吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 散水餅：反映人性的貪婪？

自由講場今日: 202|主題: 1342438

收藏本版

發帖

返回列表

跳至頁

查看: 3624 | 回覆: 31

散水餅：反映人性的貪婪？ [複製鏈接]

SusanHui

複式洋房

積分: 413

1^#

發表於 16-3-2 16:25 |只看該作者 |倒序瀏覽 |打印

其實大家點睇散水餅?
公司有個中高層離職，請同事食某C字頭大牌子的原個蛋糕做散水餅，咁個蛋糕本身唔係大件夾抵食果D，味道唔錯，但價錢真係賣個名多。（其實香港地有咩唔係咁？）

咁中高層好好，叫埋我地D助理都食啦，咁佢就諗住午餐會果陣同埋大老細、高層等等老細一齊食，仲叫我地助理想食咩味就分左先（有三個，共三隻味），但我地唔想整到個蛋糕上枱無左幾塊咁樣衰，就緊係等佢地享用左先，有剩我地先再食啦。

咁我地助理有分兩間房坐，因為位置問題，咁緊係問下「高層助理」想食咩味，我地搵工友送上去俾佢地，因為D老細其實未必夠分，有Ｄ人都仲未有機會食到，如果成個拎上去揀的話，拎黎拎去麻煩到工友姐姐之餘，如果無人食就會浪費左(岩岩食左午飯佢地唔會即使揀黎食，試過有D餅係要強制配給要佢地食，又試過G字頭朱古力無人食擺到過期)，不如想食就拎啦，因為上面有三位助理同事，我知有兩位其實都on diet未必會破戒，最主要都係問果位想要咩味。

可能三位同事有兩位都唔食，咁年資最長果位就唔好意思話想食，但佢又要衰多口係度質問詢問佢食咩味果位同事，問邊個訂餅訂到咁衰，搞到唔夠分。其實佢係咪以為係我地「低層助理」幫個中高層老細訂到唔夠分呢？話明散水餅，訂得請得都係要散水果位啦，就算係幫佢訂，我地都係幫手咁大把，唔會屈佢請野食囉，更何況我地都係好突然先知佢想今日請，我地仲拿拿林幫佢整番張Thank you card，費時佢要出去買。不過呢位同事質問完助理同事之後，又吊住ＯＡ同事尾係度講呢件事，好陰謀論咁覺得有人搞到Ｄ餅唔夠分。

呢位資深助理其實人工係我地之中最高，佢唔會食唔起Ｄ名牌子的食物，就算公司有Ｄ咩會分埋俾我地Ｄ助理，都一定唔會漏左佢，實預佢一份甚至俾佢揀先。以前我地助理Ｄ褔利都係由佢分，佢心情好都會分Ｄ好野俾我地，有時有Ｄ野見佢好想要咁自己留起左，我地都無咩所謂，不過上司就唔係咁鍾意呢Ｄ自私行為，就搵另一位助理幫手「分豬肉」。而且呢位同事，試過將大老細話分俾其他老細的果籃，私有化到大大個盒得番幾個蘋果橙，其人部門Ｄ同事見到OA同事運呢個「果籃」落黎我地低層，都恥笑係咪Ｄ生果無人要，所以要拎去掉，有乜理由個果籃咁樣衰。

其實呢位老海鮮都有唔少前科，試過有Sales拜訪大老細加請食凍餅，佢無問過同事就放工果陣成個拎走，因為果陣我地呢Ｄ小助理個上司仲未上任，佢年資最長佢最有話事權，咁我地都唔係話稀罕食，不過係覺得佢有少少低劣。

又試過有人送Ｇ牌禮物籃俾大老細，上司（到左任啦）同埋大老細分左Ｄ俾我地樓層的老細同埋我地助理，老海鮮居然係OA同事拎野黎低層俾我地同埋其他老細途中，追出走廊收起左一盒私有化。不過無人敢反抗佢或者話佢、拆穿佢，因為真係無必要亦唔想做到咁難睇，畢竟大家都係成年人啦。

