大仔大女媽媽會

收藏本版
發帖
返回列表
跳至頁

首頁
1

尾頁
   0
豬婆


大宅

積分: 1948


1#
發表於 08-10-20 23:37 |只看該作者
我都唔識點講.........但我覺得我隻怪獸對大人既奶奶珠同性器官好似好有興趣咁
一路都覺得佢先得果歲半 , 所以我地兩公婆換衫既時候都唔會特別避忌 , 無特登去關門或者背住佢 (但都唔會比佢見倒JJ同BB) , 最近呢兩個月我發覺換衫既時候佢一望到我既乳暈就會好奸咁笑同好似好尷尬咁 , 我都已經覺得奇怪 .....上兩個星期屋企得返我同佢 , 為左睇住佢有無周圍爬 , 我去廁所小便果陣無關門 , 佢幾次都走過黎望住我偷笑 , 到我抹bb果陣佢重要攞廁紙學我抹 , 我覺得好好笑同老公講 , 但老公話亞囡呢排見倒佢痾尿都有走過黎望 , 所以依加都會叫佢出去先痾 , 但隻衰野超級勁痴佢老豆 , 好多時痴起上黎死攪住我老公點都唔肯放所以都焗住帶埋佢痾 , 琴日亞囡係廳玩緊 , 老公又去廁所痾尿 , 點知隻咸濕妹竟然走去廁所門口踎底睇佢老豆痾尿 , 我即刻喝住佢抱佢走 ......我都唔知佢係因為d尿聲吸引佢去望定係無見過果D器官而好奇 , 但我覺得好難接受點解佢會走去偷睇 , 係咪應該咁早教佢性器官呢D野 ?????我都唔知點做 , 你地既小朋友有無咁既情況????
私人傳訊

chaco


別墅

積分: 921


2#
發表於 08-10-21 00:07 |只看該作者

回覆 #1 豬婆 的文章

我睇書講兒童天生好奇,0-2歲階段的孩子並不清楚兩性的分別,但已開始探索自己的身體.專家認為幼兒性教育愈早教愈好,父母有責任以開放健康的態度,灌輸孩子正確的性知識,教導他們保護自己,同時又懂得尊重和愛護別人.

[ 本文章最後由 chaco 於 08-10-21 00:09 編輯 ]
細佬仔38週出世重3.29kg
私人傳訊

doraemonkate


大宅

積分: 3789


3#
發表於 08-10-21 09:57 |只看該作者
我換衫時, 佢都好好奇咁望住我, 有時俾佢望到自己都有d尷尬mouth:
私人傳訊

jutaubing


大宅

積分: 2713


4#
發表於 08-10-21 14:07 |只看該作者
我個女唔會裝我地去廁所/換衫
但係好鍾意摷我心口, 抱住佢時係要伸隻手入去摸...
我同我老公o係佢面前都好檢點架, 唔知佢邊度學番黎

私人傳訊

Sum107


禁止發言

積分: 3176


5#
發表於 08-10-21 15:14 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

as_sheep


大宅

積分: 1993


6#
發表於 08-10-22 08:11 |只看該作者
救命呀....!你令我想起我細個時同爸爸媽媽一齊訓,吾應該見到的野.依家仲記得,對我黎講係一件痛苦事.

同大家分享....真係吾好亂黎!所以我吾會係律律面前換衫or去廁所,亦吾會係街度同佢換片or除佢條褲,因為吾想比佢一個"可以隨便"的錯覺,亦都覺得太危險.
私人傳訊

豬婆


大宅

積分: 1948


7#
發表於 08-10-22 13:41 |只看該作者
原文章由 as_sheep 於 08-10-22 08:11 發表
救命呀....!你令我想起我細個時同爸爸媽媽一齊訓,吾應該見到的野.依家仲記得,對我黎講係一件痛苦事.

同大家分享....真係吾好亂黎!所以我吾會係律律面前換衫or去廁所,亦吾會係街度同佢換片or除佢條褲,因為吾想比佢一 ...
我地亦從來唔會係個女面前做D唔檢點既野 , 亦無比佢見過我地愛愛 , 最多剩係係佢面前錫下咀仔 (唔係車輪喎,係輕輕掂一下果隻) , 日抖剩係得亞麻揍佢 , 更加唔會教佢呢D野 , 所以我都唔知佢點解會咁 ????
私人傳訊

艾莉


子爵府

積分: 14437


8#
發表於 08-10-22 15:00 |只看該作者
我地會一齊沖涼架...所以,亞囡唔覺得有咩架喎.

去廁所呢, IF老公係度我都會關門.但全屋得我地2母女就唔會喇..

佢地係好奇, 3歲前 父女共浴都唔係問題既,仲可以做適當既性教育[社工朋友教的], 俾小朋友知男女有分別.

當佢女女得4歲 已經明白 女性有月經, 點解有血經, 但佢女女係認真講, 唔係咸濕個D架.
私人傳訊

納奧美


大宅

積分: 1167


9#
發表於 08-10-23 23:59 |只看該作者
第一呢個年紀係建立自我觀念 (包括認識身體)的年齡, 佢對身體各部份都同樣興趣濃厚-----只不過有些部份成日被衫冚住, 無機會睇就更想睇和更覺得意. 唔信你試下用對性器官同樣態度對待身上不常見的另一部位, 你囡囡也會有類似反應的. （對佢來說性器官跟其他部份都不過是身體一部份, 不過就神秘和少見得多)

第二呢個年齡係觀察了解事物運作的年齡, 果度有水流 / 射出來喎, 梗係得意啦, 你試下整支水槍表演下佢睇 (如果佢之前未見過), 佢一樣會咁有興趣.

第三呢個年齡係介片年齡, 佢開始有大小便的觀念 (尤其如果佢自己試過無包片大小便的感覺或見過有水從自己身體 "果度" 流出來), 所以見到我們 "示範" 時就會想看.

我唔係專家, 只係總結我個囡的情況.

幼童對事物的價值觀念看法定義都是從最多照顧他的人而來, 他們會根據大人的反應建立起對每件事物的看法和態度. 如果我地教佢: 啋, 乜你露出塊面咁唔知醜?! (中東回教人都係咁教啦); or 乜你摸人隻腳咁咸濕? (喂中國古時d人就係咁諗), 咁佢地就會建立起同樣的觀念.

幼童(尤其未曾上學或接觸很多外人)的言行舉止往往很單純 (我係指, 佢地做一件事, 背後可能沒有甚麼特別的動機和意義, 只是偶然做或貪得意好玩), 大人對他們的評價, 可能只反映自己的觀念和想法. (就好似同一舊雲, 愛動物的人話佢似隻羊, 為食的人話佢似棉花糖...)

[ 本文章最後由 納奧美 於 08-10-24 00:11 編輯 ]
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy