吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公後先一句說話打沉我....

夫婦情感今日: 1|主題: 42762

收藏本版

發帖

返回列表

跳至頁

查看: 2811 | 回覆: 16

老公後先一句說話打沉我.... [複製鏈接]

lingirl

伯爵府

積分: 19578

醒目開學勳章

1^#

發表於 08-10-29 01:14 |只看該作者 |倒序瀏覽 |打印

湊完囡囡瞓左就在客廳休息下睇電影"小孩不笨2", 而老公就在旁同我一齊睇(他11點半返屋企沖完涼休息下先去瞓), 睇既中途我有感而發同老公講:其實我地生一個夠啦(自己累都係想發下"魯鬆"實情我都想生第2個陪下囡囡一齊玩), 我驚自己無本事湊2個, 我現在湊囡囡都攪到自己好忟+累, 老公話:你話生一個已經頂唔順, 咁我阿媽生4個仔都係咁湊大啦, 而且你全職湊又唔洗你做野, 有幾辛苦呀?! 我聽到佢咁講無言亦唔想再繼續呢個話題, 我唔想同佢辯論邊個辛苦些, 我亦明白老公在外工作有幾辛苦和壓力大, 不過有時老公會忘卻我在家雖然不用工作但要全天侯24小時oncall照顧家中大小事務又何尚唔辛苦呢...
但是當睇到一個情節講男青少年的爸媽睇到個仔在網誌寫爸媽點唔明白佢點罵佢,佢地好自責, 老公呢時候就同我講: 嗱~ 你睇下人地做得幾失敗啦...我聽到佢咁講, 係我諗多左定誤解佢意思, 我覺得佢好似借呢樣話我在家庭做得唔好, 我好嬲咁打左佢大脾一下就走入廁所關門坐低冷靜自己情緒, 不過越諗越嬲, 就踢左廁所d野一下發洩, 老公就開門入來問我: 我淨係講左一句野, 你嬲咩? 我: 就係你呢一句打沉左我為屋企做過既野, 我做得唔好, 你話我, 我做得好, 你都可以話我做得唔夠好, 我做得點好, 你都可以話再可以做好些, 咁我點做都做得無意思, 我現在真係好唔想同你嘈而且亦好夜, 我唔想同你講野....

e+我情緒好灰好唔開心(不過今次我冇喊,可能開始對老公麻木...), 我在無奶奶無媽咪無人幫我手既情況下在囡囡未滿月(陪月未滿月就話唔做)就自己落手落腳湊大囡囡到3yr+打理屋企, 雖然我俾自己成績唔夠滿意, 不過都算不過不失, 老公係未認為我全職湊囡所以以為我在家好舒服唔洗做野呢??!! 不好意思, 打字好長篇, 但寫左出來情緒真係舒服左少少....

0 0 0

私人傳訊

mr/ms@yuenBb

大宅

積分: 3082

好媽媽勳章

2^#

發表於 08-10-29 03:41 |只看該作者

唔緊要啦, 都係好少事姐, 男人係咁嫁啦, 以為自己返工累, 我地咪仲累, 我老公今日仲搞笑啦, 咁佢因為要搬重野, 所以著左鞋向間屋到行, 咁我話要拖地, 因為個女識周圍爬, 要清潔d, 但因為我要煮飯, 我就同佢講要今日要拖地, 點知佢叫我放假先做....但係我係全職主婦, 我幾時有假放呀...??比我咁問一問, 佢本來唔想做, 最後都幫我做左, 不過見佢心情唔多靚都費時同佢講咁多....
d男人成日以為自己好辛苦, 要人地睇量, 要人服侍, 做唔到就係我地女人唔好,
我地d媽媽夠辛苦喇, 年中無休的....咪又係咁過

私人傳訊

新爸媽

別墅

積分: 509

3^#

發表於 08-10-29 04:00 |只看該作者

可能係週期性問題啫..我都係全職..湊兩個..
大既2歲8個月..細既6個月..我間唔使就出
現低落架啦..我諗個原因係一日到黑都只係
圍住屋企既問題..又無乜人同自己講野...
成日都係度講bb話..所以悶到慌..倦到死..

最慘係...點做都好..隻6都唔會appreciate
自己所做既一切...所以覺得無引

唔好嬲...今晚好好地訓一覺..明天食d自己
鍾意食既野..力量就會返黎架啦~~

[ 本文章最後由新爸媽於 08-10-29 04:03 編輯 ]

私人傳訊

wmpl

大宅

積分: 3000

4^#

發表於 08-10-29 07:08 |只看該作者

有時唔需要太抑壓自己,係人都會有好唔開心想發洩嘅時候,不過樓上嗰位媽咪講得啱,女人總係會週期性有情緒低落,但係如果抑壓得太厲害嘅話,哩個週期就會好頻密,咁你同你身邊嘅人都會好辛苦,所以你先至更加要想辦法表達俾你老公聽或發洩出嚟~~

唔好太在意男人講嘅嘢,佢哋好多時訓醒就唔記得,唔係話唔記得就大晒,只係因為人哋一句無心快語,就令到自己好唔開心,而人哋仲係唔知或認為自己冇錯,你話幾唔抵呢?

