吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 阿女三歲，經常半夜嚎哭！

少年成長今日: 0|主題: 16075

收藏本版

發帖

返回列表

跳至頁

查看: 3256 | 回覆: 22

阿女三歲，經常半夜嚎哭！ [複製鏈接]

Babykl0912

大宅

積分: 1854

1^#

發表於 16-1-29 03:04 |只看該作者 |倒序瀏覽 |打印

大女三歲真係好大脾氣，會因小事（如掂到張佢唔鐘意既被）就忟，會喊，嚎哭至全屋醒曬，好多時左氹又氹都唔收聲，直至要用衣架打至威迫到佢冷靜（成日咁樣我唔知會唔會有後遺症）

因為一打佢，佢就會癩埋尿，專同我作對

啱啱就玩咗一個鐘！

兩公婆都要返工，半夜經常被嘈醒真係人都癲，想請教下點樣可以控制小朋友 d 情緒？

佢經常咁樣真係好騷擾，我地可以點做？

0 0 0

私人傳訊

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

2^#

發表於 16-1-29 09:08 |只看該作者

Babykl0912 發表於 16-1-29 03:04
大女三歲真係好大脾氣，會因小事（如掂到張佢唔鐘意既被）就忟，會喊，嚎哭至全屋醒曬，好多時左氹又氹都唔 ...

用衣架打佢？

佢手無寸鐵，打佢已經唔好，至多用手打patpat 就算啦，唔駛要用武器呀.... 半夜被人嘈醒攪到心情差係可以理解，但你地都要佢控制情緒，首先要你地去控制左先。打到佢瀨尿，未必專登同你地作對喎。

佢半夜係咪醒訓到掂到另一被仔就喊？會唔會搵過其他原因？

私人傳訊

Babykl0912

大宅

積分: 1854

3^#

發表於 16-1-29 09:56 |只看該作者

回覆：bosch 的帖子

其實都係用衣架嚇佢，叫佢收聲，佢喊到癲咗，不斷咆哮，最後我係用手打，無耐就癩尿（我知佢係特登，因為試過好多次打完佢就癩尿）

唔會特登打佢，係佢自己控制唔到情緒，先用呢招叫佢收聲，如果唔係……我真係會怕佢喊到失聲，真係想帶佢去睇心理醫生，我覺得佢唔知會唔會心理唔平衡

我呢個女真係好難教，但返學老師又話佢屬於易教，真係做人父母甚艱難

點評

Vinccy

發表於 16-2-3 22:00

私人傳訊

Babykl0912

大宅

積分: 1854

4^#

發表於 16-1-29 13:12 |只看該作者

引用：Quote:Babykl0912 發表於 16-1-29 03:04 大

原帖由 bosch 於 16-01-29 發表
用衣架打佢？佢手無寸鐵，打佢已經唔好，至多用手打patpat 就算啦，唔駛要用武器呀.... 半夜被人 ...

今朝問咗阿女，佢應該腳痕，好忟，所以大喊

私人傳訊

AJIM

男爵府

積分: 6402

5^#

發表於 16-1-29 15:49 |只看該作者

Babykl0912 發表於 16-1-29 03:04
大女三歲真係好大脾氣，會因小事（如掂到張佢唔鐘意既被）就忟，會喊，嚎哭至全屋醒曬，好多時左氹又氹都唔 ...

要處理小朋友的情緒問題, 好多時係先要搞掂照顧者自己的情緒.....阿媽會因小朋友喊而嬲到用衣架打佢, 代表大人自己本身都太易激動。要知道小朋友學識嘅第一種表達要求的方式係喊, 如果大人冇好好讓佢學習點樣去合適地表達自己, 佢自然唔知點去做, 唯有繼續去喊, 因為佢淨係識得呢個方法。
此外，佢瀨尿就更加係冤枉，佢唔知點樣STOP妳，而之前試過俾妳打到瀨尿果陣，妳會停手，咁佢自然會學識咁樣令妳收手。
我阿仔間唔中都會半夜喊，有可能係發惡夢，有可能係亂諗嘢之後怕寂寞，又或者靜靜起諗返起啲日頭唔開心嘢.....呢啲時間我兩公婆通常唔係嬲，而係驚佢發生咩事，驚佢係咪受過啲咩心理傷害，多數立即抱住佢安撫佢情緒，因為佢多數講唔出發生咩事，我哋會估下同問佢，如果問中咗佢心意，佢多數就會收聲.......當然，前提係要好了解小朋友同埋個人要好冷靜先有機會問得出來。
與其諗方法點「控制」小朋友情緒，不如先自我學習點提升家長EQ，多啲學下點理解小朋友的需要，當妳學會將自己心力去明白同教育小朋友，而唔係花起管制同怪責果陣，小朋友自然就變成乖乖架喇。

