夫婦情感 今日: 1 | 主題: 42794

積分: 51912

1^#

發表於 08-12-5 21:26 |只看該作者 |倒序瀏覽 |打印

都痴痴地架!唔夠一頭半個月又黎發癲,食葯都無佢咁準時!放工番黎自己切蛋糕食,跌到一地都係又癲,無啦啦鬧仔喎!佢切蛋糕跌碎落地關個仔叉事呀?個仔好地地靜靜地唔郁坐响電腦度睇VCD,又無得罪佢,跟住佢又無厘頭又切蛋糕俾仔食,個仔都唔係第一日論盡架啦!食蛋糕預咗實有碎跌落黎架啦,個仔只係拎住蛋糕(响廚房切)由廚房行番出廳埋位坐時中途跌咁幾粒出黎,隻痴根又黎癲係咁兇個仔又鬧個仔,結果我原本响房溫日文都忍唔住出廳坐,睇佢仲癲唔癲...咁好啦,佢嗰下都收歛下,唔再癲...

到依家好喇,個仔噚晚打我部NDS玩到唔見咗,我同個仔講,佢整唔見人地D野,點都要有個責任幫人搵番出黎,如果搵唔到,呢個聖誕假無得開PS2黎打...咁個仔咪好急咁搵囉,,,佢又唔係唔知個仔D脾性似佢,無耐性搵野搵多兩搵實EE哦哦架啦,細路仔就話教緊,我忍得啫(我仔D炆),條癲佬又黎同個仔癲埋一份喎!個仔已經係哦得細聲好努力咁搵嗰隻,條木咀又响樹'鞋鞋'聲,無耐仲癲到走黎入房掟凳同雜物囉!

我頂吖!忍屎忍尿都忍唔到佢咁耐,我即刻起身大聲問佢癲夠未?佢仲掟野喎!跟住我着鞋準備走,佢知LAI野架,但仲懶係型咁問我仲食唔食晚飯,我答佢:"唔食喇,點食呀,食都背X(唔識打隻字)骨落啦!"跟住佢仲係踢枱踢凳喎!跟住我問佢:"點呀,你走定我走呀,我費時响樹睇你發癲囉!"跟住條友仲懶係rock咁,一邊執野走一邊响樹爆粗口!我頂吖!個仔响樹你响屋企講粗口???我即刻鬧爆佢:"你爆咩粗口呀?响屋企爆?"佢仲好型咁回我咀仲係咁爆粗兼夾開門走人,我即刻大聲講:"要講粗口你出去講飽佢!咪响屋企講!"跟手閂門鎖門唔理佢!!!

我頂吖~~~依家佢咁樣又嚇親個仔,我輔導完個仔,個仔都仲係呆咗...今鋪又輪到我極度想離婚唔鬼要呢條茂利囉!我頂吖!!!

0 0 0

私人傳訊

小寶貝兒

珍珠宮

積分: 30295

2^#

發表於 08-12-5 21:43 |只看該作者

仔仔媽~~

冷靜, 冷靜!!!

趕左佢出去, 大家都冷靜下~

你老公係咪有d躁底既人黎架??
定係好似我99咁, 有神經衰弱果類?
因為我99又係會好小事, 明明係佢自己整野整到忟, 但就會無啦啦狂鬧身邊既人, 然後就會作d野出黎屈我地, 話係我地做左d咩激嬲左佢, 要我地擺和頭酒同佢道歉! (但明明當時我地不在香港, 佢就話我地走去佢屋企鬧佢!! 同佢講佢又死不認錯, 果次激到我老公成個月冇理過佢呀!)

d過程同你老公真係好似, 所以我先咁問姐~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

積分: 51912

3^#

發表於 08-12-5 22:08 |只看該作者

我老公係咪燥底就唔知,佢以前未同我結婚前佢棚FD不嬲怕咗佢,唔敢激嬲佢架!封埋個綽號叫佢做"瘋狂的血',我只係覺得呢條粉樣係傻架!當然我都係傻架啦!嫁着佢!

佢永遠都係無啦啦癲,好似係咁挑戰我底線,好似呢次咁吖,我本住個心要包容佢既缺點同忍佢,由佢發一輪,講真,係人都有佢既情緒,係咪先,咁忍咗佢一輪,我頭頭淨係施施然坐响個仔隔離,佢就識得自己收口唔癲住.咁即刻知自己衰唔係我同個仔野到佢啦!