正確嘅做法係直接同佢講你都知佢係為頭家付出咗好多,但係你都想佢亦都認同你嘅付出,如果你老公可以做到嘅話,你個心就會踏實好多,就唔會咁敏感,唔會再俾佢無謂嘅說話傷害到你!!

私人傳訊

shannnb

水晶宮

積分: 59166

5^#

發表於 08-10-29 07:26 |只看該作者

好少事唔駛俾咁大壓力自己啦!
唔湊bb果d人都會覺得 "車~ 成日係屋企湊仔有幾難姐..."
你試下俾佢湊一日, 你就知其實你好辛苦架喇!!!!

講開, 有個鬼佬節目, 係爸爸/某親友覺得 "車~湊仔有幾難" , 所以節目就會安排媽媽去放假一天, 做下spa, 休息下, 而爸爸/媽媽指定既人就會湊bb,同做晒平時媽媽做既野, 等佢手忙腳亂就知原來湊仔唔易!

諗起都想試下~~

私人傳訊

Sueita

大宅

積分: 3605

好媽媽勳章

6^#

發表於 08-10-29 08:46 |只看該作者

最初我老公同你老公既想法係一樣嫁, 直至最近半我出來工作, 好多時就遲過我老公回家, 咁佢每天就要負責照顧小朋友, 間中星期六及日又要帶佢地去學課外活動。
比佢試過我過往的生活, 才可體會到我地既疲倦, 現在不但沒有埋怨我, 仲覺得我利害添...
你老公未試過佢緊係覺得你日日係屋企又唔使返工咁"炭", 返到屋企就覺得呢樣唔好, 果樣唔夠...你咪當比佢減壓囉, 千祺唔好嘈就冇事喇!

私人傳訊

kkf2210

男爵府

積分: 8948

7^#

發表於 08-10-29 09:10 |只看該作者

我唔係全職媽咪，日間要返工早上6:30出門口,晚上7:15pm返婆婆到食飯+揍囡，10:00pm先返屋企(有時要揍埋囡囡返屋企瞓，返工前帶囡返婆婆屋企)。放假自己揍，揍小朋友真係好攰，而家囡囡(11個月大)仲四圍爬及攪野，試過有1次我病咗，老公要照顧個囡(喂食粥/奶,陪佢玩,推BB車落街行/睇車車)以上照顧C6已經話好攰，仲慘過返工喎，咁我話:好攰!!煮飯及家務已經無叫你做，你都叫攰，咁我呢，放假做到無停手，我都無講過個攰及辛苦.....C6：我而家咪話你勁,話你叻囉,真係世上只有媽媽好呀(對住阿囡講).......

私人傳訊

Joey1983

大宅

積分: 4774

8^#

發表於 08-10-29 09:40 |只看該作者

老公後先一句說話打沉我....

男人未湊過小朋友, 緊係唔知有幾辛苦。我雖然未結婚生子﹐但我讀書時成日幫阿姨湊女﹐我連去廁所都唔放心﹐因為個細路女成日爬來爬去﹐特別鍾意爬窗﹐真係睇少一陣都唔得。小朋友又好鍾意發問﹐不斷咁問問到你答唔到為止﹐真係累死人。不過我都好認同以前d女人真係好叻﹐佢地生幾個都係咁湊﹐真係服左佢地。你老公可能將妳同佢媽咪比﹐但係人比人比死人﹐無論湊一個小朋友又好湊幾個小朋友都好﹐都係好辛苦的。

私人傳訊

fatping

伯爵府

積分: 17097

9^#

發表於 08-10-29 09:43 |只看該作者

原文章由 lingirl 於 08-10-29 01:14 發表
湊完囡囡瞓左就在客廳休息下睇電影"小孩不笨2", 而老公就在旁同我一齊睇(他11點半返屋企沖完涼休息下先去瞓), 睇既中途我有感而發同老公講:其實我地生一個夠啦(自己累都係想發下"魯鬆"實情我都想生第2個陪下囡囡一齊 ...

我有2個小朋友, 我做了3年全職媽咪後今年年頭先出番黎做野, 講真我一d都唔享受全職起屋企湊小朋友, 果3年我情緒跌至低點

, 脾氣大eq低, 我其實一向都唔鍾意小朋友亦唔係好脾氣的人, 係我老公鍾意佢重2想生夠4個, 但當佢發現我呢3年有好大問題, 加上照顧小朋友係要加上金錢的, 雖則話平有平養貴有貴養, 但無可能將自己同小朋友d生活質量降到好低去勉強生多幾個小朋友, 而家連佢都覺吃不消, 而我出來做野後明顯開心好多, 同小朋友關係反而更加好, 因為我除返工外大部份時間都陪佢地, 同陪佢地既心情係好既(因為無對佢地咁多時間所以心態會保持開心d)

