婆媳關係今日: 0|主題: 27778

收藏本版

發帖

返回列表

跳至頁

查看: 30008 | 回覆: 261

極品台灣奶奶

[複製鏈接]

12 3 4 5...14

小彩

別墅

積分: 951

1^#

發表於 15-1-21 10:01 |只看該作者 |倒序瀏覽 |打印

本帖最後由小彩於 15-1-21 13:49 編輯

諗左好耐, 終於都決定提起勇氣, 在這個版吐苦水...我只是純粹發洩, 不喜勿插囧
內容有點長...大家就當聽個故仔吧...請見諒
我老公係台灣人, 我地係在香港註冊結婚的

還未結婚前, 我已經好清楚講明, 我不會到台灣住, 我要留在香港照顧父母, 因為我家姐已經嫁左去台灣, 如果連我都走埋, 我父母將來年老就冇人照顧, 而且我留在香港工作, 仲可以每月比家用佢地, 我過左台灣應該好難搵工(我家姐過左去2年多都冇工作,當然也冇拎家用比父母)

我老公在家裡有3個家姐, 佢係唯一一個男丁, 佢家庭好傳統, 重男輕女, 而且男仔就要負起照顧父母的責任, 女仔就唔洗, 因為會嫁人(我真係覺得咁既理論好奇怪, 那些生唔到仔的父母咪好慘?)
我老公知道我唔會離開香港去台灣, 佢考慮左好耐, 決定來香港同我生活, 我問佢, 你父母一定唔會同意吧? 佢地咁重視個仔, 我老公話, 佢會自己同父母講清楚, 後來佢同我講父母答應了, 我雖然感到很神奇, 但亦冇多問, 點知在我們快要註冊的前幾日, 佢屋企就出事了

原來佢父母根本唔知佢要去香港結婚, 亦唔知佢已經在台灣辭職, 於是當然好反對我地一齊啦, 佢3個家姐亦當我係仇人咁, 話我帶走佢弟弟, 佢地父母點算? 以後邊個照顧? 我好決斷咁講, 我冇主動要求過佢要來香港的, 之前大家都協議好由佢自己決定, 我冇講任何野的, 但佢地當然完全唔聽啦, 佢阿媽就當正我係罪人咁...覺得自己冇左個仔, 原來我老公之前只係同父母提起想去香港發展, 其他咩都冇講, 佢地聽完就隨口講話叫佢自己決定就OK, 所以造成咁大的誤會, 最後因為我老公堅持要同我一齊, 佢地亦冇辦法

到左香港, 我地就註冊結婚, 我老公就開始在香港工作喇, 我地兩個都唔敢亂洗錢, 因為老公過來香港, 身上根本冇咩錢, 佢父母當然也冇比佢, 佢以前在台灣賺錢好少, 仲要還大學學費的貸款, 每個月都存唔到錢, 佢既父母我唔知佢地有冇錢, 但望落就是很普遍的小家庭, 加上我老公亦唔想問父母拎錢, 所以黎到香港就努力工作賺錢, 佢每個月仲要寄錢返去比佢父母的

努力左兩年, 我地舊年終於買左樓, 也花光我一生的積蓄, 仲問我父母借左20萬, 不過仍是開心的事, 後來, 我地就接到一個壞消息, 奶奶證實患上肺癌, 由於是初期, 情況未去到很嚴重, 但佢就每日都唔開心, 偶爾會同家人吵架(佢脾氣好大, 而且屬於霸道型, 家人每個都要就晒佢) 就在這個時候, 我同老公提議, 不如我地將生BB個計劃提前吧(因為實在唔知奶奶個病情會點, 趁佢仲健康時, 可以比佢抱下孫), 我老公都同意, 努力左一排, 我終於有左喇, 而且仲係男仔, 我老爺奶奶好開心, 唔知係咪心情好會影響病情, 佢的癌指數亦下降左好多, 而奶奶同3個姑奶對我比以前好左好多, 直到前幾個月我終於生左BB出黎, 惡夢就開始了...(未完)