跟住個仔玩唔見咗我部遊戲機,大家都擺明本住教仔心態,係咪都要個仔自己搵番部機出黎,應該大家都預咗個仔會炆會無耐性架啦,但要教佢負責任教佢識得自己細心耐心D去搵野吖嘛...佢就走黎叉禍,係咁反面教材個仔,佢炆响樹HE HE鞋鞋我都忍到,係最接受唔到佢掟凳同雜物踢枱踢凳係咁爆粗,嗌住佢都唔收口,呢下我係極度介意同火滾囉~~~

啱啱同我大佬傾MSN,聖誕節前夕我可能拉埋個仔去台灣玩四日...正!!至少四日唔駛對住隻佬!!無咁炆...

原文章由 小寶貝兒 於 08-12-5 21:43 發表
仔仔媽~~

冷靜, 冷靜!!!

趕左佢出去, 大家都冷靜下~

你老公係咪有d躁底既人黎架??
定係好似我99咁, 有神經衰弱果類?
因為我99又係會好小事, 明明係佢自己整野整到忟, 但就會無啦啦狂鬧身邊既人, 然後就會作d野出 ...

私人傳訊

wmpl

積分: 3000

4^#

發表於 08-12-6 03:04 |只看該作者

睇到你寫咗幾次"我頂吖",,就知你條氣真係好頂,,不過相信你而家已經冇咁頂,,你老公嘅脾氣好似我認識嘅男某人,,而你嘅做法亦好似我認識嘅女某人,,[男女某人係邊個唔講得]!!

不過我所認識嘅男某人係唔會離家出走,,相反係女某人就會帶埋個仔走......,到時就係個男人千方百計都唔俾個女人出走,,因為佢要自己一個應付一屋冷清同自己清理案發現場,,所以我建議你下次要帶埋個仔快過佢走,,或者盡地一煲,,留低個仔俾佢自己搞掂,,[不過我知你好緊張啲仔女,,所以都好難做到]等佢冇走得咁梳乎,,佢出咗去就係去玩去發洩,,又點會知你喺屋企幫佢收拾爛攤子嘅心情同感受??就算你講俾佢知,,佢都係得個"哦"字架咋!!

不過其實可以嘅話,,當時帶個仔離開事發地,,帶佢落公園坐吓,,行吓,,玩吓,,會唔會對佢冇咁大影響呢??繼續留喺屋企,,你老公又走咗,,間屋就好似停留咗喺事發嗰刻咁,,個腦會不斷replay!

私人傳訊

moyan

伯爵府

積分: 16292

BK Milk勳章

5^#

發表於 08-12-6 04:10 |只看該作者

佢係咪有病?
不如帶佢see doctor

私人傳訊

446948

男爵府

積分: 8772

6^#

發表於 08-12-6 11:27 |只看該作者

我都覺得去睇下醫生好喎~ 會唔會佢控制情緒方便有問題, 或者有燥狂症呀~ 如果係病就一定要醫先得呀~ 為著大家同小朋友著想嘛!

私人傳訊

kwy20082008

複式洋房

積分: 239

7^#

發表於 08-12-6 11:43 |只看該作者

我覺得呢d係佢嘅性格,我覺得無得改....因為我嗰個都同你嗰個差不多!!呢d可能就係叫(大男人)但係我同你一樣都係接受唔到!!不過我一唸起對囝...就同自己講(忍下啦)!!我都睇緊自己底線可以去到邊........

私人傳訊

傲祺媽咪

積分: 1261

8^#

發表於 08-12-6 11:56 |只看該作者

原文章由 ~仔仔媽咪~ 於 08-12-5 22:08 發表
我老公係咪燥底就唔知,佢以前未同我結婚前佢棚FD不嬲怕咗佢,唔敢激嬲佢架!封埋個綽號叫佢做"瘋狂的血',我只係覺得呢條粉樣係傻架!當然我都係傻架啦!嫁着佢!

佢永遠都係無啦啦癲,好似係咁挑戰我底線,好似呢次咁吖,我 ...

