大仔大女媽媽會

收藏本版
發帖
返回列表
跳至頁

首頁
12

尾頁
   0
minnie17852004


大宅

積分: 1395


1#
發表於 08-10-11 19:09 |只看該作者
因為我好想知道係咪個個生仔都好唔同....想聽吓大家有冇咩特別事同有趣的事會發生....係0的度你可以話比人聽你自己的生仔經驗同我地分享一下

仲有可以講吓依家仔仔 女女的出世日期同時間

or 有0的可以痛成個week and hosiptal 的地方好唔好
同埋對你的態度...!!!!



大家都知道做人呀ma 係好辛苦的!!!!!
私人傳訊

babyheima


大宅

積分: 1665


2#
發表於 08-10-11 21:52 |只看該作者
我囝囝係2008年5月4日出世架,因為5月3日係我既生日,所以同老公去左睇返場戲,其實睇戲果時已經痛架啦,但係我無嘜點理,跟住返到屋企食左半個西瓜
跟住仲要上下網,上到晚上兩點幾諗住訓,果時我同我老公講:都差唔多要生啦,不如就而家生啦,3號我生日4號bb生日幾好,點知一講就中,3點幾就穿左羊水,落到街搵唔到的士,要自己行落山(我住係山上面),因為唔係好痛,4點度入左院(聯合)d姑娘話開左2度,跟住要等開多d,點知我痛左個幾中真係頂唔順叫姑娘,我話我真係生得,亞b出緊黎,點知佢仲話:我而家唔會幫你睇架,起碼等4個中啦,我好堅持唔得,因為我自己知真係生得,係咁同佢講,"唔得呀唔得呀真係生啦"佢先肯幫我睇,點知一睇真係生得,總共痛左3個幾中就生左啦,如果真係聽佢話等多4個中,我諗我係間房度生左都無人知呀
私人傳訊

katielee1123


男爵府

積分: 9894

畀面勳章


3#
發表於 08-10-11 22:28 |只看該作者
原文章由 babyheima 於 08-10-11 21:52 發表
我囝囝係2008年5月4日出世架,因為5月3日係我既生日,所以同老公去左睇返場戲,其實睇戲果時已經痛架啦,但係我無嘜點理,跟住返到屋企食左半個西瓜
跟住仲要上下網,上到晚上兩點幾諗住訓,果時我同我老公講:都差 ...


where are you live??I live in Lam Tin????like me after 12:00a.m. I still use computer??
私人傳訊

babyheima


大宅

積分: 1665


4#
發表於 08-10-11 22:35 |只看該作者
原文章由 katielee1123 於 08-10-11 22:28 發表


where are you live??I live in Lam Tin????like me after 12:00a.m. I still use computer??