又試過係無耐之前，有Ｄ老細升左職就夾錢請食Ｃ牌子的西餅，「高層助理」分到半打，大家都俾佢揀先，因為佢係老臣子，我地表面上一定係讓佢先，會俾面佢，點知佢面露不屑，話「唔洗啦，我唔食，你地食啦」，但當時個個見到佢不斷咁瞄住盒餅，我地唔知佢係想成盒要？唔好意思要？定真係唔岩佢口味？或者佢果日身體唔係咁舒服，食唔到又但好想食啦，其實點都預左佢一份，我地唔介意佢拎自己果份走，俾佢老公食，又唔係未試過，我地有時分到生果果Ｄ，都未必係一個人食得晒，都會同家人分架啦。

好，講番主題，其實我覺得散水餅都係心意咁大把，我寧願唔食散水餅，都想Ｄ同事同埋老細可以留番係度一齊做野，因為佢地真係好好人，又肯教人幫人，同佢地做野真係好開心，咁佢地若有更美好的前程，當然係祝褔佢地。其實唔講散水餅，我地公司Ｄ褔利真係幾好，Ｄ老細成日請食野，有得食叫Bonus，無得食都無所謂，又餓唔死，係唔明點解有Ｄ人要做到咁呢？其實咩都唔會缺佢一份，定係獨有一份佢先會覺得自己夠特別夠尊貴呢？

0 0 0

私人傳訊

超級特務

琥珀宮

積分: 197982

親子達人勳章 BK猜猜猜慶中秋

2^#

發表於 16-3-2 16:28 |只看該作者

真係好肉酸, 一件餅都睇到人生百態。

你若盛開, 蝴蝶便來!

私人傳訊

洋洋

禁止訪問

積分: 16384

3^#

發表於 16-3-2 16:33 |只看該作者

提示: 作者被禁止或刪除內容自動屏蔽

私人傳訊

fatpanda

珊瑚宮

積分: 106765

畀面勳章 BK Milk勳章

4^#

發表於 16-3-2 16:35 |只看該作者

超級特務發表於 16-3-2 16:28
真係好肉酸, 一件餅都睇到人生百態。

我諗呢啲就係見微之著 (唔知有冇錯別字)

<3<3Rilakkuma+PostPet+Pooh

私人傳訊

karenlyk

翡翠宮

積分: 77514

2024年龍年勳章虎到金來勳章牛年勳章 HiPP勳章(1) 2018復活節勳章開心吸收勳章最關心BB問題熱投勳章認識瑞士牛牛第一回 hashtag影視迷勳章 BK Milk勳章畀面勳章

5^#

發表於 16-3-2 16:37 |只看該作者

回覆：散水餅：反映人性的貪婪？

有啲人係貪心，覺得有係應份，無係過份。

私人傳訊

stagea

琥珀宮

積分: 192925

父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章減齡達人勳章牛年勳章 2018父親節勳章 2018母親節勳章 2018復活節勳章 15週年勳章親子王國15週年勳章親子探索遊畀面勳章 Xmas吸收勳章美好大世界2017勳章開心吸收勳章瞓得好勳章

6^#

發表於 16-3-2 16:38 |只看該作者

一件餅, 已睇到呢位老海鮮都幾自私, 公司同事利益都要據為己有, 連散水餅都說長道短...好低人格!

點評

wcpcelia

發表於 16-3-3 10:14

la_source

發表於 16-3-2 17:25

私人傳訊

超級特務

琥珀宮

積分: 197982

親子達人勳章 BK猜猜猜慶中秋

7^#

發表於 16-3-2 16:40 |只看該作者

fatpanda 發表於 16-3-2 16:35
我諗呢啲就係見微知著 (唔知有冇錯別字)

正字特警上身

點評

fatpanda

發表於 16-3-2 17:19

你若盛開, 蝴蝶便來!

私人傳訊

超級特務

琥珀宮

積分: 197982

親子達人勳章 BK猜猜猜慶中秋

8^#

發表於 16-3-2 16:42 |只看該作者

洋洋發表於 16-3-2 16:33
好煩！我試過無派

我有個前同事, 佢去果欄買箱梨返黎分, 分梨分離, 幾有意思。

你若盛開, 蝴蝶便來!

