媽勳章醒目開學勳章畀面勳章環保接龍勳章大廚勳章 BK Milk勳章 15週年勳章親子王國15週年勳章

4^#

發表於 08-9-3 23:52 |只看該作者

原文章由 clc_ivy 於 08-9-3 22:50 發表
我成日都唔鍾意c6出街,佢次次同我講要出街,我都會同佢嘈,之後佢就會好嬲咁出去,返到屋企只係"係咁而"呵番就算,我都唔知點解會咁,可能係因為佢唔多同我哋(小朋友)出街嘅關係,次次都話"唔想""唔好"同"好累",但係同朋友 ...

妳唔自私, 妳好正常, 自私個個係妳c6, family day都無, 妳揾番自己的興趣, 自己扮靚d去下街, 叫c6睇住d小朋友!!

私人傳訊

clc_ivy

大宅

積分: 3347

5^#

發表於 08-9-4 09:30 |只看該作者

其實我都有出街,不過可能係2,3個月先一次嗰d囉!平時最多咪喺屋企附近個商場行,但係個場依家閉上眼都行到~~依家好好多嘞!以前我有咗佢就成日自己出去玩,嗰時仲要同99住日對夜對,又唔知去邊度發洩,結果咪成日同佢嘈囉!我有同佢傾叫佢多d陪我陪小朋友,佢就會話我返工會攰架嘛~你體諒下我啦!嘩~~咁邊個嚟體諒我呀~你要出去陪朋友,咁邊個陪我呀~我要個老公嚟做咩呀~次次傾到呢度我就火都嚟,所以我成日都想出去搵嘢做,但係我學歷唔高,依家連sales都做唔到(以前做開,講起嚟好長篇所以唔講),做文職我又無經驗,唔通我呢世注定做c9~~

我係驅魔人媽媽

私人傳訊

bktcc

超級版主

積分: 84593

超級版主

6^#

發表於 08-9-4 10:27 |只看該作者

唔算自私,只係你老公唔諒解你

好男友唔等於好丈夫又唔等於好爸爸

你老公個"格"係咁,好難改變

佢唔變,唯有你自己變

想辦法擴闊社交圈子

等自己好過d

私人傳訊

JANPCY

大宅

積分: 1112

7^#

發表於 08-9-4 12:14 |只看該作者

hi~ clc_ivy

我既情況同你好似, 有95%相似呀。

我係在職week-end mami, 囝囝由62 & 99湊, 一個星期只有星期六晚 & 星期日可以同囝囝相處。平日c6工作忙, 好夜先返, 大部份時間只有我自己一個係屋企；到假期c6又瞓到日上三竿先起身, 根本無比過時間我同囝囝；假期時我地兩母子行商場, 周圍去架咋。

我有同c6講過比返多少少時間個家, 講完果段時間咪會陪下我地去下街, 過一排又打回原形。

曾經有個媽咪大概咁話 "預期要等別人去改變來遷就自己, 倒不如改變自己既想法, 令自己好過一些, 開心一些。" 因為這句說話, 我唸通左，c6唔陪我地, 係佢自己損失了家庭樂, 我唔會係屋企吽菇, 我要掙取時間同囝囝享受相處既時間。

你唔需要自責呀, 係佢唔珍惜家庭樂。你試下從另一個角度去唸, 有什麼事可令自己開心d, 就唔會覺得dry架啦.