我住觀塘架,我係12點幾先玩電腦玩到2點幾,哈哈

私人傳訊

ALBBLABB


別墅

積分: 789


5#
發表於 08-10-11 22:44 |只看該作者
我預產期係29MAY，係4月22日呀B就出咗世啦！

19 Apr --照ultra sound，dr 說bb有2.762kg。
21Apr -- 11:30 起床，覺得自己個肚好低咗，問老公覺唔覺，佢話唔多覺(事後問返佢，其實係無為意)，then食lunch，之後我好大膽咁做腳底按摩。因隻腳腫。係做之前我已經有d宮縮。由於之前聽過好多mami say有假宮縮，所以我便無留意。finish咗腳底按摩之後，我便買餸煮飯，我去買菜時，個老闆娘話你個肚咁低，好快生得啦！我重去惠康買餾"連"食。但期間依然有宮縮。之後返到home我重煮飯比自己食(因老公返咗工，only自己在家)，and clean the floor。直到21:30，我依然重有宮縮，心諗無理由，無理由假咁耐呀。咁我就call個fd，佢叫我快d入院，我話無理由，咁早?得34週5？！之後再call我呀嫂，佢話無穿水無見紅，唔係嘅。then call my fd again,佢話點呀，係唔係go hospital呀？then she ask me the pain is regular or not? 我話都regular ka....15mins 1 times. 跟住佢又話咁唔係陣痛係咩呀？我又話如果唔係我明天又要出院，好麻煩。
跟住我take a shower and washing hair.　跟住我呀嫂又再Call我問我點，跟住我呀哥又話無穿水無見紅都可以係生得，佢話我而家drive the car to your home then drive u to hospital to check first....
22:30 I call my fd again and she said go to hospital with me.....在途中我ＣＡＬＬ我老公，佢話佢現在收工過唻，我話唔洗啦，都未必係生得。。。。
23:30入到院，醫生話個肚好林喎，唔似係。之後到
22Apr 00:30 醫生用了部機ＣＨＥＣＫ完後，佢才說，係喎，真係有Ｄ宮縮，ＢＢ可能會早出世。咁我就話，即係我明天出唔到院呀？（好百痴，問Ｄ咁嘅問題），醫生再話幫你ＣＨＥＣＫ多次再ＣＯＮＦＩＲＭ。
04:30 ＣＨＥＣＫ完之後，Dr said yes, the baby will deliver ,I ask what time?then she said about 11:00-14:00
我話吓？重要痛多咁耐？？？？？跟住醫生幫我ＣＨＥＣＫ　ＢＢ個頭位同體重，我話前兩日才照完ＵＬＴＲＡ　ＳＯＵＮＤ有2.762ＫＧ。。我又話唔夠３７ＷＫ咪唔可以陪產？then dr. said if the bb has 6 pounds I think no problem.
0630 dr said if u want to go to toilet u go la, 因我係早產，要吊針呀，你叫埋你老公唻啦，大概０９００啦，我又話：咁等我食塊餅先。之後由於老公＂ＬＯＮＧ＂起咗個電話，所以幾經辛苦，終於ＣＡＬＬ到我老公喇。
經過一輪汗水與血水嘅洗禮，ＢＢ終於出咗世啦！ＢＢ出世真係有2.76ＫＧ呀！


原文章由 minnie17852004 於 08-10-11 19:09 發表
因為我好想知道係咪個個生仔都好唔同....想聽吓大家有冇咩特別事同有趣的事會發生....係0的度你可以話比人聽你自己的生仔經驗同我地分享一下

仲有可以講吓依家仔仔 女女的出世日期同時間

or 有0的可以痛 ...

[ 本文章最後由 ALBBLABB 於 08-10-11 22:48 編輯 ]
私人傳訊

lamyy


別墅

積分: 604


6#
發表於 08-10-12 00:49 |只看該作者
比預產期早左3日，4號晚7:30見紅＋肚痛,咁就即刻沖涼食飯,入到醫院9:30, check左一輪,話我一度都未開,我心諗都已重要有排等, 老公係爸爸房同我睇陣電視,其實我已經幾痛同痛得幾密,但都叫佢走先,佢走時12點, 跟著我就越來越痛,姑娘比左個好似osim脈衝止痛機我用,但效用不大, 到3點我開始忍唔到,諗住打止痛針,姑娘話check下開成點, 點知一check開左7度,即刻入產房，call我老公返來, 係產房都捱左3粒鐘,好彩有老公陪, 到6:30,姑娘交更,佢同我講我其實已經開晒,但個頭未落,叫我痾幾下, 咁我la la臨痾幾下,個助產仕話見頭,可以拆床穿水生得,當時6:45, 跟住進入產開始計時,我大概痾左7,8下，7:28就生左個7.5lbs既囡囡。 成班姑娘同助產仕都話我好夠氣同識用氣,我就覺得產前學過用氣真係好有幫助。 重有,有老公陪係好重要。
最後真係要多謝瑪麗班姑娘同助產仕,佢地好叻去引導我同為我打氣,所以至咁快生左！！
私人傳訊

yucopooh


禁止訪問

積分: 4584


7#
發表於 08-10-12 10:10 |只看該作者
提示: 作者被禁止或刪除 內容自動屏蔽
私人傳訊

Yan010408


男爵府

積分: 6221


8#
發表於 08-10-12 13:51 |只看該作者
我4月1日生咗 , 比預產期早咗11日。嗰時早上條Under又係有少少濕 (少到約5元大), 我肯定唔係失禁做成。唔知係Mud咪無理佢 , 到下午又好似有少少 , 我老公有D驚但我話睇定D先啦 , 因為真係濕好少。第2朝又有少少咪打去健康院問吓 , 佢叫我快D去醫院Check。去到威記Check嗰然係穿水 , 問我發現幾耐 , 我話日幾啦 , 佢地話我做Mud咁遲先來 , 跟住如臨大敵咁推我落產房傕生 , 6個鈡就生咗(大痛都只係個幾鐘 , 比第1胎痛咗十幾個鈡好好多)。
私人傳訊

