吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 我前晚俾客鬧！

自由講場今日: 2232|主題: 1340022

收藏本版

發帖

返回列表

跳至頁

查看: 1467 | 回覆: 14

我前晚俾客鬧！ [複製鏈接]

honeybear0207

子爵府

積分: 11324

好媽媽勳章醒目開學勳章畀面勳章環保接龍勳章大廚勳章

1^#

發表於 08-9-22 09:38 |只看該作者 |倒序瀏覽 |打印

我係做駁髮SET頭既，咁個客約我時都已經係好麻煩，打俾我話之前喺我度駁過髮，見啲駁位低咗會現到出嚟，想拆哂佢重新駁返上去！

咁我話無問題，但我拆係要收錢，駁返上去又要收錢，佢ＯＫ，咁約時間，我工作時間係每日一點至七點，因為我要揍個一歲ＢＢ，仲要煮飯俾大女食！

佢約我星期六朝早十點，我同佢講我一點先開，朝早十點唔得，因為我要揍Ｂ有好多嘢要做，佢已經唔LIKE，就話要約星期一七點半，咁我七點收工，我咪同佢講，我七點收工返去煮飯俾囡囡食，佢話上次佢嚟我度都係咁夜，咁我答佢，係因為咁啱嗰日我無嘢做咪夜啲，佢開始啲語氣唔好，我就答佢我盡量安排好啲仔女就覆佢嗰日得唔得！

佢後來改約我星期六下午六點半，咁都ＯＫ啦，佢嚟到就問我總共收佢幾錢，我話拆就一個收費，駁返上去就幾多束就收幾多錢，就咁睇個頭我計唔到俾佢聽，拆咗落嚟我會數，每束計費，佢就話得四百束，叫我計，我就答佢，我真係要數到係幾多束先會收佢幾多束既錢！

之後我幫佢拆哂成個頭，都成個幾鐘，呢PART我收佢$250，佢問我可唔可以收佢平啲，我話我已經收平咗，一般咁打哂結我會收$350，我只收佢$250已經收平咗！

跟住佢要我幫佢駁返佢啲舊駁髮，咁我幫佢數，總共有490束，咁我就想動手幫佢開始駁，咁佢又話我無喺拆既時候幫佢分好長短，話要分返長度先可以有層次感，咁我話要我分埋真係唔知要做到幾點先做完，不如佢幫我手分長短，我就重新整好啲駁位，佢就話佢駁咗髮好多年，其他舖頭唔係咁，拆時就會一路同佢分好等等…

其間我不停同佢SAY SORRY!話係我唔啱！我都知我做得唔夠好，但我鋪頭好細，地方唔夠，唔可能一路拆一路幫佢分長短，呢點亦係我做得唔夠周全！佢都仲係唔滿意！繼續鬧！

我俾佢噴到我都有少少唔開心，就好禮貎咁同佢講，咁我唔明點解佢唔去返嗰間度做，要搵我幫佢囉！（咁佢有好多都唔係我度駁，只係其中二百束係我度駁既！）

佢話我講到咁，咁佢下次唔幫襯我囉！我話好，唔緊要，只要你覺得邊度好就去邊度幫襯，呢啲係佢既權利！

我嗰刻真係想叫佢即刻走，但睇錢分上，我無！只係繼續幫佢駁好個頭！

直至九點多啲，先做好成個頭，佢唔夠CASH，就話要去攞錢，我話佢可以放低少少嘢，攞完上嚟就俾返佢，佢話佢唔想上返嚟，叫我女陪佢落去攞，我女先頭見佢咁鬧我就唔啋佢，我就話我陪佢落去攞，之後佢俾咗個總數多$10，唔知係咪俾我既貼士！

返到鋪頭我同個女傾返（因為佢唔開心見到媽咪俾人鬧），我話搵錢就係咁辛苦，我咁大個人，自己做老闆都要受人氣，只係為搵錢養育佢同細佬！

真係要多謝呢個客，唔係佢咁喺我個女面前鬧我，我囡囡都唔知我咁辛苦，真係多謝哂！

[ 本文章最後由 honeybear0207 於 08-9-22 09:42 編輯 ]

0 0 0

私人傳訊

lypoon

水晶宮

積分: 59791

2018復活節勳章 hashtag影視迷勳章好媽媽勳章畀面勳章環保接龍勳章

2^#

發表於 08-9-22 10:11 |只看該作者

原文章由 honeybear0207 於 08-9-22 09:38 發表
我係做駁髮SET頭既，咁個客約我時都已經係好麻煩，打俾我話之前喺我度駁過髮，見啲駁位低咗會現到出嚟，想拆哂佢重新駁返上去！

咁我話無問題，但我拆係要收錢，駁返上去又要收錢，佢ＯＫ，咁約時間，我工作時間係每日一點至七點，因為我要揍 ...

你個客真係煩喎!

私人傳訊

adaleung0716

男爵府

積分: 5554

好媽媽勳章畀面勳章

3^#

發表於 08-9-22 10:34 |只看該作者

以為自己有錢大曬......不過她好cheap 姐
明知做頭都唔帶多d錢law......正cheap精

私人傳訊

gov

禁止訪問

積分: 186

4^#

發表於 08-9-22 10:40 |只看該作者

提示: 作者被禁止或刪除內容自動屏蔽

私人傳訊

honeybear0207

子爵府

積分: 11324

好媽媽勳章醒目開學勳章畀面勳章環保接龍勳章大廚勳章

5^#

發表於 08-9-22 10:48 |只看該作者

佢約我時有問過總數幾錢，我話答唔到實數俾佢知，因為我唔知佢實際有幾多束喺個頭度，（喺電話度我又無天眼通，點知佢個頭有幾多束駁髮？！）我收費係每束計費既，佢問我要帶幾多錢，咁我話你預幾百蚊先啦！實際幾多要到時先知，所以佢帶唔夠錢都唔關佢事既！

