香港成日以國際都會自詡，雖然有啲吹水成分，不過以今時今日嘅情況嚟睇，確實有唔少「國際」味道。其餘唔講，淨係假難民源源不絕，有南亞裔，有東南亞裔，亦有非洲裔，成個聯合國咁，唔係國際都會又係乜吖？
[p=23, null, left]大家有眼見，假難民問題沒完沒了，幾乎日日都有人蛇搶灘登陸或攀爬鐵絲網入境，日日都有假難民作奸犯科，簡直到咗「人蛇滾滾來，犯案密密爆」嘅地步。正如「東方報業民意調查」顯示，絕大多數受訪者批評港府中門大開，來者不拒，搞到香港好似無掩雞籠咁，遲早淪為難民港都似。
[p=23, null, left]唔係杞人憂天，假難民愈來愈多，唔止成為港府沉重嘅財政負擔，更加成為社會治安毒瘤。淨係今年一個幾月咋，涉及南亞及非洲裔假難民嘅刑事罪案已有四十幾宗，有啲假難民更被黑幫安排從事不法勾當，恐嚇勒索，無惡不作。正如受訪市民話齋，港府之前對假難民問題無知無覺，依家就變成後知後覺；亦有唔少受訪者擔心，再唔盡快動手術切除呢個治安毒瘤，隨時爆大鑊。有立法會議員更以「內憂外患」形容假難民問題添。
[p=23, null, left]冇錯嘞，綿綿不絕，必有亂結，最近南亞兵團居然發展到招攬印尼女傭販毒及放數收數，可見幾咁猖狂。呢嗱，日前警方喺元朗拘捕一名以「宗教迫害」為理由提出免遣返聲請嘅印尼女傭，喺佢嘅住所搜出約一公斤毒品，懷疑替南亞兵團販毒，問你怕未。
[p=23, null, left]係人都知，假難民唔係無中生有，亦唔係從天而降，多數南亞人蛇以內地作為「跳板」偷渡來港。弊在內地當局坐視不理，任由假難民不斷湧來香港，其中唔少仲係犯案纍纍嘅積犯添。唔怪得好多受訪者批評內地當局將香港當成「排毒」嘅「馬桶」，簡直靠害。
[p=23, null, left]其實，內地當局要防止假難民湧來香港，只係舉手之勞，話都冇咁易，問題係肯唔肯做啫。正所謂，德不孤必有鄰，本報發揮第四權監察功能，鍥而不捨踢爆假難民問題，終於引起社會廣泛關注，有一批港區人大代表及政協委員計劃趁下月北京召開「兩會」期間，向中央建議加強兩地情報交流、聯合執法及打擊人蛇集團。
[p=23, null, left]嗱，呢啲咪就係有建設性囉，希望北大人能夠從善如流，唔好再令香港人失望喇。老實講，香港紛紛擾擾，爭拗不停，本來已經七國咁亂，加上假難民問題氾濫成災，更加搞到烏煙瘴氣。咪話功夫茶唔提醒吖，當斷不斷，必受其亂，再唔盡快採取有效措施解決問題，香港唔止淪為馬桶咁簡單，分分鐘成為火藥桶，遲早一鑊熟嘅咋！
http://orientaldaily.on.cc/cnt/news/20160222/00190_001.html
ALL ANIMALS ARE EQUAL, BUT SOME ANIMALS ARE MORE EQUAL THAN OTHERS.
發表於 
返回列表
