夫婦情感 今日: 18 | 主題: 42680

積分: 830

1^#

發表於 16-5-3 21:15 |只看該作者 |倒序瀏覽 |打印

網上文章成日話「一個富男人有$1000，願意為你花$100；一個窮男人有$100，同樣願意你花$100」你認為邊一個更愛你？

我男人，唔知係咪巨蟹座關係（沒冒犯），初初我覺得佢係「節儉」，係一個好男人，日子耐左，幾年了，越來越覺得佢其實係「自私」

初初一齊時，出街拍拖我會「佢出雞，我出豉油」但後來佢都拒絕我俾錢，話這是男人應該的。去旅行都係，佢主動話要俾晒酒店機票錢，仲會俾埋其他野。
（而我就會額外兌換同酒店機票同等嘅錢，旅行時交通食野玩樂多數我主動俾）

而過時過節，佢會話係奸商賺錢借口，不願意出街食飯，而禮物都只係「中/大學生才會送的」(e.g. 旺中買飾物/手袋仔）
（但我就會送一啲佢鐘意的牌子，全部都在外國訂/託朋友買，慳好多）

但久而久之，有次我電話壞左好耐都仲用緊，唔捨得換新，之後頂唔順就用家裡的半壞舊電話，撞啱情人節，我話唔好再用學生哥先買既野黎送我敷衍我，佢問要咩，我隨口講笑話要iPhone/手袋/現金/金器，佢最後話見我電話壞左就送LG俾我因為只需要三千多元，但我本來壞左果部就係LG，我未有心水電話想要，我笑言話等iPhone 7, 但佢話咁我資助你$3000（大約LG價錢）去換iPhone 6s, 我話咁唔換電話住啦。最後佢都係買左俾我，但就話要當埋係生日禮物！

我話我年年送佢嘅禮物都好多錢，佢竟然話：「平時你食我嘅用我嘅，條數都係番度啦，應該架喎！」

最近旅行韓國4日，我俾晒酒店機票錢，見佢冇話俾番佢果份我，我就話咁你帶錢去兌換啦，起初佢只話帶US$300（只係機票酒店嘅一半）我話就算唔買野都唔夠交通&食&玩樂，咁佢先話帶US$700，出發前佢先俾番佢果份機票酒店錢我，佢問我帶幾多去，我帶已換好嘅韓圜（HK$3000)，當中有HK$2000係我媽，要買野（其實幫買唔使HK$1000野)

誰知道，旅行中，我朋友送手信零食俾我做回禮，都有送佢，佢後話同我拆開share，但沒想到，佢收埋佢自己部分，淨係拆開晒我果啲，分左我一半比佢自己。
第二日被我發現問佢，佢講大話，後來佢承認，仲發火，佢話因為佢覺得自己在呢趟旅行付出多啲，所以佢要分多啲比佢自己！
（其實我較少食零食，佢想要嘅我都可以比晒佢只留件，我只係想知係咩味食過就滿足，估唔到佢咁樣偷雞摸狗咁做，只係為左唔值幾錢嘅零食）

我覺得，這樣有必要嗎？

平時有啲野大家都鐘意時，佢都係分多啲比佢自己，冇諗過我，佢首要滿足左自己先，咁我都算，讓佢，自己愛嘅人開心就好，即使自己有唔開心，點解眼見其他男人都唔係咁，而我又唔係「港女」。

講番呢趟旅行，其實大家付出嘅錢差不多，因為我已準備好韓圜，佢兌換錢前都係用我嘅，就算佢兌換錢都只兌換左US$300, 我身上嘅HK$3000的韓圜最後都用晒⋯⋯
佢以為自己帶左US$700就付出最多而感到不滿（用左都冇一半），而佢以為我只準備HK$1000係for旅行用...
佢一直講自己付出多，但佢冇諗過今次旅行，佢話要去，我上網睇又收工後去旅社逐間詢問，什至勞煩我媽日間特登出去錄卡俾錢&租還wifi蛋，咁呢啲付出又點計？！佢只睇到錢嘅付出！（但佢又會計算自己嘅勞力&時間付出，別人的我的都不計算）

佢人工係我2.5倍，我對侍我愛嘅人從不吝嗇，我有100都願付出90；而佢覺得自拍有$1,000，願付出$100在我身上，佢已經係一個好男人。

佢成日強調自己冇偷食，冇同其他女仔曖昧，又花$100比我，對我已經係好男人。其他男人個個都唔會好似佢咁，回家只打機，放假都冇約朋友，花時間陪我。（其實，我放假又何嘗唔係花時間陪佢？！10次有11次都係去佢屋企，什至同佢媽一齊，幫手買菜買野陪佢去陪佢媽，而家係邊個「花」時間）

我真係冇諗過，佢原來唔係節儉，佢係計較，而且仲好自私自利... 自私到只睇錢為先，只睇到自己嘅付出...

