吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 離婚

單親天地今日: 13|主題: 18355

收藏本版

發帖

返回列表

跳至頁

查看: 2093 | 回覆: 4

離婚 [複製鏈接]

cheukhiuma

洋房

積分: 39

1^#

發表於 04-8-14 19:06 |只看該作者

離婚

有無人可以話我知,離婚後自己要面對什麼?
社工可唔可以幫到我,我要自己面對老公的婚外情無人可以傾訴好辛苦!我知道左佢嘅婚外情,佢直認巳經很久,但再問其他的,他一概唔答.他話唔離婚,但佢好似當無事發生..........依舊...

私人傳訊

士多啤梨

別墅

積分: 908

2^#

發表於 04-8-14 22:23 |只看該作者

Re: 離婚

算啦...人在, 心不在..
佢都認左law..睇你接唔接受得到同人分享一個男人..
你有兒女嗎...?如果有, 盡量將精神時間放在佢地身上..
男人...你自己俾個時間自己law..如果係呢段時間內, 佢肯回心轉意...咪睇下有無機會law..否則, 分開都未必是壞事..
上黎傾下law..或者msn or icq 我傾計law..
唔好唸太多...人心變左..唸都無用.. :cry:

私人傳訊

YYYO

民房

積分: 15

3^#

發表於 04-8-15 00:50 |只看該作者

Re: 離婚

兩年前我同你一樣面對老公的婚外情,佢女友常sent sms & call 佢,佢又常飛去泰國見佢女友,(我唸佢係泰國人),佢全不理我感受,我曾求佢離開佢女友及sent her sms叫佢唔好family day call him,但當然佢地無理我啦,佢講好多傷我心的話,no feeling to make love with me & really love her.佢話要離婚,但又唔搬走,又唔找律師,足足過了半年,我家姐叫佢走,我又打佢,佢先至搬走,後來我找律師辦理離婚手續,仔仔跟我,律師費都糸我出,現在唸起都覺自己蠢,求佢做物,現在最重要是仔仔聽話及健康快樂,離婚不可怕, 只要凡事向前看

:pint:

私人傳訊

Peanuts

男爵府

積分: 9084

父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018父親節勳章 2018母親節勳章 2018復活節勳章 15週年勳章親子王國15週年勳章熱血勳章畀面勳章 BK Milk勳章 Xmas吸收勳章開心吸收勳章

4^#

發表於 04-8-16 14:10 |只看該作者

Re: 離婚

離婚後自己要面對什麼? 要面對經濟o既壓力, 自己o既情緒, 教養孩子o既壓力! 至於社工幫唔幫到, 睇你想要d乜, 齋傾計一定得, 但唔好期望佢俾到d乜野實質意見或者幫助你, 因為最終都係要自己決定點行同埋面對, 以我自己o既經歷, 社工會幫左d有精神病呀, 自殺過呀果d人先, 好似我咁重未崩潰o既佢會叫你自己去問去攪, 例如佢話俾我聽攪離婚可以去申請法援(我夠知啦!), 我俾銀行收樓佢叫我搵屋搬然後可去房署申請公屋(照正常排隊), 果時我連搬屋o既錢都冇呀! 最後咪又係自己攪掂(問人借$), 我唔知其他人係點, 可能我唔好彩撞著個冇咁落力o既社工啦!

當年我一樣係自己面對個賤人o既婚外情, 一開始o既時候係佢自己同我講識左個大陸妹, 果時我個大女得3歲, 肚入面2個月身孕, 我以為佢同我講係想我原諒佢, 點知唔係, 而係佢講左之後可以明正言順唔番黎'目訓', 果時我唔知點算, 佢話叫我俾d時間佢, 佢會番番我身邊, 我為左個女同肚入面o既bb, 我忍佢, 果時我冇講俾屋企人知因為我以為佢會番黎, 到個肚大約4個月時, 佢叫我落左個bb, 由果一刻開始我死心, 咁o既野都講得出, 我重可以有什麼期望?! 之後過左一段行屍走肉的日子(老實講, 你問我我真係唔記得係點渡過), 之後一切o既野都o係我預計之中, 由開頭星期六日唔番, 到一星期番黎2,3日, 到間唔中番黎, 家用由有到間唔中有到完全冇..........果時反而冇乜感覺, 唔會再好似俾火燒, 坐立不安, '目訓'唔安食唔落, 日日以淚洗面..........不過取而代之o既感覺係嬲, 不過咁樣反而令我企起身, 從新做人, 我唔會俾佢睇死, 唔會冇左佢唔得! 而且我重有2個女需要我照顧

而家我大女8歲細女4歲啦, 所以俾d信心自己, 我得你都得

私人傳訊

YYYO

民房

積分: 15

5^#

發表於 04-8-18 23:20 |只看該作者

Re: 離婚

D男人真係賤!那時仔仔老豆直認佢有女人,仲同我講甘又點呀,我無當過你係我老婆,結婚証書係張紙,你只係仔仔亞媽,我唔係去滾,我只係戀愛,你忍唔到咪走羅,仔仔同層樓都係佢,佢話佢女友好喜歡小孩,仔仔要跟佢.

D賤男人真係唔怕比雷打? 佢地個心去咗邊?,幾百蚊個髮夾可以買比佢女友,仔仔病都無比錢看醫生.

好彩仔仔現在同我一齊,現在我同仔仔都開心,社工話我己以經好返曬,遲D我曾去讀英文.我曾好珍惜同仔仔一齊