心聲留言今日: 0|主題: 17524

收藏本版

發帖

返回列表

跳至頁

查看: 592 | 回覆: 4

腦海不斷閃過的畫面。 [複製鏈接]

yilamlamlam

別墅

積分: 719

1^#

發表於 16-1-28 05:10 |只看該作者 |倒序瀏覽 |打印

太婆早幾年過左身，個陣我14 15歲，我記得個次我喊得好利害，因為由細到大太婆湊我照顧我好錫我縱我，亦係我第一次面對有屋企人離開...所以我係咁喊係咁喊好傷心
。。。
上年年中，我愛女早產最後離開左我，個種痛我完全唔識形容，亦係除左喊我個腦係一片空白好似跌左落黑洞咁，好痛心好痛心，前所未有咁痛！又或者事隔幾耐我都唔會忘記到個種感覺同我對佢既愛
。。。
到左上星期我太公因為太老太老，身體機能差又中左風好幾年最後捱唔住走左，原本我一直都覺得佢可以等到我個仔5月出世到時佢5代同堂一定好開心，奈何佢真係老勒...今次再一次面對親人離開唔開心一定有，但係無之前咁傷心，唔係話我唔錫太公唔係佢唔重要，佢都好錫我佢同太婆一齊湊大我城日陪住我又比我蝦，好多人會問佢我係未佢個孫既時候佢會好大聲好開心咁周圍話比人聽我係佢個塞，無輪我幾曳佢都唔會打我唔會鬧我連對我大聲一句都唔會永遠得我大聲過佢
。。。
我同太公有好多好快樂既回憶，但我今次無之前咁唔開心，係因為我個腦不斷不斷閃過一個畫面...
。。。
天空上面有太婆有太公仲有我個寶貝女丁丁，太公可以同太婆團聚不特止仲有我個寶貝女陪住佢地，我個寶貝女就好似我細個咁有太婆太公錫太婆太公照顧，而丁丁bb又會同太婆太公玩氹佢地開心...個腦就係不斷閃過呢個咁溫馨既畫面，而覺得苦中一點甜！
。。。
太公太婆，您地過得好嗎？丁丁bb有無蝦您？其實我覺得自己可以擁有一個有太婆太公寵愛既童年係非常美好！我愛您地