吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 我係捐卵者～ Ask me anything!

想生BB 今日: 4|主題: 109617

收藏本版

發帖

返回列表

跳至頁

查看: 8606 | 回覆: 53

我係捐卵者～ Ask me anything! [複製鏈接]

12 3

Chocobean

男爵府

積分: 6526

畀面勳章貢獻勳章環保接龍勳章

1^#

發表於 15-8-9 01:26 |只看該作者 |倒序瀏覽 |打印

喺香港，卵子捐贈到今時今日仲係好TABOO。好多想生BB嘅準媽咪連問都唔敢問，就算用咗捐贈卵子都唔敢話俾人知。
我由上年開始預備，依家到打針階段，下個禮拜retrieveal (取出卵子）啦！

歡迎問有關 egg donor 嘅問題。又歡迎用過或考慮過用捐贈卵嘅打個招呼～

我喺加拿大，所以特別有關香港嘅問題會答唔到。

Have a good day!

0 0 0

私人傳訊

白羊花花

侯爵府

積分: 21424

2^#

發表於 15-8-9 01:31 |只看該作者

回覆：我係捐卵者～ Ask me anything!

多謝你幫別人完成夢想

私人傳訊

Chocobean

男爵府

積分: 6526

畀面勳章貢獻勳章環保接龍勳章

3^#

發表於 15-8-9 01:34 |只看該作者

回覆白羊花花的帖子

Thank you! 自己已經有完整嘅家庭，盡量幫吓手嘛！

私人傳訊

lafield

子爵府

積分: 12495

2018復活節勳章

4^#

發表於 15-8-9 07:07 |只看該作者

回覆：我係捐卵者～ Ask me anything!

純粹好奇問，無惡意。你識唔識得接受你卵子既人？如果識得第時佢生既小朋友你會唔會覺得自己係佢半個阿媽？如果唔識既，你又會唔會擔心佢第日會同自己仔女通婚？（因為佢地拍拖時未必知自己來自同一個媽咪）

私人傳訊

Chocobean

男爵府

積分: 6526

畀面勳章貢獻勳章環保接龍勳章

5^#

發表於 15-8-9 08:30 |只看該作者

lafield 發表於 15-8-8 16:07
純粹好奇問，無惡意。你識唔識得接受你卵子既人？如果識得第時佢生既小朋友你會唔會覺得自己係佢半個阿媽 ...

無問題冇問題～要有人問先會多番啲人知嘛！
本來唔識，由開始關於捐贈接觸先識。

喺北美，絕大多數嘅小朋友都唔會覺得捐贈者係阿媽或爸。我亦唔會咁諗。媽媽係湊大嗰個，係小朋友有病捱更抵夜嗰個，係番學配讀書僮嗰個。我係將幾個唔用嘅細胞俾佢媽咪嘅人。好似如果有世界級廚師問你借一茶匙鹽，煮完九大鬼你唔會覺得你係幫廚吧？

通婚有諗過。於是我自己個囡三歲已經知道我幫緊人。到時有BB出細，捐贈同意書說明媽媽同爸爸要通知我。不過就算佢哋反口走咗去我個B 都會知道有可能有幾個人係基因近親，唔會好surprise。北美有好大嘅donor sibling registry 做登記，好容易搵番。

多謝發問 :D

私人傳訊

Chocobean

男爵府

積分: 6526

畀面勳章貢獻勳章環保接龍勳章

6^#

發表於 15-8-9 12:19 |只看該作者

本帖最後由 Chocobean 於 15-8-8 21:21 編輯

回覆A的私人訊息

華裔的捐贈者少之又少。唔單只係卵子精子，無論骨髓，死後器官，幹細胞，或其它，華裔都經常係最少人捐嘅種族。唯一嘅好處係，喺海外，華人就算點窮到點唔會賣卵。於是僅僅有嘅donor都通常會係受過高等教育，真心想幫人嘅。

