吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 職場難題

心聲留言今日: 1|主題: 17501

收藏本版

發帖

返回列表

跳至頁

查看: 1083 | 回覆: 17

職場難題 [複製鏈接]

isolg_ying

大宅

積分: 1763

1^#

發表於 16-5-25 00:04 |只看該作者 |倒序瀏覽 |打印

個心好唔舒服，又唔知可以點同身邊人講，唯有喺度呻下，有緣的話，都希望可以得到啲意見。。。
話說我喺呢間公司已經做左4年，請我果陣因為經驗不足被壓低左職位，心諗唔緊要，努力啲做爭取表現，賺經驗之餘分分鐘有機會升返上去。初初第一年好積極，連唔係自己職責所在嘅嘢，只要冇人認頭又自己識做嘅嘢都爭取黎做，上司亦好欣賞，話會幫我fight返我應得嘅嘢。第二年，appraisal year唔夠一年，所以加人工只計prorata。唔緊要，我明公司制度係咁。第二年尾，有段時間身體好差，係咁sl，公司就係關愛員工嘅公司，但其實上司或者唔係咁諗。。。到我身體好返，正常返返工開始，我發覺一切都變了，以往講嘅我地dept冇秘密，我開始覺得，佢地好多時傾左啲嘢我係唔知，我完全唔知佢地做緊乜，開team meeting我聽唔明佢地講乜，樣樣嘢都係我主動問佢地，初初都有人答下，但漸漸就講啲唔講啲，好似有咩秘密咁，email都冇乜，已經唔係樣樣嘢都cc全team人，已經冇晒透明度。。。有一日，突然俾人話我做漏嘢，我完全冇印象有人叫過我做呢樣嘢，但上司同另一個同事都一口咬定係我負責，我問第三個同事，佢話大家都忙，幫下手都冇所謂啦！問題在於，我唔係唔想幫手，邊個開到聲叫我幫，我從來冇托過手踭，咁樣俾人屈，我唔甘心。我搵返當初落instruction個email，明明唔係叫我做，我仲quote返果段問佢地，係咪有嘢改左我唔知，但冇人答我之餘仲繼續話我做漏。其實間公司係好，啲制度好照顧員工，啲同事本來都好好，夾得好開心，但唔知點解突然會咁。本來上司應承嘅嘢冇下文我都算了，等機會再好好表現，但佢地個個都忙到嘔，根本冇時間理我，想走，但又唔甘心因為咁樣離開間好制度嘅公司，唔走，又日日谷住度氣，好想調整自己心態令自己好過啲捱過呢一關，但又唔知點做好。。。我唔覺得我自己有咩錯，但又怕只係自己主觀地以為自己啱，又冇知情人仕可以提供意見俾我，好痛苦。。。

0 0 0

私人傳訊

natjosejim

水晶宮

積分: 71745

育兒性格勳章我的育兒心得勳章畀面勳章 BK Milk勳章 hashtag旅遊勳章

2^#

發表於 16-5-25 01:10 |只看該作者

回覆：職場難題

戥你辛苦，但諗唔到點幫你拆解

私人傳訊

cedarcone

男爵府

積分: 7277

3^#

發表於 16-5-25 04:18 |只看該作者

本帖最後由 cedarcone 於 16-5-25 04:41 編輯

有點像電視劇辦公室小政治風波

只有身歷其境才明瞭公司運作及真正感受。

樓主擁有一份積極進取心,一一克服,值得欣賞

請見諒我是局外人,沒有專業知識可提供意見。

從故事表面看,確實有點失落感

估計養病期間 , 跟開的工作分配各同事?
重回崗位,若果與同事又欠缺默契的話 ,等於新人到任。

尊重大公司制度 , 上司好是定心丸

若果有信心排除人事/同事的紛爭就留下來,
否則要考慮去向 !
(假如是我, 如非嚴重惡劣走頭無路 ,必會勇於再戰,用平常心面對不平常事)

祝福工作順利 , 日子充滿希望 !

