母乳餵哺 今日: 0 | 主題: 85709

積分: 794

1^#

發表於 04-7-8 00:56 |只看該作者

餵人奶如果只餵2個月係咪等於冇用?

因為我公司個廁所好污漕, 怕PUMP左D 奶出黎唔乾淨, 最多只可以餵到2個月人奶, 但又怕BB到時轉奶粉會好易便秘又腸胃唔好.....

私人傳訊回覆引用

prettywife

男爵府

積分: 6787

2^#

發表於 04-7-8 01:21 |只看該作者

Re: 餵人奶如果只餵2個月係咪等於冇用?

of course not!

can u borrow the conference room?

私人傳訊回覆引用

Greek

民房

積分: 42

3^#

發表於 04-7-8 02:03 |只看該作者

Re: 餵人奶如果只餵2個月係咪等於冇用?

the longer you breast feed, the better.

is there anywhere that you can borrow and use ?

私人傳訊回覆引用

charlene

積分: 1152

4^#

發表於 04-7-8 11:15 |只看該作者

Re: 餵人奶如果只餵2個月係咪等於冇用?

返工後,你可以"早晚"和假日在家時餵人奶.

採用混合餵哺,要睇你的決心和堅持.

全人奶 - 係最好
混合餵哺/早晚餵 - 比"唔餵"人奶好
"初乳"係對BB最好,即使餵得一個月,就一個月.
餵2個月 - 總比"完全唔餵"好.

私人傳訊回覆引用

積分: 794

5^#

發表於 04-7-8 12:27 |只看該作者

Re: 餵人奶如果只餵2個月係咪等於冇用?

多謝意見.

如果已經餵到2個月, 我都想繼續餵到起碼6個月, 連開頭果個月咁辛苦都餵過左, 曾經餵到出血tim......但為左bb好, 我都想試下繼續餵, 我係貨倉做文員的, 得老細有房, 唔方便借.

請問點樣混合餵? 是否只早晚餵, 其他餵奶粉? 會唔會冇奶出架?

我用個電pump要谷奶時先pump得出, 唔谷時唔單只pump唔到, 仲好痛, 係咪應該買過個手pump呢, 唔知咩牌子好用? 多謝你地d意見呀, 其實我餵人奶餵得好有壓力, 我同奶奶一齊住, 佢成日話我餵得果兩個月不如唔好餵啦, 一陣搞到bb腸胃唔好咪仲裒. 但係我點辛苦都想對bb好d, 2-3個鐘就餵一次我都唔怕, 仲有2個星期就要返工了, 如果用混合餵法係可行既, 我都會買過個手pump試下.

你地教下我點樣可以繼續餵啦, 我唔想放棄架.

私人傳訊回覆引用

snoopymummy

積分: 2125

6^#

發表於 04-7-8 13:25 |只看該作者

Re: 餵人奶如果只餵2個月係咪等於冇用?

呢兩篇文章希望幫到你:
http://www.bfvghtc.org/html/faq14.htm
http://www.breastfeeding.org.tw/art_list.php?art_sno=66

我覺得可以餵幾耐就餵幾耐啦,有時客觀條件唔許可都無辦法,唔好太在意.
如果儲到奶就在公司pump2-3個鐘pump一次,平時出門前和夜晚放工就在家埋身餵bb.祇要keep住埋身餵同有充足水份,奶量係ok的,唔好太擔心
你可以上班前早兩星期前就開始儲定d貯貨,放在冰箱,到時留比家人餵.
手動奶泵我用avent,好多bk媽咪都用呢隻,幾好用.另外你可以試下bb奶咀是否合用,因為我bb唔鍾意用avent隻奶咀,所以我pump完出來的奶要換樽換奶咀先比得她食.而有d bk媽咪就話如果怕bb有奶頭混淆就用nuk奶咀比較好.你可以考慮下,提早決定好預備,番工時就無咁論盡.

我的寶貝女朗朗在5月25日早上7:40分出左世.仍然是全人奶bb,唔肯飲奶粉的體重記錄
5/25 --2.7kg 43cm       6/1 --
6/5 --2.76kg                6/11 -3.02kg
6/18 --3.3kg                   6/28 -3.75kg
7/5 --4.1kg 58cm       8/5 --5kg
10/4 --6.06kg                12/6 -- 6.46kg
無磅好耐啦,費事磅,反正都係xs碼,我個女食得行得睡得玩得排牙仲好駛得,又好精力過d大人,足以累死你,磅數仲算d咩呢

私人傳訊回覆引用

charlene

積分: 1152

7^#

發表於 04-7-8 16:14 |只看該作者

Re: 餵人奶如果只餵2個月係咪等於冇用?

