懶人如我懶得搽左潤唇膏打底再上唇膏,
所以有色潤唇膏真係我既恩物,
當然都容易色素沉澱, 不過我成日講野同飲水,
每次都LAST得唔算好耐,而且又冇唇膏咁實色,
得過且過啦HAHA 不過落妝個陣都會抹下個嘴
先講下呢4枝我常用既Product la(圖左至右):
1. Tony Moly 藍莓護唇膏
2. Maybelline Baby Lips － Pink Shock
3. 曼秀雷敦 Sugar Lip By WaterColor － 05號色
4.Loreal NudeBalm － 218 Rose Elxir
紙巾試色圖
1. Loreal － 淡淡玫瑰粉色，帶微微閃粉，只係閃粉好難影
2. 曼秀雷敦 － 朝氣珊瑚紅色
3.Maybelline － 鮮豔螢光桃紅
4.TonyMoly － 唔好以為佢係淡粉紅色，其實用手指好難控制試色用量，實際顏色有d似曼秀雷敦
素唇上陣
本身個嘴都有血色, 係容易乾姐lol
1. Loreal － 購自旺角兆萬地庫格仔鋪 HKD$89
顏色自然薄身，搽一層已經係自然好氣息
氣味好甜，有d似糖果，唔小心吃到係冇怪味,放心食用（誤！）
乾紋冇左，滋潤程度唔錯，唔係單純油性滋潤，更加似蜂蜜潤唇膏既感覺
滋潤感可以維持半個鐘，顏色可能會變淺色左, 因為食左d落肚haha
閃粉唔明顯，只係望落嘴唇有d令身
想顏色更突出，就要搽3－4層
持久度一般，會痴水杯，一食野就冇哂ya
但係呢枝係我最愛，因為好自然同埋滋潤舒服, 加埋呢枝包裝係最靚haha
2. 曼秀雷敦 － 好友送既
可見顏色比Loreal紅潤d，單搽一層已經好出色
只係滋潤度係冬天不足，夏天就岩岩好，但佢得冬天先有得買ORZ
冇咩味, 亦都冇閃粉, 持久度就一般，大多數亮面重油性既都好易掉色
佢係後備之選, 因為顏色出d, 而且細細支方便帶出街
3.Maybelline － 萬寧＆屈臣氏 $29.9
因為第一次顏色張相忽然又黃又暗-_-‘| 我又唔想調色失真，所以影左2張
呢隻偏桃紅色亦都比較顯色，搽一層就飽和顯色
呢枝岩岩搽上去就會強烈感受到油性滋潤感，唔係舒服自然既滋潤感
滋潤呢個假象好快就過去，大概15分鐘之後就會乾哂，顏色會食左落嘴唇到ORZ
而加呢枝出現乾完會食色既問題，我怕唇色會暗沉
都會加一層無色護唇膏打底
這枝同Loreal個枝疊著搽可以做到好自然既漸變唇！！！大愛
因為顏色好看又顯白，可以媲美唇膏既顯色度
持色度不錯，飲野都可以keep到6-7成顏色，
絕對會回購，但會使用更小心
4. TonyMoly － 韓國旅行戰利品
影到臨尾2枝就又黃又暗－＿－
這枝都係油，但滋潤度比Maybelline高同埋舒服
顏色都幾自然，搽多d就會紅潤顯色，但係望落似食左豬油膏
因為要挖出來用，唔會出外使用，都容易污糟
好難控制用量，第二張圖搽得較少，透明感就高d
氣味係人工莓味，好甜好香，但我唔鐘意人工香味lol
這個唔會回購, 因為我用左2年都未用到一半= =!!!
比起唇膏，我更中意潤唇膏，因為唔顯唇紋仲要好平
不過都要注意色素沉澱既問題，最好先打底
唔驚既人（好似我咁）可以直接使用HAHA
發表於 
返回列表