私人傳訊

clc_ivy

大宅

積分: 3347

8^#

發表於 08-9-4 14:40 |只看該作者

我讀完書出嚟做嘢到依家結咗婚前後8年,拍拖嗰年每一次出街都係一齊,但係結婚之後就完全唔同晒(我要有bb先結婚),好多時都自己同朋友去街,仲成日都好夜返,每次嘈交我都要求佢唔好咁樣,真係好攰!~~到我生完bb出嚟做番嘢先好d,因為唔洗放時間喺屋企,返到屋企一心就係搵bb(我同99住)根本就唔會諗佢(因為佢一定瞓緊)不過個天好鬼like玩得,做番一年嘢之後又嚟撞車(我做開sales,撞到個樣有事)到依家今個月19號啱啱好4年,呢4年入面我有好多唔開心,但係要扮到咩事都無(唔想佢哋擔心)唔開心只係可以喺房喊,老公工作好辛苦唔想比佢知,就算佢知都唔可能做d咩(就算依家同你哋講,我都喊緊,我真係無用)撞車頭嗰年c6真係對我好好,不過好快就打回原形,之後我就專心湊仔,但係我嘅脾氣就越嚟越大(對任何人都係,包括我d小朋友)c6話我變咗好多(大哥...試下人生入面有咁大轉變,我諗係人都會變),我成日同自己講唔好咁care老公做過d咩,可惜我做唔到,依家因為好少事就會嘈,真係唔知點樣去過嚟d生活~~

我係驅魔人媽媽

私人傳訊

magcat

子爵府

積分: 12333

9^#

發表於 08-9-4 15:32 |只看該作者

樓主冇錯, 你的諗法好正常! 我每逢星期六日都係FAMILY DAY, 老公一定陪我及BB, 要出街就一齊出, 唔出就一齊係屋企, 可能我地一向都係咁, 由婚後到而家BB出世都係咁!!

或者你多D同你老公講你感受, 再唔係就你自己帶小朋友出下街, 唔駛係屋企對住四幅牆咁悶呀!

私人傳訊

MELUKO

洋房

積分: 110

10^#

發表於 08-9-4 15:44 |只看該作者

回覆 #1 clc_ivy 的文章

其實我c6都係咁架, 我每日都要返工, 放工返嚟仲要睇住個仔, 個仔已經唔係乖果種 , 睇少眼都唔得, 有時真係搞到我好攰, 星期六, 日放假,都係得我一個人睇住佢, 好辛苦, 但無計, 因為c6係返啲輪班既工作, 佢唔一定放星期六日既, 所以平日都算, 但係佢放假呢, 只係掛住好釣魚, 同埋做啲佢自己鍾意做既嘢, 佢放假就可以好happy, 咁我呢, 米又係一個人睇住個仔, 我都好悶, 我都好想約人去行街架, 但係唔得, 雖然我都知佢都好錫個仔既, 但我都係覺得佢好自私架.

私人傳訊

ashley2008

民房

積分: 52

11^#

發表於 08-9-4 16:51 |只看該作者

原文章由 MELUKO 於 08-9-4 15:44 發表
其實我c6都係咁架, 我每日都要返工, 放工返嚟仲要睇住個仔, 個仔已經唔係乖果種 , 睇少眼都唔得, 有時真係搞到我好攰, 星期六, 日放假,都係得我一個人睇住佢, 好辛苦, 但無計, 因為c6係返啲輪班既工作, 佢唔一定放 ...

發覺好多bk媽咪既c6都係一個模出黎既！
我c6都係咁，有左小朋友之後既生活改變好似只會發生起我地女人身上。男人係完全唔使改變，佢地仍然可以出去同朋友食飯，起屋企睇電視/打機/上網……做自己野！而我地想出去買野，食飯，叫佢地睇吓小朋友一陣都唔得。起屋企係唔會有私人時間，只會有家務時間同湊b時間。

私人傳訊

clc_ivy

大宅

積分: 3347

12^#

發表於 08-9-4 17:58 |只看該作者

咪就係~~佢哋放假就去玩,咁我哋呢d c9幾時先有假放呀?!都唔理人感受嘅,唔好話出街,就連想佢陪下都難,因為佢大多都係瞓覺,再係咁落去真係人都瘋嘞!!

我係驅魔人媽媽

私人傳訊

clc_ivy

大宅

積分: 3347

13^#

發表於 08-9-6 13:37 |只看該作者

佢終於提出同我哋一齊出街,不過係去佢姑姐屋企探佢亞叔喺鄉下落嚟嘅女,對我嚟講好過無啦!