anpanman626


複式洋房

積分: 181


9#
發表於 08-10-13 09:45 |只看該作者
我BB比預產期遲o左幾個鍾 ! 原本應該係4月29日,BB4月30日早上就出世啦 !
o個晚心血來潮同老公講定我入o左醫院後d o野應該點整 , 講完一大輪之後 , 打算去toliet , 一起身 , 覺得有d唔妥 , 見到梳化濕o左小小 , 就行走toliet啦 , 一坐低 , pop 一聲 ,應該穿o左水啦 , o個時已經差不多一點啦 , ,跟住我開始再double check 走佬袋 , 老公煮o野俾我食 , 到大約1:35度 , 我o地起行啦 , 落到街 , 上的士 , 去到浸會大約1:50度 , 一check原來已經開o左2度 , 不過心諗 , 人o地話1個鐘開一度 , 咁即係我仲有8個鐘啦 , 到3點幾就開始有陣痛o既感覺 , 維持7分鐘一次 , 到4點幾度就5分鐘一次 , 到5點幾6點 , 姑娘再check已經開o左4度 , 入到產房 , 姑娘幫我再人手穿水 , 無幾耐就開到7度 , 開始大痛啦 , 好快就開到9度 , 醫生一o黎 , 就開始叫我生啦 , 但試o左幾次都生唔到 , 到醫生問o左我一句 , 吸唔吸佢出o黎 , 我即刻答好(o個刻好清醒 ) , 無幾耐bb就已經出o左o黎啦 , 我最記得我仲未聽到bb喊 , 就問o左一句 , 點解佢唔喊o既 ? 跟住就聽到bb喊啦 , 醫生開始聯針 , 我o既痛楚先開始 , 每一下都feel到拮落o黎 , 我好記得我不停縮 , 仲不停俾醫生叫我唔好縮 , 聯唔到 , 我都唔知聯o左幾耐啦 , 到聯完 , 心諗可以瞓啦 , 真好 ! 3點幾開始痛 , 8點幾囡囡就出o左世啦 ! 5個鍾就生o左 ! BB出世時重6lb10oz , 而家16lb5oz !
私人傳訊

AdrianLam250408


複式洋房

積分: 135


10#
發表於 08-10-13 15:06 |只看該作者

不如講吓大家的生仔生女的經歷呀

我完全無諗過係咁痛 , 因為我由細至大, 都唔怕痛, 同好鬼大膽!!!
我本來係放前2后8週, 最記得, o個日係星期五, 原本係last day返工, 諗住交低d手尾, 點知, 半夜3點去完厠所, 跟住半個鐘之後, 覺得濕濕地, 一去厠所, 就一股水沖出黎, 就同老公講, 入醫院. 嘩! 佢面都青嫲 , 我地坐的士入威記, 姑娘話, 你第一胎, 有排啦, 天未光, 瞓o下先. :;pppp:
到8點開始痛, 10點好痛, 12點勁痛 ...但姑娘一直都話, 有排...所以無叫屋企人黎, 不過, 奶奶lunch time過黎, 我完全坐唔到嚮到, 同佢講野 ...2點幾, 老公打黎問我點, 我話勁痛, 佢即刻坐的士黎, 因為, 姑娘話未得, 咪聽人講, 行o下, 行左落去seven, 點知姑娘找我, 罵我穿左水, 唔好週圍走,,,上返去, 已經痛到想死, 姑娘問我打唔打至痛針, 諗都唔諗, 就話好啦!!! 終於, 落得產房, 助產士教我用力, 我記得, 好快bb最後黃昏5:17p.m.出黎, 重2.77kg.
我覺得, 自重bb出生之后, 我改變左好多, 行街會睇bb野啦, 收工會趕返屋企啦, weekend都唔係好想約朋友啦, 總之, bb影響左我好多, 有d野, 係唔可以用筆墨形容!!! 不過, 係開心嘅!!!
私人傳訊

