C6有個女同事,佢地關係好曖昧,女同事依個月會結婚, 但似乎冇阻佢地繼續曖昧.
最近有次係放假日子
, 比我見到佢偷偷行出去講電話.
我咁岩行出去見到, C6個樣好驚,我就知道,因為我太熟悉佢, 我地一齊已經廿年.
我心都淡, 你平時點同依個同事熟,你返工時間我理唔到,亦都唔知.
但連放假都要搵對方, 我真係接受唔到.
因為依個女同事, 佢講左好多大話,我地嗌左好多次交
,
佢講左好多次離婚.
佢堅持話同依個女同事冇野,
話我唔信佢.
依1年, 我地之間既信任冇左,因為佢呃左我好多次.
我曾經嘗試努力唔提起,做好自己, 但我好唔開心, 過多排, 我又提起,我地又嗌交, 不斷重覆.
要我接受我同佢之間仲有個曖昧同事, 唔理佢繼續曖昧,我又做唔到咁大方.
除了要行離婚條路(因為我地有小朋友, 唔想小朋友係唔完整家庭長大),
我真係唔知應該點做去解決依件事.
我好想同佢依個女同事講, 你既然要結婚, 請你安守本份,一心一意做人老婆,
唔好再收兵尤其係結左婚既男人.
C6我好想同你講, 你依1年變左好多,變得唔係我識既你.
從來離婚2個字只有你講,我唔會講, 是因為我知道如果我講左, 就即係決定會做.
我好希望你會改變, 我等左好耐, 你只有越來越過份,只有越玩越小心.
我地既關係行到依個地步,真係唔知點行落去.
發表於 
幾年前我老公同公司隔離做野既女仔有曖昧，比我發現左，佢死口唔認，又係話我唔信佢，嘈過好多次交，有幾次嘈到話離婚，雖然到最後佢同個女仔無再聯絡（佢話，我無再理）但係過左咁多年，信任同感情都少左好多…
返回列表
