吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 台北宜蘭五日四夜遇上三個颱風之旅

親子旅遊今日: 5|主題: 161648

收藏本版

發帖

返回列表

跳至頁

查看: 1072 | 回覆: 10

[台灣] 台北宜蘭五日四夜遇上三個颱風之旅 [複製鏈接]

小鬼包

大宅

積分: 1913

1^#

發表於 16-9-17 17:59 |只看該作者 |倒序瀏覽 |打印

本帖最後由小鬼包於 16-9-17 18:03 編輯

今次第一次帶剛滿一歲既女女去旅行，真係既開心又緊張。因為身邊好多人都話呀女太細會好累，我地又玩得唔開心，但由於我地唔捨得五日唔見佢，同我相信雖然佢無記憶，但我地大人有，所以都決定帶埋佢去！

機票我地用飛行里數換cx，老公話特選經濟同經濟差唔多,所以就試過特選經濟，其實分別只係早d上機、早d揀位同行李重量好似每人多5kg.呀女果張就要七百，相對之下覺得好貴(emoji)

我地係兩日宜蘭三日台北，由於宜蘭交通一般所以我地決定自駕

Day1 台北新光三越，宜蘭遇見晨㬢，羅東夜市

Day2 國立藝術中心，羅東夜市

Day3 台北書局街，六福居酒店式住宅，大樹之家，西門町，寧夏夜市

Day4 動物園，深坑老街，童遊森林館，士林夜市

Day5 台北地下街，西門町，機場

我地8點幾機，所以5點機就出門口，雖然好早但有個好處係呀女累所以一上機就訓到落機，正！
一落機就即刻去搵櫃員機拎錢，但試左三部機都唔得開始覺得大檸樂，唔通五日都無錢洗，好在老公就五百蚊係身即刻換到台幣買左電話卡打返香港問下，原來我無開通海外提款，好在可以即時處理，唔係我地真係可以即刻返香港

之後就打返租車公司，佢地開車黎接我地去拎車。我地用格上租車，其實整體係唔錯，三日租車費大約千五內，架車都新同乾淨，唯一唔好係個car seat我覺得唔乾淨，拎出黎果時仲有餅乾掉出黎

因為老公第一次係外地開車，所以我地覺出台北食個晏，等老公熟習下，同等呀女又唔洗坐咁耐車。我地先去台北車站附近既新光三越，因為果到停車場夠大，育嬰設施又好足

一去到見到春水堂，諗都唔洗就食佢，因為珍珠奶茶係佢地起家，去到台灣點可以唔飲返杯，包保唔好令大家失望。
但佢地既面我就覺得一般。食完咁岩隔離係超市就入去行下，見到朋友推介既農純鄉寶寶粥就即刻買盒，唔洗煩搵咩俾呀女食。其實以台幣三百幾有7包黎講都唔叫貴，食得過

0 0 0

私人傳訊

小鬼包

大宅

積分: 1913

2^#

發表於 16-9-17 18:10 |只看該作者

之後就一個鐘車程入宜蘭，我見好多人推介宜人生活，我本身都有諗過，但因為我女岩岩先識行，怕房有滑梯有危險，所以就放棄轉投遇見晨㬢的懷抱。我想講呢間民宿完全無令我失望，房不但有好大個窗同對出風景好好，老闆又非常好人，而房對出仲有個公共空間係有好多玩具同圖書，非常滿意

安頓好之後因為怕停車場無位所以即刻出羅東夜市，可能因為想打風，所以都幾焗，但我地仍然堅持行左兩個鐘食飽飽先返去休息(emoji)

私人傳訊

小鬼包

大宅

積分: 1913

3^#

發表於 16-9-17 18:33 |只看該作者

第二日起身已經9點幾，早一日又無同老闆講定要早餐，諗住都無得食，點知一落樓老闆娘就出黎話幫我地預備早餐，真係好驚喜。早餐仲要好精緻下，而出面又可以睇到藍天白雲，呢個環境下食早餐真係人生一大樂事（呢到係兩日既早餐）

