好似我朋友咁,原本佢未來奶奶都無乜嘢,同佢好friend咁,但一知道我朋友要同佢個仔結婚時,個態度就反轉,呢樣嘢都係始料不及,講真,我朋友已經對佢地好好,好好好就佢地,肯幫手做家務(我朋友份人係唔會鐘意做家務),又就哂未來奶奶老爺啲潔癖(去完街/放工番屋企要第一時間番房換衫,否則唔可以坐梳化,話會整污糟喎...),點知都係換嚟一句:"你唔駛再扮(對我好)喇,我唔會受氹架!"...我朋友都無哂心機,雖則之後叫做無嘢,但係原本我朋友都諗住就個honey,計劃婚後同番奶奶老爺一齊住,但個未來奶奶早幾日講到明唔諗住同佢地一齊住...=.=你話,有時啲嘢你點避都避唔到...
我之前睇漏咗嗰個topic添,啱啱睇番喇~! 我間舖諗住唔再做喇,做到八月尾,依家我己經開始去做番打工仔,去做冷氣機promoter,依家响沙田百老匯度做'企鵝'囉~~~!!!呵呵~~!!!不過份工都幾開心,可能我呢份人真係啱做呢行多過文職.以前我番開文職都有好多人事問題,成日同人嘈,尤其老細上司...=.=...反之依家做過三個場,我都識咗唔少朋友,又無同人有咩拗撬,啲上司又幾好(^^:好客氣,我收工仲同我唔該前唔該後,有啲唔慣添),睇吓之後我番工儲錢做成點啦,如果到時又儲到錢又想開番舖,可能我又會東山再起卦... 
同埋我係咁同自己講,企得多會瘦,所以我都好樂意每日企八粒鐘既. 你都要努力開開心心咁'做人'喇~~!!努力!加油!咁你想生囝囝定係囡囡多啲架??? 
如果係我,我依家想生多個百厭仔!以前我都想生女,但生咗仔之後,見個仔咁冧我又咁得意,真係好想好想生多個仔~~~!!有兩個仔鍚~~~!!!
發表於 
返回列表