私人傳訊

isolg_ying

大宅

積分: 1763

4^#

發表於 16-5-25 07:57 |只看該作者

cedarcone 發表於 16-5-25 04:18
有點像電視劇辦公室小政治風波
只有身歷其境才明瞭公司運作及真正感受。

十分感謝耐心睇完我嘅故事及作出回應。
確實有啲鼓舞！
“等於新人到任”呢句話，我想我需要好好斟酌，希望可以從呢個方向諗到我應該要點做，謝謝！

私人傳訊

aptcan

男爵府

積分: 8993

畀面勳章

5^#

發表於 16-5-25 11:24 |只看該作者

就算公司制度幾好都好，始終都要同事執行先有用，當你病假時全組同事加上司可能幫你頂了不少工作量，應該由果時起你被排斥的，你都話全組人都很忙，再加上要頂其他人工作，所以就有積怨，唯有自己做好本份，時間可證明一切﹗

私人傳訊

anna59

珍珠宮

積分: 49069

6^#

發表於 16-5-25 14:12 |只看該作者

睇晒你編野, 好明顯系有人不滿你常常請病假, 而佢地又去做埋你既工作, 現在你好番, 佢地覺得你冇價值, 因為佢地冇左你都得, 未咁對你羅
頂得住就頂, 頂唔住未走羅

私人傳訊

茶靡

大宅

積分: 1119

7^#

發表於 16-5-25 14:18 |只看該作者

isolg_ying 發表於 16-5-25 00:04
個心好唔舒服，又唔知可以點同身邊人講，唯有喺度呻下，有緣的話，都希望可以得到啲意見。。。
話說我喺呢 ...

同我之前既情況好似, 我剛入去時好博, 上司好欣賞
我亦都好快就升職, 加人工,
原本有個上司同總經理, 總經理暗示叫我做好D
趕走我上司, 我無咁做到, 最後我上司心淡走左,
我就再被升職, 管理住個dept,
開頭都無事, 我都仍然咁博,
總經理都仲當我自己人,
之後, 請多左人, 就慢慢慢慢咁想趕我走
原因係覺得我唔再聽話, 唔係自己人,
到最後開口叫我一係自己走, 一係就佢炒我
我當時係好唔開心, 好唔甘心
但再留低都無意思, 佢都唔當我既努力係一回事
我就自己俾信走左,
到依家, 我知道我走左之後,
無人做到我之前做到既野,
總經理仲話好掛住我以前個上司, 從來都無提過我既好
我真係勁心傷, 不過算啦, 人夾人, 只可以話我同佢唔夾

你既情況, 好明顯係SL後, 佢地已經唔當你係自己人
俾死貓你食, 長遠只會越黎越多死貓
考慮走人好過啦

私人傳訊

Bob_Lennon

男爵府

積分: 5170

熱血金章

8^#

發表於 16-5-25 15:32 |只看該作者

isolg_ying 發表於 16-5-25 00:04
個心好唔舒服，又唔知可以點同身邊人講，唯有喺度呻下，有緣的話，都希望可以得到啲意見。。。
話說我喺呢 ...

最大原因可能和妳有一段時間經常要請病假有關......有D上司係唔鍾意下屬請假，佢哋係唔理會你喺工作上有幾咁卓越，點樣幫到自己手，總之就要無時無刻喺佢視線範圍之內，並隨傳隨到。
所以千祈唔好將問題掛在自己身上，只是妳上司不近人情而已；如果做得咁唔開心，搵到好路數不如去第二度再發展吧！咁嘅工作環境和氣氛之下會好影響自己嘅情緒的。

私人傳訊

Bob_Lennon

男爵府

積分: 5170

熱血金章

9^#

發表於 16-5-25 15:35 |只看該作者

茶靡發表於 16-5-25 14:18
同我之前既情況好似, 我剛入去時好博, 上司好欣賞
我亦都好快就升職, 加人工,
原本有個上司同總經理, 總經 ...

努力嘅結果竟然會是這種下場，只能怪人心難測。

私人傳訊

tansyneko

琥珀宮

積分: 152982

10^#

發表於 16-5-25 17:10 |只看該作者

係我會轉工,公司制度再好,但都係死既,同事唔好相處先係最大問題,因為同事係活既,要互動要相處要合作的係同事,唔係公司制度,反而如果同事好公司制度差仲可以再諗諗留唔留低

私人傳訊

露比EE

侯爵府

積分: 23181

11^#

發表於 16-5-25 21:03 |只看該作者

isolg_ying 發表於 16-5-25 00:04
個心好唔舒服，又唔知可以點同身邊人講，唯有喺度呻下，有緣的話，都希望可以得到啲意見。。。
話說我喺呢 ...

我對上份工就係咁，返工頭幾日，冇嘢比你做，悶到發慌，之後開始叫你做啲你唔識做既嘢，我仲懵到盡力而為，再之後發覺佢地好多嘢唔通知自己，知啲唔知啲，你一問又來一幅"咁你都要問"既面口，再之後叫你做完啲嘢再改又改，玩針對，我又唔識趣，以為忍下算啦！原來自己係傻仔，因為原來上司快放完產假啦，自己才如夢初醒!
所以呢！我個人覺得冇謂再浪費時間，佢地有心要你走，你可以忍到幾時吖?