yankaka


子爵府

積分: 12620


11#
發表於 08-10-13 17:33 |只看該作者
我個B預產期本來係5月18日, 但早咗差不多一個月, 即係36W3D就出世啦!
好在咋, 如果早多一日, 老公都仲未返香港, 阿囝好似知道Daddy返咗嚟咁, 急住要見!
嗰晚零晨兩點幾開始痛, 已經見紅了, 但又唔係痛得好密, 我又住得勁近醫院, 所以冇咁快入, 食咗碗麵再瞓吓先, 到八點先入院, 真係生得啦, 五六分鐘痛一次, 一直咁至到十一二點, 之後因為我勁吸笑氣, 所以開始冇咩記憶, 到兩三點開始, 我諗已經開始生緊, 但生咗好耐都生唔出, 我見眼前好多人出出入入, 又有個醫生係咁按我個肚, 好大力嗰隻! 最後真係咩方法都出盡, 搞咗個幾兩個鐘, 四點幾先生到出嚟, 嗰一吓真係好似疴咗人生最大舊屎出來咁, 輕鬆哂...
我喺個BLOG寫得好詳盡, 真係想知就CLICK入去睇啦!
http://hk.myblog.yahoo.com/jw!F3 ... g-/article?mid=2471
私人傳訊

nisha


伯爵府

積分: 18910

牛年勳章


12#
發表於 08-10-14 01:46 |只看該作者
十分認同, 仲係從末咁快.
我就打咗催生針, 入院時(3PM)穿咗啲水&小小見紅.觀察到5pm, DR話不如打催生針, 如果唔係可能痛到第2朝都未ready. 因穿水後24hour都要打,無謂白痛1晚.咁就唔理打就打啦!
我以為係1針原來係好似吊鹽水咁, nurse要觀察&加重啲藥. 由入產房到生total 8 hours. 以前唔信mammy 話生仔好似便便咁. 到自己先知真係好似.我仲不停同nurse講好急


原文章由 yankaka 於 08-10-13 17:33 發表
我個B預產期本來係5月18日, 但早咗差不多一個月, 即係36W3D就出世啦!
好在咋, 如果早多一日, 老公都仲未返香港, 阿囝好似知道Daddy返咗嚟咁, 急住要見!
嗰晚零晨兩點幾開始痛, 已經見紅了, 但又唔係痛得好密, 我又住 ...
私人傳訊

minnie17852004


大宅

積分: 1395


13#
發表於 08-10-14 02:11 |只看該作者
等我又講吓我個bb 點出黎0的個世界啦

我本預產期係 5月16日...點知早左一個月..姐係4 月17日就出左世啦....

本來我35weeks 0個時去左私家dr. 睇左一次....都未生得....
點知0個日晚上差不多sleep 0個時....同老公玩打架....haha...
唔係算好激0個隻啦....之後就到第2日啦

第二日一早就約左呀媽 飲茶.....0個時feel 到個肚緊緊地的....
但係冇咩野痛同埋唔舒服的....返到呀媽家就sleep左個nap....
之後起身去小便....發覺有少少brown的 blood .....開頭唔知係咩黎的...但係又冇痛喎.....咪同呀媽講lor....點知我呀媽都唔識呀....
佢生我地都係開刀...所以唔知順產係點....佢仲不停打電話問人會點....因為老公返緊工未放所以我就打比佢同佢講低....不過佢話可能係假的....咁我咪打電話問吓我個私家dr. 睇吓點啦.....

之後佢話你都係要返出黎check 吓好0的.....之後我係屯門同呀媽左轉又轉咁去度佐x 0個度睇dr..


dr 話....你開左half 隻手指.....我心諗冇咁快呀....我得35weeks 幾0個喎....佢話叫我快0的入hospital 喎.....0個時係6:30 pm..
之後我冇聽到佢講立即入去呀....因為我都未痛...不過好彩係我一早0個時起左身bath....有起時上黎都唔洗怕..

之後我又約左親戚食晚飯.....食左好多野呀....2碗飯同一碗湯度啦.....仲食埋green bean 沙.....生仔前食的野可以咁講...

食完都有成10:30pm....係食野的around 見到百佳諗住買定0的小食去hospital.....仲行得好鬼死多路tim.....

