我囝囝7月中開始上屯門龍門居某中心英文班，報名前我已經問清楚負責人係咪佢親自教，佢確實回答係佢教，咁我咪報名囉！這課程全期24堂，暑假內有14堂，一星期返2堂，一次過繳交14堂學費，上課時間係上午10點。第一堂就遲開門15分鐘，仲唔係個負責人親自教，代課老師話Miss W今日有事唔得閒，所以由佢代課；跟住我都費事逐堂講，總括暑假期間，只上得9堂，因為有2日打風，有3堂在毫無通知下唔開門，我和其他家長在門口等，第一次等半個鐘，之後已經叫佢地唔好咁冇交帶；第二次等40分鐘，第三次等15分鐘已經唔想再等；三次唔開門事後都冇交代，亦都冇道歉，仲好似若無其事咁！至於上9堂呢，有7堂係遲開門，兼且冇道歉；仲有個Miss W 9堂當中只上過1堂咁大把！我地幾個家長決定唔再學落去，剩餘堂就叫佢退錢；上星期經過佢門口，見入面有人咪入去，一入去就見到個不負責任Miss W，佢仲扮作若無其事咁講：「呀！我正想搵你，我諗住同你地傾下補堂事，星期六好嗎？」我答佢星期六唔得閒，而且我地全部都唔會再上堂，叫佢退錢。跟住佢話：好！我安排啦！其實我去之前一兩日已經有一個家長搵過佢，而且仲講退錢，佢話會安排。但係佢當時扮晒冇咁，完全冇提過有家長搵過佢，佢梗係想博大霧！呢D咁垃圾中心，真係想去消委會投訴佢！如果你地遇到咁事，你地會點處理？
.上網唱衰佢,去消委會投訴,兼找報管記者....免得再有受害者
發表於 
, 可唔可以講多少少呀
佢咁搞法,唔摺就奇LA
返回列表