加拿大法例規定唔可以接受補償金，只可以claim返有數據支出。如因捐贈影響工作可以claim人工，泊車可以claim，藥物okay。但如果想燉滴雞精補下，買蛋食，或因為有一段時間冇得同老公親密想去睇戲補償，或睇完醫生要出街食晏洗錢，可以商量，但其實存在於法律灰色地帶，最高入獄五年。加拿大有agency，agency會預先向準父母收取大約5000-6000加元（白人捐贈者。華人預多啲。），然後完成後交俾捐贈者。捐贈者可以寫出claim咗乜但唔需要收據。咁係唔係法律罅？唔好問咁多，因為連agency都冇埋仲難搵。但agency已經營多年，從來冇人被檢控過，所以有法例其實同無無乜分別，只係唔可以簽合同講到明。

如果閣下唔係有特別原因想去加拿大，去美國會明買明賣多啲，但貴好多。其他人唔知但我（算okay靚，有學位，健康，第一次）收過幾個offer六千至一萬美金，另加agency費。

溫馨提示：agency網上如有華人profile，就算寫明話available都唔好俾錢住。要白紙黑字寫低一定係心水人選，如果無available即退錢，先好俾錢。我早期做research時，有啲agency一報即登，根本無證實過我係咪可以捐，或是否華人。另外有donor姊妹講過有agency唔會更新profile，曾經捐過唔再捐都仲list住available。所以如果website話有三幾個，唔好盡信。

agency之外，仲有私人捐贈。喺IVF類網站，講下閣下嘅經歷，等有好心人。有啲人唔鐘意agency多多限制，亦唔想完全同準父母毫無接觸，於是唔用agency。我嘅準父母就係咁樣搵到我架嘞。但開始聯絡時亦應一早問明期望中的價位，先小人後君子。有啲人會講明唔收錢，you never know :)

私人傳訊

littlelaputa

別墅

積分: 672

想生BB熱投

7^#

發表於 15-8-9 13:45 |只看該作者

本帖最後由 littlelaputa 於 15-8-9 13:46 編輯

純粹好奇一問，"華人就算點窮到點唔會賣卵", 咁即係揾到既華人捐贈者，包括你，都唔會收錢?

私人傳訊

Chocobean

男爵府

積分: 6526

畀面勳章貢獻勳章環保接龍勳章

8^#

發表於 15-8-9 13:55 |只看該作者

本帖最後由 Chocobean 於 15-8-8 23:59 編輯

littlelaputa 發表於 15-8-8 22:45
純粹好奇一問，"華人就算點窮到點唔會賣卵", 咁即係揾到既華人捐贈者，包括你，都唔會收錢? ...

我自己冇收錢，因為我住加拿大，唔想走法律罅。但我覺得其他姊妹收補償金好合理。

賣，係主要等錢洗，於是順便幫人。

收補償金，係主要想幫人，花咗自己資源幫人事後用錢補返付出嘅嘢。

我覺得賣嘅動機係例如
還學生借貸，找卡數等。捐贈者圈子裡面，白人唔少係賣，因為年輕又冇華人傷身或身體髮膚受之父母嘅觀念。錢洗完再捐囉。

捐贈者圈子裡面僅有嘅華人（認識10個以下）都係有學位，有專業工作，其實唔志在一萬幾千蚊個種。因為過程成半年，然後定期覆診有2－3禮拜，自己開少少 OT 搵錢都唔止啦。

咁又收錢？

因為付出身體，時間同風險可以用錢補償返部份，盡量唔影響到自己穩定嘅生活。

例如買嘢食補返少少，請假休息唔好PUSH自己返工。同同事調班去睇醫生覆診都要買返嘢俾同事。返到嚟博命做都會傷元氣。覆診，律師樓簽嘢，見心理輔導，驗十幾樣嘢，學打針，樣樣都要時間，之後出街食／泊車都係錢。如果抽卵後出事，人工要有啲保險穩陣啲。

原本我諗過如果去美國捐，想用補償金嚟請家人去旅行補返我任性嘅選擇。最大影響係我老公同BB。BB同我周圍撲好辛苦，影響佢返學。老公早上因為我覆診要睇住BB，要遲返工2個幾鐘，然後遲放工2個幾鐘，好辛苦佢。要有幾個禮拜冇得行埋，好委屈佢。另外有幾種appointment都要麻煩佢請假，就算呢種薪水可以claim返，都已經用咗佢好多假變咗今年少咗好多有得休息嘅假日，同埋佢公司覺得佢成日攞假其實唔係咁好。講真如果為錢嘅，對屋企人咁大影響，一萬好唔抵。而我唔收，其實覺得好對唔住老公同BB，因為呢啲軟cost變咗我屋企食晒。