冷靜d ,冷靜d , 唔好咁嬲住 , 飲啖可樂 gir 番啖氣先

誠意推介 : [fly]蘆薈啫喱[/fly]
~~~介傷/燙傷 ~~ 一塗上即
" 掂 " yeah vv

私人傳訊

janetgordon

積分: 4776

9^#

發表於 08-12-6 12:58 |只看該作者

會唔會佢屋企人都咁燥狂?佢依家可能唔明白,不過小朋友其實真係會好驚,我細個好驚我媽咪,佢係好容易為小事發脾氣,行行o下街有少少唔順眼就會發癲鬧我,咁到唔係最恐怖.....當我聽到媽咪鬧爹地,我就好驚;雖然只係我阿媽大吵大鬧兼無理取鬧,但果一刻會好驚,因為爹地係我尊重既人,見到佢地咁樣會好怕又好想幫爹地;但又唔敢出聲,個心真係好慌;同埋不知不覺我自己遇到唔如意時都會用番媽咪既方法,發脾氣;因為會覺得點解媽咪會咁對我?我都要咁對人,而其實係因為我唔知道除左咁可以點解決問題;控制自己情緒係好難,唯有兩公婆行開或者帶阿仔行開;總好過比佢睇住大家鬧交;我同老公o向個仔面前鬧交,我會好內疚(因為自己明白果種感受),同埋我地會同個仔say sorry;解釋番我地咁做係唔o岩;不過性格係有遺傳,所以我個仔都係好易發脾氣

私人傳訊

積分: 51912

10^#

發表於 08-12-6 14:47 |只看該作者

原文章由 wmpl 於 08-12-6 03:04 發表
睇到你寫咗幾次"我頂吖",,就知你條氣真係好頂,,不過相信你而家已經冇咁頂,,你老公嘅脾氣好似我認識嘅男某人,,而你嘅做法亦好似我認識嘅女某人,,[男女某人係邊個唔講得]!!

不過我所認識嘅男某人係唔會離家出走,,相反 ...

我實情份人係嬲完一輪就嬲唔出(即係我媽話我嗰隻衰心軟),但真係好唔鐘意佢咁囉!佢依家仲懶型架!噚晚佢番黎見我鎖埋門,一開波已經連環按鐘(仲大支野喎),跟住我仔話有人按鐘,我問個仔,咁你想唔想放爸爸入屋吖,你決定喇,我仔都話唔知,跟住我同個仔講,媽咪就唔會開門俾爸爸喇,如果你想開門既你自己開啦,跟住我仔拿拿臨出房開門俾爸爸入屋,我仔一入番房,我鎖埋個房門,我仔同我講:"爸爸似乎無咁惡喇喎",跟住我都係叫個仔快d瞓,,,

無耐佢又想開房門又開唔到,佢响廳型咗一陣(食蛋糕,上網,飲汽水...),跟住走黎敲門,原先我諗住佢好聲好氣道歉(求其講句對唔住我都ok)我會當無事發生,,,點知條友仲係咁敲,係咁懶係型唔耐煩咁話:"開門呀!開門呀!!!"我聽完仲嬲,佢仲扮哂野咁自己响櫃度摷番鎖匙(我就係唔記得攞走條房門匙)開門,搞完一輪至開到...然後入房瞓覺~!

我頂吖...無耐我都出房,費時同佢同床瞓!自己出廳上網兼開大餐食野~~~!!!

我上次咪係離家出走嗰個囉!賴低佢同個仔,我自己一條友去咗隔離商場SHOPPING,結果到我行經屋企樓下,嗰條茂利咪拖住個仔玩'尋妻'囉!仲懶係無野咁話擔心我,又搭哂膊頭咁問:"肚餓未呀...一齊番屋企食飯啦...."跟住就當無事發生...

次次都係扮無野膊過骨...呢次我唔會就咁算~~~!!!

私人傳訊

積分: 51912

11^#

發表於 08-12-6 14:54 |只看該作者

原文章由 kwy20082008 於 08-12-6 11:43 發表
我覺得呢d係佢嘅性格,我覺得無得改....因為我嗰個都同你嗰個差不多!!呢d可能就係叫(大男人)但係我同你一樣都係接受唔到!!不過我一唸起對囝...就同自己講(忍下啦)!!我都睇緊自己底線可以去到邊........ ...