食完就出發去國立藝術中心，唔好俾佢個名呃左，其實入面係好多唔同藝術品既小店組成，有野玩有野睇有野食，都係一個值得去既地方

其實我都無咩選擇，因為呀女太細一般宜蘭出名diy既地方我去又無意思，幾米公園我興趣又唔大，所以就揀左呢到。好在呢到都無令我失望，我地最開心玩左染布，都幾特別未試過，我染左個環保袋，老公就染左條毛巾。同價錢都好平，我個環保袋唔洗四百台幣，老公果個仲平，好似百幾就有得玩。
玩完就去類似food court既地方食飯，其實食完都大約兩點幾，我地餵埋魚行多陣就走，因為今日實在太熱太焗，同我地又無咩地方去，所以決定同呀女返去訓陣，今晚再出過去夜市

夜晚再去羅東夜市，諗住琴日想食既野都食過，今晚不如搵間餐廳坐低食下，咁岩又見到貴族世家，之前係高雄果邊食過唔錯，就係呢邊試下

點知一上到去就出事，成間店得一兩個客，其實果刻已經想走，不過坐低左就算。質素係點睇有幾多客就知，我都唔詳細講，快手快腳食完就落去夜市行下好過

因為今晚有d雨，好多店都無開，所以行左個幾鐘就返酒店休息lu

私人傳訊

769850955

大宅

積分: 1952

BK Milk勳章

4^#

發表於 16-9-22 00:31 |只看該作者

小鬼包發表於 16-9-17 18:33
第二日起身已經9點幾，早一日又無同老闆講定要早餐，諗住都無得食，點知一落樓老闆娘就出黎話幫我地預備早 ...

之後發展？

私人傳訊

ec325

大宅

積分: 1625

5^#

發表於 16-9-22 00:46 |只看該作者

引用：今次第一次帶剛滿一歲既女女去旅行，真係既

原帖由 小鬼包 於 16-09-17 發表
本帖最後由小鬼包於 16-9-17 18:03 編輯

今次第一次帶剛滿一歲既女女去旅行，真係既開心又緊張。因為 ...

大樹之家要預早book嗎?

私人傳訊

hongbb1116

子爵府

積分: 13581

6^#

發表於 16-9-22 01:40 |只看該作者

回覆：台北宜蘭五日四夜遇上三個颱風之旅

私人傳訊

小鬼包

大宅

積分: 1913

7^#

發表於 16-9-22 16:01 |只看該作者

ec325 發表於 16-9-22 00:46
大樹之家要預早book嗎?

最好就預早，但都可以walk in.我果日平日去就無咩人

私人傳訊

小鬼包

大宅

積分: 1913

8^#

發表於 16-9-22 16:14 |只看該作者

第三日因為宜蘭開始打風，所以一起身食個早餐就即刻出發出台北。

而我係台北book左間叫六福居酒店，係酒店式住宅，我主要貪佢有個廚房仔可以俾我整下野食。因為未咁早有得check in,所以我地再次泊車係新光三越，之後就去附近既書局街下。我主要目的係買繪本俾呀女，選擇實在太多，本本都好靚，最緊要係平香港好多，所以我都買左5，6本，唔係老公叫走我應該停唔到手(emoji)

之後就返去check in,酒店好好免費預留左車位俾我地，省唔小泊車錢。間房雖然俾我想像中細，但都好乾淨同靚，我最滿意佢無地毯，因為呀女雖然識行但間唔中都爬，我最怕佢掂落唔知幾多人行過既地毯到，所以無地毯岩曬我心水

之後就即刻出發去期待以久既大樹之家，呢個地方完全無令我失望，職員又nice不停主動同女女玩又幫我地影相，野食又好食。最緊要係呀女玩得好開心，所以非常推介大家黎！希望遲d香港開果間都係咁正

玩左個幾鐘我女已經散曬，其實我同老公都散散地啦(emoji)

見呀女訓左我地就出發去西門町，先去朋友極力推介既牛店食牛肉面，坦白係幾好食，個牛鬆軟到不得了。食完就去附近既蜂大咖啡店幫朋友買台灣原產地咖啡豆，去到已經嗅到好香既咖啡味，買完上網一睇先知原來呢間野好出名，
如果大家鍾意飲都可以去睇下