我再同呀媽by taxi 去左法國到等埋我老公係home 過黎同埋拿埋我0的入院的走佬袋.....在我等的之下....發覺自己好急....要去大便......呀媽就同我講....唔好連個仔都(啊)出黎呀....我心諗唔會的...
點知我真係去大便.....仲去得好舒服tim....冇事咁出返黎...
等到老公0個度黎都11:30度...我都係未想入院住....咁樣佢會收多我一日的錢.....之後等到12:00 度就開始check in la....

nurse 同我做body check....佢話你可以生得....因為佢摸我個袋就知.....但係我話我成日都冇痛到喎....佢都話我只係開左好少好少...
做完body check....去左0的病房度....仲同呀媽老公傾計....佢地都覺得我唔會咁快生啦...佢地2個就咁就走左啦....我仲叫佢地唔好擔心....當佢地走左啦..我再上返床啦....點知我發覺有一下痛的feeling.....開始下身有野流出黎....0的nurse仲話可能係分泌物....我心諗分泌邊有咁多呀....佢再同我check.....開左 一度.....再係我身上放0的野係我個肚上面check bb 的心.....叫我等吓喎.....點知我8分鐘黎一次痛....仲要一黎係好痛0個隻...不停咁痛冇停過....又冇人係我身邊.....只有死頂住痛啦....

本身自己又幾忍得痛的....咪自己安慰自己...個個女人都係咁生....
個個女人都係好痛的啦....有0的痛成個week 都有.....我個0的小兒科啦....自己就不停咁諗.....

痛左一個鐘...真係好難頂.....冇法.....只有不停咁叫nurse 入黎睇我啦......點知一check之下....開到7度啦......一個鐘開7度真係快....
唔怪得我咁痛啦....之後打電話比老公叫佢快0的返返出黎...
佢0個時都返左屯門啦....佢仲未sleep.....但係我真係冇氣同佢講...講左就係( 快0的黎....我差不多生得啦).....我就off左啦.....之後有個(姐姐)...推輪椅黎叫我自己坐......之後推左我去產房到.....

0個時2:30 am.....nurse 就開始打電話比我個dr.黎同我接生....
因dr. sleep緊.....過黎都有0的時間的......0的痛楚真係好痛...痛到nurse 問我唔好叫.....叫我吸笑氣....我仲同佢地講0的笑氣都冇用的.....吸左痛楚都係度....唔吸好過吸.....到3:20 am 度.....痛到我連隻腳都抽筋....叫佢地同我(連) 吓都唔得....佢仲話抽抽吓會唔抽的啦....真係激死我啦.....!!!!!

我不停咁叫....不過唔係好吵0個0的啦....都係死頂住上.....問nursecall 我老公睇吓到未.....佢地都要我自己打....我都冇氣啦....點講呀.....再打比佢啦....佢話差不多到啦....之後我不停咁同nurse講....我要生啦....唔等啦.....dr. 都黎埋ready 同我接生....佢係我大痛的時候無意之間打左支庥醉針.....0個時都痛緊...都分唔到咩痛楚....0個一下我大叫左...真係2樣一齊黎痛.....

我見到我老公啦...因為我ready生緊......好彩佢剛剛趕到.....我仲未生.....佢黎到時我就開始要用力.....我覺得好似拍緊戲咁呀....好出奇....仲諗緊....自己依家係咪生緊仔呀....我好似用左7氣到...呀bb就咁出左黎....真係快到唔咁相信....我連汗都未出....5分鐘都冇呀......佢就出左黎啦.....點解可以咁的....當第一眼見到自己的bb....真係好特別....我會係度諗.....佢係咪真係係我個肚度出黎的....點解世界咁奇妙可以製造小生命....不敢相信....

呀bb一出到黎就哭啦...好大聲tim.....3:40 am

佢比我立即抱抱bb同影相...再黎一張一家3口....
生命中就多左一個人仔係你身邊....發覺到自己所有野都唔同曬...
唔知大家會唔會覺得呢..????

當生完dr.同我連針我都冇feeling......太好啦....佢事前同我打左針......所以先唔同...因為我成人聽人講生先連針會好痛....點知我咩針都冇吊過....大便又去左.....生得好clean.....連針時仲可以同我個dr.傾計.....真係正...頭尾3個鐘的痛楚一下間唔記得曬啦!!!!