晴朗天,
我的做法,係早上上班前先埋身餵BB一次,可以餵完再泵一陣,都會有1-2oz.或者時間太趕或BB未醒,就會只泵唔餵.
如果儲到奶,日間你上班的時間, BB就食儲備的奶.食得一餐就一餐.無,就食奶粉.
下班回家後,全程埋身餵,可以的話,晩上沖涼後立即再泵一次奶,留明天用.
你要有心理預備, 日間BB見唔到你, 晩上可以埋身食,佢可能半夜都要食好幾次.
唔夠瞓又要返工係最難捱的.
假日可以全人奶,只怕唔夠,唔會谷奶.
我用這個方法,都維持到一年多.我都係用(Medela) 電泵.

現在,你可以開始儲奶,先將中午的一餐轉為奶粉.但將這一餐的人奶泵出來留日後用,要Mark日期,放上冰箱,可以留兩個月.
慢慢你可以日間唔再泵奶,但留意每減一餐(或幫BB轉一餐奶粉),都要維持3 日,才可以減(或轉)多一餐.這樣你就唔會日間上班時勁谷奶.在這兩個星期,你安排好這個轉奶,同時你自己減奶量的安排.
你要過的第一關可能係BB未必接受奶樽, 試吓用 NUK 加黃色奶嘴.

混合餵哺只係返工後無辦法繼續全人奶之中的一個可行的選擇,我並不是要提倡餵奶粉.但我同樣相信餵奶粉並不代表我唔盡力或我唔愛自己的BB,只係每個人的環境配合和可承受的壓力唔同.
媽媽開心,才有精神體力去照顧BB.

私人傳訊回覆引用

whymea

積分: 118

8^#

發表於 04-7-9 15:59 |只看該作者

Re: 餵人奶如果只餵2個月係咪等於冇用?

有就有，唔會話等于無。

私人傳訊回覆引用

積分: 130

9^#

發表於 04-7-9 23:51 |只看該作者

Re: 餵人奶如果只餵2個月係咪等於冇用?

餵人奶呢門學問真係好不可思議！以下係本人餵奶日程表(全泵形)：-
頭1個月：每4-5小時泵一次，臨瞓前泵一次可瞓到6小時後谷奶谷醒。
2-3個月：每6小時泵一次，最盡8小時泵，否則谷爆。
4-5個月：每8小時泵一次，早午晚三餐
5-6個月：每10-12小時泵一次，朝晚各一次
6個月準備戒奶: 每日泵一次，頭5-6天(每16-18小時泵一次)；7-20天(每24小時泵一次)；21-25天(每36-40小時泵一次)；26天打後少少谷奶我都唔泵，今日已經毋泵奶31/2日嘞！我唸應該回奶嘞！其實仲有奶架，都會心思思想泵架！

Remarks: 當上奶上得好嘅話，雖然泵嘅次数唔多，但係量多。我除咗頭一個月有補奶之外，2-6個月餐餐全人奶，每餐8.5ozs.之餘仲有存貨，比D信心自己啦！！希望以上經驗之談幫倒你啦。

私人傳訊回覆引用

積分: 794

10^#

發表於 04-7-10 21:45 |只看該作者

Re: 餵人奶如果只餵2個月係咪等於冇用?

wa! 我十分十分感謝你, 嗚......

其實我都好想餵耐d, 因為我個bb好多肚風, 而且而家係人都知道餵人奶有好多好處.

但係好麻煩你, 我想問多少少野, 請問你個bb 一日食幾多餐, 係咪介左夜奶好耐? 你個奶泵係咩牌子同係用電定手泵? 我個電泵泵到我好痛......而且唔谷奶泵唔到幾多, 谷奶最多泵到4oz, 每次泵完第二日都唔想再泵, 因為仲好痛(已經係用medela)....打算試下avant既手泵....

經過大家既意見之後, 我決定餵bb耐d, 希望頂得順啦......感謝呀!~~~~~~

私人傳訊回覆引用

積分: 130

11^#

發表於 04-7-10 23:46 |只看該作者

Re: 餵人奶如果只餵2個月係咪等於冇用?

A1: 一日食4-5餐，每餐8.5onz.(由2個半月開始至依家6個月)
A2: 六甲村電泵(荷花賣$350-HKD)。用電泵會快D喎！
A3: 照你情況睇，你應該係啱啱餵咗無耐，你不如試吓飲多D魚湯，如：木瓜鰂魚，豆腐大魚尾，木瓜花生豬展湯等，食吓朱豆花生都有用架！

晴朗天寫道:
wa! 我十分十分感謝你, 嗚......

其實我都好想餵耐d, 因為我個bb好多肚風, 而且而家係人都知道餵人奶有好多好處.

但係好麻煩你, 我想問多少少野, 請問你個bb 一日食幾多餐, 係咪介左夜奶好耐? 你個奶泵係咩牌子同係用電定手泵? 我個電泵泵到我好痛......而且唔谷奶泵唔到幾多, 谷奶最多泵到4oz, 每次泵完第二日都唔想再泵, 因為仲好痛(已經係用medela)....打算試下avant既手泵....

經過大家既意見之後, 我決定餵bb耐d, 希望頂得順啦......感謝呀!~~~~~~

私人傳訊回覆引用

積分: 794

12^#

發表於 04-7-11 00:28 |只看該作者

Re: 餵人奶如果只餵2個月係咪等於冇用?