男人，都會係咁的嗎？
巨蟹，係咁的嗎？因為我不是血親？

我而家諗番起佢旅行時講佢不滿佢付出最多既嘴臉，我好反感反胃

0 0 0

私人傳訊

善宜

積分: 10757

2^#

發表於 16-5-3 21:30 |只看該作者

回覆：Mai0207 的帖子

雙方都在計較得失點行落去？

私人傳訊

carryman

大宅

積分: 2457

3^#

發表於 16-5-3 21:33 |只看該作者

引用：網上文章成日話「一個富男人有$1000，願意

原帖由 Mai0207 於 16-05-03 發表
網上文章成日話「一個富男人有$1000，願意為你花$100；一個窮男人有$100，同樣願意你花$100」你認為邊一個 ...

佢都幾cheap

私人傳訊

Bob_Lennon

男爵府

積分: 5168

熱血金章

4^#

發表於 16-5-3 21:45 |只看該作者

Mai0207 發表於 16-5-3 21:15
網上文章成日話「一個富男人有$1000，願意為你花$100；一個窮男人有$100，同樣願意你花$100」你認為邊一個 ...

因為有愛，所以會毫無保留為對方付出一切。但當您開始介意，開始計較時，您們之間的愛也開始變質了……冰封三尺非一日之寒，就係因為所有的小事情變成了今日這種局面。祝願樓主和妳的丈夫可以把問題解決喇！

私人傳訊

積分: 830

5^#

發表於 16-5-3 21:48 |只看該作者

引用：雙方都在計較得失點行落去？

原帖由善宜於 16-05-03 發表
雙方都在計較得失點行落去？

我都唔知點行落去... 佢只想到佢自己...

我一直付出好多（非金錢），感覺我先係男方角色，可能因為咁，佢習慣左我嘅付出，佢就再沒用心對我，沒花心思，連我生日都只係留我在家做平時周末hea在家做嘅野，生日飯沒帶我出去食，竟然叫我在佢屋企食，佢媽煮家常飯。
而佢每年生日，我除左禮物，仲花心思編排活動，每年都留下回憶，講起邊度就諗起那年同佢過生日；而我的生日... 已經分唔出同平時嘅回憶&做過啲咩黎

私人傳訊

Bobo113

積分: 11316

6^#

發表於 16-5-3 21:53 |只看該作者

回覆樓主:

飛得，超計較和自私，攞著数佢就精，尼Ｄ男人發左達都唔會益你及有錢過你手

私人傳訊

積分: 830

7^#

發表於 16-5-3 21:56 |只看該作者

引用：Quote:Mai0207+發表於+16-5-3+21:15+網上文

原帖由 Bob_Lennon 於 16-05-03 發表
因為有愛，所以會毫無保留為對方付出一切。但當您開始介意，開始計較時，您們之間的愛也開始變質了……冰 ...

本來我一直以來都冇計較，由佢講話自己付出最多時，我就心裡很難過... 但佢只量化「付出」為金錢。

私人傳訊

積分: 830

8^#

發表於 16-5-3 21:59 |只看該作者

回覆：Bobo113 的帖子

佢話過... 睇唔起成份糧比晒老婆嘅「老婆奴」，佢話佢一定唔會咁做

點評

wcpcelia

發表於 16-5-4 17:19

私人傳訊

善宜

積分: 10757

9^#

發表於 16-5-3 22:00 |只看該作者

引用：Quote:原帖由善宜於 16-05-03 發表雙方都

原帖由 Mai0207 於 16-05-03 發表
我都唔知點行落去... 佢只想到佢自己...

我一直付出好多（非金錢），感覺我先係男方角色，可能因為咁，佢 ...

咁大家擇偶標準唔同，你要浪漫嘅男友，佢要樂觀嘅女友，佢再咁計較唔浪漫，你會有怨言，你又怨佢咁多野，佢又會覺得你煩，大家都不是對方岩的人，你真係要好好考慮清楚是否行落去到結婚，結婚後困局一定大過依家n倍

私人傳訊

mrschan127

大宅

積分: 1425

10^#

發表於 16-5-3 22:05 |只看該作者

回覆：係自私定節儉？

你真係想清楚，生左小朋友之後點計，計你付出時間，定計佢付出金錢！

私人傳訊

YYKY1585

男爵府

積分: 5200

11^#

發表於 16-5-3 22:10 |只看該作者

回覆：係自私定節儉？

當我膚淺都好啦，其實兩個人一齊下下計到咁盡，我真系睇吾出佢有幾愛你....

私人傳訊

善宜