心聲留言

收藏本版
發帖
返回列表
跳至頁

首頁
1

尾頁
   0
麟媽媽


王國長老

積分: 86577

好媽媽勳章 王國長老


1#
發表於 04-7-19 18:14 |只看該作者

我是不是好小氣？但我心真有一點兒不舒服….

我奶奶從加拿大回港小住兩個月，一早跟我的叔仔們說每人家住一段時間，他們堅決表示家裡不方便、沒地方… 總有一百個理由，還建議我奶奶租賓館住，真係離晒譜！算喇….我老公是大仔，沒辦法便叫奶奶到我家住。奶奶都不是麻煩的人，共處兩星期都還可。
因奶奶住在我們家，夜晚要開多一部冷氣，日頭又成日開住廳的冷氣，又多一個人飯送，老公開口問D細佬夾番D錢，不是貪那小小數目，而是想他們都應負一點責任罷。好了，兩個細佬都說手緊，又說會自己買禮物給媽媽，不會夾的了。我跟老公說又不是大數目，他們不方便，唔夾便算。
點知今日call弟婦，原來他們一家去了布吉旅行，他們的外母過兩日再到曼谷會合他們…我有點不開心，我都可以去旅行的，但沒有因奶奶返左黎，又說手緊，又一家大細去旅行….我老公跟我說，佢細佬話到泰國公幹的，我有D嬲嬲地….
私人傳訊

yukkie


男爵府

積分: 7827


2#
發表於 04-7-19 19:10 |只看該作者

Re: 我是不是好小氣？但我心真有一點兒不舒服….

麟媽媽,
心唔舒服係正常﹐好似我甘﹐我老爺奶奶住在我老公屋都有七年﹐除了買餸食飯錢之外﹐所有野都係我老公出﹐有時佢細老妹都會夾錢﹐例如眼鏡､架車等等﹐大數目佢地都會夾。除左佢大佬之外﹐其他人都夾﹐連我嫁左個大姑奶都會夾少少羅﹐大嫂成日話大哥賺好少錢﹐有成四個細路要洗好多﹐甘樣甘樣。但係又有錢全家返香港﹐只係機票都要成五萬港幣 架車舊左﹐又有錢換車 :evil: 成日在我老爺奶奶面前扮野﹐我前幾日先發覺我老爺戶口無端端無左成幾千元﹐你話去左邊 :-x 我同我老公講﹐錢我唔會比﹐點知老爺奶奶係唔係用來貼人
Nijnje
私人傳訊

月如


複式洋房

積分: 447


3#
發表於 04-7-19 20:20 |只看該作者

Re: 我是不是好小氣？但我心真有一點兒不舒服….

麟媽媽:

唔好嬲, 媽媽大家都有份,既然其他弟弟都咁冇心,應該慶幸仲有一個大仔係有孝心既.

touchwood咁講,萬一妳奶奶忽然走左,邊個仔會o係佢在生之年有孝順過佢? 孝順既人,可以活得心安理得,不孝既人,小心出面行雷閃電,因住發夢都心虛發惡夢.

子欲養而親不在先係最可悲,能夠照顧奶奶係福氣,今日你地盡孝,係做好本份,我反而為你地感到開心.

我知道妳係一個心地善良既好人,放開懷抱,唔好為d唔生性既人唔開心,今日種善因,他日得善果,各有前因莫羨人.
林月如
私人傳訊

Jsmami


大宅

積分: 4008


4#
發表於 04-7-19 20:49 |只看該作者

Re: 我是不是好小氣？但我心真有一點兒不舒服….

麟媽媽,
Understand why u said 我是不是好小氣. I don't know how much your hubby asked for, but unless they are really very 手緊, I will definitely pay my share if I were them - afterall, she's their mum!!! Buying her a present is different from contributing to your household, maybe they should buy u two a present too! Is it possible that u all hold a family meeting to talk it out (at the absence of your in law)? It's better to air out all your concerns to make it even among the 3 brothers than to have sour feeling. Since your husband is the big brother, he should & has the right to do so.