私人傳訊

joannejccy

複式洋房

積分: 273

6^#

發表於 16-1-29 17:07 |只看該作者

回覆：阿女三歲，經常半夜嚎哭！

我個女差不多大，夜晚都成日醒。但其實佢都想瞓架，只係瞓得唔好，好多時佢燥熱，飲下七星茶會幫到，有時似乎是想揾人，冇安全感，攬住佢瞓，好快瞓得返。其實好多時唔會知道原因。但小朋友的自制、控制能力都會比較低，如果你可及時給她回應，佢唔會發癲。試想像，一個缺乏安全感的小朋友想找最信任的人陪伴，但後果是責罵、被打、被嚇，佢可以點？佢未必全心同你作對，佢可能都控制不了自己。
大人是小朋友的鏡，你温柔、你謙虛、你有禮、你有愛、你大脾氣、你打罵、你發癲⋯佢全部都會學。
你是大人，情緒控制應要比小朋友做得好。觀察下佢有乜需要吧！可能是燥熱、可能是冷、熱、怕、不安等。告訴她不應吵鬧，你也不可吵鬧。慢慢教。
小朋友是否自己一間房？如是，你最好作點改變，搬去同佢瞓，不是一晚，而是每晚。給她愛，關懷。總會解決到。
七星茶、香薰等也可試。
我也是在職媽媽，仲有一個一歲細仔要照顧。

私人傳訊

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

7^#

發表於 16-1-30 00:39 |只看該作者

Babykl0912 發表於 16-1-29 09:56
其實都係用衣架嚇佢，叫佢收聲，佢喊到癲咗，不斷咆哮，最後我係用手打，無耐就癩尿（我知佢係特登，因為試 ...

好彩你只係嚇下佢～不過都唔好咁嚇佢啦，或者打佢，佢半夜喊都可能唔知咩事。佢控制唔到情緒，表達能力唔係咁好，你更加唔可以失控。

試下搵個公仔，扮問佢咩事，叫佢唔好喊，用公仔去氹下佢，睇下會唔會好 d。好多小朋友都係受軟唔受硬。

如果你個女真係腳痕，咁要搵辦法去幫佢。不過呢個年紀d 小朋友有時講野係九唔搭八，都唔知邊句真。既然佢咁講，即管留意一下睡房環境。

另外都要留意佢會唔會太攰，太夜訓，太攰去訓或曰頭玩得太刺激都會影響睡眠質素。

慢慢黎，加油～

私人傳訊

namnamnamlolo

珍珠宮

積分: 44261

8^#

發表於 16-1-30 22:49 |只看該作者

回覆：阿女三歲，經常半夜嚎哭！

有機會惡性循環我仔都係 3歲成日喊有時激到用藤條
但發覺同佢講道理或直接唔理佢好過
鬧打個晚佢會訓得唔好或者惡夢然後醒咗狂喊

真係難教。你都仲好我仔返學表現差俾老師印象麻麻架

私人傳訊

kenkenlovehk

大宅

積分: 4053

9^#

發表於 16-1-30 23:11 |只看該作者

回覆：阿女三歲，經常半夜嚎哭！

啲篇講得幾好

【教養系列】適得其法令孩子變乖

2016-01-23

不少爸媽覺得管教孩子很困難，總想尋找不同的法寶令孩子變乖，但其實，只要用心管教，一些傳統的方法，其實也很湊效。

【教養系列】適得其法令孩子變乖

別以為跟孩子講道理效用不大，就算是年紀較少的孩子，只要父母耐心教導，身教加上言教，讓孩子明白箇中道理，孩子是會明白的。
1.身教比言教更具影響力；但有些時候，要孩子信服你要求的準則，可以再給他實際的解釋，討論行為背後的意義，並強調一個人的行為可以帶給別人的影響。這是一個培育孩子品行和美德的有力的做法。

2.每次在執行行為策略之前，給孩子一個理由以教導他為甚麼某些行為比另一些好。對於較小的幼兒，只須簡單地說出行為對人的直接影響和他會承受的後果，例如：「你推弟弟就會弄痛他，這樣你便要去冷靜時段兩分鐘，冷靜一下。」

緊記不要在處理完孩子的行為後立即跟他說道理，以免在他情緒未完全平伏時，再挑動他的情緒。