我知道媽媽自己湊小朋友係最好, 但真係要睇自己適唔適合, 唔適合真係唔好勉強

[ 本文章最後由 fatping 於 08-10-29 09:45 編輯 ]

私人傳訊

vicky

伯爵府

積分: 17273

熱血金章好媽媽勳章畀面勳章

10^#

發表於 08-10-29 10:01 |只看該作者

可能你老公冇落手落腳幫過你湊細路啩?!
好多時啲男人都係覺做全職家庭主婦好hea,可以同啲師奶行街飲茶/打麻雀,唔駛受氣又睇老細面色...
但我當試過交底個細路比我老公湊一日之後,佢就親身感受倒,原來湊細路真係會身心疲累架!唔比返工輕鬆架

同埋,呢套戲我地兩公婆都有睇過,我老公睇倒想喊,我就喊到豬頭咁

,因為套起講啲嘢好到肉!而且我個仔同戲中大仔差唔多大,又去緊反叛年齡,所以更有共鳴...我地睇完個心都好痛,真係覺得依家要教好一個小朋友真係唔易,係比想像中大人要付出好多好多先可以

[ 本文章最後由 vicky 於 08-10-29 10:24 編輯 ]

私人傳訊

chan803

翡翠宮

積分: 83155

貢獻勳章 BK猜猜猜慶中秋 +5熱血勳章

11^#

發表於 08-10-29 10:09 |只看該作者

原文章由 lingirl 於 08-10-29 01:14 發表
....
但是當睇到一個情節講男青少年的爸媽睇到個仔在網誌寫爸媽點唔明白佢點罵佢,佢地好自責, 老公呢時候就同我講: 嗱~ 你睇下人地做得幾失敗啦...我聽到佢咁講, 係我諗多左定誤解佢意思, 我覺得佢好似借呢樣話我在家庭做得唔好...

就你 highlight o個句, 你係諗多左&誤解佢意思. 我相信你老公係無你所指的意思.

至於你老公用返佢亞媽年代黎比, 講 ge 都係事實, 只係佢無細心考慮到當中的差別, 係唔夠細心姐.

其實你老公放假時有無幫手湊bb?

如果無, 可以試下多 d 叫佢幫手, 放心的話甚至可以試下比佢一個人照顧 bb 一個上午/下午/全日, 等佢體會下照顧 bb 有幾辛苦.

私人傳訊

2on

別墅

積分: 746

12^#

發表於 08-10-29 11:19 |只看該作者

哈哈...

忽然間我唸返起我細個的志願係做家庭主婦...
因為我細個個陣媽咪有一段時間無返工專心照顧我們三兄妹....
我成日都會覺得果我係媽咪就好LA...
唔洗返學...可日日在家中, 得閒同D C9飲吓茶, 買下餸返屋企又一日...
成日都覺得做MUMMY好好...好自由....
到大個左...MUMMY出來工作, 才發現原來佢好多嘢做...
佢返工之後先知...原來MUMMY平日有好多嘢做...
家中大大小小...一直以為係咁...原來MUMMY日日有打理先會咁整齊...

唸返樓主or好多全職ma ma因為先生唔体諒而唔開心....
其實佢地真係唔理解先真...
但ma ma們唔好因為咁而放棄/搞到家嘈屋閉ar....
慢慢來吧...始終先生出去工作佢有佢的辛苦及壓力....
做ma ma的要盡量令到佢返到屋企唔洗再因為家頭細務而煩惱...
大家開心見誠好好傾下....
發哂火先傾只會令事情化大...
兩個都唔會順氣唔會開心....
我現在都有工作在身....
bb出世之後我地都會照樣工作....
唔知將來會唔會因為bb而多左爭吵...
但凡事唸一唸先說話對大家相處都有保障...

私人傳訊

ringoivy

翡翠宮

積分: 76971

13^#

發表於 08-10-29 11:40 |只看該作者

D男人係咁架啦你做得好係5會讚因為佢覺得係應份架嘛

相反有少少5會佢心意就用個放大鏡黎睇, 將你所做既好事通通抺得一乾二淨

化囉

原文章由 lingirl 於 08-10-29 01:14 發表
湊完囡囡瞓左就在客廳休息下睇電影"小孩不笨2", 而老公就在旁同我一齊睇(他11點半返屋企沖完涼休息下先去瞓), 睇既中途我有感而發同老公講:其實我地生一個夠啦(自己累都係想發下"魯鬆"實情我都想生第2個陪下囡囡一齊 ...

私人傳訊

小小太陽

大宅

積分: 2301

14^#

發表於 08-10-29 11:46 |只看該作者

你平時抑鬱既情緒會突然比一句本來冇乜野既說話點著左...

我覺得你老公果句野只不過係純粹批評戲入邊果兩個父母做得唔好, 甚至係提醒大家以後唔好學佢 (個主角都中學啦..你個女先三歲....點會借個主角黎話你做得唔好丫...都冇得比, 況且套戲係話果兩個父母掛住做野唔理自己仔女, 可能你老公係讚你話好彩你肯做full time mother 呢)

或者見下社工啦, 負面情緒真係一個好家庭既殺手