根本就無得改,所以我都叫自己唔好期望佢有任何改變囉!但真係好難頂,雖則我食得住佢大到佢(呢個世上無人敢响佢發老脾時大佢叫停佢架)...但個仔已經有情緒行為上既問題(我仔自閉加過度活躍),淨係搞我仔嗰part我已經好攰...理論上,作為一個爸爸一個老公,係咪應該忍下自己d脾氣,大家盡量去教好個仔咁呢?教唔到都唔係一個問題,好無唔好我努力教仔同時,個老公唔好再make一個大TROUBLE要我同時再哽要我處理呢?唔處理佢又越黎越癲,處理佢又搞到依家咁樣,,,我都唔知佢想我點.

查實我已經係咁拉低我條底線架喇...但好似噚晚咁,佢好似d死lan仔咁,見我呢鑊唔即時發火喎,再癲多兩下先,仲忍得...好再癲d先,係都要我boom一聲發火鬧爆佢...我都唔知我再SET條底線可以點.

私人傳訊

積分: 51912

12^#

發表於 08-12-6 14:55 |只看該作者

原文章由 傲祺媽咪 於 08-12-6 11:56 發表

冷靜d ,冷靜d , 唔好咁嬲住 , 飲啖可樂 gir 番啖氣先

等我一陣買番支黎飲下先...

私人傳訊

積分: 51912

13^#

發表於 08-12-6 15:05 |只看該作者

原文章由 janetgordon 於 08-12-6 12:58 發表
會唔會佢屋企人都咁燥狂?佢依家可能唔明白,不過小朋友其實真係會好驚,我細個好驚我媽咪,佢係好容易為小事發脾氣,行行o下街有少少唔順眼就會發癲鬧我,咁到唔係最恐怖.....當我聽到媽咪鬧爹地,我就好驚;雖然只係我阿媽 ...

查實自問我都唔係好好脾氣,但生咗個仔後,個仔又有咁既問題要我處理,我都由無eq都改到有番eq啦...至少唔會發我仔老脾...有時教仔係會鬧仔,但嗰隻係教嗰隻鬧,唔係真係嬲,係做戲,係可以收放自如嘛...但我老公係都唔明白,,,個仔又係當年佢話要我生既,話唔生會影响我同佢之間既關係...生咗頭頭嗰年個仔仲係b梗係係咪都喊架啦,唔通一出世開口成文同你講要食奶呀...個仔一喊佢又癲走黎踢門踢枱踢凳,有次仲走黎同個仔喊埋一份添.嗰時我都好炆...有次佢話會改,咁真係改到,嗰期已經無再因為個仔喊而走黎發癲...但無奈,依家個仔嘈d甚至咩都無做,佢都可以自己發癲.

我老公仲係仔之前係好火爆架!佢都話以前試過推跌奶奶(佢自己亞媽),同佢班朋友住又試過立架生打爛朋友房d野...又試過打到自己朋友瞓低...我以前都認為係佢年少貪玩啫,我識佢嗰時已經唔係咁表現,我以為佢變咗啦...點知都係一樣...所以我好覺自己嫁錯咗架.

婚前婚後佢都仲有好多戰績,多到不能盡錄,但佢再係咁我一定會走,唔好以為我依家唔番工要湊仔,佢要俾錢我駛佢就大哂...次次我番工佢都慌死我會俾人追咗去咁,嗰年幾乎正常喎!一唔番工又黎密密癲...我頂吖...我決定聖誕過後幾歹都搵番份工黎助陣下,費時佢惡咁耐.懶係野.:;pppp: :;pppp: :;pppp:

私人傳訊

hoho0728

男爵府

積分: 9003

醒目開學勳章畀面勳章大廚勳章 BK Milk勳章

14^#

發表於 08-12-6 15:07 |只看該作者

其實佢既脾氣咁,對個小朋友真係唔係咁好,你就話順德人,轉頭會無事,但個小朋友好難係一個無理取鬧既環景成長,可能你囝囝都了解個爸爸係咁既脾氣,不過對佢成長唔係咁好!你可唔可以搬去外家住一排呢,要同埋仔喎,比D教訓佢,睇你老公其實都緊你,你要比清楚如果佢唔改,真係會影響個家!

私人傳訊

積分: 51912

15^#

發表於 08-12-6 15:25 |只看該作者

原文章由 hoho0728 於 08-12-6 15:07 發表