私人傳訊

koko2000

公爵府

積分: 25538

9^#

發表於 16-3-2 16:42 |只看該作者

其實請人食果個有無數人頭? 咁可以叫餅店cut 埋就唔會唔夠食啦.........

私人傳訊

小金名

子爵府

積分: 10732

10^#

發表於 16-3-2 16:46 |只看該作者

回覆：散水餅：反映人性的貪婪？

好多字

點解唔買單件蛋糕? 唔做分又方便

私人傳訊

大富翁

子爵府

積分: 11504

11^#

發表於 16-3-2 16:49 |只看該作者

回覆：散水餅：反映人性的貪婪？

我覺得買成個cake仲煩，點解唔買切餅，咁咪方便好多囉

私人傳訊

Money媽

子爵府

積分: 10959

12^#

發表於 16-3-2 16:51 |只看該作者

我公司都一件老姑婆, 次次有客人買餅上公司, 佢就手一件口一件, 好似前世無食過一樣!

私人傳訊

小肥楊

珍珠宮

積分: 48772

wyeth冷知識勳章畀面勳章 BK Milk勳章

13^#

發表於 16-3-2 17:00 |只看該作者

我公司都有依D貪小便宜又要扮上菜啲老海鮮

私人傳訊

SusanHui

複式洋房

積分: 413

14^#

發表於 16-3-2 17:01 |只看該作者

koko2000 發表於 16-3-2 16:42
其實請人食果個有無數人頭? 咁可以叫餅店cut 埋就唔會唔夠食啦.........

佢其實都計過下，因為公司星期三有Ｄ老細係放假補假，會少Ｄ人，佢一個蛋糕切到盡分８件都係幾啖ge size，佢仲有送埋俾其他同事，咁果Ｄ又有分更期，真係要預到岩岩好個個有得食就好難ge。其實佢訂左成廿幾個蛋糕架，佢今日都有問過我地助理幾多人，都驚我地無得食，先叫我地分左先，係我地有顧慮先唔咁做，覺得有Ｄ失禮老細們。當時佢都有少少唔好意思覺得好似唔太夠，不過呢Ｄ小事啦，同埋餅店送都送左黎，好難臨時叫人再送架喎。如果佢事前問我地，我地都唔會堅持我地都要食，叫佢訂多Ｄ架嘛，咁太無禮貌了。而且開完會，都仲剩一個蛋糕多Ｄ。
其實果位老細份人好好，好真又好純品，係好好先生，果位老海鮮同佢都好熟好friend，我有少少驚訝老海鮮會咁講野，估唔到一件餅都咁介意，其實有得俾佢食ge，但佢自己唔食又要衰多口話人地，我希望佢係針對我地低層助理而唔係因為誤會果位老細啦，好人唔應該俾人屈同誤解。不過佢就唔會衰到係當事人面前話人，但就會係背後係度唱囉......佢把口真係白都可以變成黑架。

唉，如果我有機會散水，我真係寧願買多Ｄ餅，質到某Ｄ人飽到出唔到聲，好過買埋Ｄ名牌子野仲要俾人話唔夠分，不過人地要唱，都會話我買cheap野散水啦，真係做乜都會有人話。

私人傳訊

SusanHui

複式洋房

積分: 413

15^#

發表於 16-3-2 17:10 |只看該作者

小金名發表於 16-3-2 16:46
好多字點解唔買單件蛋糕? 唔做分又方便

因為無耐之前有老細升職買左同一個牌子的西餅，所以佢咪買整個蛋糕囉，咁成個糕Ｄ味又真係好食Ｄ，因為佢有Ｄ西餅Ｄ味太特別，同埋無理由食黎食去都係果Ｄ，而偏偏呢間餅店Ｄ蛋糕又淨係肯切唔肯單件包喎。
我都有話其實另外幾間有單件買果Ｄ蛋糕都唔錯，大件夾抵食，賣相又靚。但果Ｄ係無耐之前都有人請過啦，我公司Ｄ收餅率真係好高下，試過一個星期收左３日餅，又試過連收幾次東Ｘ堂，有一輪又成日收cupcake。