4個鐘後可以下床去睇bb....雖然行得好慢....傷口有好少好少的痛...
但係見到呀b的一刻...真係咩野痛都唔記得啦.....

bb早一個月出世有2.75 kg
依家有 18.2 kg 啦


你地的bb又係點出世的呢...?
私人傳訊

ALBBLABB


別墅

積分: 789


14#
發表於 08-10-15 01:07 |只看該作者
我好認同你所講.......
生命中就多左一個人仔係你身邊....發覺到自己所有野都唔同曬...
至少萬事以佢為先，責任大了，更加明白什麼是"切膚之痛"！

原文章由 minnie17852004 於 08-10-14 02:11 發表
等我又講吓我個bb 點出黎0的個世界啦

我本預產期係 5月16日...點知早左一個月..姐係4 月17日就出左世啦....

本來我35weeks 0個時去左私家dr. 睇左一次....都未生得....
點知0個日晚上差不多sleep 0個時.. ...
私人傳訊

rainrain613


男爵府

積分: 6617

好媽媽勳章


15#
發表於 08-10-15 10:27 |只看該作者
原文章由 minnie17852004 於 08-10-11 19:09 發表
因為我好想知道係咪個個生仔都好唔同....想聽吓大家有冇咩特別事同有趣的事會發生....係0的度你可以話比人聽你自己的生仔經驗同我地分享一下

仲有可以講吓依家仔仔 女女的出世日期同時間

or 有0的可以痛 ...


在4月18日早上1時45分,也是今年第一個1號風球。

當日在醫院大出血,
起身時也不知道大出血而且還看到床尾有2個小女孩同我笑...
我還在睡眼星鬆地傻吓傻吓地感覺下體很濕,
因而打算去更換衛生巾...

當起身時才知道床上很多血而且我下身也是濕透而且怖滿了內褲全是血...
當時才知驚...後來告知護士, 她們也大為緊張...
之後call了醫生而且也要測BB的心跳及跳動的次數至天亮...
因當晚醫生不敢開刀取BB出來.
原因是我胎盤前置至子宮位沒位可以開刀...
他們要與其他醫生討論如何用最好的方法取BB出來!

最後終於等到天亮8:30, 大醫生巡房時...
他們也說不可等至38週喇...
現在也33週3天喇也可以拿BB出來喇!
不過當天開刀是最後一個case,
但後來不知道Peter醫生幫我book手術房時卻變了Second case...

於時我問諼士借電話打給我老公,
通知他10來到醫院因要緊急生開刀取BB喇...
後來來到醫院也有10:15左右,
我只是同老公傾了幾句便被人推離病床,
不知等了多少時間便入產房...
之前的麻醉師、兒科醫生及婦科醫生也同我傾過現在情況及簽署所有文件。

我老公幫我收拾東西後不見了我也大為緊張...
問護士她們也不說我去了哪? 真的令他擔心 ...
不過之前我也同老公說了麻醉師說他不能入去,
因今次的手術屬大手術.
後來入了手術室不久約15分鐘BB也取出來,

當時她們給我看BB時的感覺是...
我個BB咁似男仔及似我老公的look,
就是這樣BB在1號風球出世了。
私人傳訊

katielee1123


男爵府

積分: 9894

畀面勳章


16#
發表於 08-10-15 11:20 |只看該作者
原文章由 rainrain613 於 08-10-15 10:27 發表


在4月18日早上1時45分,也是今年第一個1號風球。

當日在醫院大出血,
起身時也不知道大出血而且還看到床尾有2個小女孩同我笑...
我還在睡眼星鬆地傻吓傻吓地感覺下體很濕,
因而打算去更換衛生巾...

當起身時才知道 ...

點解有2個小女孩同你笑!有啲恐佈喎?
私人傳訊

katielee1123


男爵府

積分: 9894

畀面勳章


17#
發表於 08-10-15 11:23 |只看該作者
原文章由 minnie17852004 於 08-10-14 02:11 發表
等我又講吓我個bb 點出黎0的個世界啦

我本預產期係 5月16日...點知早左一個月..姐係4 月17日就出左世啦....

本來我35weeks 0個時去左私家dr. 睇左一次....都未生得....
點知0個日晚上差不多sleep 0個時.. ...



真係好似電影咁! 但你個bb SIZE 唔差喎!都幾健康
私人傳訊

yankaka


子爵府

積分: 12620


18#
發表於 08-10-15 16:21 |只看該作者
原文章由 minnie17852004 於 08-10-14 02:11 發表
等我又講吓我個bb 點出黎0的個世界啦

我本預產期係 5月16日...點知早左一個月..姐係4 月17日就出左世啦....