買完本身想係西門町行下，但發現無咩岩行就轉向寧夏夜市，不過可能打風，唔係好多檔開左，同唔覺好多特別既野食，如果俾我再揀我應該唔會黎。食左都無一個鐘就返左酒店休息

私人傳訊

小鬼包

大宅

積分: 1913

9^#

發表於 16-9-22 16:30 |只看該作者

第四日本身諗住打風唔去動物園，不過又無咩野做都係決定去
開車去到仲有小小雨，所以我地先行完熊貓館就食左野先再行。坦白呢間野食物味道好一般，不過我飲左壺蜂蜜鮮奶我覺得值得推介，同餐廳既環境都唔錯，最重要我之後行暈成個動物園最舒服都好似係呢間，所以大家黎動物園都可以考慮呢間餐廳

食完就繼續行，雖然天公做美無落雨仲出埋太陽，但始終想打風，天氣焗同熱到不得之了，加上呢個天氣大部份既動物都想休息，根據我老公既講法係全部動物都打曬檬仔針，我女絕對俾動物更活躍(emoji)

所以我地行多個幾鐘太辛苦忍唔住走左。之後就去左唔洗十分鐘車程既深坑老街，呢到係一條類似九份果d古色古香既街，我個人黎講就好鍾意。同埋成條街得一檔賣豆腐麻糬非常推介，果檔仲有豆腐雪糕都好清甜值得一試

之後返酒店休息左陣因為又無特別地方想去，咁岩見google map睇到附近有間叫童遊森林館既playhouse 就決定去玩下。
去到其實唔大，不過都有唔小既小朋友玩緊，兩大一小大約百幾蚊港紙，一場黎到就俾呀女玩下。我覺得如果特登跨區黎我就覺得無需要，但如果好似我咁無咩野做，由酒店行過黎又唔洗十分鐘就都可以玩下。佢都係有唔同玩具，有滑梯同一個用木球做成既波波池。我地玩左大約一個鐘呀女見累就走，出發去士林夜市

而家士林夜市越整越大，以前就一個室內加一條大長街，而家大到成個小區咁，我地行左兩個幾鐘都行唔曬。再次食到想吐之後就返酒店抖下執下行李

私人傳訊

小鬼包

大宅

積分: 1913

10^#

發表於 16-9-22 16:44 |只看該作者

最後一日我地check out完老公先車我地去台北地下街，佢就去還車。其實本身應該係琴日還，不過一黎天氣唔穩定，二黎同呀女出街太多野拎，又熱水凍水尿片bb車等等，有架車可以放曬入去，有需要先去停車場拎，最緊要台北開車俾我想像中唔室塞車同易泊車，所以都係決定租多日今日先還

襯住老公唔係到，我係地下街即刻再去誠品行多陣再揀左一兩本書俾呀女，今次特別推介一本叫「露露吃午餐「既遊戲操作書，入面有唔同質感既野俾小朋友摸，連我呀女平日唔多睇書，而家間唔中都拎本書黎玩下摸下

買完書行多陣書局街，買埋李儀就搭捷運去西門町買老天碌同維格做手信。維格的紅豆綠豆糕係我最愛，去就都一定買兩盒

買完手信想走之際竟然見到富發牌，一個台灣自家制的鞋店，鞋款唔係好特別，但勝在舒服同平，一對都係百幾蚊港幣，我同老公加埋都買左三對(emoji)

買埋鞋都三點要收手返酒店拎行李，但返去途中經過新光三越令我再次諗起春水堂，忍唔住要買多杯先肯返香港。但春水堂實在太多人，我買杯珍珠奶茶都接近等左半小時

之後就返酒店拎行李返香港完成今次既旅程

今次第一次同剛一歲既呀女去旅行，真心無我想像中咁辛苦，但呀女明顯係累，但見到我地連續五日陪住佢，佢係好開心。同佢大個未必記得，但見佢而家開心我都覺得已經值得

同如果同開始識行既小朋友外出，我十分建議大家用拉拉褲，換片非常非常咁方便，因為唔洗特登搵換片地方，只要企係到就換到。唯一壞處就係要換密小小。不過我買花王片片，試過幾次4個鐘先換都無事，係條片重d.
同埋我擔心呀女會水土不服，都特登係香港裝左幾枝大水同拎左個旅行用水煲去煲水沖奶俾佢飲。雖然重但起原呀女無事都值