謝謝rony-mama.

我買左個avant手泵唔知係咪唔識用, 泵唔出咁既, 定係手泵同電泵有好多分別呢? 各位用avent 既媽媽, 請問係咪要泵一陣先有奶出架? 如果泵4oz大約要用幾多時間呢?

rony-mama, 我餵左bb 5個星期(bb 6星期大), 唔知算唔算餵左無耐, 定係我真係比交少貨(奶)呢, 我都有飲木瓜魚湯既, 你地係咪唔谷奶都泵得出好多架?

電泵的確係快好多, 不過我真係好痛, 而且試過泵出血..... 所以次次泵到痛我都好驚......

媽媽唔易做, 餵人奶既媽媽更加唔易做......

私人傳訊回覆引用

Small-kin

積分: 399

13^#

發表於 04-7-11 01:20 |只看該作者

Re: 餵人奶如果只餵2個月係咪等於冇用?

晴朗天:

"餵人奶如果只餵2個月係咪等於冇用?"
千其吾好敢唸呀??!!!
我覺得無論餵幾耐,總之餵過到叫有用呀.....無白費嫁 :-P

HI!!各位媽媽~~~ 我番左HONG KONG啦！請多多指教!!

私人傳訊回覆引用

auntie1234

民房

積分: 118

14^#

發表於 04-7-11 09:55 |只看該作者

Re: 餵人奶如果只餵2個月係咪等於冇用?

two months can also do good to the bb

私人傳訊回覆引用

譚媽媽

積分: 1623

15^#

發表於 04-7-11 21:45 |只看該作者

Re: 餵人奶如果只餵2個月係咪等於冇用?

晴朗天：
公司附近有沒有健康院或較乾淨的商場廁所、育嬰室呢？若你中間可以泵到一次奶，而寶寶也不算大食的話，相信上班後仍可全母乳，因為不足之數可以用下班後和上班前泵奶來補充。
當然，若真的太辛苦，charlene的建議也很好，混合餵哺總勝於全餵奶粉。

私人傳訊回覆引用

積分: 130

16^#

發表於 04-7-12 00:51 |只看該作者

Re: 餵人奶如果只餵2個月係咪等於冇用?

你嘅情況我就未聽過，因為我決定餵人奶前備咗好多課，而實戰期間亦問過好多人，碰咗好多次釘先成功架！所以我先咁有信心將我經驗向大家分享。咪灰心！我建議你不如親身去母嬰健康院向負責母乳指導的姑娘請教，千其唔好怕醜，佢哋好樂意教你及比機會你嘗試，她們在一旁糾正，而且比倒好多支持和鼓勵呢！

私人傳訊回覆引用

積分: 130

17^#

發表於 04-7-12 00:53 |只看該作者

Re: 餵人奶如果只餵2個月係咪等於冇用?

晴朗天:
加油加油呀！剛才的發表希望你實行啦！[quote]

私人傳訊回覆引用

awong97

積分: 279

18^#

發表於 04-7-12 14:18 |只看該作者

Re: 餵人奶如果只餵2個月係咪等於冇用?

晴朗天，
我都係全泵型的在職全母乳媽咪，初初我都試過泵奶泵到乳頭損晒流晒血連支奶都唔敢要，係因為乳頭的皮膚較幼嫩，一時間不能適應泵奶時拉扯的力同摩擦，過多一兩日就會無事，當時我都痛到喊架，不過為左囡囡我都捱過左囉。
我唔會谷晒奶先去泵架，我會按時，我初頭用六甲村電泵，後來用美德牌單電泵，泵奶方法係，一手攞泵，一手托住個胸用手指公由乳房向中心（乳頭）推按，咁樣我就覺得比淨係由得個泵泵快同埋比較泵得出奶囉，妳可以試吓。我依家早上第一次泵每邊6安，其後每次總數約有6-7安。每次泵奶我都會泵清晒先收工的，因為咁樣佢先會持續有一定的奶量，同埋你要留意如果你有足夠的湯水但你唔泵或唔餵的話都會令量奶下降的。
大家一起繼續努力！祝妳及bb身體健康！

我的小寶寶享用媽媽奶至3歲，好懷念餵奶的日子啊！

私人傳訊回覆引用

snoopymummy

積分: 2125

19^#

發表於 04-7-12 20:59 |只看該作者

Re: 餵人奶如果只餵2個月係咪等於冇用?

晴朗天,
我想分享下: 你可能一直用開電泵,所以會覺得avent的手泵慢d,就我來說,每次我都要泵約10幾下先開始出奶的.另外,如果你依說明書安裝,然後貼實乳房,無空氣漏,應該會感到有吸力的.
我bb都係約6星期大,我要谷奶先泵到3-4安,唔谷奶就祇夠bb食,最多泵得2安,所以唔好擔心啦.

私人傳訊回覆引用