其實，如果佢唔係咁態度我會收佢平好多，因為我有好多客我都係求其收少少就算，因為我覺得售後服務都好緊要，佢補駁我又唔使成本，咁收幾多都係賺啫，佢係好客既，收少啲都無所謂，但係佢又要我遲收鋪，又咁鬧我，我真係好嬲，所以咪實收佢囉，我無呃佢，我係有價目表白紙黑字列明收費，只係我心情好可以數平好多，我自已生意唔使同人交代，我鍾意收幾多就收幾多，你對我好我對你好啫！

佢自己傻啫，不過我又無講明好客我係會收平啲，怪佢唔好彩囉，所以唔好以為顧客就大哂，有錢都唔使搵人嚟鬧！

更何況我都唔係做咗乜錯事啫，只係拆時無幫佢分好長短，佢就不停鬧，又話第二間點點點，咁人哋咁好，點解佢係要幫襯我，又唔返去嗰間呢？

[ 本文章最後由 honeybear0207 於 08-9-22 10:49 編輯 ]

私人傳訊

火石

禁止訪問

積分: 19394

6^#

發表於 08-9-22 10:48 |只看該作者

提示: 作者被禁止或刪除內容自動屏蔽

私人傳訊

honeybear0207

子爵府

積分: 11324

好媽媽勳章醒目開學勳章畀面勳章環保接龍勳章大廚勳章

7^#

發表於 08-9-22 10:53 |只看該作者

原文章由 gov 於 08-9-22 10:40 發表
你已經好好脾氣了,
她會不會是bk member呢??????????????

我唔知佢係唔係，但我都唔驚佢，我行得正企得正，我都有諗過SAVE佢電話NO.，以後唔聽佢電話，唔做佢生意，但有錢唔賺好似好傻！

不過佢都話下次唔搵我，如果佢真係返轉頭既，即係我真係做得好好啦，咁我又唔怕佢搵我喎！

私人傳訊

adaleung0716

男爵府

積分: 5554

好媽媽勳章畀面勳章

8^#

發表於 08-9-22 10:57 |只看該作者

唉.....honeybear我同意你的講法law
我都係如有人黎買野...有禮貌咪收平d law......
扮曬野個d貴d law.......哈哈
我係造工程的...不過唔係一單10萬9千7個d wor

私人傳訊

honeybear0207

子爵府

積分: 11324

好媽媽勳章醒目開學勳章畀面勳章環保接龍勳章大廚勳章

9^#

發表於 08-9-22 11:09 |只看該作者

係呀，自己生意，心情好咪收平啲都無所謂，俾人鬧一定同佢計到足，我又無呃佢，係有價目表清楚列明收費，好似去食嘢，廚師心情好，煮啲嘢都好食啲，你識嗰度個老闆，佢都會俾多啲餸你咁啫！

私人傳訊

小寶貝兒

珍珠宮

積分: 30295

10^#

發表於 08-9-22 14:05 |只看該作者

係呀~ 所以去影婚紗相時, 我都非常客氣咁對d sales, d sales同老闆娘又好識做, 除左請我地食野(知我地岩岩落機未食野, 佢叫d staff出去買比我地食! 眼見得我地有咁既待遇咋), 又送好多野之外, 影完晒仲請我地去餐廳食飯呢~~

我媽咪成日都話, 你對人好, 人就會對你好~
(雖然唔係鐵則, 有d人無論你對佢幾好, 都唔會對你好, 但至少我心安理得, 佢對我唔好, 係佢冇家教, 冇禮貌, 唔係我問題~)

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

embrace_dreams

男爵府

積分: 9053

醒目開學勳章

11^#

發表於 08-9-22 14:56 |只看該作者

honeybear0207,
我都好明白你既心情,
我先生都係做呢行,
佢係髮型師,
成日都會遇見呢類ma煩客.

佢唔再搵返你幫襯仲好,
廢事再受埋佢d咁既氣,
賺佢少少$$$,
仲咩要受佢d無謂氣.

私人傳訊

honeybear0207

子爵府

積分: 11324

好媽媽勳章醒目開學勳章畀面勳章環保接龍勳章大廚勳章

12^#

發表於 08-9-22 22:16 |只看該作者

其實都唔係成日遇到呢啲人，我都開咗五年多，呢個係我遇到最煩既！

我都會想佢再嚟搵我，可以證明我真係做得好好，但我一定會話full booking嚟推佢唔做佢生意囉，除非嗰日生意唔好！

原文章由 embrace_dreams 於 08-9-22 14:56 發表
honeybear0207,
我都好明白你既心情,
我先生都係做呢行,
佢係髮型師,
成日都會遇見呢類ma煩客.

佢唔再搵返你幫襯仲好,
廢事再受埋佢d咁既氣,
賺佢少少$$$,
仲咩要受佢d無謂氣. ...

私人傳訊

honeybear0207

子爵府

積分: 11324

好媽媽勳章醒目開學勳章畀面勳章環保接龍勳章大廚勳章

13^#

發表於 08-9-22 22:34 |只看該作者

原文章由 小寶貝兒 於 08-9-22 14:05 發表
係呀~ 所以去影婚紗相時, 我都非常客氣咁對d sales, d sales同老闆娘又好識做, 除左請我地食野(知我地岩岩落機未食野, 佢叫d staff出去買比我地食! 眼見得我地有咁既待遇咋), 又送好多野之外, 影完晒仲請我地去餐廳 ...

啱呀！我都係持呢種態度待人，人哋對我點係一件事，付出咗唔一定有回報，但我就唔會對啲對我態度唔好既人好囉！