吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 點開口同奶奶講想小朋友俾自己媽媽湊？ ...

婆媳關係今日: 0|主題: 27778

收藏本版

發帖

返回列表

跳至頁

查看: 4745 | 回覆: 50

點開口同奶奶講想小朋友俾自己媽媽湊？ [複製鏈接]

12 3

kanbu

複式洋房

積分: 230

1^#

發表於 16-2-14 17:08 |只看該作者 |倒序瀏覽 |打印

背景
新婚夫婦，結婚一年，準備有小朋友，兩夫婦屬打工仔；老公係大仔，同6299分開住。6299一早退休，99一向幫親戚湊小朋友，好有湊b經驗；超級想我快d生，甚至完全唔介意我地奉子成婚。

99一心認定自己湊孫，亦周圍同人講俾佢湊！

婆媳關係
6299好錫我，但結婚後99完全將自己表露無遺，講說話超級直，負能量人士，成日係全家人面前數62不是，無晒尊嚴，又長氣又煩，要全世界順晒佢意先高興。對住我講野句句都有骨，就算我微笑回應佢都會入我，總之講野又死唔講野又死。
完全同拍拖時前後兩人（拍拖7年），而家當我自己人，真面目出晒黎
佢係錫我，可能佢本身性格係咁，習慣咁樣同人溝通，成日「講者無心，聽者有意」得罪人都唔知，62同兩個仔都已經習慣左，當聽唔到佢講野，但我自問就快忍受唔到

至今與奶奶仍未磨合到點相處溝通，亦係我唔想俾佢湊既主因！生活上都勁多磨擦，試過有次受氣到佢走左，我委屈到爆喊。所以唔敢想像陀b時心理會點，生左更加唔敢想像.....

我好想俾自己媽媽湊，一黎住隔離座好近，始終自己媽媽溝通都容易。

正準備懷孕，但一諗起到時點同99講唔俾佢湊就好有壓力，好唔開心....

明明生小朋友係一件開心事，但就要搞到咁，當然最好緊係自己湊番，但可能性超低

想問問有經驗既大家會點樣處理呢個問題？

0 0 0

私人傳訊

o_____o

侯爵府

積分: 22213

畀面勳章

2^#

發表於 16-2-14 17:15 |只看該作者

回覆：點開口同奶奶講想小朋友俾自己媽媽湊？

你C6有咩意見？佢想比奶奶湊bb嗎？bb比邊個湊等你c6自己同奶奶講，由c6講你奶奶會容易D接受。

私人傳訊

placesday

男爵府

積分: 5984

3^#

發表於 16-2-14 17:15 |只看該作者

回覆：點開口同奶奶講想小朋友俾自己媽媽湊？

老公點睇？
如果老公都支持你
咪下次奶奶再提湊B時
你同老公就透露下打算俾媽咪湊囉
雖然奶奶可能會發難
但起碼俾個心理準備佢
唔好等阿B出左世先突然話唔俾佢湊

私人傳訊

kanbu

複式洋房

積分: 230

4^#

發表於 16-2-14 17:25 |只看該作者

回覆：點開口同奶奶講想小朋友俾自己媽媽湊？

老公就中立，佢唔想介入，竟然叫我自己處理！我都覺得係，老公同奶奶講一句好過我講一百句！！加上生b呢個話題99從來唔敢係我面前講，但就只會同老公講，探口風，係咁同老公洗腦，叫快d生，講到好似生出黎唔使錢湊，又唔使教咁

無錯啦，我就係擔心到時先同佢講，佢會好大打擊！

私人傳訊

anna59

珍珠宮

積分: 49705

5^#

發表於 16-2-14 17:39 |只看該作者

直接同99講吾比佢湊，等佢死左條心，糸吾糸都得罪人啦！你要有心理準備將來同佢反面

私人傳訊

aooiwong

大宅

積分: 1381

6^#

發表於 16-2-14 18:00 |只看該作者

我同樓主一樣，
奶奶恨孫恨到顛，
四圍講就快湊孫，會報邊間幼稚園。。
仲話我地兩公婆會繼續返工。
我根本完全無講過比佢湊。。
其實我一心諗住自己湊架。

而家搞到我好矛盾，
好想計劃下半年努力做人，
但一諗起奶奶搶b湊，
就好擔心有bb...好大壓力。

私人傳訊

dolphin_tattoo

大宅

積分: 1047

7^#

發表於 16-2-14 18:19 |只看該作者

回覆：點開口同奶奶講想小朋友俾自己媽媽湊？

同c6講唔傾好邊個湊唔好生住，自己的媽媽自己應付

私人傳訊

A_lcy

伯爵府

積分: 15750

8^#

發表於 16-2-14 18:31 |只看該作者

回覆：kanbu 的帖子

我以前處境同你好似，我99 喺我結婚前已諗好佢屋企請工人，6299 幫我地睇住工人湊bb。其實我99 都好錫我，但始終有d 嘢夾唔到。佢講嘢又係好負能量，鬧人當傾計，一日到黑唔係痴線就死人xxx，一日到黑鬧62，62又煩又多廢話，所以我未陀前都決定唔俾佢地湊。

我覺得首先你老公要撐你，佢交個波俾你就唔好中途轉呔。我99 有同我老公呻無得湊孫，我咪答佢唔想婆媳糾紛囉，佢都唔like 架，但我好堅持，因我99 係你退一步佢踩十步嘅人，有段時間關係唔太好，Bb 啱啱出世時好多嘢都睇佢唔順眼，佢又背後講我不是，但我深信如果當時俾佢湊，隨時反面都似。

有時佢講得好興奮話第日湊孫，咪掃下佢興講下自已打算，好過第日佢坐定笠六先知自己無份，到時佢仲激氣。

私人傳訊

lhybebe

男爵府

積分: 7514

9^#

發表於 16-2-14 18:38 |只看該作者

回覆：點開口同奶奶講想小朋友俾自己媽媽湊？

我未有嗰時99都有提過話我哋生咗佢可以退休湊孫，我同C6即刻話你唔想做嘢可以退休享福，但如果生BB我哋會自己搞掂。之後佢再提我就好直接同佢講BB都係自己湊最好，叫佢唔使擔心。

建議樓主如果99再提就俾佢知道已經安排咗婆婆會湊，叫佢唔使操心。大前題係要同C6傾掂數先，有共識後再俾99有心理準備先好有BB。

我都好明白就算同99關係唔差都會想俾自己阿媽湊多啲。

樓主加油！