自由報料今日: 100|主題: 296391

收藏本版

發帖

返回列表

跳至頁

查看: 1001 | 回覆: 6

為筆貸款好谷氣呀! [複製鏈接]

sauyiu

大宅

積分: 2069

1^#

發表於 09-6-23 16:03 |只看該作者 |倒序瀏覽 |打印

上年12月間屎鐵 BANK有人同我SELL我張咭可以享受有筆6個月限期的優惠貸款比我, 於是我借左, 過左半個月又有人再打比我話可以用同一個優惠貸款多幾千銀過我, 當時我問得好清楚話限期會由當日起計的6個月後止, 於是我又要埋。由於前後有2條數於唔同時間到期, 但張月結單就無分開計有關的利息, 咁我都信唔會計錯我, 而我每月都有找min pay既。
到今個月我就要找清先借的一筆, 因為我睇唔出我呢一筆錢實際要還幾多, 於是我係大約到期前的2個禮拜打去佢地的熱線, 點知個服務員A同我講我2筆貸款己混合了一起計, 所以我今個月要係限期前找清晒2筆數, 如果唔係第2筆貸款會以高的利息計算, 下, 我聽到呆左, 點解會咁架, 明明你地當初唔係咁講架, 點解而家會唔同左架, 個服務員A於是話要再問返個邊(佢地的marketing)再覆我, 如是者我等左一個禮拜都未見佢覆我, 我再打上去問返呢個服務員A, 佢仍然答我個邊未覆, 話會覆我, 我又等多一個禮拜, 到我第一筆貸款到期前的一日, 我再係日頭打比個服務員A, 佢又係話個邊未覆, 咁我話聽日到期喇仲未知的話我點呀, 於是佢話當日會覆我, 好...我又等, 但一直等到我收工都無再收到電話, 於是當晚7點幾我又打去熱線, 點知服務員B話A今日放假, 下…我日頭先同佢講完電話佢仲應承我話即日會覆我的, 於是B話A係返來OT。下…聽到我已經火起, 咁A點解話佢會即日覆我架, 佢咁不負責任走左去架!於是B又話試下幫我解決, 叫我話比佢聽咩事, 好…我又講過件事, 跟住佢叫我等一等佢去問, 點知呢一等差唔多等左20分鐘到最後仲要斷埋線, 於是我又再打去熱線, 今次到服務員C接聽, 我同佢講佢話唔到事無能力解決到我的問題, 叫佢主管同我講, 服務員C叫我等等, 再接返線的時候佢話主管講緊電話, 問佢可以點幫我, 於是我又將成件事講一次, 跟住又係話幫我問, 點知我又係聽返同一個答案要我聽日清晒2筆數, 我當然話唔可以啦, 如果要我咁做的話我會告佢地欺詐, 我仲話我比左好充足的時間比佢地處理去查, 你地銀行混埋一齊計唔係我的問題, 點解你地的問題要我去承擔, 仲要我一等再等, 話覆又唔覆, 筆數聽日就到期, 係咪我唔追住問, 你地個不負責任的同事會負責我的罰款呀!我只想還筆應還的貸款先會問, 按時找數比足利息你地, 但我急你地唔急, 好似要罰錢係我的事咁, 當時我已經扯晒火, 個服務員C仲夠膽叫我settle左先再查完覆我, 我梗係話唔會settle晒佢啦, 跟住服務員C問返我想點, 我話我唔係打黎搵你地銀行著數, 咩叫做我想點呀, 我只係想即晚要得到答覆我第一筆數還幾多錢, 第2筆數按原應計算的利息於限期前還, 服務員C話要覆我, 於是我要佢比個時間我幾點前可以覆我, 如果到時又唔覆我會連佢都一併投訴, 終於服務員C係限時前覆我並且講左個數比我聽日還, 而第2筆數亦會按原本的利息計算至限期前清還。佢仲問我仍需唔需要marketing個邊覆我, 我話要。
到左第2日, 佢地marketing的同事直接找我, 同我再確認原本的還款條件沒有變, 是熱線的人弄錯, 仲話我知佢地部門都係今日先知有呢個查詢。但最谷氣的竟然係昨晚同我講要還的數同marketing再計比我的數又唔同, 昨晚的數會還少左. 下…真係好離譜呀, 好彩我要marketing 再覆我先知要還的數少左, 如果唔係下期月結單來的時候咪又罰我息?又要我打去嘈? 唉…呢間銀行話晒都係跨國大行, 但服務咁差, 我話過以後都唔會再用呢間銀行的服務, 因為係我心目中已經係信譽破產!