所以你可以話都係賣嘅。但自己搞唔掂要靠個一萬過活嘅人，你都唔會想要佢啲卵子吧？要嘅話大陸一定平好多。我係咁分出賣與捐，但我都明白唔係個個咁睇。

私人傳訊

Chocobean

男爵府

積分: 6526

畀面勳章貢獻勳章環保接龍勳章

9^#

發表於 15-8-9 15:01 |只看該作者

回覆 littlelaputa 的帖子

sorry，第一次好快噤咗回覆，已經修改返成完整答案。多謝發問

私人傳訊

emiliarabbit

男爵府

積分: 9088

陪月勳章

10^#

發表於 15-8-9 16:02 |只看該作者

引用：回覆+littlelaputa+的帖子sorry，第一次好

原帖由 Chocobean 於 15-08-09 發表
回覆 littlelaputa 的帖子

sorry，第一次好快噤咗回覆，已經修改返成完整答案。多謝發問

Very interesting sharing. What is the biggest motivation for you to donate eggs? As the process is really difficult.

禁止在頭像相片，自定義頭銜，個人簽名，使用帶有商業/個人/團體廣告或宣傳推介成份之字句/圖片/超連結

私人傳訊

Chocobean

男爵府

積分: 6526

畀面勳章貢獻勳章環保接龍勳章

11^#

發表於 15-8-9 16:33 |只看該作者

本帖最後由 Chocobean 於 15-8-9 08:22 編輯

emiliarabbit 發表於 15-8-9 01:02
Very interesting sharing. What is the biggest motivation for you to donate eggs? As the process is r ...

The biggest motivation, by far, was to help others.

I already have the perfect family, the perfect child. It is really painful reading about the experiences of others who are suffering infertility and repeated baby loss.

我媽媽,奶奶,以及身邊好多人都有試過流產或still born嘅經歷。一直未有嘅更加痛。自己好幸運早早就結婚生仔。但人生如果只差一啲啲例如遇唔到老公，等到三十幾然後太遲嘅，好可能係我。世界上好多不幸我幫唔到手。但我已經生咗，有剩低『蛋』唔用可以俾人，呢樣我做到喎！

最衰其實我都唔細，過程又辛苦，又好麻煩到家人。唔係捐一百次都得

點評

lafield

發表於 15-8-9 16:43

私人傳訊

emiliarabbit

男爵府

積分: 9088

陪月勳章

12^#

發表於 15-8-9 16:39 |只看該作者

引用：Quote:emiliarabbit+發表於+15-8-9+01:02+V

原帖由 Chocobean 於 15-08-09 發表
The biggest motivation, by far, was to help others.

I already have the perfect family, the perfect ...

佩服！

禁止在頭像相片，自定義頭銜，個人簽名，使用帶有商業/個人/團體廣告或宣傳推介成份之字句/圖片/超連結

私人傳訊

zxzx

伯爵府

積分: 17363

13^#

發表於 15-8-9 20:38 |只看該作者

回覆：我係捐卵者～ Ask me anything!

why u need 打針？同做ivf 谷卵取卵一樣嗎？

私人傳訊

Chocobean

男爵府

積分: 6526

畀面勳章貢獻勳章環保接龍勳章

14^#

發表於 15-8-9 22:10 |只看該作者

本帖最後由 Chocobean 於 15-8-9 08:23 編輯

zxzx 發表於 15-8-9 05:38
why u need 打針？同做ivf 谷卵取卵一樣嗎？

冇錯，同IVF谷卵一模一樣。捐贈者唔會幫媽媽陀B，媽媽要自己陀或搵代母。所以會打針谷卵，一樣咁抽取，受精，等幾5日然後grade胚胎或做基因測試，揀胎放。療程開始嘅時候，準媽媽亦可能會打針預備著床，新鮮無雪過咁將最靚嘅兩個胚胎放入。未ready嘅可以雪。唔同嘅係通常donor後生少少健康少少，藥份可以輕手啲啲。但donor要之前驗多好多血睇有無病或基因問題或吸毒等。療程資料亦會share哂準父母，私隱會犧牲啲啲架。

多謝發問 :D