本來我35weeks 0個時去左私家dr. 睇左一次....都未生得....
點知0個日晚上差不多sleep 0個時.. ...


你都生得好快喎, 我由大痛開始(即係一兩分鐘痛一次) , 到生到出嚟, 差不多六個鐘呀! 都唔知自己推咗幾多吓, 可能吸咗笑氣迷迷茫茫咁啦!
私人傳訊

tszfungmama


禁止訪問

積分: 6438


19#
發表於 08-10-16 01:44 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

stormlemon


複式洋房

積分: 250


20#
發表於 08-10-16 14:38 |只看該作者
我預產期就4月26,係3月中已經試過一次""假作動"", 個醫生話我宫縮得好勁, 隨時會生, SO 推左我入埋產房打埋強肺針, 不過BB 早成個幾月出世, 可能會有危險, 唔知係咪阿B 聽到呢句, 之後唔郁.... 攪到結果生唔到.....= ="

到4月20號左近, 諗住就到預產期, 咪開始食西瓜, 芝麻糊之類囉, 點知一食就見紅(好少) , 咪又趕侯趕命咁入院囉, 點知見紅見左幾日後連個丁丁見紅都無埋, 咁24號朝早醫生叫我出院先, 因為睇黎我有排都未生得 我同醫生講, 我3月中入過院話我有""早產""機會喎, 佢地先肯給我留多日, 點知阿B就係25號0554 出世

係24號晚
1930 醫生黎縳肚度宫縮..個陣仲係半個鐘先郁一郁.......
2200 開始肚痛, (似3月中話生得種FEEL) 咁我咪問醫生, 點知佢用手摩完我個肚話""有排呀, 阿B 郁緊之嘛, 你訓下啦....""
25號 0030 痛到訓唔著, 同埋FEEL 到下面好濕, 起身先發覺一床血....咪去廁所囉, D 姑娘見我塊面"拿"埋一舊,叫我上床CHECK下, 結果話我開左一度, 跟住話""而家開得一度炸, 你無咁痛就執定野, 之後訓下先啦, 仲有排先生得呀~~"" 我心諗..一度都痛係咁, 十度咪無命...= ="
0245 開始勁痛, 好似想痾屎FEEL, 同埋下邊濕立立, 好唔舒服, 咪又入廁所囉... D 姑娘好緊張, 有個仲跟埋入黎, 點知去廁所個陣突然間又勁痛, 咪係廁所度大嗌, 其他姑娘都衝晒入黎, 叫我即刻返出黎, 唔好係廁所度生左個仔...我心諗, 有無咁易生呀..mouth: 結果給佢地捉左出黎推我上床, 一CHECK 話開左3 度.....
0330 入左產房, (已經痛到完全失控).... D姑娘 / 助產士...係咁叫我唔好再用力推...我話控制唔到....結果給佢係咁鬧, 話人人都係咁生, 人地又得~~ 你咁攪法到時生個陣無力...

另一個就好心D, 問我洗唔洗打止痛針, 不過又嚇鬼我, 話阿B 出世可能唔識透氣.. 攪到我話唔打......咁佢就迫我聞笑氣...==" 同埋叫我穿水就叫佢地

之後時間唔太記得啦, 諗住仲有排等, 咪盡量閉目養神囉, 無耐我FEEL 到穿水, 大叫點知無人理, 張大眼竟然見到產房無人......mouth:

後來個好心助產士返黎, 話我宫縮得好快, 叫我都係打針, 我咪話好啦~~, 無耐聽到惡個個話已經開到8 度,叫我忍住唔好再推, 我答""唔關我事, 真係CONTROL 唔到...."" 結果又給佢鬧

跟住聽到個好心助產士話見到頭... 但惡個個仲係叫我唔好推...= =" 話咁推法我同BB 都好危險....(已經打唔切止痛針.....亦剪唔切陰道....)

之後阿B 就出左世..... 個好惡既助產士係咁鬧我, 話頭先好危險, 阿B頭先臍帶"錢""頸, 我咁推生爆陰道好麻煩之類~~好彩後尾我只係生爆小小, 阿B 亦都無事~~
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy