吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 點樣可以堅持?

母乳餵哺今日: 0|主題: 85707

收藏本版

回覆發帖

返回列表

跳至頁

查看: 1905 | 回覆: 13

點樣可以堅持? [複製鏈接]

JKBei

別墅

積分: 559

1^#

發表於 16-5-2 18:37 |只看該作者 |倒序瀏覽 |打印

生完5個星期, 依家嘅奶量都未夠阿仔幾餐, 莫講話全日
我依家每日埋身4次, 每次半個鐘至9個字, 但次次都要補2安半奶粉. 去健康院姑娘又話阿仔食得幾好. 試過唔補, 但佢隔幾個字就嗌. 亦會泵3次度, 泵到2安至5安, 儲埋夠兩三餐. 其餘兩餐食奶粉
我覺得佢好似食左好多奶粉咁, 好唔開心. 我一直都未追到佢嘅食量都唔知點算. 每日我都有飲湯 (魚湯/豬腳湯), 耐唔耐飲豆漿, 呢幾日試飲黑豆茶
好想堅持, 但有時真係好氣餒. 可以點算呀?

0 0 0

私人傳訊回覆引用

Yanlovesnaz

子爵府

積分: 14073

大廚勳章睛靈勳章畀面勳章

2^#

發表於 16-5-2 19:05 |只看該作者

引用：生完5個星期,+依家嘅奶量都未夠阿仔幾餐,+

原帖由 JKBei 於 16-05-02 發表
生完5個星期, 依家嘅奶量都未夠阿仔幾餐, 莫講話全日
我依家每日埋身4次, 每次半個鐘至9個字, 但次次都要補 ...

其實你補奶粉，唔俾bb啜密d
係永遠唔會增奶
無需求，個腦點會俾signal加單補貨？
講真每個全埋身媽媽都會經歷bb不斷喊奶，啜嘅時期，呢d叫猛長期，亦係增奶好機會
當你越補越多奶粉時，就會越黎越小人奶
我女除左訓箱果晚飲過奶粉之外，到而家全埋身，我無理夠唔夠奶，啜完左邊仲喊奶咪俾埋右邊佢啜，仲喊？咪再俾翻左邊，總之啜夠為止，奶出得慢姐，又唔會突然停產！

私人傳訊回覆引用

evadwc

大宅

積分: 1462

3^#

發表於 16-5-2 19:37 |只看該作者

Bb嗌咪比佢啜, 我初初就係成日補粉攪到奶量越來越少, 之後決心唔補粉, 嗌就比佢啜, 之後就全人奶到而家阿囝兩歲喇

私人傳訊回覆引用

榮G

複式洋房

積分: 408

4^#

發表於 16-5-2 20:29 |只看該作者

回覆：點樣可以堅持?

啜足兩個鐘都係咁

私人傳訊回覆引用

mango0811

大宅

積分: 2384

5^#

發表於 16-5-2 20:33 |只看該作者

回覆：點樣可以堅持?

試下唔好泵，全埋身。
泵可能分薄左d奶

私人傳訊回覆引用

ilovemytwins

伯爵府

積分: 18559

6^#

發表於 16-5-2 21:13 |只看該作者

回覆：點樣可以堅持?

你pump到五安都好多，我仔足兩個月，我都覺得自己唔夠佢食但我都無補奶粉，我唯有餵密啲，佢有時一個鐘就要食一次最遲兩個鐘，我都照埋身由佢啜。加油你都埋身俾佢啜多啲一日四次其實唔夠！

私人傳訊回覆引用

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

7^#

發表於 16-5-3 05:16 |只看該作者

就算唔係全人奶, 肯餵到個幾月, 都好了不起, 點解唔俾個獎勵俾自己呢?

想變全人奶, 慢慢改變餵奶習慣, 同時唔好迫得自己太緊, 有機會轉到.

私人傳訊回覆引用

mpigpig

大宅

積分: 1261

8^#

發表於 16-5-3 10:00 |只看該作者

ＢＢ　肚餓我會俾佢啜左先（每邊十五分鐘到）。。佢仲喊先補粉。
有時太大壓力都會唔夠奶。。。俾佢啜左先補粉。。慢慢就唔駛補啦。。
我係頭個月補過粉。。努力。。

私人傳訊回覆引用

babyarchie

複式洋房

積分: 377

9^#

發表於 16-5-3 17:27 |只看該作者

回覆樓主:

唔好俾自己咁大壓力，你已經好叻3~5oz! 壓力大會出唔到奶。
我食左more milk plus 同goat rue,明顯多左奶同泵多左奶柱出奶。我一唔夠奶就會食一個星期。

私人傳訊回覆引用

EudyptulaMinor

男爵府

積分: 9263

10^#

發表於 16-5-3 18:53 |只看該作者

回覆：點樣可以堅持?

你生完第5個星期啫，我第一個月因為個人原因要食藥加上奶水唔夠，差不多有一半時間餵全奶粉，一日泵得幾安，每次連一安都唔夠，都唔知雪唔雪好，雪櫃一排奶樽，每樽得10-20ml，最差時試過只係鋪滿個奶樽底，第二三個月就不停追奶，唔夠奶先會補粉（我係全泵媽，唔夠奶係指雪櫃冇奶，bb唔係好肯埋身所以餵奶粉），我每日堅持每4個鐘泵一次，半夜都起身泵，假期有時會3個鐘泵一次，bb三個月到依家就快五個月我都可以全人奶，雖然都只係僅僅夠食，每日都好攰唔夠瞓，但睇住bb越來越重，越來越大隻，我就覺得一切都值得，當時好多人都認為我捱唔到三個月，又辛苦又唔夠奶真係好易放棄，連老公都勸我咁辛苦唔好餵人奶，我自我安慰本來都唔諗住自己係富媽，有奶就已經係獎勵，食得幾多得幾多，真係唔夠再補粉，奶粉又唔係毒藥，bb一樣可以健康長大，睇開d，唔好逼到自己咁緊，最近bb食量又大左，我又開始唔夠奶啦，盡力追奶啦，真係盡左力都唔夠，bb唔會怪媽媽的，知道嗎，帶住負面情緒泵的奶係苦架，bb食得開心，即使只有每日一餐母乳都唔緊要啦，泵媽係好難做到全人奶的，你已經好叻架啦！