我係驅魔人媽媽

私人傳訊

onon1022

子爵府

積分: 12600

好媽媽勳章

14^#

發表於 08-9-7 00:29 |只看該作者

其實試下同你老公傾下...定左某一日係家庭日...其餘既日子...假如佢想出街...你就由得佢去...

[url=http://lilypie.com][img]

私人傳訊

bebee0526

大宅

積分: 2817

15^#

發表於 08-9-8 03:18 |只看該作者

哇~大家d c6都好似呀!
樓主你c6講d野同我c6講d野一樣!
同我去街就"好攰"
同fd去街就變左超人!
我同你講d野又好似@@''之前都係咁同佢嘈
不過我而家已經化了~我都係全職mami,我c6成日都冇假放架,佢放工寧願出去搵fd都唔陪我,呢d日子我過左好耐
直到我都覺得嘈到悶...佢話去街,哦你去囉,我自己搵節目
就算留係屋企都冇所謂,咪同個仔玩囉~"~
到我唔理佢由佢去街之後....
雖然耐唔耐都會嘈,不過我次次嘈都會鬧佢,你鐘意去邊就去邊,我就要1個人湊仔,你都叫做有放工時間,我呢,我24小時都要照顧個仔呀,我屈左係屋企2年幾啦,咁我又可以點呀?屋企野我做到ge我都自己搞掂晒,你番到屋企淨係打機我都唔叫你幫手,知你番工辛苦,我自己lee埋喊自己幾辛苦你又知唔知
跟住之後我就會成晚唔理佢
每次咁樣嘈完之後,佢第2日都會主動話同我去街,同我散下心,不過我最初話唔去,冇心情,好攰,但佢都會tum到我去為止,之後仲要講多句:我心情唔好我會用好多錢架,我要買好多野架
哈,到而家我c6出少左好多街lu~反而陪我多左
樓主你不妨試下由佢出街,仲開開心心送佢出門口,有時佢唔去街ge,就你約人你出去,等佢1個人係屋企
你c6可能會反常XD

<b><font color="orange">我的腥架

私人傳訊

clc_ivy

大宅

積分: 3347

16^#

發表於 08-9-9 09:13 |只看該作者

回覆 #1 bebee0526 的文章

無得傾呢~~咁多年嚟我傾過講過無數次,口都講到臭嘞!佢本身就係d咁嘅男人,佢一日唔長大,我哋三母子就要...
我d朋友個個都要返工,我又唔想自己一個出街,咁咪唯有又留喺屋企囉!
下個星期五我可以去玩嘞!有朋友生日我決定留守到最後,不過就要我c6返工前返去,因為佢係返夜晚4點,屋企之後就無人睇住d小朋友,我一年咪就係得呢d日子可以去蒲囉!~

我係驅魔人媽媽

私人傳訊

neighbour931

別墅

積分: 827

17^#

發表於 08-9-9 11:40 |只看該作者

我就剛剛相反, 唔係好鍾意出去應酬d朋友, 飲飲食食更加唔鍾意, 打下波還可以, 不過最好係一至五, 唔知點解我好鍾意陪個女返學, 學野, 練琴練跑. 星期六日千其唔好打攪我, 我帶我老婆囡囡去行下街,釣魚游水都唔知幾happy自在. 不過我有樣野唔係咁好既, 就係唔鍾意出街食飯, 好鍾意同囡囡行街市買餸, 返屋企煮番兩味,

私人傳訊

bebee0526

大宅

積分: 2817

18^#

發表於 08-9-10 03:03 |只看該作者

既然冇得講就由佢吧=0=到你唔理佢佢應該會覺得唔對路掛@o@
我都成日1個人係屋企架~有時咪同個仔去樓下商場行下買下玩具,同佢去公園玩下咁......
你都好丫,有時個c6都可以幫你睇下,你自己出去玩~
我唔得呀~2年幾我都1個人湊住個仔,c6搞佢唔掂,亦冇人幫我睇住個仔,我2年幾都冇試過自己1個人出去玩la