私人傳訊

SUSANNA


伯爵府

積分: 17133

好媽媽勳章 BK Milk勳章


5#
發表於 04-7-19 21:07 |只看該作者

Re: 我是不是好小氣？但我心真有一點兒不舒服….

坦白一句, 施比受更有福, 你今天對奶奶好, 他日你的老公及仔仔都會知道, 這會增加你們一家的感情, 不是更好嗎?
私人傳訊

Fatrix


大宅

積分: 2443


6#
發表於 04-7-19 21:26 |只看該作者

Re: 我是不是好小氣？但我心真有一點兒不舒服….

錢係搵來洗.如果只係花錢就解決到個問題,巳經係好好彩.

大家要明白唔係個個為人子女的都係咁孝順.老實講,lun媽媽同yukkie我諗你地都唔好冀望老公d兄弟姐妹分擔父母的生活費.你都負擔得來的咪負擔左佢..況且你們的奶奶要求都唔係過份.

大家同樣要明白唔係人人都懂做父母的,只要父母係公正,唔會有d唔合理的要求的,唔駛你分擔其他兄弟姐妹的責任就算啦.

二公婆,又因乜要為左d唔懂做仔女同唔懂做父母的去唔開心呢?
起碼你地d老公都唔係是非不分同盲目咁去孝順呀.

所以我都係覺得生一個就夠,佢理我就理,唔理就算. 免得第日將我好似個波大佬踢比細佬.家姐又踢比細妹咁踢來踢去.
私人傳訊

stellafu


複式洋房

積分: 203


7#
發表於 04-7-19 21:35 |只看該作者

Re: 我是不是好小氣？但我心真有一點兒不舒服….

又真係好激氣，不過始終嚟住一陣，算啦。我咪又比奶奶激死，仲長期住香港添！
私人傳訊

candycan


子爵府

積分: 12687


8#
發表於 04-7-19 21:59 |只看該作者

Re: 我是不是好小氣？但我心真有一點兒不舒服….

月如 寫道:
子欲養而親不在先係最可悲,能夠照顧奶奶係福氣,今日你地盡孝,係做好本份,我反而為你地感到開心.

我知道妳係一個心地善良既好人,放開懷抱,唔好為d唔生性既人唔開心,今日種善因,他日得善果,各有前因莫羨人.

真係講得好好, :-P 今日種善因,他日得善果, 有時做野真係過到自己就得...吾駛理人地點做
私人傳訊

麟媽媽


王國長老

積分: 86577

好媽媽勳章 王國長老


9#
發表於 04-7-19 22:22 |只看該作者

Re: 我是不是好小氣？但我心真有一點兒不舒服….

其實一直都不是在意那幾百蚊，而是一開始我對他們已好失望。老爺舊年過身，奶奶便去了加拿大外家，當他們知道奶奶回港時，要求在我們各人家中小住，佢地兩家板起面口，說沒有位給奶奶住，奶奶講過最想見D孫仔孫女，所以訓sofa都無問題。他們竟說不方便，還說會自己親口跟奶奶講。我作為人母，聽到佢地咁講，很替奶奶難過....兒子大了，咁對自己...住幾星期都話唔得，如果亞仔咁對我，傷心死了！之後我跟他們說，不要這樣，奶奶會好難過的...點知其中一個弟婦說:"你現在應承了負責，你以後便要忍下去喇！"
我過不了自己，又不是長住，唔會太難吧！而家相處落都okay喇！過了的兩星期，細叔仔同過奶奶食一次lunch，大叔仔接機之後無見過奶奶....算喇！各人各自修來的，望他們的子女將來唔好好似佢地咁....
私人傳訊

月如


複式洋房

積分: 447


10#
發表於 04-7-19 22:47 |只看該作者

Re: 我是不是好小氣？但我心真有一點兒不舒服….

麟媽媽:

"我作為人母，聽到佢地咁講，很替奶奶難過....兒子大了，咁對自己..." --> 唔駛難過,look at the bright side,佢至少仲有你老公同你呢對孝子賢媳,我覺得佢已經好幸福,呢個世會有好多老人,連一個孝順既都冇,佢地仲難過.