其實佢既脾氣咁,對個小朋友真係唔係咁好,你就話順德人,轉頭會無事,但個小朋友好難係一個無理取鬧既環景成長,可能你囝囝都了解個爸爸係咁既脾氣,不過對佢成長唔係咁好!你可唔可以搬去外家住一排呢,要同埋仔喎,比D教訓 ...

查實我都PLAN咗月中聖誕節之前同個仔兩個人去台灣玩囉...講到明唔會預埋隻佬...我大佬話叫我問咗隻佬先,唔好真係搞到好似離家出走咁...但我真係好氣頂....條氣仲未係好順...唔想問佢意見.

我仔好知爸爸d脾氣架...最幾年我老公有排又係成日發癲,有人成家日撘緊巴士,坐响上層,個仔睇到巴士電視d內容向爸爸問句野(係好益智架,個仔真係想知點解,大人實答到解釋到),我老公唔答不特只,第一句就寸爆我仔(我老公個樣好寸好黑面好衰):"你想知下話...你要知你咪落樓下問司機囉!(跟住大力推個仔出位)仲唔快d去~~~"

都唔知佢燥乜,個仔就谷住泡眼淚好無辜咁走埋黎前面我坐嗰位度坐,跟住我仔都細細聲講話爸爸又亂發脾氣...依家個仔大個仔d,我老公又係咁癲,我仔正頭鬧老豆'又發癲',有次我老公仲大個仔,走黎兇個仔:"我癲架嘛!咁我以後唔理你唔教你喇(你有教咩...?)!!"個仔即刻出房兜口兜面咁好肯定咁答個老豆:"好呀!你唔好理我教我囉!"....我都無言...

睇呢舖我仲可唔可以同佢談判啦,佢唔想傾既都無計...我要走就走,但佢肯同我談判既,至少我會預先警告咗佢先,佢再係咁,我實帶埋個仔走,佢唔好後悔!我唔想我同個仔好似住响瘋人院咁囉!好大壓力.

[ 本文章最後由 ~仔仔媽咪~ 於 08-12-6 15:26 編輯 ]

私人傳訊

catlover2001526

積分: 1871

16^#

發表於 08-12-6 15:32 |只看該作者

好驚呀! 佢會唔會虐待你D貓貓嫁?

私人傳訊

積分: 51912

17^#

發表於 08-12-6 16:18 |只看該作者

原文章由 catlover2001526 於 08-12-6 15:32 發表
好驚呀! 佢會唔會虐待你D貓貓嫁?

你話呢~~~佢有虐待家中是但一種生物,我唔報警拉佢,我都拉埋成棚貓同仔走啦!仲响樹發UP瘋咩...

我隻佬對貓同對我地都係一樣,唔會虐待我地既...佢試下,我實同佢C過.

私人傳訊

積分: 51912

18^#

發表於 08-12-6 17:12 |只看該作者

:;pppp: :;pppp: :;pppp: 嗱嗱嗱!!!條茂利又係例牌當無事發生架啦...啱啱又借D2打黎問我今晚係咪去同我老豆食飯,我話cancel咗,跟住佢仲要扮哂無事發生咁問我:"咁今晚我地食咩好呀?"完全唔想答佢...我炆到淨係答佢:'唔知',跟住佢又賣口乖話:"咁等我放工再打俾你至一齊諗啦"...之後我都無野好講,即刻CUT佢線... 好火囉!又係諗住咁樣過到骨等我唔嬲佢...

你地話點好,今晚實講唔到D咩(話佢再係咁,我會帶埋個仔走,唔要佢)...始終我都唔想佢又黎癲多鑊要我受...定係搵日佢番工之前,我ZIP定封信响佢西裝褸度等佢番工慢慢睇咁呢..你地認為點.

私人傳訊

BBqueenie

男爵府

積分: 8081

hashtag影視迷勳章 BK Milk勳章畀面勳章

19^#

發表於 08-12-6 17:57 |只看該作者

其實係唔係每個男人激嬲完身邊個一個,都會扮無事發生?? 我個個又係..激嬲完扮無事,
不過我次次都係等大家冷靜左先傾返囉.因為而家其中一個火,好難講到d 咩既.
有時個死佬點激嬲我, 我就用d咩方法激番佢. 到佢鬧我個時.我會同佢講, 你都知嬲呀? 我都係學你之麻.. 有唔唔岩呀?? 我見你都係咁...

私人傳訊

wmpl