親子旅遊今日: 2|主題: 161736

收藏本版

發帖

返回列表

跳至頁

查看: 2396 | 回覆: 3

[韓國] 永登浦貝殼倉庫食記分享 [複製鏈接]

Hermoso

複式洋房

積分: 152

1^#

發表於 16-6-20 14:50 |只看該作者 |倒序瀏覽 |打印

上星期去左永登浦分店，驚太多人早左去，去到未夠五點，原來未開門。老闆好nice，叫我地坐下先，五點先有野食。

每台有兩個爐，一個鐵板要黎燒肉，另一個就燒貝類。貝類好新鮮，款式都多，有鮑魚、扇貝、帶子、蜆、螺，全部自己現撈現燒，鮑魚一路燒一路仲識郁(emoji)

除左貝類仲有好多野食，有肉類，雞翼好好食，都食左好多隻，仲有好多配料，芝士粟米正到不得了。食埋個公仔面放啲蜆一齊煮，鮮甜勁好食

不過提提大家，如果去食記得食多啲細細粒既蜆，我同家人一致認同細既好鮮甜好好食，又快熟。大大隻果啲好"un"，無咁好食。特別係手板咁大果隻帶子，拎一隻黎影相厄like就夠xd，但食就一般。

呢道唔限時，可以食到飽，每人27,500w，飲品另計，唔想飲野都有冰水任飲。老闆娘都好好人，見到我地自拍就拎左支自拍神棍比我地，話係present。老闆見我地個位曬住又過黎幫我地開冷氣，所以空氣都好流通，坐得好舒服。

我地食左兩個幾鐘，好滿足。七點間野都仲好空，坐埋得唔夠十台人，大部分都係香港人，都有一兩台韓國人。下次再去首爾都一定會再去食，大推！