妳未必信因果,但我覺得都有logic,妳老公d細佬咁對自己阿媽,他日佢地d仔仔女女都係有樣學樣,同樣咁對佢地. 所以妳不必介懷,佢地只係自作自受,自己心安理得,應該開心,唔好為呢d小事介懷~ 就當妳奶奶真係得妳老公一個仔吧,唔好既野當睇唔到吧啦...

"點知其中一個弟婦說:"你現在應承了負責，你以後便要忍下去喇！"--> 我反而同情妳弟婦,佢今日咁講野,他朝佢個仔咁對佢時,佢唔好喊住搵妳哭訴就好啦! 對呢種人,真係無謂計較,佢連做人既基本道理都未識,妳為呢種人勞氣,值得嗎? 我真係覺得,佢呢世人係白活了....

自己問心無愧,可以抬頭做人,何必耿耿於懷?
林月如
私人傳訊

小言


民房

積分: 5


11#
發表於 04-7-20 00:09 |只看該作者

Re: 我是不是好小氣？但我心真有一點兒不舒服….

麟媽媽
月如所講都好有理,以前我老豆對我爺爺不是太好(同住)現在我在我大哥對老豆既態度上看到當年老豆的影子 :-(
私人傳訊

yukkie


男爵府

積分: 7827


12#
發表於 04-7-20 02:06 |只看該作者

Re: 我是不是好小氣？但我心真有一點兒不舒服….

妳未必信因果,但我覺得都有logic,妳老公d細佬咁對自己阿媽,他日佢地d仔仔女女都係有樣學樣,同樣咁對佢地. 所以妳不必介懷,佢地只係自作自受,自己心安理得,應該開心,唔好為呢d小事介懷~ 就當妳奶奶真係得妳老公一個仔吧,唔好既野當睇唔到吧啦...

係呀﹐我信架﹐但有時好唔開心羅﹐我老公對佢地甘好﹐點解佢地甘對我老公呢﹗﹗
:-(
Nijnje
私人傳訊

MOM-TO-BE


洋房

積分: 48


13#
發表於 04-7-20 03:36 |只看該作者

Re: 我是不是好小氣？但我心真有一點兒不舒服….

我都信會有因果架....
好似我家姐咁,佢大我和我二哥都有成十四,六年...細個時,因為話要教好我哋,日日係咁打,係咁駡 , 就算無做錯,都駡咗先, 睇唔順眼, 又打...老豆又要外出做嘢, 好辛苦,但佢都唔體諒. 到佢出聲,又話老豆只係錫晒我哋,仲打得勁tim...咁到老豆過世時,因佢係外地,不能回國送終. 到了現在,人到40時, 想生個bb, 又不能成事. 到了45, 更加無可能...
但我和我二哥都好憎她,因為人大了,她也放不開大家姐既態度,弄到我們不再同她聯絡.但我們沒有因為她老來一個人而感到開心, 也不會咒她. 因為講到底,佢都係我家姐. 佢條命係好, 又唔關事, 佢條命唔好又唔關我事...只要問心, 做好本份, 就得...
真係唔好諗住佢會點對自己點好點好, 因為呢d嘢自己根本係控制唔到, 越諗就會越唔開心..既然你巳經把你要做既嘢做咗, 仲要浪費埋你既精神,真係唔值得囉...
嬲一陣好啦...傷神呀.. :mrgreen:
私人傳訊

麟媽媽


王國長老

積分: 86577

好媽媽勳章 王國長老


14#
發表於 04-7-20 09:52 |只看該作者

Re: 我是不是好小氣？但我心真有一點兒不舒服….

多謝各位既回應。琴日真的有點頂住個心咁，但一早起床已無唔開心了！
畢竟我老公三兄弟一向感情很好，呢十年八年間同佢地相處都很好。琴晚諗，我自己咁樣做我覺得啱，但別人想法不同我都無法迫到別人跟我一樣既….琴日我無打算跟奶奶說叔仔跟外母去了旅行，免得佢唔開心喇 ~~ 點知老公一返到屋企就爆響口說佢地一家跟外母去了泰國旅行！真係比佢激死，xyz@#z!!我見奶奶面口變晒，跟我老公說:”佢唔係咁同我講喎....話去公幹既？！唉...可能我聽錯左....你點知架？”

Jsmami,
你識我兩公婆咁耐，都知我地面皮薄架喇！我老公跟本無同佢地提過實質數目，只是講起佢地已話唔得，我老公便沒有再講下去。同佢地再傾更無謂，上次傾奶奶返黎住邊已經咁樣，如果今次再攞黎講，怕仲衰！雖說我老公是大仔，但佢兩個都成家立室，大人大者，我老公話唔會開口話佢地既。上次我老爺過身出殯，之後每次拜山佢地都未帶過個女去，說在家祈禱便可。我覺得好離譜，老爺生前最錫D孫仔孫女，但老公/奶奶都唔出聲，我唔會在老公面前數佢屋企人的。
私人傳訊

fannyyeung


複式洋房

積分: 222


15#
發表於 04-7-20 10:06 |只看該作者

Re: 我是不是好小氣？但我心真有一點兒不舒服….

我以前同奶奶&(叔仔)一齊住(7年)仲激氣, 奶奶佢就成日jar窮, 我地就點都比四千蚊佢當家用,叔仔呢就時比時唔比又話要比上面個老婆喎($6000)佢自己親口講的; 後來比我知道我奶奶同我倆公婆就jar窮,收左前就貼叔仔 :evil: 我咪仲嬲, 好彩兩年前我就搬左喇,而家我只係過時過節先比錢佢.
私人傳訊

hinhinmummy


侯爵府

積分: 21395


16#
發表於 04-7-20 10:13 |只看該作者

Re: 我是不是好小氣？但我心真有一點兒不舒服….

果個係老公的媽媽, 將來你亦會係人地的奶奶, 我信身教. 人地點樣都好, 我做左人媽媽之後, 知道養兒育女係點幸苦, 果種滋味, 相信未做人媽媽/爸爸的人感受不到, 尤其仔女病了的時侯.

其他子女不當奶奶係媽媽, 寧願拿錢去旅行, 呢d係佢地的事, 我們只需要做好自己的本份, 學你話齋, 佢都只係甘耐返黎一次?

我們都係, 奶奶個工人放假, 我同老公就要看住奶奶, 但係二伯兩公婆永遠不會, 佢地都住同一座大廈, 但就好似住到好遠, 永遠不會係奶奶的工人放假時, 落黎看看奶奶.

二伯個老婆還衰, 過年都不落黎食飯, 但係佢地又得閒去外母度wor. 不過佢無小朋友, 佢點都感受不到做人父母果種樂趣/幸苦, 識得點樣孝順父母.
私人傳訊

florence


大宅

積分: 2163


17#
發表於 04-7-20 10:19 |只看該作者

Re: 我是不是好小氣？但我心真有一點兒不舒服….

我好信"身教"呢樣野,所以我覺得你無須計較, 其實直頭唔須要諗你叔仔究竟係咪真係去公幹定係去左旅行......

你同你老公已經做左一個好榜樣俾你仔仔睇啦, 而且可以借呢個機會教埋仔仔做人子女應有既責任, 叫你老公以身作則, 好好的係你個仔面前表現出應怎樣愛他的媽媽, 將來你個仔大左, 佢都會一樣甘愛你.....

仲有, 其實我覺得你老公無須要叫佢細佬出番d冷氣或伙食費, 因為今日你地有能力而又肯供養父母, 我覺得係一種福氣; 若果佢細佬有能力去旅行都唔照顧佢媽媽的, 你可以放長d雙眼, 睇下他的子女將來怎樣對他 (因為佢今日無係子女面前做一個好榜樣).......

我老公個細佬都係甘樣的, 就算佢住大屋 & 賺到錢, 佢每個月都只係俾 total $2000俾佢daddy & mommy, 試問$2000點夠兩個無工作既老人家用呀, 有時仲唔俾, 要佢mommy開到聲先至俾, 我老公有時都會話佢細佬的, 我就用以上所講既野去開解佢.........
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見